The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] The wrd that is do to Jeremye, and to alle the Jewis, that dwellen [dwelleden E pr. m.] in the lond of Egipt, dwellende in Magdalo, and in Tannys, and in Memphis, and in the [verse 2] lond of Fatures, seiende, These thingus seith the Lord of ostus, God of Irael, Ȝee han seen al thys euel, that Y haue [ha K.] broȝt vp on Jerusalem, and vp on alle the cites [men E pr. m.]
of Juda; and lo! thei ben desert to dai, [verse 3] and ther is not in hem a dwellere; for the malice that thei diden, that me to wrathe thei shulde terre, and gon, and sacrifien, and herien alien godus, that thei knewe not, and ȝee, `and thei [Om. AGHK.] , and ȝoure fadris. [verse 4] And Y sente to ȝou alle my ser|uauns and profetus, fro nyȝt risende [I risende E sec. m. AK.] , and sendende, and seiende, Wileth not do the wrd of this maner abhominacioun. [verse 5] And thei herden not, ne boweden in ther ere, that thei were conuertid fro ther eueles, and sacrifieden not to alien godis. [verse 6] And ȝot [ȝoten E.] out is myn indignacioun and wod|nesse, and tend vp it is in the cytes of Juda, and in the stretus of Jerusalem; and turned thei ben in to wildernesse, and wastite, after this day. [verse 7] And now these thingus seith the Lord of ostus, God of Irael, Whi do ȝee [Om. E pr. m.] this grete euel aȝen ȝoure soulus, that die of ȝou man and womman, litil child and soukende, fro the myddel of Jude, ne be laft to ȝou [verse 8] any thing residue, terrende me in the werkes of ȝoure hondus, in sacrifiende to aliene godus in the lond of Egipt, in to whiche ȝee ben come, that ȝee dwelle there, and pershe, and be in to cursing, and in to repref to alle Jentilis of erthe? [verse 9] Whether ȝee han forȝete the euelis of ȝoure fadris, and the euelis of the kingus of Juda, and the euelis of the [Om. A.] wyues of hem, and ȝoure eueles, and the euelys of ȝoure wyues, that thei diden in the lond of Juda, and in the regiouns of Jerusa|lem? [verse 10] Thei ben not clensid vnto [in to A.] this day, and thei dredde not, and wente not in the lawe of the Lord, and in myn hestus, that Y ȝaf bifor ȝou, and bifor ȝoure fadris. [verse 11] Therfore these thingus seith the Lord of ostus, God of Irael, Lo! Y shal sette my face in ȝou in to euel, [verse 12] and destroȝen al Juda, and take the rem|nauns of Juda, that setteden ther faces, that thei shulden go in to the lond of Egipt, and dwelle there; and thei shul
be wastid alle in the lond of Egipt, `and thei shul falle in swerd [Om. E pr. m.] , and in hunger shul [Om. E pr. m.] be wastid, fro the leste `vn to [to AGHK.] the meste, in swerd and in hunger thei shul die, and thei shul be in to `riȝt of swer|ing [swering of riȝt AC sec. m E sec. m. of riȝt swering GH.] , and in to myracle, and in to cursing, and in to repref. [verse 13] And Y shal visite vp on the dwelleres of the lond of Egipt, as Y visitede vp on Jerusalem, in swerd, and hunger, and pestilence. [verse 14] And ther shal not be that scape, and be the residue of the remnaunt of Jewis, that gon that thei pilgrimage in the lond of Egipt, and be turned aȝeen to the lond of Juda, to whiche thei reren vp ther soules, that thei be turned aȝeen, and dwelle there; thei shul not be turned aȝeen thidur, no [Om. C pr. m. E pr. m.] but thei that floun. [verse 15] Answerende [Answerden E.] for|sothe to Jeremye alle the [Om. C.] men, witende that ther [thei shulde E pr. vice.] wyues shulden sacrifien to alien godus, and alle the wymmen, of whiche stod a gret multitude, and al the puple of dwelleris in the lond of Egipt, in Fa|tures, [verse 16] seiende, The wrd that thou speeke to vs in the name of the Lord oure God, [verse 17] wee shul not heren of thee, but doende wee shul do eche word that `shal gon [goth E pr. m.] oute of oure mouth, that wee sacrifie to the queen of heuene, and offre to hir sacrifise of licoures, as diden wee, and oure fadris, oure [and our AGHK.] kingus, and oure princes, in the cheef cites [cite K.] of Juda, and in the stretus of Jerusalem; and we weren ful|fild with loeves, and wel it was to vs, and euel wee seȝen not. [verse 18] Fro that forsothe tyme, that wee ceseden to sacrifien to the queen of heuene, and to offre to hir sa|crifises of licoures, wee nededen alle thingus, and with swerd and hunger wee ben wastid. [verse 19] That [Om. C pr. m.] if wee sacrifien to [not to E pr. m.] the queen of heuene, and offre to hir sacrifises of licoures, whether withoute oure men [husbondis E sec. m. AGHK.] wee shul do to hir plesaunt cakes, `for to herie [to ben heried C pr. m. E pr. m.] hir, and sacrifises of licoures to ben offred? [verse 20] And Jeremye
seide to al the puple, aȝen [and aȝen E pr. m.] the men, and aȝen the wymmen, and aȝen al the folc, that answereden to hym the wrd, seiende, [verse 21] Whether not the sacrifise that ȝee sacri|fieden in the cites of Juda, and in the stretus of Jerusalem, ȝee, and ȝoure fadris, ȝoure [and ȝoure C.] kingus, and ȝoure princes, and the puple of the lond, of these thingus re|cordide the Lord, and it steȝede vp vpon [verse 22] his herte; and the Lord myȝte no mor bern, for the malice [malices A.] of ȝoure studies, and for the abhomynaciouns that ȝee diden? And don is ȝoure lond in to desolacioun, and in to stoneing, and in to cursing, for thi that ther is not a dwellere, as ys this dai. [verse 23] Therfore `for [for that K.] ȝee sacrifieden [that ȝee shulde sacrifie E pr. m.] to maumetus, and synneden [synne E pr. m.] to the Lord, and ȝee herden not the vois of the Lord, and in the lawe, and hestus, and in his witnesses [witnessyngis A.] ȝee han [Om. E pr. m.] not gon, therfore camen to ȝou these eueles, as is this dai. [verse 24] Jeremye forsothe seide to al the puple, and to alle the wymmen, Hereth the wrd of the Lord, al Juda, that ben in the lond of Egipt. [verse 25] These thingus seith the Lord of ostus, God of Irael, seiende, Ȝee and ȝoure wyues speeken with ȝoure mouth, and with ȝoure hondus fulfilden, seiende, Do wee oure vouwis that wee vouweden, that wee sacrifie to the quen of heuene, and offre to hir sacryfises of licoures; ȝee han fulfild ȝoure vouwis, and in werc ȝee han do them. [verse 26] Therfore hereth the wrd of the Lord, al Juda, that dwellen in the lond of Egipt; Lo! Y swor in my gret name, seith the Lord, for no mor shal be clepid my name of the mouth of eche man Jew, seiende, The Lord God lyueth, in the lond of Egipt. [verse 27] Lo! Y shal waken vp on hem in to euel, and not in to good; and to-wastid shul ben alle the men of Juda, that ben in the lond of Egipt, with swerd and hungur, to the tyme that fulli thei ben wastid. [verse 28] And they [Om. E pr. m.] that shul flee swerd, shul turne aȝeen fro the lond of Egipt in to the lond
of Juda, fewe men; and wite shul al the remnaunt of Juda, of the men goende in to the lond of Egipt, that thei dwelle there, whos sermoun be fulfild, myn or theris. [verse 29] And this to ȝou a tocne, seith the Lord, that Y visite vp on ȝou in this place, that ȝee wite, for verrely shul be fulfild my wrdus aȝen ȝou in to euel. [verse 30] These thingus seith the Lord, Lo! Y shal take Farao, king of Egipt, in the hond of his enemys, and in the hond of men sechende the soule of hym, as Y toc Sede|chie, king of Juda, in the hond of Nabu|godonosor, king of Babiloyne, his enemy, and sechende his soule [soule, or lijf AGHK. soule, or his lyf E sec. m.] .