CAP. XXXI.
[verse 1] Wo! that gon doun in to Egipt to helpe, in hors hopende, and hauende trost vpon foure horsid carres, for thei ben manye, and vp on hors men, for bifor [ful AE sec. m. GK.] stalwrthe thei ben ful myche; and thei han not trosted vp on the hoely of Irael, and the Lord thei han not out [Om. C pr. m.] soȝt. [verse 2] He forsothe wijs, broȝte to euel, and his wrdis he toc not awey; and he shal rise aȝen the hous of the werste men, and aȝen the helpe of men wirkende wickid|nesse [wickenesse E.] . [verse 3] Egipt a man, and not God; and [Om. CE pr. m.] his hors flesh, and not [no C.] spirit; and the Lord shal boowen his hond, and to|gidere falle shal the helpere, and falle shal he, to whom men [me AEGH.] ȝyueth helpe, and alle togidere shul be wastid. [verse 4] For these thingus seith the Lord to me, What maner if a leoun rore, and the whelp of a leoun vp on his prey, whan aȝen com|eth to hym the multitude of shepperdus, fro the vois of hem he shal not drede, and of the multitude of hem he shal not inwardly ben aferd; so shal come doun the Lord of ostus, that he fiȝte vp on the mount of Sion, and vp on his hilles. [verse 5] As [And H. And as K.] briddes fleende, so defende shal the Lord of ostus Jerusalem; defendende and de|lyuerende, passende and sauende. [verse 6] Beth conuertid, as in to depthe wenten awei, ȝee [the A.] sonus of Irael. [verse 7] In that dai forsothe casten awey shal a man the maumetes of hys siluer, and the maumetes of his gold, that maden to ȝou ȝoure hondus in to synne. [verse 8] And falle shal Assur in swerd, not of a man, and the swerd, not of a
