The Holy Bible, containing the Old and New Testaments, with the Apocryphal books,

CAP. II.

What shal I speke of men of the world? sith the apostle Poul, the vessel of eleccoun and the maister of Gentilis, the which of conscience of so greet a gest in hym silf spak seiynge, "whe|ther sechen ȝe experyment of hym that spekith in me Crist," after Damask and Arabe enuy|round, ȝede vp to Jerusalem, that he myȝt se Peter, and dwelte [he dwelte I.] with hym fiftene daies; bi this forsothe mysterie of seuene and eiȝt the prechour of Gentilis to comyng was to be en|formyd; and eftsones aftir fourtene ȝeer, takun to hym Barnaba and Tyto, expownede [expounynge D.] with the apostlis the euangeli, lest perauenture in veyn

he shulde renne, or hadde ronnen. The dede of the quyk vois hath [haue A. Om. I.] I not what of hidde in|ward worchyng, and into the eris of the disciple fro the mouth of the autour the vois ouerȝotun strengerli [strongli I.] sowneth. Wherfor and Eschyneus, whan he was exylid into Rodi, and was redde thilk [that I.] orisoun of Demostens, that aȝens hym he hadde, wondrynge alle men and preisynge, si|ȝynge seith [he seith E.] , "what if thilk [that I.] beest ȝe hadden herd tellinge his owne wordis!"