The Holy Bible, containing the Old and New Testaments, with the Apocryphal books,

CAP. L.

[verse 1] These thingus seith the Lord, What is this boc of the forsaking of ȝoure moder, that I lafte hir? or who is my creauncer, to whom I solde ȝou? Lo! forsothe in ȝoure wickidnesses [wickidnes AGHK. wickenesse E.] ȝee be sold, and in ȝoure hidous giltes I lafte ȝoure moder. [verse 2] For I cam, and there was not a ful man; I clepide, and ther was not that herde. Whether abreggid, and ful litil maad is myn hond, that I mai [myȝte AE pr. m. GHK.] not aȝeenbien [aȝeebien C.] ? or is not to me vertue to delyuere? Lo! in my blamyng desert I shal make the se, I [and I AGHK.] shal putte flodis in to droȝte; stinke shul fisshes withoute watir, and dien in thrist. [verse 3] I shal clothin heuenes with derc|nesses,

and a sac Y shal putte the couer|yng of hem. [verse 4] The Lord ȝaf to me a taȝt tunge, that I kunne hym susteyne, that is weri in wrd; he [Om. C pr. m. E pr. m.] rereth vp the moru|tyd, the morutyd rereth vp to me an ere, that I here as a maister. [verse 5] The Lord God openede to me an ere; I forsothe aȝensei not, bacward I ȝide not awei. [verse 6] My bodi I ȝaf to the smyteres, and my chekes to the pulleris; my face I turnede not awei fro the blameres, and the spitteres in me. [verse 7] The Lord God myn helpere, and therfore I am not confoundid; therfore I putte my face as a most hard ston, and I wot for I shal not ben confoundid. [verse 8] Nyȝ is, that iustefieth me; who with seith to me? stonde wee togidere. Who is myn aduersarie? come he nyȝ to me. [verse 9] Lo! the Lord God myn helpere; who thanne is that condempneth me? Lo! alle as a cloth shul be to-trede [to-troden E.] , and a [as a AG pr. m. HK.] moȝte shal ete them. [verse 10] Who of ȝou dred|ende the Lord, herende the vois of his seruaunt? Who ȝide in dercnesses [dercnes AEGK.] and ther is not liȝt to hym, hope he in the name of the Lord, and leene he vp on his God. [verse 11] Lo! ȝee alle teendende vp fyr, and gird with flawmes, goth in the liȝt of ȝoure fyr, and in the flaumes that ȝee teenden vp to ȝou. Of myn hond don is this to ȝou, in sorewis ȝee shul slepe.