The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] And it is don in the daȝes of Achaz, sone of Joathan, sone of Osie, king of Juda, ther steȝede vp Rasyn, king of Cyrie, and Fascee, the [Om. AGHK.] sone of Romelie, king of Irael, in to Jerusalem, to fiȝte aȝen hym; and thei myȝte not ouercome it. [verse 2] And thei tolden to the hous of Dauid,
seiende, Siria restede vp on Effraym, and to-moued is his herte and the herte of his puple, as ben moued the trees of wodis fro the face of the wynd. [verse 3] And the Lord seide to Isaie, Go out in to aȝen|comyng of Achaz, thou, and that is laft, Jasub, thi sone, to the ende of the water condute of the ouere pond [fishpond E pr. m.] , in the weie of the feeld of the fullere. [verse 4] And thou shalt sey to hym, See, that thou holde [holde not E pr. m.] thi pes; wile thou not dreden, and thin herte be not ferd of the two tailes of these smokende fyr brondis in to the wrathe of the wodnesse, of Rasyn, king of Sirie, and sone of Romelie. [verse 5] For thi that euel counseil he wente in aȝen thee, Ciria, and Effraym, and the sone of Romelye, sei|ende, [verse 6] Steȝe wee vp to Judam, and rere wee hym, and pulle wee hym vp to vs; and putte wee a king in his myddel, the sone of Thabel. [verse 7] These thingus seith the Lord God, This shal not be, and shal not [verse 8] stonde; but the hed [heued E et K passim.] of Sirie Damasch, and the hed of Damasch Rasyn; and ȝit sixti and fyue ȝer, and Effraym shal cese [verse 9] to ben a puple; and the hed of Effraym Samarie, and the hed of Samarie, the sone of Romelie. If ȝee shul not leeuen, ȝee shul not abide stylle. [verse 10] And the Lord [verse 11] leide to to speke to Achaz, seyende, Aske to thee a tokne fro the Lord thi God, in to the depthe of helle, or in to heiȝte [the heiȝt K.] aboue. [verse 12] And Achaz seide, I shal not aske, [verse 13] and I shal not tempte the Lord. And he seyde, Hereth thanne, ȝee the hous of Dauid; whether litil to ȝou is to ben greuous to men, for ȝee ben greuous and to my God? [verse 14] For that he the Lord shal ȝyue to ȝou a tocne. Lo! a mayde shal conceyue, and bern a sone; and thou shalt clepe his name Emanuel. [verse 15] Butter and hony he shal ete, that he kunne re|preuen
euel, and chesen good. [verse 16] For er the child kunne repreuen euel, and chesen good, the lond shal be forsaken, the whiche thou hast abhominacioun of, fro the face of ther two kingus. [verse 17] The Lord shal bringe to vp on thee, and vp on thi puple, and vp on the hous of thi fader, daȝes that camen not fro the daȝes of the seueryng of Effraym fro Juda, with the king of Assiries. [verse 18] And it shal be, in that day the Lord shal whistle to the fleȝe, that is in the [Om. GH.] vtmostes [vttermostis AGHK.] of the flodus of Egipt; and to the bee, that is in the lond [verse 19] of Assur; and thei alle shuln come, and resten in the stremes of valeys, and caues of stones, and in alle busshi [the busshi AEGHK.] places, and in alle holis. [verse 20] In [And in K sec. m.] that dai the Lord shal shauen in a sharp rasour in hem, that beȝunde the flood ben, in the king of Assiries, hed, and the heres of feet, and eche berd. [verse 21] And it shal be, in that day a man shal nurshen a cow of oxen, and [verse 22] two shep, and for plente of mylc he shal eten butter; butter and hony shal `ete eche man [eche man ete E sec. m.] , that shal be laft in the myd|del of the lond. [verse 23] And it shal be, in that day eche place wher shul be a thousend vynes for a thousend syluer penys, and in to thornes and in to breres they shul [verse 24] be, with arwes and bowe thei shul go in thider; forsothe breres and thornes shul be in al the lond. [verse 25] And alle hilles that in a wode bil shul be purgid, `or kytt off [Om. CE pr. m.] , ther shal not come thider ferd of thornes and [ne E pr. m.] of breres; and it shal be in to oxe [oxen AGHK.] leswe, and in [in to A.] treding of feld beste.