The Holy Bible, containing the Old and New Testaments, with the Apocryphal books,

CAP. XXXIV.

[verse 1] The wrd that is do to Jeremye of the Lord, whan Nabugodonosor, king of Ba|biloyne, and al his ost, and alle reumus of the [Om. AEGH.] erthe, that weren vnder the power of the hond of hym, and alle puples foȝten aȝen Jerusalem, and aȝen [Om. K.] alle his cites, [verse 2] seiende, These thingus seith the Lord God of Irael, Go, and spec to Sedechie, king of Juda; and thou shalt sey to hym, These thingus seith the Lord, Lo! Y shal take this cyte in the hond of the king of Babiloyne, and he shal brenne it vp with fyr. [verse 3] And thou shalt not [no E pr. m.] scape fro his hond, but with taking thou shalt be take, and in his hond thou shalt be take; and thin eȝen the eȝen of the king of Babi|loyne shuln see, and his mouth with thi mouth shal speke, and Babiloyne thou shalt go in. [verse 4] Nerthelatere [Neuer the later ceteri passim.] here the wrd of the Lord, thou, Sedechie, king of Juda, These thingus seith the Lord to thee, [verse 5] Thou shalt not die in swerd, but in pes thou shalt die, and aftir the brennyngus of thi fadris rathere kingus that weren bifor thee, so thei shal brenne togidere [aboute E pr. m.] thee, and with Wo! lord, thei shul weile thee; for the wrd Y spac, seith the Lord. [verse 6] And Jeremye, the profete, spac to Sede|chie, king of Juda, alle these wrdus in Jerusalem. [verse 7] And the ost of the king of Babiloyne faȝt aȝen Jerusalem, and aȝen alle the cites of Jude, that weren laft; aȝen Lachis, and aȝen Azecha; these for|sothe laften ouer of the cites of Jude

strengthid cites. [verse 8] The wrd that is do to Jeremye fro the Lord, aftir that king Sedechie smot pes couenaunt with al the [verse 9] puple in Jerusalem, prechende that eche shulde leuen his thral, and eche his thral womman, Ebru man and Ebru womman free, and not lordshipen to them, that is, in Jew, and in his brother. [verse 10] Herden ther|fore alle the princes and al the puple, that wenten in couenaunt, that thei shulden leue eche his thral, and eche his thral womman free, and no more thei shulden lordshipen to them; herden thanne thei, [verse 11] and laften; and ben turned theraftir, and drowen aȝeen thrallis, and ther thrallessis, that thei hadden laft free, and vnderȝok|eden in to seruauns, and in to wymmen seruauns. [verse 12] And don is the wrd of the Lord to Jeremye fro the Lord, seiende, [verse 13] These thingus seith the Lord God of Irael, I smot pes couenaunt with ȝoure fadris, in the dai that Y ladde them out fro the lond of Egipt, fro the hous of [verse 14] thraldam, seiende, Whan shul be fulfild seuene ȝer, lefe eche his Ebru brother, that is sold to hym, and he shal serue to hym sixe ȝer, and thou shalt lefe hym fro thee free; and herden not ȝoure fa|dris me, ne boweden in ther ere. [verse 15] And ȝee ben turned to day, and diden that is riȝt in myne eȝen, that ȝee shulden preche eche fredam to his frend, and wenten in couenaunt in my siȝt, in the hous in whiche is inwardly clepid my name vp on it. [verse 16] And ȝee ben turned aȝeen, and defouleden my name, and ȝee han broȝt aȝeen eche his thral, and eche his thrall|esse, the whiche ȝee hadden laft, that thei were free, and of ther power; and ȝee han vnderȝokid hem, that thei ben to ȝou thralles and thrallesses. [verse 17] Therfore these thingus seith the Lord, Ȝee han not herd me, that ȝee shulden preche free|dam, eche to his brother, and eche to his frend; lo! Y preche [shal preche E pr. m.] to ȝou freedam, seith the Lord, and to swerd and to hunger

and to pestilence I shal ȝyue ȝou, in to quauyng [quakynge AK.] to alle rewmus of erthe. [verse 18] And Y shal ȝyue the men, that breeke my pes couenaunt, and kepten not the wrdus of the pes couenaunt, to whiche thei ben assentid in my siȝt, a calf that thei to|heewen [Om. AG pr. m. H.] [verse 19] in to two parties; and passeden bitwen [betwix A.] his deuyseouns the princes of Juda, and the princes of Jerusalem, and geldingus [geldyng K.] , and prestus, and al the puple of the lond, that [Om. E pr. m.] passeden bitwene [betwix A. betwe C pr. m. E.] the [verse 20] deuyseouns of the calf; and Y shal ȝyue them in to the hond of ther enemys, and in to the hond of men sechende ther lif; and shal ben the deth smyting of hem in to mete to the foulis of heuene, and to the bestus of erthe. [verse 21] And Sedechie, king of Juda, and his princes Y shal ȝyue in to the hond of ther enemys, and in to the hond of men sechende ther lif, and in to the hond of the ostus of the king of Babiloyne, that wenten awei fro ȝou. [verse 22] Lo! Y comaunde, seith the Lord, and Y shal bringe them aȝeen [Om. A.] to [in to AEGHK.] this cite [Om. E pr. m.] ; and thei shul fiȝten aȝen it, and taken it, and brenne it vp with fyr; and the cites of Juda Y shal ȝyue in to wildernesse, for thi that ther is not a dwellere.