CAP. XXVII.
[verse 1] In that dai viseten shal the Lord in his harde swerd, and gret, and strong, vp on leuyathan, an eddere, a [and AGHK.] leuour, and vp on leuyathan, a [Om. E pr. m.] crookid wounde serpent [Om. E pr. m.] ; and he shal sle the whal, that is in the se. [verse 2] In that day the vyneȝerd [vyne C et E pr. m.] of good cleer wyn shal synge to hym. [verse 3] I the Lord that kepe it, feerli shal heelden out to it, lest par auenture it be visitid [verse 4] aȝen it; nyȝt and dai I kepe it, indigna|cioun is not to me. Who shal ȝyue me a thorne, and a brere? In bataile I shal go vp on it, I shal brennen it togidere. [verse 5] Or more I shal holde my strengthe? He shal do pes to me, pes he shal don to me. [verse 6] Who shal go out with bure fro Jacob? Flouren and burioune shal Irael, and they shul fulfille the face of the world with sed. [verse 7] Whether after the plage of the smytende hymself he smot hym? or as he slooȝ the slayne men of hym, so he is slayn? [verse 8] In mesure aȝen mesure, whan leid to it shal be, he shal deme it; he bithoȝte in his harde spirit, by the day of hete. [verse 9] Therfor vp on this shal ben forȝouen wickidnesse to [vpon E pr. m.] the hous of Jacob, and this al the frute, that be don awei his synne, whan he shal leyn alle the stones of the auter as the [he K.] hurtlid stones of askes [asshen A. asken EGH.] . Stonde shul not the maumet wodes, and the maumet wasshing temples. [verse 10] Forsothe the strengthid cite shal be desolat, the faire shal ben forsake, and lafte as desert; there [wher E pr. m.] shal be fed the calf, and there shal he lyn, and waste the ouermostes of it. [verse 11] In the droȝte of his rip to-treden shul ben wymmen, comende and techende it. Forsothe ther is not the puple wys, ther|fore shal [he schal AG sec. m. K sec. m.] not han mercy of it, that made it; and that [he that A.] foormede it, shal not spare to it. [verse 12] And it shal be, in that dai shal the Lord smyte, fro the wombe of the flod vnto the strem of Egipt; and ȝee shul be gedered togidere oon and oon, ȝee sonus of Irael. [verse 13] And it shal be, in that dai