The Holy Bible, containing the Old and New Testaments, with the Apocryphal books,

CAP. X.

[verse 1] A wis domesman shal demen his puple; and the princehod of the `wel felende, `or witti [Om. C et E pr. m.] , shal ben stable. [verse 2] Aftir the domesman of the puple, so and the seruauntis of hym; and whiche maner [Om. C pr. m.] is the gouernour of the cyte, suche and the dwelleris in [of A.] it. [verse 3] An vnwis king shal leesen his puple; and cites shul ben enhabitid bi the wit of prudent men. [verse 4] In the hond of God the power of the erthe, and abhominable alle wickidnesses of the [Om. AGH.] Jentiles; and a pro|fitable gouernour in tyme he shal reren vp on it. [verse 5] In the hond of God is [Om. AEGH.] the power of man; and vp on the face of the `scribe, or man of lawe [scribe C pr. m. E pr. m. GH. scribe or maister of lawe A.] , he shal putte vp on his wrshipe. [verse 6] Of alle the wrong of thi neȝhe|bore haue thou not mynde; and no thing do thou in the werkes of wrong. [verse 7] Hate|ful biforn God and men is pride; and cursful alle wickidnessis [the wickidnes A. wicke|nesse E. wickidnes GH.] of Jentiles. [verse 8] Rewme [A rewme A.] fro folc in to folc is born ouer, for vnriȝtwisnesses, and wrongus, and striues, and dyuers treccheries. [verse 9] Forsothe than the auerous man no thing is [Om. C pr. m.] more

ful of hydous gilte. What pridist thou [thou thanne E pr. m.] , erthe and asken [ashen A.] ? [verse 10] No thing is more wicke, than to loouen moone; this for|sothe hath his soule sillable, `or able to be sold [Om. C et E pr. m.] , `for in [and A.] his lif he threȝ awei his [Om. A.] inward thingus. [verse 11] Of eche myȝtihed short lif; lengere infyrmyte greeueth the leche. [verse 12] Short sicknesse the leche kut|teth of; so and a king to dai is, and to moru shal die. [verse 13] Whan forsothe a man shal dien, he shal eritagen serpentes, and bestes, and wermes. [verse 14] The bygynnyng of the pride of man to go bacward fro God; [verse 15] for fro hym that made hym his herte wente awey. For the bygynnyng of alle synne is pride; who `schal holde [holdith AC pr. m.] it, shal be fulfild with cursis, and it shal turne hym vp so doun in to the ende. [verse 16] Ther|fore the Lord dispisid [enournede out E pr. m. C pr. m.] the couentis of euele men, and destroȝede them `in to [vnto E.] the ende. [verse 17] The setes of proude dukes God distroȝede; and made mylde men to sitte for hem. [verse 18] The rootis of proude folkis [folc C.] God driede; and plauntide meke men of tho folkis. [verse 19] The londis of Jentiles the Lord turnede awei; and destroȝede them vn to the foundement. [verse 20] He made drie of them, and scaterede them; and made to cesen the mynde of hem fro the erthe. [verse 21] God lost [spilde E pr. m. C pr. m.] the mynde of proude men; and lafte the mynde of meke men in wit. [verse 22] There is not shapen [shapid AEGH.] to men pride; ne wrathefulnesse to the nacioun of wym|men. [verse 23] The sed of men shal be wrshipid, that that dredeth God; that sed forsothe shall ben put out of wrshipe, that passeth the maundemens of `the Lord [God E pr. m.] . [verse 24] In the myddel off brethern the gouernour of them in wrshipe; and that dreden [dredith AGH.] God, shul ben in the eȝen of hym. [verse 25] The glorie of wrshepid riche men and of pore is the drede of God. [verse 26] Wile thou not dispisen the riȝtwis pore man; and not magnefien the riche synful man. [verse 27] Gret is a iuge, and the myȝti is in wrshipe; and he is

not more than he that dredeth God. [verse 28] To the seruaunt wel felende shul seruen fre men; and a man prudent and lerned shal not grucchen chastisid, and the vnkun|nende shal not be wrshipid [chastisid C pr. m.] . [verse 29] Wile thou not enhaunce thee in thi werk to be do; and wile thou not dispeire [abide C pr. m.] in the time of anguysh. [verse 30] Betere is that wercheth, and aboundeth in alle thingis, than that glorieth, and nedeth bred. [verse 31] Sone, in de|bonernesse kep thi soule; and ȝif to it wrshepe, aftir his dissert. [verse 32] The synnende in to his soule, who shal iustifien? and who shal worschip the puttere his soule out of wrshipe? [verse 33] The pore glorieth bi disciplyne and his drede; and ther is a man that is wrshipid for his substaunce. [verse 34] Who forsothe glorieth in porenesse, hou [Om. C pr. m.] myche more in substaunce? and who glo|rie [glorieth AEGH.] in substaunce, porenesse `shame he [schameth G.] .