The Holy Bible, containing the Old and New Testaments, with the Apocryphal books,

[Here begynneth the boke of Jeremye, the prophete [From AGH. No initial rubric in CEK.] .] CAP. I.

[verse 1] THE wrdis of Jeremye, sone of Elchie, of the prestus that weren in Anathot, in the lond of Beniamyn. [verse 2] That maad is the wrd of the Lord to hym in the daȝes of Josie, sone of Amon, king of Juda, in the threttenthe ȝer of his regne. [verse 3] And don it is in the daȝes of Joachym, sone of Josie, king of Juda, vn to the ful ending of the elleuenthe ȝer of Sedechie, sone of Josie, king of Juda, vnto the transmygracioun of Jerusalem, in the fifte monyth. [verse 4] And don is the wrd of the Lord to me, seiende, [verse 5] Bifor that I foormede thee in the wombe, Y knew thee; and er thou wentest out of the priue wombe, I halowede thee [Om. E pr. m.] ; and a [I a E pr. m.] profete in folkis of kinde I ȝaf thee. [verse 6] And I seide, A! A! A! Lord God, lo! I kan not speke, for a child I am. [verse 7] And the Lord seyde to me, Wile thou not seyn, for a child I am; for to alle thingus that I shal sende thee, thou shalt go, and alle thingis, what euere I shal sende to thee, thou shalt speke. [verse 8] Ne drede thou fro the face of them, for I am with thee, that I delyuere thee, seith the Lord. [verse 9] And the Lord sente his hond, and touchide my mouth; and the Lord seide to me, Lo! I haue ȝoue [ȝyuen vel ȝyue E pass.] my wrdis in thi mouth; [verse 10] lo! I haue set thee to dai vp on folkis of kinde, and vp on reumes, that thou pulle vp, and destroȝe, and [Om. E pr. m.] springe abrod, and waste [scatere E pr. m.] , and bilde vp, and plaunte. [verse 11] And don is the wrd of the Lord to me, seiende, What seest thou, Jeremye? And Y seide, A wakende ȝerde I see. [verse 12] And the Lord seide to me, Wel thou hast seen, for I shal waken vp on my wrd, that I do it. [verse 13] And don is the wrd of the Lord the secounde tyme [Om. C pr. m. E pr. m.] to me, seiende, What seest thou? And I seide, A pot tend vp

I see, and his face fro the face of the north. [verse 14] And the Lord seide to me, Fro the north shal be schewid [opened E pr. m. straȝt out C pr. m. E sec. m. marg. schewid E tert. m.] euel [al yuel AHK. alle euel C et E pr. m. G.] vp on alle the [Om. AEGHK.] dwelleris of erthe. [verse 15] For lo! I shal clepe togidere alle the kinredis of the rewmes of the north, seith the Lord, and thei shul come, and setten eche his see in the [Om. K pr. m.] entre of the ȝatis of Jerusalem, and vp on alle his wallis in enuyroun, and vp on alle the chef cites of Juda. [verse 16] And I shal speke my [thi E pr. m.] domes with hem vp on al the malice of hem, that forsoke me, and offreden to aliene goddis, and honoureden the werc of ther hondis. [verse 17] Thou thanne gird vp thi leendis, and ris, and spec to them alle thingus that I comaunde to thee; ne be thou aferd fro the face of them, ne forsothe Y shal make thee to dreden the chere of them. [verse 18] Y for|sothe haue ȝoue [ȝyue E.] thee to dai in to a strengthid cite, and in to an irene pilere, and in to a brasen wal, vp on al erthe, to the kingus of Juda, and to his princes, and to his prestes, and to al the puple of the lond. [verse 19] And thei shul fiȝte aȝen thee, and not [no E pr. m.] han the maistri; for I with thee am, seith the Lord, that I delyuere thee.