The Holy Bible, containing the Old and New Testaments, with the Apocryphal books,

CAP. X.

[verse 1] Wo that maken shreude lawes, and [verse 2] wrytende vnriȝtwisnesse writen, that thei oppresseden [oppresse C pr. m. oppressen E pr. m.] in dom pore men, and vio|lence diden [don C et E pr. m.] to the cause of meke [the meke E pr. m.] men of my puple; that widewes were the prei of hem, and faderles childer thei de|stroȝeden [destroȝe CE pr. m.] . [verse 3] What shul ȝee do in the day off visiting, and of wrecchidnesse fro a ferr comende? To whos helpe shul ȝee flee? and wher shul ȝee lefe ȝoure glorie, [verse 4] `lest ȝee [ne be ȝee C et E pr. m.] bowid vnder bond, and with slayn men falleth [fallen A.] ? Vp on alle these thingus is not turned awei his wodnesse, but ȝit his hond straȝt out. [verse 5] Wo to Assur,

the ȝerde of my wodnesse, and a staf he is; in the hond of hem, myn indignacioun. [verse 6] To a folc gilesum I shal senden hym, and aȝen the puple of my wodnesse I shal bidde to hym; that he take awei spoiles, and deuyde prey, and poote it in to tredyng, as the cley of stretes. [verse 7] He forsothe not so shal demen, and his herte not so shal eymen, but to `to-treden [treden AGHK.] shal ben his herte, and to sleyng of folc not fewe. [verse 8] Forsothe he shal sey, [verse 9] Whether not my princes togidere kingis [princis E pr. v.] ben? Whethir not as Karchamys, so Chalan|no; and as Arfath, so Emath? whethir not as Damasch, so Samarie? [verse 10] What maner myn hond fond the reumes of mawmet, so and [Om. E pr. m.] the symulacris of hem of Jerusalem and of Samarie. [verse 11] Whethir not as I dide to Samarie, and his mau|metes, so I shal do to Jerusalem, and his symulacris? [verse 12] And it shal be, whan the Lord shall fulfelle alle [Om. C.] his werkis in the mount of Sion and in Jerusalem, I shal visite vp on `the fruyt of [Om. C.] the gret do|ende herte of the king of Assur, and vp on the glorie of the heiȝte [herte C pr. m.] of his eȝen. [verse 13] Forsothe he seide, In the strengthe of myn hond I dide, and in my wisdam I vnderstod; and I toc awei the termes of puples [the peplis K.] , and the princes of them I rob|bede, and I droȝ awey as myȝti the sit|tende men in heeȝ. [verse 14] And myn hond fond as a nest the strengthe of puples, and as ben gedered eren [eyren K.] that ben laft, so al the lond I gederede; and ther was not that mouede a federe, and openede mouth, and berkyd [grucchide C et E pr. m.] . [verse 15] Whethir shal glorien the ax aȝen hym that hewith in it? or shal ben enhauncid the sawe aȝen hym of whom it is drawen? what maner wise if be rered a ȝerde aȝen the rerende it, and be hauncyd [enhaunsid AGHK.] a staf, that forsothe is a tree. [verse 16] For that shal sende the lordshepere, Lord of ostes, in his fatte thyngus thynnesse, and vnder his glorie `brend shal [the brend vp thingus shal E pr. m.] brenne

as brennyng of fyr. [verse 17] And ther shal be the liȝt of Irael in fyr, and his hoeli in flaume; and [and ther A.] shal be brend out and de|uoured his thorn and breres in o day. [verse 18] And the glorie of his wilde wode and of his Carmel, fro [and fro E pr. m.] the soule vn to the flesh he shall be wastid; and he shal be for ferd ferr fleende. [verse 19] And the releef of the wode of the wilde wode for fewenesse shul be noumbred, and a child shal write them. [verse 20] And it shal be in that dai, shal not ley to the remnaunt of Irael, and these [thei A.] that shul flee fro the hous of Ja|cob, to leuen vp on hym that smytith [smot C et E pr. m.] hem; but it shal leue vp on the Lord, hoeli of Irael, in treuthe. [verse 21] The rem|naunt shul be conuertid, the remnaunt forsothe of Jacob, to the stronge Lord. [verse 22] If forsothe shul ben thi puple, Irael, as the [Om. K.] grauel of the se, the remnaunt shul be conuertyd of it; ending abreggid shal flowe riȝtwisnesse. [verse 23] Ending forsothe and abreggyng the Lord God of ostes shal make in the myddel of al erthe. [verse 24] For that these thingus seith the Lord God of ostes, Wile thou not drede, my puple, dwellere of Sion, of Assur, in a ȝerde forsothe he shal smyte thee, and his staf he shal reren vp on thee in the weie of Egipt. [verse 25] Ȝit forsothe a litil while, and a litil, and shal be ful endid myn indigna|cioun and myn wodnesse vp on the hi|dous gilte [giltes C.] of hem. [verse 26] And the Lord of ostes shal reren `vp on [vp H.] it a scourge aftir the veniaunce of Madyan [Madyanytes C.] in the ston of Oreb, and his ȝerde vp on the se; and he shal reren it the [in the E.] weie of Egipt. [verse 27] And it shal be in that dai, shal be don awey his berthene fro thi [ther C.] shulder, and his ȝoc fro thi necke; and the ȝoc shal waxen al roten fro the face of oile. [verse 28] It shal come in Ayot, it shal passe in Magron, anent [anentus E et alii.] Magmas it shal commende his vesseles. [verse 29] Thei wenten a cours, Gaba oure seete, Rama `was stonyed [becam doumb C et E pr. m.] , Gaba of Saul fleiȝ.

[verse 30] Neȝe with thi vois, thou doȝter of Ga|lyn; tac heed, Laisa, thou porelet A|nathot. [verse 31] Wente forth Medemena; ȝee dwelleris of Jebyn, taketh coumfort. [verse 32] Ȝit dai is, that in Nobe me stonde; he shal shake his hond vpon the mount of the doȝter of Sion, hil of Jerusalem. [verse 33] Lo! the [Om. E pr. m.] lordshepere, Lord of ostes, shal to|breke the litil wyn vessel in ferd, and the heeȝe men in stature shul ben hewe doun. [verse 34] And the ful heeȝe shul be lowed, and the thicke thingus of the wilde wode shul ben turned vpsodoun with iren; and Liban with heeȝe thing shall falle.