The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] These thingus seith the Lord to my crist, Ciro, whos riȝt hond I toc, that I soogete bifor his face Jentiles, and the reggus of kingus I turne; and opene biforn hym the fyrste entrees, and the ȝates shuln not be closid. [verse 2] I byfor thee shal go, and the glorious men of erthe I shal meeken; the brasene ȝates I shal to|brose, and the irene barres I shal to|breke. [verse 3] And I shal ȝyuen to thee tre|sores
hid, and the priue thingus of priuy|tees, that thou wite, for I the Lord, that [verse 4] clepe thi name, God of Irael, for my seruaunt Jacob, and Irael my chosen, and [Om. AGHK.] I clepede thee in thi name; I lic|nede thee, and [Om. A.] thou knewe not me. [verse 5] I the Lord, and ther is not more ouer; out of me is not God. I girde thee to, [verse 6] and thou knewe not me; that thei wite [wite thei E pr. m.] , that fro the rising of the sunne, and that fro the west ben, for withoute me is not a God. [verse 7] I the Lord, and ther is not an othir; foormende liȝt, and shapende derc|nesses, makende pes, and shapende euel; I the Lord, doende alle these. [verse 8] Deweth, ȝee heuenus fro aboue, and cloudis reyne thei the riȝtwis; be opened the erthe, and burioune it a saueour, and riȝtwisnesse springe togidere; I the Lord shop hym. [verse 9] Wo that `with seith [seith K.] to his makere, the shord of the [Om. AGHK.] toȝ clei of erthe. Whether seith the clei to his crockere [crockere, or potter E sec. m. marg.] , What dost thou, and thi werc withoute hondus is? [verse 10] Wo that seith to the fader, What getest thou? and to the womman, What berest thou? [verse 11] These thingus seith the Lord, hoeli of Irael, his [ȝee his E pr. m.] foormere, Thingus to come asketh me vp on my sonus, and vp [vpon AEGHK.] the werkes of myn hondus sendeth to me. [verse 12] I made the [Om. AEGHK.] erthe, and man vp on it I shop; myn hondis straȝten out heuenus, and to al the knyȝthod of hem I sente. [verse 13] I rerede hym to riȝtwisnesse, and alle his weies I shal riȝt reulen; he [Om. E pr. m.] shal bilde vp my cite, and my caitifte he shal forȝyue, not in pris, ne in ȝiftes, seith the Lord of ostes. [verse 14] These thingus seith the Lord God, The trauaile of Egipt, and the nede doing, `or marchaundise [Om. C et E pr. m.] , of Ethiope, and of Sabaym; the heȝe men to thee shul passe, and thin shul be; after thee thei shul go, bounde in manycles thei shul wende, and thee [Om. C pr. m.] thei shuln ho|noure, and thee louli preȝen [schulen preye K sec. m. thei shulen preye A.] . Onli in thee is God, and ther is not withoute
thee a God. [verse 15] Vereli thou art God, an hid God, of Irael the saueour. [verse 16] Thei ben confoundid, and ful out shameden; togi|dere wenten [thei wenten E pr. m.] awey in to confusioun the forgeres of erroures. [verse 17] Irael is saued in the Lord, in euere lastende helthe; ȝee shul not be confoundid, and not shamen, vnto [in to AGHK.] the world of world. [verse 18] For these thingus seith the Lord shapende heuenus; he God foormende erthe, and makende it, he foormere of it; not in veyn he shop it, but that it be dwellid, he foormede it; I the Lord, and ther is not an other. [verse 19] Not in hid place I spac, in the derc place of erthe; I seide not to the sed of Jacob, In veyn secheth me. I the Lord spekende riȝtwisnesse, tellende out riȝt thingus. [verse 20] Beth gedered, and cometh, and neȝheth togidere, for ȝee be saued fro the Jentiles; thei wisten not, that rereden vp a tocne of ther grauyng, and preȝen the god not sauende. [verse 21] Telleth out, and cometh, and counseilith togidere. Who herd made this fro the biginnyng? fro thanne I bi|forn seide it. Whether not I a Lord, and ther is not [no AEGHK.] more ouer a God withoute me? a riȝtwis God and sauende is not, beside me? [verse 22] Beth conuertid to me, and saaf shul be, alle ȝee coestes of erthe; for I the Lord, and ther is not an other [other beside me AE pr. m. GHK.] . [verse 23] In myself I swor, ther shal gon out of my mouth the wrd of riȝtwisnesse, and shal [Om. A.] [verse 24] not be turned aȝeen; for to me shal be bowid eche kne, and swern shal eche tunge. [verse 25] Therfor in the Lord thei shul seyn, Myne ben riȝtwisnesses [riȝtwisnes AGHK.] and em|pire; to hym thei shul come, and con|foundid shul ben alle that aȝenstonde to hym. [verse 26] In the Lord shal be iustefied and preisid al the sed of Irael.