CAP. III.
Ne [No D.] this Y seye, that there be eny thing in me siche, that other thou myȝtist of me here, or woldist lerne; but whether [where BDEFH.] with thi feruour and studie of lernyng, also with outen vs, shulde be proued bi hem silf; a wit able to be tauȝt and with outen techer is preisable. Not what thou fyndist [fynde BDFH. fyndis E sec.m.] , but what thou sechist [seche BDFH.] , we taken heed. Neshe wax and liȝt to formen, ȝhe, if the hondis of the crafti man and of the fourmer cesen, neuertheles with ynne thoruȝ vertu is al what `euere may [euery man F.] be. Poul the apostle at the feet of Gamaliel glorieth hym silf to haue lernyd the lawe of Moyses and the prophetis, that he, armed with spirytual daartis, aftyrward myȝte seie tristily, "forsothe the armes of our kniȝhode ben not fleishli, but myȝti thoruȝ God to the distruccoun of holdis, that we be destruyinge thouȝtis, and al heiȝnes [heyȝenesses D.] reisynge it silf aȝens the kunnyng of God, and chatyuynge al vndir|stondyng for to obeishe to Crist, and redi to vndirȝoken al inobeishaunce." To Tymothe tauȝt in holi lettres fro childhode he wryteth, and enorteth [amonestith D. stireth I.] the [to EFHI.] studie of lessoun, lest he leue of the [Om. I.] grace, the which is ȝouun to hym bi imposicoun of the prestis hond [hondis D.] . To Tite he comaundide, among [that among E.] other vertues of a bishop, whom in short sermoun he depeyntid, that kun|nyng also he leue not of scripturis, "holdynge," he seith, "that [thilk BDEFH.] sermoun, the which is aftir doc|trine trewe sermoun, that he be myȝti to myche styre [sterynge D.] in holsum doctryne, and the withseieris [withsiggers DEFH.] to withstonde."
