The Holy Bible, containing the Old and New Testaments, with the Apocryphal books,

CAP. XIII.

[verse 1] These thingus seith the Lord to me, Go, and haue to thee a lynene bregirdil; and put it vp on thi lendus, and in to water thou shalt not putten it in. [verse 2] And Y hadde the bregirdil, aftir the wrd of the Lord; and Y putte it [Om. EGHK.] aboute my len|dus. [verse 3] And don is the wrd of the Lord [verse 4] the secounde tyme to me, seiende, Tac the bregirdil that thou haddest, that is aboute thi lendus; and risende go to Eu|fraten, and hid it there, in the hole of a ston. [verse 5] And Y ȝide, and hidde it in Eu|fraten, as comaundide to me the Lord. [verse 6] And don is after manye daȝes, seide the Lord to me, Ris, and go to Eufraten, and tac thennes the brigirdil, that I co|maundide to thee, that thou shuldist hiden it there. [verse 7] And Y ȝide to Eufraten, and dalf out, and toc the bregirdil fro the place wher [there wher E pr. m.] Y hadde hid it; and lo! rotid hadde the bregirdil, so that to noon vse it was able. [verse 8] And don is the wrd of [verse 9] the Lord to me, seiende, These thingus

seith the Lord, Thus to roten Y shal make the pride of Juda, and the myche [verse 10] pride of Jerusalem, and this werste pu|ple, that wile not here my wrdus, and gon in the shreudenesse of ther herte; and thei wenten after aliene godus, that thei serue to them, and honoure them; and thei shul be as this bregirdil, that to noon vse is able. [verse 11] As forsothe cleueth the bri|girdil to the lendus of a man, so Y ioyn|ede to me al the hous of Irael, and al the hous of Juda, seith the Lord, that thei were to me in to a puple, and in to name, and in to preising, and in to glorie; and thei herde not. [verse 12] Thou shalt seie therfore to them this wrd, These thingus seith the Lord God of Irael, Eche litil wyn vessel shal be fulfild with wyn. And thei shul sei to thee, Whether wee knowe not, that eche litil wyn vessel shal be fulfild with wyn? [verse 13] And thou shalt seyn to them, These thingus seith the Lord, Lo! Y shal fulfillen alle the dwelleris of this lond, and kingus that sitten of [vp on E pr. m.] the stoc of Dauid vp on his trone, and [Om. E pr. m.] prestus, and profetus, and alle the dwelleris of Jerusalem with drunke|nesse. [verse 14] And Y shal scatere them, a man fro his brother, and faders and sonus to|gidere, seith the Lord; I [and I E pr. m.] shal not spare, and Y shal not graunte, ne han [ha K.] mercy, that Y scatere them not. [verse 15] Hereth, and with eres parceyueth; wileth not be rered vp, for the Lord spac. [verse 16] Ȝyueth to the Lord ȝoure God glorie, er it waxe derc, and er offenden ȝoure feet at the derc hillis; ȝee shul abide liȝt, and he shal putte it in to shadewe of deth, and in to mystynesse. [verse 17] That if this [Om. C pr. m. G pr. m. H.] ȝee shul not heren, in hid shal wepe my soule fro the face of pride; wepende it [I AE pr. m. GHK.] shal wepe, and leden out shal myn eȝe tere, for taken is the floc of the Lord. [verse 18] Sei to the king, and to the lordshipende womman, Beth mekid, sitteth [and sitteth E pr. m.] , for fro ȝoure hed

shal go doun the croune of ȝoure [Om. E pr. m.] glorie. [verse 19] The cites of the south ben closid, and ther is not that opene [apere E pr. m.] ; translatid is al Juda with parfit transmygracioun. [verse 20] Rer|eth ȝoure eȝen, and seeth, that comen fro the north; where is the floc that is [Y A.] ȝoue to thee, thi noble feeld beste? [verse 21] What shalt thou seyn, whan he shal visite thee? thou forsothe hast taȝt them aȝeen thee, and lerned aȝen thin hed. Whether not sorewis caȝten thee, as a womman ber|ende child? [verse 22] That if thou shalt sey in thin herte, Whi camen to me these thingus? for the multitude of thi wicke|nesse [wickidnes AGHK.] opened ben thi more shamefast thingus, defoulid ben thi foot solis. [verse 23] Yf chaunge mai an Ethiope his skyn, or a parde his dyuersetes, and ȝee shul moun wel do, whan ȝee han lerned euel. [verse 24] And Y shal sowe them abrod, as stobil that with the wynd is raueshid in desert. [verse 25] This thi lot, and the part of thi mesure of me, seith the Lord; for thou forȝeete me, and trostedist in lesing. [verse 26] Wherfore and Y nakenede thin hipes aȝen [and aȝen A.] thi face, [verse 27] and aperede thi shenshepe, thi vouteries, and thi neȝingus [neynge E sec. m.] , the hidous gilte of thi fornycacioun vpon hillis; in the feeld Y saȝ thin abhominaciouns. Wo to thee, Jerusalem, thou shalt not be clensid after me; how longe ȝyt?