man; but a wis man shal drawe it out. [verse 6] Manye men merciful ben clepid; a feith|ful [verse 7] man forsothe who shal finde? The riȝtwis forsothe that goth in his simple|nesse, blisful sones aftir hym shal leuen. [verse 8] The king that sit [sitteth AEGH.] in the see of dom, scatereth alle euelis [euel AEGH.] in his clere loking. [verse 9] Who mai sey, Clene is myn herte; pure withoute synne? [verse 10] Peis and peis, mesure and mesure, either is abhominable [abominacioun C.] anent God. [verse 11] Of his [the A.] studies is the child vnder|stonde, if riȝt ben and clene the workis of hym. [verse 12] The herende ere, and the seende eȝe, the Lord made euer either. [verse 13] Wile thou not looue slep, lest thee nedynesse [the nedynes A.] opresse; opene thin eȝen, and be thou fulfild with loues. [verse 14] Euel it is, euel it is, seith eche biere; and whan he goth awei, thanne he shal glorien. [verse 15] Gold, and the multitude of iemmes, and precious ves|sel, the lippis of kunnyng. [verse 16] Tac the cloth of hym, that borȝ was of the [Om. A.] alien; and for straungeres tac awei the wed fro hym. [verse 17] Swete is to a man the bred of lesing; and aftir shal be fulfild the mouth of hym with a litil pibbil ston. [verse 18] Thoȝtis bi counseilis ben strengthid; and bi go|uernailis batailis ben to be tretid. [verse 19] To hym that openeth priuetes, and goth gilendeli, and spredeth abrod his lippis, ne be thou togidere mengd. [verse 20] Who cursith to his fader and moder, shal be quenchid his liȝt in myddyl dercnesses. [verse 21] Eritage to the whiche is heeȝid in the begynnyng, in the laste shal lacke blissing. [verse 22] Ne sey thou, I shal ȝelde euel for euel; abid the Lord, and he shal deliuere thee. [verse 23] Abo|minacioun is anent God weiȝte and weiȝte; a treeccherous balaunce is not good. [verse 24] Of the Lord ben riȝt reulid the goingis of a man; who forsothe of men mai vnder|stonde his wei? [verse 25] Falling is of men ofte to `vouwe to [to taken awei deuocioun fro E pr. m.] seintis, and aftir the vouwis aȝeen drawe. [verse 26] Scatereth vnpitous men a wis king; and he bowith in vpon hem
