The Holy Bible, containing the Old and New Testaments, with the Apocryphal books,

CAP. LIV.

[verse 1] Preise, thou bareyne, that berst not; gretli sing preising [Om. K sec. m.] , and ympne [neye E pr. m.] , that beere not; for manye sones of the for|saken [desert E pr. m.] more than of hir that hadde the man [husbonde E sec. m. AGHK.] , seith the Lord. [verse 2] Alarge [Large C pr. m. Opene E pr. m. AGHK.] the place of thi tente, and the skynnes of thi taber|nacle strecche out; ne spare thou, longe maac thi litle cordis, and thi nailes mac fast. [verse 3] At the riȝt forsothe and at the lift thou shalt persen; and thi sed Jentiles shal eritagen, and desert cites wonen in. [verse 4] Wile thou not dreden, for thou shalt not be confoundyd, ne shamen. Forsothe it shal not shamen thee; for of the confu|sioun of thi ȝouthe thou [that K.] shalt forȝete, and of the repref of thi widewhed thou shalt recorde no more. [verse 5] For lordshipen shal of thee that made thee; the Lord of ostes hys name; and thin aȝeen biere, the [Om. AGHK.] holi of Irael, the God of al erthe shal be clepid. [verse 6] For as a womman forsaken and moornende in spirit, clepede thee the Lord, and a wif fro the ȝouthe cast awei. [verse 7] The Lord thi God seide, At a poynt in a litil I forsoc thee, and in grete mercy

doinges I shal gedere thee. [verse 8] In a moment of indignacioun I hidde [dide AH.] my face a litil fro thee, and in euerlastende mercy I hadde mercy of thee, seide [seith AE pr. m. GHK.] the Lord, thi forbiere. [verse 9] As in the daȝes [dai A.] of Noe, this to me is, to whom I swor, that I shulde no mor bringen in the [Om. AGHK.] watris of flod vp on erthe; so I swor, that I wrathe not to thee, and blame not thee. [verse 10] Mounteynes forsothe shul be to-stered, and hillis shul tremblen; my mercy forsothe shal not gon awei fro thee, and the bond of my pes shal not be moued, seide [seith AE pr. m. GHK.] the Lord, thi reewer. [verse 11] Thou porelet, with tempest al to-pullid, with oute any coumfort, lo! I shal araie bi order thi stones, and [verse 12] founde thee in safires; and I shal sette iasp thy pynacles, and thi ȝates in to grauen stones, and alle thi termes in to desirable stones. [verse 13] Alle thi sones taȝt of the Lord; and multitude of pes to thi [verse 14] sones, and in riȝtwisnesse thou shalt be foundid. Go awei aferr fro chalenge [wronge chalenge AE sec. m. K. the wronge chalenge GH.] , for thou shalt not drede; and fro inward ferd, for it shal not neȝhe to thee. [verse 15] Lo! an earth tiliere shal come, that was not with me; thi comeling sumtyme [the sum tyme E pr. m.] apassid [Om. C pr. m. E pr. m.] shal be ioyned to thee. [verse 16] Lo! I shop a smyth blowende in the fyr coles, and bringende forth a vessel in to his werk; and I shop the sleere, to destroȝen. [verse 17] Eche vessel that is mad aȝen thee, shal not be riȝt reulid; and eche tunge withstondende to thee, in dom thou shalt deme. This is the eri|tage of the seruauns of the Lord, and the riȝtwisnesse of hem anent me, seith the Lord.