The Holy Bible, containing the Old and New Testaments, with the Apocryphal books,

CAP. XXXVI.

[verse 1] And don it is in the fourtenthe ȝer of king Ezechie, steȝede vp Senacherib, king of Assiries, vp on alle the strengthid cites of Juda, and toc hem. [verse 2] And the king of Assiries sente Rapsacen fro Laches in to Jerusalem, to king Ezechie, in an heuy hond; and stod in the water kundute of the ouere pond [fish pond C pr. m. E pr. m.] , in the weie of the ful|leris feeld. [verse 3] And wente oute to hym Elya|chym, sone of Elchie, that was vpon the hous, and Sobna, scribe, and Joae, the sone of Asaf, chaunceler. [verse 4] And Rapsaces seide to them, Seith to Ezechie, These thingus seith the grete king, king of Assiries, What is this trist, that thou [verse 5] trostest? or of counseil [what counseil AEGHK.] or strengthe to rebellen thou disposist? vp on whom [whan K.] hast thou trost, for thou hast gon awei fro me? [verse 6] Lo! thou trostist vp on this `staf of reed [reed staf C pr. m. reedi staf E pr. m.] to-broken, `vp on Egipt [Om. C pr. m. E pr. m.] , to whom if a man shul lene, it shal go in to his hond, and therlen it; so Farao, king of Egipt, to alle men that trosten in hym. [verse 7] That if thou answere [answerist AEGHK.] to me, In the Lord oure God wee trosten; whether not he is, whos heȝe thyngus and auteres toc awei Ezechie, and seyde to Jude and to Jerusalem, Beforn this auter ȝee shul honoure? [verse 8] And now `tac thee [taketh heede E pr. m. tac ȝee K.] to my lord, the [Om. AGHK.] king of Assiries, and I shal ȝyue to thee two thousend hors, and thou shalt not moun ȝyuen of thee steȝeres vp of hem. [verse 9] And [Of E pr. m.] what maner sustene shal the face of a domes man [Om. E pr. m.] of o place of

the lasse seruauns of my lord? That if thou troste in Egipt, and in the foure [verse 10] horsid carre, and in the horse men; and now whether withoute the Lord I steȝede vp to this lond, that I shulde destroȝe it? The Lord seide to me, Steȝe vp vp on this lond, and destroȝe it. [verse 11] And Elea|chym seide, and Sobna, and Joae, to Rapsacen, Spec to thi seruauntis in Si|rie tunge, wee vnderstonden forsothe; ne speke thou to vs Jewly, in the eres of the puple, that is vp on the wal. [verse 12] And seide to them Rapsaces, Whether to `thi lord [thyn hous E pr. m.] and to thee sente me my lord, that `I schuld [Om. C pr. m. he E pr. m.] speke alle these wrdys, and not more to the men that sytten in the wal, that thei ete ther toordes, and drinke ther [the AGHK.] vryne of their feet with ȝou? [verse 13] And Rapsaces stod, and criede with a gret vois Jeuly, and seide, Hereth the wrdes [grete wrdes C pr. m.] of the grete king, king of Assiries. [verse 14] These thyngus seith the king, Bigile not ȝou Esechie, for he shal not moun delyueren [verse 15] ȝou out; and not to ȝou trost ȝyue Eze|chie vp on the Lord, seiende, Delyuer|ende the Lord shal delyueren vs; shal not be ȝoue [ȝyuen vel ȝyue E passim.] this cite in [in to AE sec. m. GHK.] the hond of the king of Assiries. [verse 16] Wileth not heren Eze|chie. These thingus forsothe seith the king of Assiries, Doth with me blessyng, and goth out to me; and eteth eche his vyne, and eche his fige tree, and drinketh [verse 17] eche the water of his cisterne, to the tyme that I come, and take ȝou awei to the lond that is as ȝoure lond; lond of whete and of wyn, lond of loefes and of vynes. [verse 18] Ne disturbe [distruye A.] ȝou Ezechie, seiende, The Lord shal delyuere vs. Whether de|lyuereden the godes of Jentiles eche his lond fro the hond of the king of Assiries? [verse 19] Wher is the god of Emath, and of Ar|fath? Wher is the god of Sefaruaym? Whether thei deliuereden Samarie fro myn hond? [verse 20] Who is of alle the godes of these londis that delyuerede [shulde delyueren E pr. m.] his lond fro myn

hond, that the Lord delyuere Jerusalem fro myn hond? [verse 21] And thei heelden ther pes, and answerden not to hym a wrd. Forsothe the king hadde comaundid to them, seiende, Ne answere ȝee to hym. [verse 22] And wente in Elyachym, the sone of Elchie, that was vp on the hous, and Sobna, scribe, and Joae, sone of Asaf, chaunceler, to Esechie, kut the clothis, and tolden to hym the wrdes of Rapsaes.