CAP. XX.
[verse 1] In the ȝer that Tharthan wente into Assote, whan hadde sent hym Sargon, king of Assiries, and hadde fooȝte aȝen [verse 2] Asote, and hadde taken it; in that tyme spac the Lord in the hond of Isaie, sone of Amos, seiende, Go, and loosne [vnbynde E sec. m. marg. AGHK.] the sac fro [of A.] thi leendis, and the shon tak fro thi feet. And he dide so, goende `nakid and vnshod [Om. E pr. m.] . [verse 3] And the Lord seide, As wente my seruaunt Isaie nakid and vnshod, of thre ȝeer tocne and wnder shal ben vp on [verse 4] Egipt, and vp on Ethiope; so dryuen [Om. C sec. m. AGHK. threten E sec. m. marg.] shal the king off Assiries the caitifte of Egipt, and the transmygracioun of Etheope, ȝung and old, nakid womman and vn|shod, discouered the ersis, to [Om. E pr. m.] the shen|shepe of Egipt. [verse 5] And thei shul drede, and ben confoundid of Etheope, `ther hope [bi ther fairnesse E pr. m.] , and of Egipt, ther glorie. [verse 6] And the dwellere of that yle shal seyn in that day, Whether this was oure hope, to whom wee floun in to helpe, that thei shulden delyueren vs fro the face of the king of Assiries; and what maner shul we moun scapen?