CAP. LV.
[verse 1] Alle ȝee thristende, cometh to watris, and ȝee that han not siluer, goth forth,
The Holy Bible, containing the Old and New Testaments, with the Apocryphal books,
About this Item
- Title
- The Holy Bible, containing the Old and New Testaments, with the Apocryphal books,
- Publication
- Oxford,: University press,
- 1850.
- Rights/Permissions
The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
- Link to this Item
-
http://name.umdl.umich.edu/AFZ9170.0001.001
- Cite this Item
-
"The Holy Bible, containing the Old and New Testaments, with the Apocryphal books,." In the digital collection Corpus of Middle English Prose and Verse. https://name.umdl.umich.edu/AFZ9170.0001.001. University of Michigan Library Digital Collections. Accessed June 19, 2025.
Pages
Page 322
bieth [and bieth AGHK.] , and eteth; cometh, bieth, with|oute siluer and withoute any chaffaring [chaungynge AE sec. m. GHK.] , wyn and mylc. [verse 2] Whi poote ȝee vp siluer, not in loeues, and ȝoure trauailing, not in filling? Hereth ȝee herende me, and eteth good thing, and delite shal in fat|nesse ȝoure soule. [verse 3] Bowith in ȝoure ere, and cometh to me; hereth, and lyuen shal ȝoure soule; and I shal smyte with ȝou euere lastende couenaunt, the feith|ful mercies of Dauid. [verse 4] Lo! witnesse I ȝaf hym to puples, duke and comaundere to Jentiles. [verse 5] Lo! the folc of kinde, that thou knewe not, thou shalt clepen; and the folc of kinde, that [Om. G pr. m. H.] thee [Om. C pr. m. thou AGHK.] kneȝ not, to thee shul rennen; for the Lord thy God, and the hoeli of Israel, for he glorifiede thee. [verse 6] Secheth the Lord, whil he mai be founde; inwardli clepeth hym, whil he is nyȝ. [verse 7] Forsake the vnpitous his weie, and the wicke man his thoȝtes; and turne aȝeen to the Lord, and he shal haue [ha C.] mercy of hym, and to oure God, for myche he is to forȝyue. [verse 8] Forsothe not my thenk|ingus ȝoure thenkingus, ne my weies ȝoure weies, seith the Lord. [verse 9] For as enhauncid ben heuenus fro erthe, so enhauncid ben my weies fro ȝoure weyes, and my thoȝtus fro ȝoure thoȝtus. [verse 10] And what maner com|eth doun weder and snoȝ fro heuene, and thider no mor is turned aȝeen, but drunk|neth the erthe, and heeldeth in to it, and to buriowne maketh it, and ȝyueth sed [verse 11] to the sowere, and bred to the etere, so shal be my wrd, that shal gon out of my mouth. It shal not be turned aȝeen voide to me, but shal do what euere thingus I wolde, and shal be welsum in [verse 12] tho thingus to whiche I sende it; for in gladnesse ȝee shul gon oute, and in pes ȝee shul be lad thennus. Mounteynes and hilles shul singe bifor ȝou preising, and alle the trees of the regioun shal flappe for ioȝe with hond. [verse 13] For the thorny erbe that is clepid saliunka, shal steeȝen vp [Om. AGHK.]
