The Holy Bible, containing the Old and New Testaments, with the Apocryphal books,

CAP. XXV.

[verse 2] The glorie of God is to hilyn a wrd; and the glorie of kingis to enserchen a sermoun. [verse 3] Heuene aboue, and erthe [the erthe EH.] be|nethe, and the herte of kingus vnserch|able. [verse 4] Do awei rust from siluer, and ther shal gon out a most pure vessel. [verse 5] Do awei vnpitousnesse fro the chere of the king, and bi riȝtwisnesse shal ben fastned the trone of hym. [verse 6] Ne glorious apere thou befor the king, and in place [the place AGH.] of grete men stonde thou not. [verse 7] Betere is [it is EG sec. m.] forsothe, that it be seid to thee, Steȝe vp hidir, than that thou be mekid be|forn a prince. [verse 8] That thin eȝen seȝen, ne speke thou soone in strif; lest parauen|ture thou mowe not amende, whan thou hast dishonestid thi frend. [verse 9] Thi cause trete with thi frend, and priuyte to a [verse 10] straunger opene thou not; lest perauen|ture he asaile to thee, whan he shal heren, and to repreuen cese not. Grace and frendshipe delyueren, the whiche kepe thou to thee, lest thou be maad repreuable. [verse 11] A goldene cheke bon in sil|uerene beddis, that speketh a wrd in his tyme. [verse 12] A goldene erering, and a mar|garite shynende, that vndernemeth a wis man, and an ere obedient. [verse 13] As cold of snoȝ in the dai of rep, so [Om. AG pr. m. H.] an feithful messager to hym that sente hym; the

soule of hym to resten he maketh. [verse 14] Cloud and wind, and reines not folew|ende, a man glorious, and the behestes not fulfillende. [verse 15] Bi pacience shal ben maad softe the prince; and a nesshe tunge shal to-breke hardnesse. [verse 16] Hony thou hast founden, ett that suffiseth to thee; lest parauenture fulfild thou spewe it out. [verse 17] Withdraȝ thi foot fro the hous of thi neȝhebore; lest any time fulfild, he shul hate thee. [verse 18] Spere, and swerd, and sharp arwe, a man that speketh aȝen his neȝhebore fals witnesse. [verse 19] A roten toth, and a foot sliden, that hopith vpon the [verse 20] vnfeithful in the dai of anguysh, and leeseth the mantil in the dai of cold. Eisel in glas, that singeth dites with peruertid herte. As a moȝhe [mouȝth A. mowȝte E.] to the cloth, and a werm to the tree, so sorewe of a man noȝeth to the herte. [verse 21] If thin enemy shul hungren, feed hym; if he [verse 22] thristith, ȝif hym watir to drinke; for|sothe colis thou shalt gadere togidere vp on the hed of hym; and the Lord shal ȝelde to thee. [verse 23] A northerne wind scater|eth reynes; and a dreri face the bac|bitende tunge. [verse 24] Betere is to sitte in a corner of a roof, than with a womman ful of strif, in the hous of a feste. [verse 25] Cold watir to the threstende soule; and a good messager fro a ferr lond. [verse 26] A welle tru|blid bi foot, and a veyne corupt, the riȝtwis fallende beforn the vnpitous. [verse 27] As he that etith myche hony, and it is not to hym good; so that [he that A.] is a serchere of mageste, shal ben opressid of glorie. [verse 28] As an opyn cite, and withoute enuyrounyng of wallis; so a man that mai not in speking chastisen his spirit.