The Holy Bible, containing the Old and New Testaments, with the Apocryphal books,

CAP. LXIII.

[verse 1] Who is this that cam [cometh E pr. m.] fro Edom, with steyned clothis fro Bosra? this shapli in his stole, goende in the multitude of his vertue? I that speke riȝtwisnesse, and a forfyȝtere am to sauen. [verse 2] Why thanne red is thi clothing? and thi clothis [clothinge AK. clothinges G sec. m.] as of men tredende in the presse? [verse 3] The presse I trad alone, and of the folc of kinde ther is not a man with me; Y trad hem in my wodnesse, and togedere trad hem in my wrathe; and sprengd is the blod of hem vp on my clothis, and alle my cloth|ingus I defoulid. [verse 4] Dai forsothe of ven|iaunce in myn herte, ȝer of my ȝelding cam. [verse 5] I beheeld aboute, and ther was not an helpere; I soȝte, and ther was not that halp; and myn `arm sauede to me, and myn indignacioun itself [indignacioun sauede to me, myn arm and it AE pr. m. G pr. m. HK. aarm sauede to me, and myn indignacioun it G sec. m.] halp to [Om. C pr. m. K.] me. [verse 6] And I al to-trad puples in my wodnesse; and I drunknede them in myn indignacioun, and droȝ doun the vertue of them into erthe. [verse 7] Of the mercy do|yngus of the Lord I shal recorden, the preising of the Lord vp on alle thingus that ȝeeld [hath ȝeeldide A. hath ȝeld E sec. m. GHK.] to vs the Lord, and vp on the multitude of the [Om. AEGHK.] goodis to the hous of Irael, the whiche he largeli ȝaf to them after his forȝyuenesse, and aftir the mul|titude of his [Om. G pr. m. H.] mercies. [verse 8] And he seide, Nerthelatere `my puple is, sonus [my sones peple is G pr. m. H.] not de|nyende, and [Om. E pr. m.] mad is to them a saueour. [verse 9] In alle the tribulacioun of hem he is not trublid, and the aungil of his face sauede hem [hym K pr. m.] . In his loue and in his indulgence he aȝeen boȝte them, and bar hem [Om. C pr. m.] , and rerede them alle the daȝes of the world.

[verse 10] Thei forsothe to wrathe terreden [terreden hym E pr. m.] , and tormenteden the spirit of his hoeli; and turned he is to them in to enemy, and he faȝt them doun. [verse 11] And he recordide of the daȝes of the world, of Moises, and of his puple. Wher is, that ladde them out fro the se, with the shepperdis of his floc? Where is, that sette in his myddel [verse 12] the spirit of his hoeli; that ladde oute at the riȝtside Moisen [of Moises E pr. m.] in the arm of his mageste? that kutte watris bifor them, that he make to hym a name euere dur|ende; [verse 13] that ladde out them bi water depthis, as an hors in desert not fallende, [verse 14] as a beste in the feeld goende doun? The Spirit of the Lord his ledere was; so thou broȝtist to thi puple, that thou make to thee a name of glorie. [verse 15] Loke to fro heuene, and see fro thin hoely dwelling, and fro the se of thi glorie. Wher is thin inward loue, and thi strengthe, multitude of thi boweles, and of thi mercy doyngus? Vp on me thei withheelden hem. [verse 16] Thou forsothe oure fader, and Abraham kneȝ not vs, and Irael vnkneȝ vs. [verse 17] Thou, Lord, oure fader, and oure aȝeenbiere; fro the world thi name. Whi to erren vs thou madist, Lord, fro thi weies? thou hardedist oure herte, that wee dredde not thee? be turned, for thi seruauns, lynages of thin eritage. [verse 18] As noȝt thei weldeden thin hoeli puple, and oure enemys al to-treeden thin halewyng. [verse 19] Wee ben maad as in the bigynnyng, whan thou lordshipedist not of vs, ne inwardli was clepid thi name vp on vs.