The Holy Bible, containing the Old and New Testaments, with the Apocryphal books,

CAP. XIX.

[verse 1] The charge of Egipt. Lo! the Lord shal steȝe vp vp on a liȝt cloude, and gon in to Egipt; and ther [Om. A.] shul be moued the [Om. AGHK.]

symulacris of Egipt fro the face of hym, and the herte of Egipt shal wane in the myddel of hym. [verse 2] And to meete togidere I shal make Egipcienus aȝen Egipcienus, and fiȝte shal a man aȝen his brother, and a man aȝen his frend, cite aȝen cite, and reume aȝen reume. [verse 3] And to-broken shal be the spirit of Egipt in his boweles, and his counseil I shall stumble doun; and thei shul aske ther symulacris, and ther deuynoures, and ther deuel cleperes, and ther deuel sacrifieres. [verse 4] And I shal take Egipt in to the hond of cruel lordis, and a strong king shal lordshipen of hem, seith the Lord God of ostes. [verse 5] And the water shal waxe drie fro the se, and the flod shal be desolat, and dried. [verse 6] And faile shul the flodes, and thynned and dried shul be the ryueres of water hepes; the reed and the resshe shal welewen. [verse 7] Nakened shal be the flod wombe, and the [her A.] ryueres fro ther welle; and [Om. C.] of [Om. E pr. m.] `eche sowende the watri place [alle moiste seed E pr. m.] shal be dried, and welewen, and it shal not be. [verse 8] And [Om. AGHK.] mowrne [sorewe dreden C et E pr. m.] shul the fissheres, and weilen alle into the flod puttende the angil hoc; and spredende out the net vpon the face of watris, shul waxe feble. [verse 9] And confoundid [confoundyn AGHK.] shul ben, that wroȝten flax, plattende and weuende sotile thingus. [verse 10] And ther shul ben his `watri placis [moiste thyngus C et E pr. m.] dri|ende; alle that maden pondis to be caȝt fisshes. [verse 11] Fooles the princes of Thaneos, wise counseileres of Farao ȝeeuen vnwys counseil; what maner shul ȝee seyn to Farao, I [Om. E pr. m.] the sone of wise men, the [I the E pr. m.] sone of olde kingys? [verse 12] Where now ben thi wise men? `Telle thei [Thei shul telle E pr. m.] to thee, and shewe, what thoȝte the Lord of ostus vp on Egipt. [verse 13] Fooles ben mad the princes of Thaneos; gretli languyssheden the princes of Memfeos; begileden Egipt, the corner [aungeles C et E pr. m.] of his puples. [verse 14] The Lord mengde in his myddel the spirit of turnegidy;

and to erren thei maden Egipt in al his werk, as erreth a drunke man and a vo|mende. [verse 15] And ther shal not be to Egipt werke [nede C et E pr. m.] , that it make hed and tail in boowing and refreynyng. [verse 16] In that dai Egipt shal be as wymmen, and thei shul stoneȝen, and dreden fro the face of the stering togidere of the hond of the Lord of ostes, that he mouede vp on it. [verse 17] And shal be the lond of Juda to Egipt in to inward ferd; eche that of it recordede, shal inwardly dreden fro the face of the counseil of the Lord of ostes, that he thoȝte vp on it. [verse 18] In that dai shul be fyue citees in the lond of Egipt, spekende Ca|nane [Canaan AGHK.] tunge, and swerende bi the Lord of ostes; the cyte of the sunne shal ben clepid oon. [verse 19] In that day shal ben the auter of the Lord in the myddel of the lond off Egipt, and the title of the Lord [verse 20] biside his terme; and thei shul be in to tocne and to witnessing to the Lord of ostes, in the lond of Egipt. They shul crien to the Lord fro the face of the trublere, and he shal sende to them a saueour, and a forfiȝtere, that delyuere them. [verse 21] And the Lord shal ben knowen of Egipt, and knowen shuln the Egip|cienus the Lord in that day; and thei shul herien hym in ostes and ȝiftes, and thei shul vouwe vouwes to the Lord, and ȝeelde [thei shul ȝelden E pr. m.] . [verse 22] And smyte shal the Lord Egipt with a veniaunce, and helen it; and turnen aȝeen shuln the Egipcienus to the Lord, and he shal be plesid to them, and helen hem. [verse 23] In that day shal ben a weie fro [in to E pr. m.] Egipt `in to [fro E pr. m.] Assiries, and seruen shul the [Om. A.] Egipcienus to Assur; and entren shal Assirie Egipt [in to Egipt G sec. m. K sec. m.] , and Egipt in to As|siries. [verse 24] In that day shal ben Irael the thridde to [of A.] Egipt and to Assirie, blessing [verse 25] in the middel of the erthe; to whom blissede the Lord of ostus, seiende, Bliss|id my puple of Egipt, and the werk of

myn hondis to Assirie; be forsothe myn eritage Israel.