The Holy Bible, containing the Old and New Testaments, with the Apocryphal books,

CAP. XXVIII.

[verse 1] And don it is `in that ȝer [Om. E pr. m.] , in the bi|gynnyng of the regne of Sedechie, king of Juda, in the ferthe ȝer, in the fifte moneth, seide to me Ananye, the sone of Asur, a profete of Gabaon, in the hous of the Lord, befor the prestes, and al the [verse 2] puple, seiende, These thingus seith the Lord of ostus, God of Irael, I haue [ha K.] to|brosid the ȝoc of the king of Babiloyne. [verse 3] Ȝit two ȝer of daȝes, and Y shal make to be born aȝeen to this place alle the ves|selis of the Lord, that toc Nabugodono|sor, king of Babiloyne, fro this place, and translatede them in to Babiloyne. [verse 4] And Jechonye, the sone of Joachym, king of Juda, and al the transmygracioun of Juda, that wenten in to Babiloyne, Y shal turne to this place, seith the Lord; I shal to-trede forsothe the ȝoc of the king of Babiloyne. [verse 5] And Jeremye, the profete, seide to Ananye, the profete, in the eȝen of prestus, and in the eȝen of al the puple that stoden in the hous of the Lord. [verse 6] And Jeremie, the profete, seith to Ananye, Amen! thus do the Lord; rere the Lord thi wrdus that thou hast profecied, that broȝt aȝeen be the vesselis in the hous of the Lord, and al the transmygracioun fro Babiloyne, to this place. [verse 7] Nerthelatere [Neuer the later ceteri passim.] here thou this wrd, that Y speke in thin eres, and in the eres of al the puple. [verse 8] Profetus that weren bi|for me, and bifor thee, fro the bigynnyng, and profecieden vp on manye londus, and vp on manye rewmes, of bataile, and of tormenting, and of hunger. [verse 9] The profete that profeciede pes, whan shal comen his wrd, shal be wist a profete whom sente the Lord in treuthe. [verse 10] And Ananye, the [Om. EK.]

profete, toc the cheyne of the necke of Jeremye, profete [the prophete A.] , and brac it. [verse 11] And Ananye, the profete, seith in the siȝte of al the puple, seiende, These thingus seith the Lord, Thus Y shal to-breke the ȝoc of Nabugodonosor, king of Babiloyne, after two ȝeris of daȝes, fro the necke of alle Jentilis. [verse 12] And Jeremye, the profete, wente awei in to his weye. And don is the wrd of the Lord to Jeremye, aftir that Ananye, the profete, brac the cheyne [verse 13] fro the necke of Jeremye, seiende, Go, and sey to Ananye, These thingus seith the Lord, Treene cheynes thou hast to|broke, and thou shalt make for them irene cheynes. [verse 14] For these thingus seith the Lord of ostis, God of Irael, An irene ȝoc Y haue [ha K.] set vp on the necke of alle these Jentilis, that thei serue to Nabugo|donosor, king of Babiloyne, and thei shul seruen to hym; ferthermor and the bestus of erthe [the erthe A.] Y ȝaf to hym. [verse 15] And Jeremye, the profete, seide to Ananye, the profete, Here thou, Ananye; the Lord sente not thee, and thou madist this puple to troste in lesing. [verse 16] Therfore these thingus seith the Lord, Lo! I shal throwen out thee fro the face of the [Om. AEGHK.] erthe; this ȝer thou shalt die, forsothe aȝen the Lord thou speeke. [verse 17] And dead is Ananye, the pro|fete, in that ȝer the seuenthe moneth.