The Holy Bible, containing the Old and New Testaments, with the Apocryphal books,

CAP. XI.

[verse 1] A treccherous weȝe abominacioun is anent God [the Lord C pr. m.] ; and an euen [trewe C pr. m.] weiȝt the wil of hym. [verse 2] Wher shal be pride, there shal be wrongful blamyng; wher forsothe is mecnesse, and there wisdam. [verse 3] Simple|nesse of riȝtwis men shal riȝt reule them; and supplaunting of peruertid men shal waste them. [verse 4] Richessis shul not profiten in the day of veniaunce; forsothe riȝtwis|nesse shal deliuere fro deth. [verse 5] Riȝtwisnesse of the simple shal riȝt reulen his weie; and the vnpitous in his vnpitousnesse shal falle. [verse 6] The riȝtwisnesse of riȝt men shal deliuere them; and wicke [wickid AGH.] men in ther aspies shul be take. [verse 7] The vnpytous man dead, noon hope shal ben ouer; and the abiding of bisy men shal pershe. [verse 8] The riȝtwis fro anguysh is deliuered; and shal be take the vnpitous for hym. [verse 9] The feynere in mouth desceyueth his frend; riȝtwis men forsothe shul ben de|liuered with kunnyng. [verse 10] In goodis of riȝt|wis men shal ben enhauncid the cite; and in the leesing of vnpitous [the vnpitous A.] men [man A.] shal ben preising. [verse 11] Thurȝ the blessing of riȝt|wis men shal ben enhauncid the cite; and bi the mouth of vnpitous men it shal be turned vp so doun. [verse 12] Who desceyueth his frend, is nedi in herte; the prudent man forsothe shal be stille. [verse 13] Who goth gilendeli, shewith priue thingus; who forsothe is feithful, hilith the gilte of the frend. [verse 14] Wher is not a gouernour, the puple fallith; helthe forsothe, wher ben manye counselis. [verse 15] He shal be tormentid

with euel, that doth feith for a stranger; who forsothe shoneth grenes, shal be si|kir. [verse 16] A gracious womman shal finden glo|rie; and stronge men shuln han richessis. [verse 17] Wel doth to his soule the merciful man; who forsothe is cruel, casteth awei neeȝh men. [verse 18] The vnpitouse maketh were vn|stable; to the sowende forsothe riȝtwis|nesse feithfull [is feithful A.] mede. [verse 19] Noble mercy shal greithe lif; and folewing of euelis deth. [verse 20] Abhominable a [is a A.] shreude herte to the Lord; and his wil in hem, that simply gon. [verse 21] Hond in hond, shal not ben inno|cent the euele man; the sed forsothe of riȝtwis men shal be saued. [verse 22] A goldene cercle in the nosethirlis of a souwe, a fair womman and a fool. [verse 23] The desir of riȝtwis men alle good thing is; the abid|ing of vnpitous men wodnesse. [verse 24] Othere men deuyden proper thingus, and ben maad richere; othere reuen not their owne, and euermor ben in nedynesse. [verse 25] The lif that blisseth, shal ben inwardli fattid; and he that maketh inwardli drunken, also hymself shal ben inwardli maad drunken. [verse 26] He that hideth whete in time, shal be cursid in puplis; blessing forsothe vp on the hed of silleris. [verse 27] Wel riseth erli, that secheth goodis; who for|sothe is enserchere of euelis, of hem shal be oppressid. [verse 28] Who trosteth in his rich|essis, shal falle; riȝtwis men forsothe as a greene lef shul burioune. [verse 29] Who distur|bith his hous, shal han windis; and he that is a fool, shal seruen to the wise man. [verse 30] The frut of the riȝtwise the tree of lif; and he that vndertaketh soulis, is a wis man. [verse 31] If the riȝtwise in the erthe resceyueth, myche more the vnpitous, and the synnere.