The Holy Bible, containing the Old and New Testaments, with the Apocryphal books,

CAP. X.

[verse 1] Hereth the wrd that the Lord spac vp on ȝou, the [of the E pr. m.] hous of Irael. [verse 2] These thingus seith the Lord, Aftir the weies of Jentiles wileth not lerne, and fro the signes of heuene wileth not drede, that [verse 3] dreden Jentiles, for the lawis of puples ben veyne. For the tree of the wilde wode kut of the werc of the hondus of the [verse 4] craftes man in an hachet; with siluer and gold he enourneth it; with nailes and hameres ioynede it, that it `be not [shulde not ben E pr. m. shulde bin K.] losid atwynne. [verse 5] In licnesse of a formed ymage thei ben forgid, and thei shul not speke; born thei shul be taken awey, for thei moun not go; wileth not thanne

drede them, for neither euele thei moun do, ne wel. [verse 6] Ther is not lic of [Om. C pr. m. E pr. m.] thee, Lord; gret thou [ert thou AK sec. m.] , and gret thi [is thi AK sec. m.] name in strengthe. [verse 7] Who shal not drede thee, O! thou king of Jentilis? thin is forsothe wrshipe among alle the wise men of Jen|tilis, and in alle the reumes of hem noen is lic of [Om. C pr. m. E pr. m.] thee. [verse 8] Togidere vnwise men and foolis shul be preued, the doctrine of the [verse 9] vanyte [birthe E pr. m.] of them a tree is with siluer en|wrappid. Fro Tarsis it is broȝt, and the gold fro [of AK.] Ofir; the werc of the craftus [crafty K.] man, and the hond of the metal werkere; `iacynct, or as men seyn [Om. C et E pr. m.] , violet blyw silc and purpre the clothing of them; the werc of craftus men alle these thingus. [verse 10] The Lord forsothe is verre God; he [and he E pr. m.] is God lyu|ende, and king euermor lastende; of his indignacioun shal be moued the erthe, and suffren shul not Jentiles his threting. [verse 11] Thus [This A.] thanne ȝee shul sey to them, The goddis that `maden not heuene and erthe, pershe thei [heuene and erthe maden not, pershe thei E pr. m.] fro the erthe, and fro these thingus that ben vnder heuene. [verse 12] That maketh the erthe in his strengthe, maketh redi biforn the world in his wisdam, and in his prudence streccheth out heuenus. [verse 13] At his vois he ȝyueth multitude of watris in heuene, and rereth vp litle cloudus fro the vtmostus [vttermostis AGHK.] of erthe; leitus in to reyn he maketh, and bringeth out wind of his tresores. [verse 14] Fool mad is eche man of his kunnyng, confoundid is eche craftes man in his grauen thing [thinges K.] ; for fals is that he ȝetede, and ther is not spirit in hem. [verse 15] Veyn thei ben, and the werc wrthi laȝh|ing; in tyme of ther visiting thei shul pershe. [verse 16] Lic is not to these [hem A.] the part of Jacob, who forsothe formede alle thingus he is, and Irael the ȝerde of his eritage; Lord of ostus name is to hym. [verse 17] Gedere fro the erthe thi confusion, that dwell|ist [verse 18] in seging; for these thingus seith the Lord, Lo! Y ferr shal throwe the dwel|leris

of the lond in this while [wyse K.] ; and tro|blen hem, so that thei be not founden. [verse 19] Wo to me vp on my to-treding, my werst veniaunce; I forsothe seide, Pleynli this myn infirmyte is, and Y shal bern it. [verse 20] My tabernacle is wastid, alle my litle cordis ben to-broke; my sonus wenten out fro me, and stonde [stooden K sec. m.] not stille; ther is not that strecche out more my tent, and rere vp my skynnes. [verse 21] For folili diden shep|perdis, and the Lord thei soȝten not; therfor thei vnderstode not, and eche floc of hem is scatered. [verse 22] Vois of heering lo! is comen, and gret stiring fro the lond of the north, that thei sette the cites of Juda in to wildernesse, and a dwelling place of dragounus. [verse 23] I wot, Lord, for of man is not his weie, ne of man is that he go, and riȝt reule hys goingus. [verse 24] Chas|tise me, Lord; ner the latere in dom and not in [after E pr. m.] thi wodnesse, lest par auen|ture to noȝt thou bringe me. [verse 25] Heeld out thin indignacioun vp on Jentyles that knewen not thee, and vp on prouynces that thi name inwardli clepeden not; for thei eeten Jacob, and deuoureden hym, and wasteden hym, and his wor|shepe destroȝeden.