CAP. V.
[verse 1] My sone, tac heed to my wisdam, and to my prudence bowe thou thin ere; [verse 2] that thou kepe thoȝtis, and discipline thi lippis withholden. Ne [Om. A.] wile thou not entende to the desceyuyng of womman; [verse 3] forsothe an hony comb droppende the lippis of a strumpet, and clerere than oile [verse 4] the throte of hir; forsothe the laste of hir bitter as wormod, and the tunge of hir sharp as a twei bitende swerd. [verse 5] The feet of hir gon doun in to deth; and to [in to A.] helle the goingis of hir persen. [verse 6] Bi the path of lif thei gon not; vagaunt ben the goingus of hir, and vnserchable. [verse 7] ZNow thanne, my sone, here thou me, and ne go thou awei fro the woordis of my mouth. [verse 8] Aferr mac fro hir thi weie, and ne neȝhe thou to the doris of hir hous. [verse 9] Ne ȝyue thou to alienes thi wrshipe, and [verse 10] thi ȝeris to the cruel; lest perauenture be fulfild straungeres with thi strengthis, and thi trauailis ben in an [Om. E pr. m.] aliene hous; [verse 11] and thou weile in [Om. C.] thi laste, whan thou hast wastid thi flesh, and thi bodi; and [verse 12] sey, Whi wariede I discipline, and to [verse 13] snybbingis assentede [assente C.] not myn herte; ne I herde the vois of men techende me, and to maistris I bowide not myn ere? [verse 14] Neȝh I was in alle euel, in the myddel of the chirche, and of the synagoge. [verse 15] Drink watir of thi cisterne, and the flowingus
