The Holy Bible, containing the Old and New Testaments, with the Apocryphal books,

CAP. III.

[verse 1] The sonus of wisdam the chirche of riȝtwis men, and the nacioun of hem obeisaunce and loouyng. [verse 2] The dom of the fader hereth, ȝee looued sones; and so doth, that ȝee be saf. [verse 3] God forsothe wrshepede the fader in sonus, and the dom of the moder ful out sechende he fastnede in to the sonus. [verse 4] Who looueth God, shal full out preȝen for synnes, and shal withholden hym fro them, and in the orisoun of daȝes he shal be ful out herd. [verse 5] And as he that tresoreth, so and he that wrshepith his moder. [verse 6] Who wrshepith his fader, shal be mad merie in sones, and in the dai of his orisoun he shal be full out herd. [verse 7] Who wrshipith his fader, with lengere lif shal lyue; and who obesheth to the fadir, shal refreshe the moder. [verse 8] Who dredeth the Lord, wrshepith fader and moder; and as to lordis he shal serue to them that geeten [verse 9] hym, in werc, and wrd, and in alle pa|cience. [verse 10] Wrshipe thou thi fader, that ther come vpon to thee blissing fro God; and the blessing of hym in the laste dwelleth. [verse 11] The blissing of the fadir fast|neth the houses of sones; the cursing

forsothe of the moder drawith out foun|demens bi the roote. [verse 12] Ne glorie thou in the wrong of thi fader; forsothe it is not to thee glorie, but shenshepe. [verse 13] The glorie forsothe of a man, of the wrshepe of his fadir; and the vylenye of the sone, the fader withoute wrshepe. [verse 14] Sone, mekeli tac the laste age of thi fader, and ne [verse 15] sorewe thou hym in his lif; and if he faile in wit, ȝif forȝyuenesse, and dispyse thou not hym in thi [Om. A.] vertue; forsothe the almesse deede of the fader shal not be in forȝetyng. [verse 16] For whi for the synne of the moder shal be restored to thee good, [verse 17] and in riȝtwisnesse it shal ben bild vp to thee; and in the dai of tribulacioun it shal be remembrid of thee, and as iys in cleer, thi synnes shul ben loosed. [verse 18] Of hou euel loos is he, that forsaketh the fader; and he is cursid of God, that terreth to wrathe the moder. [verse 19] Sone, in debonernesse thi werkes parforme, and ouer the glorie of men thou shalt be looued. [verse 20] Hou myche thou art gret, meeke thee in alle thyngus, and byforn God thou shalt fynde grace; [verse 21] for gret myȝt is of God alone, and of meeke men he is wrshipid. [verse 22] Heȝere thyngus than thiself seche thou not, and strengere thingus than thiself ne serche thou; but the thingus that God comaund|ide to thee, thenk hem euermor; and in manye werkes of hym `ne be thou [be thou not AGH.] kuri|ous. [verse 23] Forsothe it is not nedeful to thee, tho thingus that ben hid, to seen with thin eȝen. [verse 24] In oueruoide thingus wile thou not enserchen manyefold; and in manye werkes of hym thou shalt not be [verse 25] curious; manye forsothe thyngus ouer the wit of men ben shewid to thee. [verse 26] Manye forsothe supplauntede the suspi|sioun of hem, and in vanytee heeld doun the wittis of hem. [verse 27] The harde herte shal han euel in the laste; and that looueth perile, in it shal pershen. [verse 28] The

herte goende in to two weies, shal not han welsum chaunces; and the shrewde herte in them shal be sclaundred. [verse 29] A wicke [wicked A.] herte shal ben greeued in so|rewes; and the synnere shal lei to to synnen. [verse 30] To the synagoge of proude men shal not be helthe; forsothe the thicke [Om. C pr. m.] bush of synne in hem shal ben taken vp bi the [Om. A.] roote, and it shal not be vnderstonde. [verse 31] The herte of the wise man is vnderstonde in wisdam, and the goode ere shal heren with alle coueitende wisdam. [verse 32] The wis herte and vnderstand|able shal abstenen hymself from synnes, and in werkes of riȝtwisnesse welsum aftercomyngus shal han. [verse 33] Brennende fyr water shal quenche, and almes deede aȝenstandeth to synnes. [verse 34] And God is the forlookere [forth loker AEGH.] of hym that ȝeldeth grace; he hath mynde in to afterward, and in time of his falling he shal finde fastnyng.