The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] And don is the wrd of the Lord to Jeremye, the secounde tyme, whan ȝit he was closid in the porche of the prisoun, [verse 2] seiende, These thingys seith the Lord, that is to make and to foorme it, and to [verse 3] greithe, Lord the name of hym; Crie to me, and Y shal ful out here thee, and Y shal telle to thee grete thingus, and faste, that thou wost not. [verse 4] For these
thingus seith the Lord God of Irael to the houses of this cite, and to the houses of the king of Juda, that ben destroȝed, and to the [Om. K.] strengthingus, and to the [verse 5] swerd of men comende, that thei fiȝte with the Caldeis, and fulfille hem [Om. C.] with the careynes of men, the whiche Y smot in my wodnesse, and in myn indignacioun; and Y hidde my face fro this cite, for alle the malice of hem. [verse 6] Lo! `Y shal close aȝeen [I shal don awei I shal setten aȝeen E pr. m.] to them the wounde and helthe, and helen hem; and Y shal opene to them the lowely [lowe A.] preȝyng of pes, and of [verse 7] treuthe; and turne the turnyng of Juda, and turne the turnyng of Jerusalem, and Y shal bilde vp hem, as fro the bigyn|nyng. [verse 8] And Y shal clense out hem fro ther wickednesse [wickenesse E.] , in whiche thei syn|neden to me, and mercifull Y shal be to alle the wickenesses [wickidnessis AGHK.] of hem, in whiche thei `trespasiden to [forsoken C pr. m. E pr. m.] me, and dispisiden me. [verse 9] And it shal be to me in to name, and in to ioȝe, and in to preising, and in to ful out ioȝing, to alle Jentiles of erthe, that herden alle goodis that Y am to do to them; and thei shuln inwardly dreden, and ben disturbid in alle goodus, and in alle pes, that Y shal do to them. [verse 10] These thingus seith the Lord, Ȝit shal ben herd in this place, whom ȝee seyn to be de|sert, for thi that ther is not a man ne beste in the cites of Juda, and withoute|forth Jerusalem, that ben desolat with|oute man, and withoute dwellere, and [verse 11] withoute beste, vois of ioȝe, and vois of gladnesse, vois of man spouse, and vois of womman spouse, vois of men, seiende, Knoulecheth to the Lord of ostus, for good [good is A.] the Lord, for withoute ende his mercy, and of men berende vouwis in to the hous of the Lord; forsothe Y shal bringe aȝeen the turnyng of the lond, as fro the bigynnyng, seith the Lord. [verse 12] These thingus seith the Lord of ostus, Ȝit shal be in this desert place, withoute man
and withoute beste, and in alle his cites, a dwelling place of shepperdus, of lig|gende [lyynge E pr. m. liggynge E sec. m. AG.] flockus. [verse 13] And in the mountewous [mounteynous AG. mountuous E. mounteyns H.] cites, and in the feldi cites, and in the cites that at the south ben, and in the lond of Beniamyn, and in the cumpas of Jerusalem, and in the cites of Juda, ȝit shul passe flockes, at the hond of the noumbrere [noum|bred AGHK.] , seith the Lord. [verse 14] Lo! daȝes comen, seith the Lord, and Y shal rere a good wrd, that Y spac to the hous of Irael, and to [Om. A.] the hous of Juda. [verse 15] In tho daȝes, and in that tyme, to buriowne Y shall make Dauid, a buriownyng of riȝt|wisnesse; and he shal do dom and riȝt|wisnesse in the lond. [verse 16] In tho daȝes shal be saued Juda, and Irael shal dwelle trostili; and this is the name that they shul clepen hym, The Lord oure riȝtwis. [verse 17] For these thingus seith the Lord, Dien shal not of Dauid a man, that sit [sitteth A.] vp on [verse 18] the trone of the hous of Irael; and of the prestus and Leuytus shal not die a man fro my face, that offreth [offre AEGH.] brent sacri|fices, and brenne sacrifise, and sle victorie [a victorie A.] sacrifise alle daȝes. [verse 19] And don is the wrd [verse 20] of the Lord to Jeremye, seiende, These thingus seith the Lord, Yf voide mai be [verse 21] mad my couenaunt with [bi E pr. m.] dai, and my couenaunt with nyȝt, that [and A.] ther be not dai and nyȝt in his tyme; and my coue|naunt voide shal moun be with Dauid, my seruaunt, that ther be not of hym a sone, that regne in his trone, and Leuytus, [verse 22] and prestus, my seruauns; as noumbred out moun not be the sterres of heuene, and mesured the grauel of the se, so Y shal multeplie the sed of Dauid, my ser|uaunt, and Leuytus, my seruauntys. [verse 23] And don is the wrd of the Lord to Jeremye, [verse 24] Whether thou [I E pr. m.] haue [hast AGHK.] not seen, that this puple spac, seyende, Two kinredus that the Lord hadde chose, ben cast awei, and my puple thei dispiseden, for thi that ther is no more a folc of kinde biforn hem.
[verse 25] These thingus seith the Lord, If my coue|naunt betwe [betwen AEGHK.] dai and nyȝt, and lawes to [verse 26] heuene and erthe Y sette not; forsothe and the sed of Jacob and of Dauid, my seruaunt, Y shal throwe aferr, that Y take not of his sed princes, of the sed of Abra|ham, Isaac, and of Jacob; I shal bringe forsothe [forthe AG pr. m. H.] aȝeen the turnyng of hem, and han [ha K.] mercy to them.