The Holy Bible, containing the Old and New Testaments, with the Apocryphal books,

CAP. XXI.

[verse 1] The wrd that don is to Jeremye fro the Lord, whan sente to hym king Sede|chie Fassur, the sone of Melchie, and Sofonye, the sone of Masie, prest [the preest E sec. m.] , sei|ende, [verse 2] Aske for vs the Lord, for Nabugo|donosor, king of Babiloyne, fiȝteth aȝen vs; if par auenture the Lord do with vs after alle his merueyles, and he go awei fro vs. [verse 3] And Jeremye seide to them, [verse 4] Thus ȝee shul sey to Sedechie, These thingus seith the Lord God, Lo! Y shal turne the vesselis of the bataile that in ȝoure hondus ben, and with [to E pr. m.] whom ȝee fiȝten, aȝen the king of Babiloyne, and Caldeis, that besegen ȝou in cumpas of the wallis; and Y shal gedere them in the myddes of this cite. [verse 5] And Y shal ouercome ȝou in a straȝt out hond, and in a strong arm, and in wodnesse, and in [verse 6] indignacioun, and in [Om. C. in a AGHK.] gret wrathe; I shal

smyte the dwelleris of this cite, men and bestus with gret pestylence shul dien. [verse 7] And after these thingus, seith the Lord, Y shal ȝyue Sedechie, king of Juda, and his seruauns, and his puple, and that ben laft in this cite of pestylence, and swerd, and hunger, in the hond of Nabugodo|nosor, king of Babiloyne, and in the hond of ther enemys, and in the hond of men sechende ther lif; and he shal smyte them in mouth [the mouth AEGHK.] of swerd; and he shal not be bowid, ne sparen, ne han [ha K.] reuthe. [verse 8] And to this puple thou shalt sey, These thingus seith the Lord God, Lo! Y ȝyue bifor ȝou weie of lif, and weie of deth. [verse 9] Who `shal dwelle [dwellith E pr. m.] in this cite, shal die with swerd, and hunger, and pestilence; who forsothe shul go out, and flee to the Caldeis that besegen ȝou, shal lyue, and be shal to hym his soule as spoile. [verse 10] For|sothe Y haue [ha K pr. m. han sec. m.] set my face vp on this cite in to euel, and not in to good, seith the Lord; in the hond of the king of Babi|loyne it shal be ȝoue [ȝyuen E pass.] , and brenne it out [verse 11] he shal with fyr, and the hous of the king of Juda. Hereth the wrd of the Lord, `ȝe the [the C pr. m. E pr. m. ȝe AGHK.] hous of Dauid. [verse 12] These thingus seith the Lord, Demeth erli dom, and de|lyuereth out the oppressed with force fro the hond of the wrong [Om. C pr. m. E pr. m.] chalengere; lest par auenture go out as fir myn [Om. C pr. m.] indigna|cioun, and be tend vp, and be not that quenche, for the malice of ȝoure studies. [verse 13] Lo! Y to thee, dwelleresse of the sadde valey and wilde feld, seith the Lord, ȝee that seyn, Who shal smyten vs, and who shal go `in to [in AG pr. m. HK.] oure houses? [verse 14] And Y shal visite vp on ȝou after the frute of ȝoure studies, seith the Lord; and Y shal tende vp fyr in his wilde wode, and deuoure it shal alle thingus in his cumpas.