The Holy Bible, containing the Old and New Testaments, with the Apocryphal books,

CAP. XXXII.

[verse 1] The wrd that is do to Jeremye fro the Lord, in the tenthe ȝer of Sedechie, king of Juda; it is the eiȝtetenthe ȝer of Nabu|godonosor. [verse 2] Thanne the ost of the king of Babiloyne besegede Jerusalem; and Jeremye, the profete, was closid in the porche of the prisoun, that was in the hous of the king of Juda. [verse 3] Closed hadde forsothe hym Sedechye, king of Juda, seiende, Whi profeciest thou, seiende, These thingus seith the Lord, Lo! Y shal ȝyuen [take E pr. m.] this cite in to [Om. E pr. m.] the hond of the king of Babiloyne, and he shal taken [verse 4] it; and Sedechie, king of Juda, shal not scape fro the hond of Caldeis, but he shal be taken in the hond of the king of Ba|biloyne; and speken shal his mouth with the mouth of hym, and his eȝen the eȝen [verse 5] of hym shul seen; and in to Babiloyne

he shal lede Sedechie, and there he shal be, to the tyme Y [that I GHK.] visite hym, seith the Lord; yf forsothe ȝee shul fiȝte aȝen the Caldeis, no thing welsum ȝee shuln han? [verse 6] And Jeremye seide, Don is the wrd of [verse 7] the Lord to me, seiende, Lo! Ananeel, the sone of Sellum, thin `emys sone [vnclene sone A. vncle sone GHK. em E pr. m. emes sone E sec. m.] , shal come to thee, seiende, Bye to thee my feld, that is in Anathoth; to thee for|sothe falleth of nyȝ kinrede, that thou bie it. [verse 8] And cam to me Ananeel, the sone of myn em [vnclene A pr. m. vncle GHK.] , after the wrd of the Lord, to the porche [vestiarie E pr. m.] of the prisoun, and he seith to me, Weld my feld, that is in Anatot, in the lond of Beniamyn; for to thee fallith the eritage, and thou art the neer kin, that thou welde. Y vnderstood for|sothe, that it was the wrd of the Lord. [verse 9] And Y boȝte the feld of Ananeel, the sone of myn em [vnclene A pr. m. vncle GHK.] , that is in Anatot. And Y peisede to hym siluer, seuene halue [verse 10] ounces, and ten siluerne platys; and wrot in the boc, and selede, and toc witnesses. [verse 11] And Y peisede seluer in a balaunce; and Y toc the boc of the possessioun selid, and the behestus to the askingus, and the fermed thingus, and the tocnes withoute|forth. [verse 12] And Y ȝaf the boc of the posses|sioun to Baruch, the sone of Nery, sone of Maasie, in the eȝen of Ananeel, myn `emys sone [vnclene sone A pr. m. vncle sone GHK.] , and in the eȝen of wytnesses that weren writen in the boc of the [Om. AEGHK.] biyng, in [and in AGHK.] the eȝen of alle Jewis, that seeten in the porche of the prisoun. [verse 13] And Y comaundide to Baruch befor them, sei|ende, [verse 14] These thingus seith the Lord of ostis, God of Irael, Tac these bokis, this seled boc of biyng, and this boc that is opened, and put them in a britel vessel, that abide stille thei moun manye daȝes. [verse 15] These thingus [Om. E pr. m.] forsothe seith the Lord of ostus, God of Irael, Ȝit weldid shul be houses, and feldus, and vyneȝerdis [vynes C pr. m. E pr. m. AGHK.] , in this lond. [verse 16] And Y preȝede to the Lord, aftir that Y hadde take the boc of possessioun to

[verse 17] Baruch, the sone of Neery, seiende, Allas! allas! allas! Lord God, lo [and lo! C.] ! thou madest heuene and erthe in thi [the C.] grete strengthe, and in thi straȝt out arm; shal [and shal E pr. m.] not be to thee hard eche [verse 18] wrd; that dost mercy in thousendus, and [Om. E pr. m.] ȝeldist wickenesse [wickidnes AK. wickidnessis GH.] of faders in to the bosum of the sonus aftir hem. O [of E pr. m.] ! thou most strong, gret, `and myȝty [power E pr. m.] , Lord [verse 19] of ostus name to thee; gret in counseil, and incomprehensible in thenking, whos eȝen ben opened vp on alle the weies of the sonus of Adam, that thou ȝelde to eche after his [ther E pr. m.] weies, and after the frute [verse 20] of his fyndingus; that [thou AGHK.] settedest tocnes and wnders in the lond of Egipt, vn to this dai, and in Irael and in men; and thou madist to thee a name, as is this day. [verse 21] And thou laddest out thi puple Irael fro the lond of Egipt, in tocnes and in wndris, and in stalwrthe hond, and in straȝt oute arme, and in gret ferd; [verse 22] and ȝeue to them this lond, that thou swore to ther faders, that thou shuldist ȝyue to them, the lond flowende mylc and hony. [verse 23] And thei wenten in, and weldeden it; and obesheden not to thi vois, and in thi lawe ȝiden not; alle thingus that thou comaundedest to them, that they shulde do, thei diden not; and ther camen to them alle these eueles. [verse 24] Lo! strengthingus [strengthus GH.] ben mad out aȝen this cite [Om. C.] , that it be take, and the [this E pr. m.] cyte is ȝouen [ȝyuen E pass.] in to the hondus of Caldeis, and in to the hondus of the king of Babi|loyne, that fiȝten aȝen it, fro the face of the swerd, and of hunger, and of pesti|lence; and what euere thingus thou speeke, thei fellen, as thiself biholdist. [verse 25] And thou seidist [seist AEGHK.] to me, Lord God, Bie thou [Om. E pr. m.] the feeld with syluer, and tac witnesses, whan the cheef cite is ȝouen in the hond [hoondis A.] of Caldeis. [verse 26] And don ys the wrd [verse 27] of the Lord to Jeremye, seiende, Lo! Y the Lord God of alle flesh. Whether to

mee hard shal ben eche wrd? [verse 28] Therfore these thingus seith the Lord, Lo! Y shal take this cite in to the hondus of Caldeis, and in the hond of the king of Babi|loyne, [verse 29] and they shul taken it. And come shul Caldeis fiȝtende aȝen this cite, and thei shul teende it vp with fyr, and brenne it, and the houses, in whos rooues thei sacrifieden to Baal, and offreden to alien godis sacrifises of licoures, to [and to A.] terre me [men K.] . [verse 30] Weren forsothe the sonus of Irael and the sonus of Juda contynueli doende euel in myn eȝen, fro ther waxe [waxynge AK.] ȝouthe, the sonus of Irael that [Om. AGHK.] vnto [in to GH.] now sharp|eden out me in the werkes of ther hondus, seith the Lord. [verse 31] For in wodnes and in myn indignacioun mad is to me this cyte, fro the dai that thei bilden it vp, `in to [vn to AGH.] this day, `in whiche [that E pr. m.] it shal be [verse 32] don awei fro my siȝt; for the malice of the sonus of Irael, and of the sonus of Juda, that thei diden, to wrathe me ter|rende, thei, and ther kingus, ther princes, and prestes, and ther profetus, men of Juda, and dwelleris of Jerusalem. [verse 33] And thei turneden to [fro E pr. m.] me backes, and not faces, whan Y shulde teche them the morutid, and lernen; and thei wolden not heren, that thei shulden take disciplyne. [verse 34] And thei setteden ther mawmetes `in to [in K.] the hous, in whiche is inwardly clepid my name, that thei schulden [Om. C pr. m. E pr. m. GHK.] defoule it. [verse 35] And thei bilden vp heȝe thingus of Baal, that ben in the valey of the sone [sones AE pr. m. GHK.] of Ennon, that thei sacrifie ther sonus and ther doȝ|tris to Moloch, that Y comaundide not to them, ne steȝede vp in to myn herte, that thei shulde do this abhominacioun, and in to synne bringe doun Judam. [verse 36] And now for these thingus, seith the Lord God of Irael to this cite, of whiche ȝee seyn, that it be taken in to the hondus of the king of Babiloyne in swerd, and in [verse 37] hunger, and in pestilence, Lo! Y shal gedere them fro alle londus, to whiche Y

caste them out in my wodnesse, and in my wrathe, and in my great indigna|cioun; and Y shal bringe hem aȝeen to this place, and to wonen hem Y shal make trostily. [verse 38] And thei shul be to me in to puple, and Y shal be to them in to God. [verse 39] And Y shal ȝyue to hem oen herte and o soule, that thei drede me alle daȝes, and wel be to them, and to ther sonus after hem. [verse 40] And Y shal smyte with them couenaunt euere durende, and Y shal not cese to wel do to them, and my drede Y shal ȝyue in ther herte, that thei go not awei fro me. [verse 41] And Y shal gladen up on hem, whan wel to them I shal do; and Y shal plaunte hem in this lond in treuthe, in myn herte, and in al my soule. [verse 42] For these thingus seith the Lord, As Y haue [ha K.] broȝt in to this puple al this grete euel, so Y shal bringe to vp on hem al the good, that Y shal speke to them. [verse 43] And weldid shul be feldus in this lond, of whiche ȝee seyn, that desert it is, for thi that ther shal not leuen a man and beste; and ȝouen is [Om. C pr. m.] in to the hondus of Caldeis. [verse 44] Feldus with monee shal be boȝt, and writen in boc, and prented in shal be the sel; and witnesses shul be take to, in the lond of Beniamyn, and in the cumpas of Jeru|salem, and in the cites of Juda, and in the mountewous cites, and in the feldi cites, and in the cites that at the south ben; for [and CE pr. m.] Y shal turne the caitifte of hem, seith the Lord.