The Holy Bible, containing the Old and New Testaments, with the Apocryphal books,

CAP. XXXIV.

[verse 1] Neȝheth, ȝee Jentiles, and hereth; tak|eth heed, ȝee puples; here [hereth C pr. m.] the lond, and his fulnesse, the world, and al his buri|ownyng. [verse 2] For the indignacioun of the Lord vp on alle Jentiles, and wodnesse vp on al the chyualrie of hem; he sloȝ hem, and ȝaf them in to slaȝter. [verse 3] The slayne of hem shul be throwe afer, and of the careynes of hem shal steȝen vp stinc; whlaten [waken E pr. m.] shul mounteynes [mounteyne K.] of the blod of hem. [verse 4] And wlate shal al the knyȝthed of heuenes, and `heuenes shu|len [thei shul C pr. m. E pr. m.] be foldid togidere as a [the E pr. m.] boc [boc of heuene C pr. m. E pr. m.] , and al the knyȝthed of hem shal fade [fade awey AGHK.] , as fadeth awey a lef of the vyne and of the fige tree. [verse 5] For inwardli drunken is in heuene my swerd; lo! vp on Ydume it [Y A.] shal come doun, and vp on the puple of my sleyng [fleynge AGHK.] , to dom. [verse 6] The swerd of the Lord fulfild

is of blod, innerly fattid it is with talȝ of blod of lombis and of get, of the blod of merewi wetheres; forsothe victorie sacrifises of the Lord in Bosra, and gret slaȝter in the lond of Edom. [verse 7] And doun shul come vnycornes with hem, and booles with the myȝty; inwardli drunken shal be the lond of hem with blod, and the loewe erthe of hem with talȝ [the talwȝ AEGHK.] of fatte [verse 8] thingis [Om. C pr. m. E pr. m.] ; for the dai of the veniaunce of the Lord, ȝer of [of the E.] ȝeelding of the dom of Sion. [verse 9] And turned shuln ben his stremes in to pich, and his loewȝ erthe in to brunston; and his erthe shal be in to brennende pich, nyȝt and day. [verse 10] It [And it CE pr. m.] shal not be queynt in to euermor, his smoke shal steȝen vp fro ieneracioun in to iene|racioun, and desolat shal be in to worldus of worldis; ther shal not ben a passere thurȝ it. [verse 11] And welden shul it the foul in face lic an asse, and the irchoun; and the snyte, and the crowe dwelle shul in it; and [Om. E pr. m.] straȝt out vp on it shal ben a mesure, that it be broȝt to noȝt, and `a lyne [Om. C pr. m. E pr. m.] euene doun piȝt in to desolacioun. [verse 12] His noble men shul not be there; the king more thei shul inwardly clepen, and ben shuln alle his princes in to noȝt. [verse 13] And [Om. E pr. m.] ther shul springe in his houses thornes and netles, and tasil in the strengthis of it; and it shal be the bed place of dragownes, and the leswe of ostriches. [verse 14] And aȝen come shul deueles, the beste party [party of C pr. m. E pr. m. AGHK.] an asse and `a party a man [of a boole and roȝ C pr. m. E pr. m. party of a man AK. the party of a man GH.] , and the wodewose; the tothir [oon AK.] shal crie to the tother. [verse 15] There shal lyn `lamya, that is, a [Om. AGHK.] thirs [thrisse AGHK.] , or a beste [the wilde cruel beste E pr. m. lamya, that is, thirs, a beste E sec. m. marg.] hauende the bodi lic a womman and horse feet; and he fyndeth to himself reste; there hadde diches the yrchoun [euel spel C pr. m. E pr. m.] , and nurshede out litle chittes, and aboute dalf [deluede AGHK.] , and nurshede in his shadewe;

there ben gedered kites, the tother [toon A. oon K.] to the tother. [verse 16] Secheth besily in the boc of the Lord, and redeth; oon of hem failyde not, the tother [toon A. oon K.] at the tother soȝte not; for that of my mouth ȝide forth, he co|maundide, and his spirit he gederede tho thingus. [verse 17] And he sente to them lot, and his hond deuydede it to them in to mesure; vnto euermore thei shul welden it, in ieneracioun and ieneracioun thei shul dwellen it [in it E.] .