[verse 7] Time of kutting, and time of souwing to|gidere; time of holding pes, and time of speking. [verse 8] Time of loouing, and time of hate; time of bataile, and time of pes. [verse 9] What hath a man more of his trauaile? [verse 10] I saȝ the affliccioun, that God ȝaf to the sonus of men, that thei be tormentid in it. [verse 11] Alle thingus he made goode in ther time, and the world he toc to [in to AGH.] the [Om. A.] disputisoun [disposicioun E.] of them, that a man finde not the werc that God wroȝte fro the bigynnyng to the ende. [verse 12] And I kneȝ that ther was not [no AEGH.] betere, but to gladen, and to do good in ther lif. [verse 13] Eche man forsothe that etith and drinketh, and seeth good of his trauaile; that the ȝifte of God is. [verse 14] I lern|ede that alle werkis, that God made, dwellen stille in to with oute ende; wee moun not to them any thing adden, or taken awei, that God made, that he be drad. [verse 15] That is maad, it dwellith stille; that ben to come, now weren; and God restoreth that, that ȝide awei. [verse 16] I saȝ vnder sunne [the sunne G sec. m.] in the [Om. AGH.] place of dom vnpi|tousnesse; and in the [Om. GH.] place of riȝtwis|nesse wickidnesse. [verse 17] And I seide in myn herte, The riȝtwise and the vnpitouse the Lord shal demen; and tyme of alle thing thanne shal be. [verse 18] I seide in myn herte of the sonus of men, that God shulde prouen hem, and shewen to ben lic to bestis. [verse 19] Therfore oon is the diyng of men and of bestis, and euene the condicioun of euere either; as a man dieth, so and tho dien; lic maner brethen alle thingus, and no thing hath a man more than a beste. [verse 20] Alle thingus vnderlin to vanyte, and alle thingus gon to o [oon E passim.] place; of erthe thei ben maad, and in to erthe togidere thei [verse 21] turnen aȝeen. Who kneȝ, if the spirit [spiritis AGH.] of the sonus of Adam steȝe vp aboue, and