alle the men fiȝteres floun [thei flowen A.] , and wenten out the nyȝt fro the cite, bi the weie of the gardyn of the king, and bi the ȝate that was betwe [betwen celeri passim.] two wallis; and thei wenten out to [bi CE pr. m.] the weie of desert. [verse 5] For|sothe pursuede them the ost of Caldeis, and toke Sedechye in the feld of wilder|nesse of the kuntre of Jerichon; and taken thei broȝten to Nabugodonosor, king of Babiloyne, in to Reblatha, that is in the lond of Emath; and he spac to hym domes. [verse 6] And the king of Babiloyne sloȝ the sonus of Sedechie in Reblatha, in his eȝen; and alle the noble men of Juda sloȝ the king of Babiloyne. [verse 7] Also the eȝen of Sedechie he pullide out, and bond hym in gyues, that he shulde be ladde in to Babiloyne. [verse 8] The hous also of the king and the hous of the comun brenden vp the Caldeis with fyr, and the wal of Jerusalem thei turneden vpso|doun. [verse 9] And the remnaunt of the puple, that abiden in the cite, and the ferr floun, that hadden ouerfloun to hym, and the wast of the comun, that hadde abiden, Nabusardan, maister of knyȝtes, translat|ede in to Babiloyne. [verse 10] And of the folc of pore men, that no thing vnnethe hadde, Nabusardan, the maister of knyȝtus, lafte in the lond of Juda, and ȝaf to them vynes [vyne ȝerdis E sec. m.] and cesternes in that dai. [verse 11] For|sothe Nabugodonosor, king of Babiloyne, of Jeremye hadde comaundid to Nabu|sardan, maister of the chyalrie, seiende, [verse 12] Tac hym, and put vp on hym thin eȝen, and no thing of euel to hym do thou; but as he shal wiln, so do thou to hym. [verse 13] Sente thanne Nabusardan, prince of the chyualrie, and Lesban, and Rapsaces, and Meregel, and Seresel, and Rebynag, and alle the beste of the king of Babiloyne, [verse 14] senten, and toke Jeremye fro the ves|tiarie of the prisoun, and token hym to Godolie, sone of Aicham, sone of Safan, that he shulde gon in to the hous, and dwelle in the puple. [verse 15] To Jeremye for|sothe
