The Holy Bible, containing the Old and New Testaments, with the Apocryphal books,

CAP. VIII.

[verse 1] In that tyme, seith the Lord, thei shul caste out the bonus of the king of Juda, and the bones of his princes, and the bones of prestus, and the bones of pro|fetes, and the bones of hem that dwell|iden [dwelliden in A. dwellen in GHK.] [verse 2] Jerusalem fro ther sepulcris; and sprede them abrod to the sunne, and the [Om. G pr. m. to the H.] moone, and al the knyȝthed of heuene, whiche [the whiche AGHK.] thei loueden, and to whom thei serueden, and after whiche thei ȝiden, and whiche thei soȝten, and honoureden; thei shul not be gedered, and not biried; in to a dunghil vp on the face of erthe thei shul be. [verse 3] And thei shul chesen more deth than lif, alle that residue shul be of this werste kinrede, in alle places that ben laft, to whiche I threȝ hem doun, seith the Lord of ostis. [verse 4] And thou shalt sey to them, These thingus seith the Lord, Whether he that shal falle, shal not risen aȝeen [Om. E pr. m.] ? and he that is turned awei, shal not be turned aȝeen? [verse 5] Whi thanne turned awei is this puple in to Jerusalem with striuous turnyng awei? Thei caȝten les|ing, and wolden not turne aȝeen. [verse 6] Y tooc heed, and herknede; no man that good is speketh, no man is that do penaunce `vp on [C sup. ras. for E pr. m.] his synne, seiende, What haue Y do? Alle ben turned to ther cours, as an hors in bure goende to bataile. [verse 7] The kite in heuene kneȝ his tyme; the turtir, and the swalewe, and the somer foul that is clepid cyconye, kepten the time of ther comyng; my puple forsothe kneȝ not the dom of the Lord. [verse 8] Hou sey ȝee, Wise men wee ben, and the lawe of the Lord is with vs? Verely lesing wroȝte the lyende poyntil of the scribis. [verse 9] Confoundid ben

the wise men, gast and caȝt thei ben. The wrd forsothe of the Lord thei casten aferr, and no wisdam is in hem. [verse 10] Ther|fore Y shal ȝiue ther wymmen to straun|geres, and ther feeldis to alien eires; for fro the leste vnto [to A. into G pr. m. H.] the moste auarice alle folewen, fro the [Om. EK.] profete vnto the prest [verse 11] alle don [dide E pr. m.] lesing; and heleden the to|brosing of the doȝter of my puple to shenshipe, seiende, Pes, pes, whan ther was not [no GHK.] pes. [verse 12] Confoundid thei ben, for abhomynacioun thei diden; but myche more by confusioun thei ben not con|foundid, and shamen thei kouthen not. Therfor thei shul falle among men fall|ende, in tyme of ther visitacioun thei shul falle togidere, seith the Lord. [verse 13] Geder|ende Y shal gedere them togidere, seith the Lord; ther is not grape in the vynes, and ther ben not fyges in the fige ȝerd [tree C pr. m.] ; the lef flowede doun, and I ȝaf to them the [tho AE sup. ras. GHK.] `thingus that [Om. E pr. m.] ben go bisidis. [verse 14] Whi sitte wee? cometh togidere, go wee in to the strengthid cite, and holde wee oure pes there; for our Lord hath maad vs to be stille, and drinke ȝaf to vs watir of galle; wee han synned forsothe to the Lord. [verse 15] Wee han abide pes, and ther was not good; tyme of leching, and lo! dred. [verse 16] Fro Dan is herd the fnesting [or noyse C sec. m. marg. noyse E sec. m. AGHK.] of his hors; fro the vois of his [Om. C.] neiȝende [neiȝynge AEGHK.] fiȝteres to|stirid is alle the lond; and thei camen, and deuoureden the lond, and his [al his E pr. m. K.] plente, the chef cite, and his dwelleres. [verse 17] For lo! I shal sende to ȝou werst edderes, to whiche is not enchaunting; and thei shul bite ȝou, seith the Lord. [verse 18] My sorewe vp on sorewe, in me myn herte mournende. [verse 19] And lo! the vois of the cry of the doȝter of my puple fro a ferr lond. Whether the Lord is not in Sion, or his king is not in it? Why thanne me to wrathe thei stereden in ther grauen thingus, and in alyene vanytes? [verse 20] Ryp passede, endid is [and the A.]

somer; and wee ben not saf [saued E sec. m. AGHK.] . [verse 21] Vp on the to-treding of the doȝtir of my puple Y am to-treden, and sorewid; stoneyng with|heeld me. [verse 22] Whether gumme is not in Galaad, or a leche is not there? Whi thanne the hid wounde of the doȝter of my puple is not al helid [stopped E pr. m.] ?