The Holy Bible, containing the Old and New Testaments, with the Apocryphal books,

CAP. V.

[verse 1] And speke thou not folili any thing, ne thin herte be swift to bringe forth a wrd beforn God; God forsothe in heuene, and thou vp [Om. C pr. m.] on erthe, and therfore fewe be thi wrdis. [verse 2] Sweuenus folewen manye besynesses, and in manye wrdis shal ben founde folie. [verse 3] If any thing thou haue [hast AEGH.] vouwid to God, ne tarie thou to ȝelde; forsothe displesith to hym vnfeithful and fool beheste; but what euere thou auouw|ist, [verse 4] ȝeeld; and myche betere it is to [Om. A.] not auouwen, than aftir the vow the bihestis to not ȝelde. [verse 5] Ne ȝiue thou thi mouth, that thou make thi flesh to synnen; ne sey thou biforn the aungil, There is not purueying; lest parauenture the Lord, wroth vp on thi wrdis, scatere alle the werkis of thin hondis. [verse 6] Wher many sweuenes ben, many vanytes, and wrdis

vnnoumbreable; thou forsothe dred God. [verse 7] If thou shalt seen wronge [Om. C pr. m.] chalengis of nedi men, and violent domes, and riȝt|wisnesse to be turned vpso doun in pro|uynce [prouyncis A.] , wndre [ne wondre E pr. m.] thou not vp on this nede; for than the heeȝ an other is heȝere, and vp on these othere also ben heȝere stond|ende; [verse 8] and ferthermore the king of al erthe comaundith to the seruende. [verse 9] The auerouse shall not ben fulfild with monee; and that looueth richesses, frut shal not take of them; and this thanne vanyte. [verse 10] Wher ben many richesses, and manye that eten hem; and [Om. CG sec. m.] what profiteth to the weldere, but that he seeth the rich|esses with his eȝen? [verse 11] Swete is slep to the werchere, whether litil or myche [mychel E.] he ete; fulnesse forsothe of the riche man suf|frith hym not to slepen. [verse 12] Ther is and an other infirmyte werst, that I saȝ vndir the sunne; richesses kept in to euel [the euel AGH.] of his lord. [verse 13] Forsothe thei pershen in the werste tormenting; `he gat [Om. C pr. m. thei iendren E pr. m. he begat AE sec. m. GH.] a sone, that in heȝest nedynesse shal be. [verse 14] As he wente out nakid of the wombe of his moder, so he shal turne aȝeen; and no thing he shal take with hym of his trauaile. [verse 15] Wreccheful forsothe infirmyte; what maner he cam, so he shal turne aȝeen. What thanne profiteth to [Om. C pr. m.] hym, that he trauailede in to wind? [verse 16] Alle the daȝes of his lif he eet in dercnesses, and in many besynesses, and in myseise, and sorewe. [verse 17] And so this to me is seen good, that a man ete, and drinke, and vse gladnesse of his trauaile, that he trauailede vnder the sunne, in noumbre of the daȝes of his lif, `the whiche [that C pr. m.] God ȝaf to hym; and this is his part. [verse 18] And to eche man, to whom God ȝaf richesses, and substaunce, and power he ȝaf to hym, that he ete of hem, and take the frut of his part, and glade of his trauaile; this is the ȝifte of God. [verse 19] Forsothe not `a seeth [ynowȝ AE sec. m. marg. GH.] he shal recorde of the daȝes of his lif, ther thurȝ that God ocupie in delicys his herte.