The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] The spirit of the Lord vp on me, for that enoyntede me the Lord; to tellen out to debonere men he sente me, that I shulde leche the contrit men in herte, and prechen to caitif men forȝyuenesse, [verse 2] and to closid men openyng; and prechen a ȝer plesable to the Lord, and a dai of ven|iaunce to oure God; that I shulde coum|forten [verse 3] alle weilende men; that I shulde
putte coumforting to the weilende men of Sion, and ȝyue to them a crowne for askes [asken AEGHK.] , oile of ioȝe for weiling, a mantil of preising for the spirit of mornyng. And ther shul be clepid in it stronge men of riȝtwisnesse, plaunting of the Lord to glorifien. [verse 4] And thei shul bilden vp the desertus fro the world, and olde fallingus thei shul rere [arere AEGHK.] , and thei shul restore cites forsaken and scatered, in to ieneracioun and ieneracioun. [verse 5] And stonde shul alienus, and fede ȝoure bestus; and the sonus of pilgrimes erthe tilieres and ȝoure vyne wercheres shul be. [verse 6] Ȝee forsothe prestus of the Lord shul ben clepid; Seruauns of ȝoure God, it shal ben seid to ȝou. The strengthe of Jentiles ȝee shuln ete, and in the glorie of them ȝee shul ben proud. [verse 7] For ȝoure double confusioun and shame preise shul thei ther part; for that in ther lond double fold thingus thei shul welden, euermor gladnesse shal be to them. [verse 8] For I the Lord, louende dom, and to hate hauende raueyn in to brent sacrifise. And I shal ȝyue the werk of hem in treuthe, and pes couenaunt `euere durende [endurynge K.] I shal smyte with them. [verse 9] And shal [I shal K sec. m.] be wist [Om. E pr. m.] in Jentilis the sed of hem, and the buriown|yng of them in the myddel of puples. Alle that shul seen hem, shul knowe them, for these ben the sed, to whom blisside the Lord. [verse 10] Ioȝende I shal ioȝen in the Lord, and ful out ioȝen shal my soule in my God. For he clothide me with the clothing of helthe, and with the clothing of riȝtwisnesse he cumpassede me, as an husbonde wrshipid [honourid E pr. m.] with a crowne, and as a wif enourned with hir broches. [verse 11] As forsothe the erthe bringeth forth his bu|riownyng, and as a gardyn his sed buri|owneth, so the Lord God shal buriowne riȝtwisnesse, and preising bifor alle folc of kinde.
