CAP. XXXIX.
[verse 1] In that tyme sente Marodoch Bala|dan, the sone of Baladan, the king of Babiloyne, lettris and ȝiftes to Ezechie; forsothe he hadde herd, that he hade be syc, and was coouered. [verse 2] Forsothe Ezechie gladede vp on tho thingus, and he shew|ede to them the selle of spices, and of siluer, and of gold, and of swote thingus, and of the beste oynement, and al the cofres of his necessarie thingus, and alle thingus that ben founde in his tresories; ther was not a wrd, that Ezechie shew|ede not to them [hym E pr. m.] in his hous, and in al his power. [verse 3] Forsothe Isaie, the profete, wente in [Om. E pr. m.] to Ezechie, the king, and seide to hym, What seiden these men, and whennes camen thei to thee? And Ezechie seide, Fro a ferr lond thei camen to me, fro Babyloyne. [verse 4] And he seyde, What seȝen thei in thin hous? And Ezechie seide, Alle thingus that in myn hous ben, thei seȝen [han seen A.] ; ther was not a thing, that I shewede not to them in my tresories. [verse 5] And Isaie seide to Esechie, Here the wrd of the Lord of ostes. [verse 6] Lo! daȝes shul come, and alle thingus shul be don awei, that ben in thin hous, and that thi fadris han tresored vn to this dai, in
