The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] And the Lord seide to me, If Moises shulde stonde, and Samuel bifor me, my soule is not to this puple; throȝ out them fro my face, and go thei out. [verse 2] That if thei shul sey to thee, Whider shul wee go out? thou shalt sei to them, These thingus seith the Lord, Who to deth, to deth, and who to swerd, to swerd, and
who to hunger, to hunger, and who to caitifte, to caytifte. [verse 3] And Y shal visete vp on hem foure spices, seith the Lord; swerd to slaȝter, and houndis to tern, and foules of heuene, and bestus of erthe to deuouren and wasten. [verse 4] And Y shal ȝyue them in to gret hete to alle reumes of erthe, for Manassen, the sone of Ezechie, king of Juda, vpon alle thingus that he dide in Jerusalem. [verse 5] Who forsothe shal han [ha K.] merci of thee, Jerusalem, or who shal sorewe for thee, or who shal go to preȝe for thi pes? [verse 6] Thou hast forsake me, seith the Lord, bacward thou ȝidist awei; and I shal strecchen out myn hond vp on thee, and sle thee; I trauailede preȝende. [verse 7] And Y shal scatere them with a fan in the ȝatus of the lond; I sloȝ, and loste my puple, and nerthelatere fro ther weies thei be not turned aȝeen. [verse 8] Multiplied ben to me his widewes vp on the grauel of the se; and Y broȝte in to them vp on the moder of the ȝunge waxen a wastere in mydday, Y sente vp on the cites feerli ferd. [verse 9] Feblid ys she that bar seuene, failede hire soule; fel doun to hir the sunne, whan ȝit to hir was day. Con|foundid she is, and ful out shamede; and hir remnauntus in to swerd Y shal ȝyue in the siȝte of hir [myn E pr. m.] enemys, seith the Lord. [verse 10] Wo to me, my moder; whi geete thou me, a man of strif, a man of dis|cord in eche lond? I vsurede not, ne to me vsurede any man; alle cursen to me, seith the Lord. [verse 11] If not thi relikes in to good, if Y aȝen cam not to thee in tyme of affliccioun, and in tyme of tribulacioun and of anguysh, aȝen the enemye. [verse 12] Whe|ther shal be ioyned [bounde C pr. m. E pr. m.] iren [Om. E pr. m.] to iren fro the north, and bras? [verse 13] Thi richesses and thi tresores in to taking awei Y shal ȝyue freely, in alle thi synnes, and in alle thi termes. [verse 14] And I shal bringe thin enemys fro the lond that thou knowist not; for fyer tend vp is in my wodnesse, vp on ȝou it shal brenne. [verse 15] Thou wost, Lord,
recorde thou of me, and visite me, and delyuere me fro them that pursuen me; wile thou not in thi pacience take me, wite thou, for [Om. AGH.] for thee Y suffrede repref. [verse 16] Found ben thi wrdys, and Y eet hem; and don is to [vnto K.] me thi wrd in to ioȝe, and in to gladnesse of myn herte; for inwardli clepid is thi name vp on me, Lord God of ostis. [verse 17] I sat not in counseil of pleieres, and gloriede fro the face of thin hond; alone I sat, for of bitternesse thou hast fulfild me. [verse 18] Whi mad is my sorewe per|petuel, and my wounde despeirable for|soc [it forsoke AE sec. m. G. pr. m. HK.] to be cured? mad she is to me, as lesing of vnfeithful watris. [verse 19] For this these thingis seith the Lord, Yf thou art con|uertid, Y shal conuerte thee, and befor my face thou shalt stonde; and if thou seuere [shalt seuere AE sec. m. GHK.] precious thinge fro foul, as my mouth thou shalt be; thei shul be conuertid to thee, and thou shalt not be conuertyd to them. [verse 20] And I shal ȝyue thee to this puple in to a strong brasene wal, and thei shul fiȝte aȝen thee, and thei shul not han the maistry; for I am with thee, that I saue thee, and delyuere thee, seith the Lord. [verse 21] And Y shal delyuere thee [Om. E pr. m.] fro the hond of the werst men, and aȝeen bie thee fro the hond of stronge men.