The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] Wile thou not taken heed to wickide [wicke GH.] possessiouns, and ne seye thou, Ther is to me suffisaunt lif; no thing forsothe it shal profiten in the tyme of veniaunce, and of opressing, `or deth [Om. C et E pr. m.] . [verse 2] Ne folewe thou in thi strengthe the coueiting of thin herte, [verse 3] and ne sey thou, What maner myȝte I, or who me shal subiecten for my deedis? God forsothe veniende shal venien. [verse 4] Ne
sey thou, I synnede, and what to me falleth sorewy [sorew A sec. m. EG.] ? Forsothe the heiȝeste is a pacient ȝeldere. [verse 5] Of the forȝyuenesse of synnes, wile thou not [Om. A.] be withoute drede, ne ley thou to synne vp on synne. [verse 6] And sey thou not, The merci of God is gret; of the multitude of my synnes he shal han mercy. [verse 7] Mercy forsothe and wrathe fro hym soone neȝheth, and in to synneres beholdeth the wrathe of hym. [verse 8] Ne tarie thou to be conuertid to the Lord, and ne putte [bere E pr. m.] thou it of fro dai in to day. [verse 9] Sodeynli forsothe shal come the wrathe of hym, and in time of veniaunce he shal distroȝe thee. [verse 10] Wile thou not ben anguysht in vnriȝt richesses; forsothe thei shul not profiten in the dai of deth and of veniaunces. [verse 11] Ne throwe thou [Om. A.] thee out in to eche wynd, and go thou not in to eche wei; so forsothe a synnere is proued in double tunge. [verse 12] Be thou stede|fast in the weie of the Lord, and in the [Om. C pr. m.] treuthe of thi wit and kunnyng; and parfitli folewe thee the wrd of pes and of riȝtwisnesse. [verse 13] Be thou debonere to here [Om C pr. m.] the wrd of God, that thou vnder|stonde, and with wysdam thou schalt [Om. C pr. m.] bringe forth `a soth [Om. AGH.] answere. [verse 14] If ther is to thee vnderstonding, answere to thi neȝhebore; elles forsothe thin hond be vp on thi mouth, lest thou be take in an vndisciplined wrd, and thou be con|foundid. [verse 15] Wrshipe and glorie in the wrd of the weel felende; the tunge forsothe of the vnprudent is the turnyng vp so doun of hym. [verse 16] Be thou not clepid a twisil tunge [tungid A.] , `or a priue bacbiter [Om. C et E pr. m.] , in thi lif, and be thou not take in thi tunge, and confoundid. [verse 17] Forsothe vp on a theef is confusioun, and peyne taking, and werst repref vp on the twisel tunge. To the priue grucchere forsothe [Om. A.] hate, and enemyte, and strif. [verse 18] Iustefie thou lic maner the [to A.] litle and the [to A.] grete.
