The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] That don is the wrd of the Lord to [verse 2] Jeremye, of the wrdis of droȝte. Weilede Jewerie, and his ȝatus fellen doun, and ben dercned [derkid AGHK.] in the erthe, and the cri of Jerusalem steȝede vp. [verse 3] The more senten ther lasse to water; thei camen to drawe, and thei founde not [no AEGH.] water, thei beeren aȝeen ther vesselis voide; thei ben con|foundid and tormentid, and thei couerden [verse 4] ther hedis for the wastite of the lond,
for ther cam not reyn in [on A.] erthe. Con|foundid ben the erthe tilieres, thei co|uereden ther hedis. [verse 5] For whi and the hynde in the feld bar, and lafte hir [verse 6] frutes [fruyt E pr. m. AGHK.] , for ther was not erbe; and the feeld [Om. E pr. m.] asses stoden in roches, and drowe wind as dragounes; ther eȝen faileden, for ther was not erbe. [verse 7] Yf [For E pr. m.] oure wicke|nesses [wickidnessis AGHK.] `schul answere [an|swere C pr. m. answerden E pr. m.] to vs, Lord, do for thi name, for manye ben oure turnyngys awei; to thee wee han synned. [verse 8] Thou biding of Irael, his saueour in tyme of [verse 9] tribulacioun, whi as a comeling tiliere thou art to come in the lond, and as `weie goere [a weie goer AGHK.] bowende doun to dwelle? whi art thou to come as a man vagaunt, as a strong man that mai not saue? Thou for|sothe in vs art, Lord, and thin hoely name is inwardly clepid vp on vs; ne for|sake thou vs. [verse 10] These thingus seith the Lord to this puple, that louede to moue ther feet, and restede not, and to the Lord pleside not; now recorden he shal `wickidnesses of them [oure wickenesses E pr. m.] , and visite `synnes of them [oure synnes E pr. m.] . [verse 11] And the Lord seide to me, Wile thou not preȝe for this puple in to good. [verse 12] Whan thei shul faste, Y shal not here ther preȝeres; and if thei offre brent sacrifises and slayn sacrifises, I shal not take them, for with swerd and hun|ger and pestilence Y shal waste them. [verse 13] And Y seide, A! A! A! Lord God, ther [the AGHK.] profetus seyn to them, Ȝee shul not [Om. C pr. m.] see swerd, and hunger in ȝou shal not be, but verre pes he shal ȝyue in this place. [verse 14] And the Lord seide to me, Falsly the profetus profecien in my name; I sente them not, and comaundide not to them, ne spac to them; a lying viseoun, and a gilesum deuynyng, and the [Om. AGH.] deseit [leding doun E pr. m.] of ther herte thei profecien to ȝou. [verse 15] Ther|fore these thingus seith the Lord of the profetus that profecien in my name, whom Y sente not, seiende, Swerd and hungir shal not be in this lond; In swerd and
hunger shul be to-wastid tho [the AGHK.] profetus. [verse 16] And puples, to whom thei profecieden, shul be throwen aferr in the weies of Jerusalem, for hungir and swerd, and ther shal not ben, that birie them; thei and the wyues of them, sonus and doȝ|tris of them; and Y shal heelden [lede A.] out vp on hem ther euel. [verse 17] And thou shalt sei to them this wrd, Leden doun myn eȝen ter [crie K.] by nyȝt and dai, and be thei not stille, for with gret to-treding to|treden is the maiden doȝter of my puple, hugeli with the werste veniaunce. [verse 18] If Y shul gon out to [Om. E pr. m.] the feeldus, loo! the slayn with swerd; and if Y shul go in to the citee, lo! the to-wastid with hunger; the profete forsothe and prest ȝiden awei in to the lond that thei knewe not. [verse 19] Whe|ther throwende aferr thou threwe awei [afer A.] Judam, or thi soule wlatede Sion? whi thanne hast thou smyten vs, so that ther is noon [not A.] helthe? Wee han abide pes, and ther is not good; and tyme of curing, and lo! disturbing. [verse 20] Wee han knowe, Lord, oure vnpitousnesses, and the wickenesses [wickidnessis AGHK.] of oure faders, for wee han synned to thee. [verse 21] Ne ȝyue thou vs in to repref, for thi name, ne do thou to vs repref; of the see of thi glorie recorde, ne al voide make thou thi pes couenaunt with vs. [verse 22] Whether ben in grauen thingus of Jen|tilis that reynen, or heuenus moun ȝyue wederes? whether not thou art Lord oure God, whom wee han abide? Thou forsothe didist alle these thinges.