The Holy Bible, containing the Old and New Testaments, with the Apocryphal books,

CAP. XXXVII.

[verse 1] And it is do, whan hadde herd king Ezechie, he kutte his clothis, and wrap|pid is with a sac, and wente in to the hous of the Lord. [verse 2] And he sente Elea|chym, that was vp on the hous, and Sobnam, scribe, and the elderes of the preestus, coouered with sackus, to Isaie, the [Om. A.] sone of Amos, profete. [verse 3] And thei seiden to hym, These thingus seith Eze|chie, The dai of tribulacioun, and of an|guysh, and of correccioun, and of blas|femye, this day; for ther camen sones to the berthe, and vertue was not of bering. [verse 4] If any maner here the Lord thi God the wrdus of Rapsaces, whom sente the king of Assiries, his lord, to blasfemen the God lyuende, and to repreue with wrdis, whiche herde the Lord thi God, rere vp thanne orisoun for the relikes that ben founde. [verse 5] And ther camen seruauns of [verse 6] king Esechie to Isaie; and Isaie seide to them, These thingus ȝee shul seyn to ȝoure lord, These thingus seith the Lord, Ne drede thou of the face of the wrdus that thou hast herd, with whiche blasfemeden the childer of the king of Assiries me. [verse 7] Lo! I shal ȝyue to hym a spirit, and he shal heren a messager; and he shal be turned aȝeen to his lond, and to fallen I shal maken hym with swerd in his lond. [verse 8] Rapsaces [And Rapsaces K.] forsothe is turned aȝeen, and he fond the king of Assiries fiȝtende aȝen Lobnam; forsothe he hadde herd, for [that E pr. m.] he was go fro Lachis. [verse 9] And he herde of

Theracha, king of Ethiope, seiende, He wente out, that he fiȝte aȝen thee. The whiche thing whan he hadde herd, he sente messageres to Esechie, seiende, [verse 10] These thingus ȝee shul sey to Esechie, king of Jude, spekende, Not thee disceyue thi God, in whiche thou trostest, seiende, Jerusalem shal not be ȝyue in the hond of the king of [Om. K pr. m.] Assiries. [verse 11] Lo! thou hast herd what dide alle the kingus of Assi|ries to alle londes that thei turneden vpso doun; and `shalt thou [thou shalt C.] moun be dely|uered? [verse 12] Whether delyuereden hem the godis of Jentiles, whom turneden vpso doun my fadris; Gosam, and Aran, and Resef, and the sones Eden, that weren in Thalasar? [verse 13] Wher is the king of Emath, and the king of Arfath, and the king of the huge cite Cefaruaym, and Ana, and Aua? [verse 14] And Esechie toc the bokes of the hond of the messager, and radde them; and he steȝede vp in to the hous of the Lord, and spredde out hem bifor the [verse 15] Lord; and [Om. E pr. m.] preȝede the Lord, seiende, [verse 16] Lord of ostes, God of Irael, that sittist vp on cherubyn, thou art God alone of alle the reumes of erthe [the erthe AEGHK.] ; thou madist heuene and erthe. [verse 17] Boowe doun, Lord, thin ere, and here; opene thin eȝen, Lord, and see; and here alle the wrdus of Sena|cherub, that he sente to blasfemen God lyuende. [verse 18] Verely forsothe, Lord, desert [Om. E pr. m.] maden the kingis of Assiries londus, and [verse 19] the regiouns of them, and ȝeuen the god|dis of hem to fyr; forsothe thei weren not goddus, but werc of the hondus of men, tree and stonus; and thei to-mynushten hem. [verse 20] And now, Lord oure [Om. A.] God, saue vs fro the hond of hym; and knowen alle the reumes of erthe, for thou art Lord God alone. [verse 21] And Isaie, the sone of Amos, sente to Esechie, seiende, These thingus seith the Lord God of Irael, For the whiche thou preȝedest me of Senacherub, [verse 22] king of Assiries, this is the wrd that the

Lord spac vp on hym, He dispiside thee, he vndermouwede thee, thou maiden doȝ|tir of Sion; aftir thee the hed he mouede, thou maide [maydyn A.] doȝter of Jerusalem. [verse 23] To whom hast thou repreued, and whom hast thou blasfemed? and vp on whom hast thou rered thi vois, and hast rered the heiȝte of thin eȝen? To the hoeli of Irael. [verse 24] In the hond of thi seruauns [seruaunte AGHK.] thou hast repreued to the Lord, and seidist, In the multitude of my foure horsed carres I steȝede vp the [to the AE pr. m.] heiȝtus of moun|teynes, ȝokes of Liban; and I shal to|hewen the heȝe thingus of his cedris, and the chosene firres of it; and I shal go in to the heiȝte of his [Om. E pr. m.] cop, the wilde wode of the Carmel of it. [verse 25] I dalf [deluede AEGHK.] , and drank the water of it; and I driede with the step of my foot alle the ryueres of the waterhepes. [verse 26] Whether thou hast not herd what thingus sum tyme I dide to hym [it E pr. m.] ? Of olde daȝes I foormede it, and now I haue broȝt to; and it is do `in to [in K.] the drawing out bi the roote of hilles togi|dere fiȝtende, and of strengthid cites. [verse 27] The dwelleris of them with an hond shortid togidere [to E pr. m.] trembleden, and ben confoundid; thei ben mad as hei of the feld, and corn of the leswe, and erbe of rooues, that out driede er it wex ryp. [verse 28] Thi dwelling, and thin entre, and thi going out Y knew, and thi wodnesse aȝen me. [verse 29] Whan thou `were wod [woodedist E pr. m.] aȝen me, thi pride steȝede vp in to myn eres; I shal putte thanne a cercle in thi nose thirles, and a bridil in thi lippis; and I shal bringe aȝeen thee in to the weie, bi the [Om. AE.] whiche thou came. [verse 30] To thee forsothe this shall ben a tocne; et this ȝer that freeli ben sprunge, and in the secunde ȝer et appelis; in the thridde forsothe ȝer soweth, and repith, and plaunteth vynes, and eteth the frut of hem. [verse 31] And he shall putte it, that were saued of [Om. A.] the hous of Juda, and that is

laft setten the roote [rotis A.] benethe, and shal [verse 32] make frute aboue; for fro Jerusalem shul gon out relikes, and saluacioun [sauacioun C.] fro the mount of Sion; the inward loue of the Lord of ostes shal do this. [verse 33] Therfore these thinges seith the Lord, of the king of Assiries, He shal not go in to this cite, and he shal not throwe there an arwe; and ther shal not ocupie it [Om. A.] a sheld, and he shal not putte [senden E pr. m.] in his enuyroun an hep `of erthe [Om. E pr. m.] . [verse 34] In the weie that he cam, bi it he shal be turned aȝeen; and this cite he shal not gon in, seith the Lord. [verse 35] And I shal defende this cite, that I saue it, for me, and for Dauid, my seruaunt. [verse 36] Wente out forsothe the aungil of the Lord, and smot in the tentus of Assiries an hundrid and fyue and eiȝteti thou|send; and thei risen erli, and lo! alle the [Om. A.] careynes of the [Om. AGH.] deade men. [verse 37] And he wente out, and ȝide awei. And turned aȝeen is Senacherub, king of [Om. K.] Assiries, and dwelte in Nynyue. [verse 38] And don is, whan he shulde honoure in the temple of Mesrach, his god, Aramalech and Sa|razer, his sones, smyten hym with swerd, and floun in to the lond of Ararath; and regnede for hym Asaradon, his sone.