The Holy Bible, containing the Old and New Testaments, with the Apocryphal books,
Wycliffe, John, d. 1384., Forshall, Josiah, 1795-1863., Madden, Frederic, 1801-1873.

CAP. XXIII.

[verse 1] The charge of Tyry. Ȝelleth, ȝee shippes of the se, for wastid is the hous, whennus to*. [Om. E pr. m.] comen `thei weren*. [he was E pr. m.] wont; fro the lond of Sethym it is opened to them. [verse 2] Beth stylle, ȝee that dwellen in the ile, the chaffaring of Sidon; the men seilende [verse 3] ouer the se fulfilden thee with manye watris; the sed of Nyli, the rip of the flod his frutes, and mad is the chaffare of Jentiles. [verse 4] Ashame thou, Sidon, seith the se, the strengthe of the se, seiende, I trauailide not with child, and bar not, and nurshede not out ȝung childer, ne to ful*. [the ful A.] waxing broȝte forth maidenes. [verse 5] Whan herd it shal be in Egipt, thei shuln so|rewen, whan thei shuln*. [Om. E pr. m.] heren of Tiro. [verse 6] Passeth the ses; ȝelleth, that dwellen in the ile. [verse 7] Whether not this ȝoure is, that gloriede fro the rathere daȝes in his eelde? leden shuln it aferr hir feet to pilgrym|agen. [verse 8] Who thoȝte this vp on Tirun sum tyme crouned, whos nededoeres princes, his marchaundus noble men of the erthe? [verse 9] The Lord of ostes thoȝte this, that he drawe doun the pride of alle glorie, and to shenshipe bringe doun alle the noble men of erthe. [verse 10] Passe ouer thi lond as the flod, thou doȝter of the se; ther is no more girdil to thee. [verse 11] His hond ouer the se he `strecchide, and disturbede*. [shal strecchen and disturben CE pr. m.] reumes. The Lord sente aȝen Canaan, that he to|trede [verse 12] his stronge men; and seide*. [he seide A.], Thou shalt no mor leyn to, that thou glorie, chalengis sustenende, thou maden doȝ|ter of Sidon*. [Sion C.]. In Sichym risende ouer|seile thou*. [Om. C.]; there forsothe shal not ben reste to thee. [verse 13] Lo! the lond of Caldeis such a puple was not; Assur foundide it; in to caitifte thei ouerladden the stalwrthe Page  265 men of it; thei vnderdoluen his houses, thei putten it in to falling. [verse 14] Ȝelleth, ȝee shipes of the se, for doun wastid is ȝoure strengthe. [verse 15] And it shal be, in that dai in forȝeting thou shalt be, O! Tire, seuenti ȝer, as the daȝes of o king; after*. [and after K.] seuenti ȝer forsothe to*. [Om. E pr. m.] Tiro shal be as a song of a strumpet. [verse 16] Tac harpe, go aboute the cite, thou strumpet, to forȝeting taken; weel syng, ofte vse song, that mynde of thee be. [verse 17] And it shal be, after seuenti ȝer, the Lord shal visite Tirum, and bringen it aȝeen to his meedes; and eft*. [of it K.] it shal ben, whan it shal do fornyca|cioun with alle the reumes of the erthe, vp on the face of the erthe. [verse 18] And his nede doyngus and his meedus shuln ben halewid to the Lord; thei shuln not ben hid*. [confoundid E pr. m.], ne leid vp; for to them that dwell|ede bifor the Lord shal be his nede do|yng, that thei ete into fulnesse, and be clad*. [clothid AEGHK.] vn to oldnesse.