The Holy Bible, containing the Old and New Testaments, with the Apocryphal books,

PSALMS.

Incipit prologus in librum Psalterij [From E. Proloug. F. Prologus H. No initial rubric in AC.] .

Whan it is knowe, alle the profetis to han spoke bi reuelacioun of the Holi Gost, Dauid [it is knowun Dauid OR.] most of profetis to han spoken sum [in sum C.] wise in wrthiere and ouer passende maner, as the trumpe of the Holi Gost, than othere profetis. Othere forsothe profetis profe|cieden bi sum maner ymagis of thingus, and withinne coueryngis of woordis, that is, bi sweuenes, and viseouns, and deedis, and sawis; Dauid forsothe, thurȝ stiring of the Holi Gost alone, withoute vttermor helpe his profecie made out. Wherfor couenabli this boc is seid, The boc of solitarie spechis. It is also seid a Sauter, the whiche name it toc of a musik instrument, that Ebruli is clepid nablum, Grekli a sauter, of this Grek woord sallim, that is, touching; Latinli is seid an [and H.] orgne, that is of ten cordis, and fro the ouere part ȝiueth soun, bi the touch of hondis. Of that forsothe instrument at the lettre therfore is [it is R.] nemned `this boc [Om. R.] , for at the [Om. H.] vois of that instrument Dauid song salmys beforn the arke in the tabernacle of the Lord; and as alle the sweete songus of that instrument weren clepid salmys, so and alle the particlis of this boc, or clausis. Also [And R.] aftir the spirituel vnderstonding wel of that instrument it taketh name, for as that instrument is of ten cordis, so this boc techeth the al aboute keping [the keping OR.] of the ten hestis; and as that instrument ȝiueth soun fro the ouere part bi the touch of hondis, so this boc techeth wel to werche, not for ertheli thingis, but for heuenli thingus, that ben

aboue. This boc stant [stondith AR.] in an hundrid and fifti salmys, not biside the resoun of heȝere signefiyng; this forsothe noumbre is notid to most solempne mysteries. It stant [stondith AI.] for|sothe of eiȝteti and seuenti. And eiȝtety al oon signefieth that [the same that doith OR.] eiȝte, and seuenti the same that seuene. Eiȝte forsothe signefieth the eiȝtthe age of aȝeen rising; for sithen ther ben sixe agis of men liuende, and the seuenthe of men diende, the eiȝthe age shal ben of men aȝeen risende. Bi seuene forsothe is betocned the time of this lif, that is passid bi the oftesithes comyng of seuen daȝes. Riȝtli thanne this boc is maad in such a noumbre of salmys, whos partyes signefien `the beforseid [parfite E pr. m.] mysteries; for it techeth so vs in the seuenthe [seuenthe age OR.] of this lif to werken and to liuen, that in the eiȝthe [eiȝthe age OR.] of aȝeen rising wee be not clad [clothid AEFHIOR.] with the doublefold cloth of confusioun, but with the stole of double glorifiyng. Or therfore in that noumbre of salmys it is maad, for, as wee han seid, this [the O.] noumbre stant [stoondith A.] of eiȝteti and seuenti, that al oon betocnen that [that same that doith O. the same that doith R.] eiȝte and seuene. Eiȝte forsothe betocneth the newe testament, the fadris [parties E pr. m.] forsothe of the newe testament to ogdoadi, that is, to eiȝte deseruen. Thei kepen [kepten O.] forsothe the eiȝthe dai of the resureccioun of Crist, that is, the sone dai, and the vtas of seintis, and abijden the eiȝte of the aȝeen rising. Bi seuene forsothe [Om. R.] is betocned the olde testament therfore; for the fadris [parties E pr. m.] of the olde testament serueden to ebdoady, that is, to seuene. Forsothe thei kepten [kepen E pr. m.] the seuenthe dai, and the seuenthe wike, the seuenthe moneth, the [and the A sec. m. Om. H.] `seuenthe ȝer [Om. H.] , and the seuenthe ȝer of the seuenthe, `that is, the [Om. E pr. m.] fiftithe, that is seid iubile. Wherfore Salomon seith, "Ȝif partis seuene and also eiȝte." And Mychias, "Wee shul reren `vp on [vp OR.] hym seuen shepperdis, and eiȝte primatis." Weel therfore this boc in that noumbre of salmys is maad, whos partis betocnen the doctrine of either testament, that bi that be [he OR.] shewid the hestis of either testament to be contened in this boc. This boc forsothe is deuydid bi thre fifties; bi the whiche thre [the thre R.] statis of cristene religioun ben betocned. Of whiche the firste is in penaunce, the secounde in riȝtwis|nesse [riȝtfulnesse OR.] , the thridde in preising of the [Om. AHOR.] euere lastende lif. Wherfore the firste fifti is endid in penaunce, that is, the salm that begynneth "Haue mercy of me, God;" the secounde in riȝtwisnesse [riȝtfulnesse O.] , that is, this salm, "Mercy and dom I shal singen to thee;" the thridde in preising of the [Om. A.] euere lastende lif, that is, this [the OR.] woord "Eche [alle E pr. m.] spirit preise God [the Lord AFHIOR.] ." And for these thre thingus techeth Dauid in this boc, therfore this threfold distinccioun of salmys is maad. Also it is to be notid, this scripture mor than othere to ofte ben vsid in chirche [chirchemennys E pr. m. the chirchis OR.] seruysis [seruyse OR.] , that therfore is don, for in this boc is the fulle ending of the hole boc of Godis woord. Heer forsothe ben discriued the meedis of goode men, the tor|mentis of euele men, the pleyne techyngus [techinge OR.] of begynende men, the forth going of pro|fitende men, the perfeccioun of ful comynge [kunnynge OR.] men, the lif of actif men, the [and the OR.] spirituel beholding of contemplatif men; heer also is taȝt what synne doth awei, what penaunce restoreth, what the gilti of synne othenkende [forthenkynge OR.] seye [seith AHOR.] , that is, "Lord, in thi wodnesse vndernyme thou not me," and in an other place, "Haue mercy of me, God, aftir thy mychile [miche IO.] mercy;" and what bi penaunce be [he OR.] purchasid, whan he vnderioyneth, "I shal teche wicke [wickid AIOR.] men thi weies, and vnpitous men to thee shul be conuertid;" bi whiche is shewid to [that OR.] no man, hou myche euere `trespasinge to be [be his trespas OR.] , to [Om. OR.] mystrosten of forȝiue|nesse, and of the merci of God, taken to the mecnesse of othenking [forthinking IOR.] ; whan forsothe

wee beholden Dauid, a man sleere and auoutrer, bi penaunce maad a doctour and a profete, to no man doende penaunce is laft place of wanhope; as of [Om. R.] the conuerting of Powil and his auaunsing in to apostil of the mercy of God pleynli wee ben certefied. Wherfore the chirche vsith in offisis [office OR.] , as the profecie of Dauid, the epistolis [epistle O. pistil R.] of hym more than of [Om. AOR.] othere; and therfore this profecie is oftene [ofter OR.] had in vse, for among othere profecies it passith in openyng of sawys; tho forsothe thingus that othere pro|fetis dercly and as bi figure seiden of the passion and the [of the A.] resureccioun of Crist, and of the euerlastende geteng, and of othere mysterijs, Dauid of profetis most excellent so euydentli openede, that more he be seen to euangelisen than to profecien.

Another prolog [From A. Alius prologus. E. Another prolog on the Sauter. OR. No rubric in CFHI.] .

Dauyd, the sone of Jesse, whan he was in his [Om. O.] reume, foure he ches that salmes shulden maken, that is, Asaf, Eman, Ethan, and Iditym. Eiȝtety and eiȝte forsothe seiden the salmys, and two hundrid the vndersinging, and [on R.] Abiud smot the harpe. Whan Dauid hadde aȝen [aȝee C.] broȝt the arke, aȝeen clepid fro Asotis in to Jerusalem aftir twenti ȝer, and abod in the hous of Amynadab, this he putte [putted I.] on in a newe `ȝokid karte [wayn C pr. m.] , and broȝte in to Jerusalem; men chosen of al the kinrede of the sonis of Israel, seuenti thousend, of the lynage forsothe of Leuy, two hundrid seuenti and eiȝte thousend men; of whiche foure princis he ordeynede to ben beforn to the songus, Asaf, Eman, Ethan, and Iditym, to eche of hem deuydende two and seuenti men, vnder criende preising of the songis to the Lord. And oon forsothe of hem smot the simbal, an other the harpe, an other the hornene trumpe enhauncende. In the myddel for|sothe of hem `stod Dauid [Dauid himsilf stood OR.] , holdende hymself [Om. OR.] a sautre; forsothe [and sothely OR.] thei wenten befor the arke in seuene queris, and the sacrifise, a [of a R.] calf. Forsothe al the puple folewide after the arke. Thanne alle the salmys of Dauid ben in noumbre an hundrid and fifti, of whiche [the whiche AFHIOR.] alle forsothe nyne made Dauid himself, two and thretti han not super|scripcioun, fifti and two and twenti in to Dauid, twelue in to Asaf, twelue in to Iditym, nyne to the sones of Chori, oon to Moises, two [and two O.] in to Salomon, two in to Aggie and Zacharie. And [Om. O.] so alle the salmys of Dauid ben maad in noumbre of an hundrid and fifti. The deuyseoun [diuisiouns IR.] of salmys that ben clepid diasalmys ben in noumbre [the noumbre AHOR.] of seuenti and fiue; the canticlis of grees ben in noumbre of fiftene. The firste salm to no man is asigned, for it is of alle. Therfore what other man is vnderstonde in the firste but the firste goten, that wrthili inscripcioun shul not be necessarie. Ferther|mor for that salm maketh mencioun of Crist, as aȝen thi [Om. AOR.] Crist expounende the persone `to ben inscriued [transcryued R.] , vttirli thei han not withinne chaungid the ordre of storie. Wee reden and [Om. OR.] in the titlis of salmys; but the salmys not after the storie, but aftir the profecie ben rad, so the ordre of titlis mai not disturben [distourblen HIOR.] the order of salmys. Alle [And alle OR.] the salmys that ben inscriued to hym Dauid, pertenen to the sacrament of Crist, for Dauid is seid Crist. [Here endith the prolog. A. Here endeth the prolog of the Sawter, se now the booc. I. Endith prolog. O. This seith seint Jerom, in his pro|logis on the Sawter. R. No rubric in EFH.]

Explicit prologus super psalterium.

[The boc begynneth of ympnes and solitarie spechis of the [Om. E.] profete Dauyd, of Cryst [From ACE. No initial rubric in the other Mss.] .] PSALM I.

[verse 1] BLISFUL the man, that went not awei in the counseil of vnpitouse, and in the wei off sinful stod not; and in the chaȝer of pestilence sat not. [verse 2] But in the lawe of the Lord his wil; and in the lawe of hym he shal sweteli thenke dai and nyȝt. [verse 3] And he shal ben as a tree, that is plauntid biside the doun rennyngis [rennyng AH.] of watris; that his frut shal ȝiue in his time. And the lef of hym shal not fade; and alle thingus what euere he shal don shul waxe wel|sum. [verse 4] Not so the vnpitouse, not so; but as poudre, that aferr throwith the wind fro the face of the erthe. [verse 5] Therfore eft rijsen not the vnpitouse in dom; ne sinful in the counseil of riȝtwise. [verse 6] For the Lord hath knowe the weie of the riȝtwise; and the goyng of the vnpitouse shal pershen.

PSALM II. [The salm of Dauyd.]

[verse 1] Whi gruccheden Jentilis; and puplys sweteli thoȝten inwardli veyne thingus? [verse 2] Ther stode neeȝh the kingus of the [Om. C.] erthe; and princis kamen togidere in to oon, aȝen the Lord, and aȝen his Crist. [verse 3] To-breke we the bondis of hem; and aferr throwe we fro vs the ȝoc of hem. [verse 4] That dwelleth in heuenes shal scorne them; and the Lord shal bemowe [mow A.] them. [verse 5] Thanne he shal speke to hem in his wrathe; and in his wodnesse disturbe [distourble A.] them togidere. [verse 6] I forsothe am sett king fro hym vpon Sion, the holi mount of hym; prechende

his heste. [verse 7] The Lord seide to me, My sone thou art; I to day gat thee. [verse 8] Aske of me, and I shal ȝiue to thee Jentilis thin eritage; and thi possessioun the termes of erthe [the erthe AH.] . [verse 9] Thou shalt gouerne them in an irene ȝerde; and as a vessel of a crockere breke them togidere. [verse 10] And now, kingus, vnderstondeth; beth taȝt, that demen the erthe. [verse 11] Serueth to the Lord in drede; and ful out gladeth to hym with trembling. [verse 12] Taketh discipline, lest any time be wrathid the Lord; and ȝee pershe fro the riȝtwis weie. [verse 13] Whan his wrathe shal brenne out in short; blisful alle that trosten in hym.

PSALM III. [ [verse 1] Salm [The salm A.] of [to E pr. m.] Dauid, whan he shulde flee fro the face of Absolon, his sone.]

[verse 2] Lord, wherto ben multiplied that tru|blen me? manye inwardli rijsen aȝen me. [verse 3] Manye seyn to my lif [soule A.] , Ther is not helthe to hym in his God. [verse 4] Thou forsothe, Lord, art myn vndirtakere; my glorie, and en|hansende myn hed. [verse 5] With my vois to the Lord I criede; and he ful out herde me fro his holi hil. [verse 6] I sleep, and was a slepe, and ful [Y ful A.] out ros; for the Lord vndertoc me. [verse 7] I shal not drede thousendis of puple goende aboute me; rys vp, Lord; mac me saf, my God. [verse 8] For thou hast smyte alle doende aduersite to me with oute cause; the teth of the sinful thou hast to-brosid. [verse 9] Of the Lord is helthe; and vpon thi puple thi blessing.

PSALM IV. [ [verse 1] In to the ende, in ditees, the salm of Dauid; or, In to the ende, the salm of the song of Dauid.]

[verse 2] Whan I inwardli clepide, ful out herde me the God of my riȝtwisnesse; in tribu|lacioun

thou spraddest out to me. [verse 3] Haue merci of me; and ful out here myn ori|soun. Sones of men, hou longe with greuous herte? whereto looue ȝee vanyte, and sechen lesing? [verse 4] And witeth, for the Lord hath maad merueilous his seynt; the Lord ful out shal here me, whan I shal crie to hym. [verse 5] Wrathe ȝee, and wileth not synnen; that ȝee seyn in ȝoure hertis and in ȝoure couchis, haue ȝee compunccioun. [verse 6] Sacrifiseth sacrifise of riȝtwisnesse, and hopeth in the Lord; many seyn, Who shewith to vs goode thingis? [verse 7] Markid is vpon vs the liȝt of thi chere, Lord; thou ȝeue gladnesse in myn herte. [verse 8] Of the frut of whete, win, and oile of hem; thei ben multiplied. [verse 9] In pes into itself; I shal slepe, and reste. [verse 10] For thou, Lord; singulerli in hope hast togidere set me.

PSALM V. [ [verse 1] Into the ende, for hir that getith the eritage.]

[verse 2] My woordis with eris parceyue thou, Lord; vnderstond my cry. [verse 3] Tac heede to the vois of myn orisoun; my king, and my God. [verse 4] For to thee I shal preȝe, Lord; erli thou ful out shalt here my vois. [verse 5] Erly I shal neeȝh stonde to thee, and seen; for thou art God not willende wickid|nesse. [verse 6] Ne shal dwelle beside thee the shrewe; ne shul dwelle stille the vn|riȝtwise before thin eȝen. [verse 7] Thou hast hatid alle that wirken wickidnesse; thou shalt leesen alle that speken lesing. The man of blodis and trecherous the Lord [verse 8] shal wlate; I forsothe in the multitude of thi mercy. I shal entre in to thin hous; I shal honouren at thin holi temple in thi drede. [verse 9] Lord, bring forth me in thi riȝt|wisnesse for myn enemys; mac redi in thi siȝte my weie. [verse 10] For ther is not in the mouth of hem treuthe; the herte of hem

is veyn. [verse 11] An open sepulcre is the throte of hem, with ther tungis treccherousli thei diden; deme them, thou God. Falle thei doun fro ther thoȝtis; after the mul|titude of the vnpitousnessis of hem, put hem awei; for thei han terrid thee, Lord. And glade thei alle, that hopen in thee; in to withoute ende thei shul ful out gladen; and thou shalt dwellen in hem. [verse 12] And alle shul glorien in thee that loouen [verse 13] thi name; for thou shalt blisse to the riȝtwise. Lord, as with the sheeld of thi goode wil, thou hast crouned vs.

PSALM VI. [ [verse 1] In to the ende, the salm of [to E.] Dauid, for the eiȝthe.]

[verse 2] Lord, in thi wodnesse vndernyme thou nott me; ne in thi wrathe chastise thou me. [verse 3] Haue mercy of me, Lord, for I am syk; hele me, Lord, for disturbid ben alle my bonys. [verse 4] And my soule is disturbid gretli; but thou, Lord, hou longe? [verse 5] Be turned, Lord, and delyuere my soule; mac me saaf, for thi grete mercy. [verse 6] For ther is not in deth, that be myndeful of thee; in helle forsothe who shal knou|leche to thee? [verse 7] I haue trauailid in my weilinge, I shal wasshe bi alle nyȝtis my bed; and with my teres my bedding I shal watrin. [verse 8] Disturbid is of wodnesse myn eȝe; I haue inwardli eldid amongis alle myn enemys. [verse 9] Goth awei fro me, alle that werken wickidnesse; for the Lord ful out herde the vois of my weping. [verse 10] The Lord ful out herde my louli preȝ|ing; the Lord myn orysoun hath vnder|taken. Shamen and be disturbid [distourblid A.] hugely [verse 11] alle myn enemys; be thei turned, and shame thei ful swiftli.

PSALM VII. [ [verse 1] In to the ende; the salm to Dauid, whom he song to the Lord for the woordus of Cusi, sone [the sone AEH.] of the riȝthalf, `or Gemyny [Om. AH.] .]

[verse 2] Lord, my God, in thee I hopide; mac me saf fro alle men pursuende me, and delyuere me. [verse 3] Lest any time he raueshe me as a leoun my soule; whil ther is not that aȝeenbie, ne that make [make me AE pr. m. H.] saf. [verse 4] Lord my God, if I dide this, if ther is wickid|nesse [verse 5] in myn hondis; if I quitte to the men ȝeldende to me euelis, I shal falle doun thurȝ desert fro myn enemys inwardli [verse 6] voide; pursue the enemy my lif, and cacche, and to-trede in the erthe my lif; and my glorie in to poudre bringe doun. [verse 7] Rys vp, Lord, in thi wrathe; and be thou enhauncid in the coostis of myn enemys. [verse 8] And ris vp, Lord my God, in the heste that thou hast sent; and the congregacioun of puplis shal enuyroun thee. [verse 9] And for it in to heiȝ go aȝeen; the Lord demeth puplys. Deme me, Lord, aftir my riȝtwisnesse; and aftir my in|nocence vpon me. [verse 10] Shal ben endid the shreudenesse of synneres, and thou shalt dresse the riȝtwis; God serchende hertis and reenes. [verse 11] Riȝtwis myn helpe of the Lord; that maketh saaf riȝte men in herte. [verse 12] God riȝtwis demere, strong andpa|cient; whether he wrathith bi alle daȝes? [verse 13] But ȝee shul ben conuertid, his swerd he shal braundishen; his bowe he bende, and made it redi. [verse 14] And in it he maade redi vesselis of deth; his arewis with brennende thingus he made out. [verse 15] Lo! he withinne wroȝte vnriȝtwisnesse; con|ceyuede sorewe, and bar wickidnesse. [verse 16] A lake he openede, and dalf [deluyde AEH.] it out; and

fel in to the dich that he made [hadde maad A.] . [verse 17] His sorewe shal be turned in to the hed of hym; and in to his nol the wickidnesse of hym shal descenden. [verse 18] I shal knouleche to the Lord, after the riȝtwisnesse of hym; and I shal sein salm to the name of the heȝest Lord.

PSALM VIII. [ [verse 1] In to the ende, the salm of Dauid, for the pressis.]

[verse 2] Lord, oure Lord; hou myche merueilous is thi name in al the erthe. For rerid vp is thi grete doing, ouer heuenes. [verse 3] Of the mouth of vnspekende [the vnspekynge A.] childer and souk|ende thou performedist preising, for thin enemys; that thou destroȝe the enemy and the veniere. [verse 4] For I shal see thin heuenes, the werkis of thi fingris; the mone and the sterris, that thou hast foundid. [verse 5] What is a man, that myndeful thou art of hym; or the son of man, for thou visitist hym? [verse 6] Thou lassedest hym a litil lasse fro aungelis; with glorie and [verse 7] worshipe thou crounedest hym, and set|tist hym ouer the werkis of thin hondys. [verse 8] Alle thingus thou leidist vnder his feet, shep and oxen alle; ferthermor and the [verse 9] bestis of the feeld; the foulis of heuene, and the fishis of the se; that thurȝ gon the sties of the se. [verse 10] Lord, oure Lord; hou myche merueilous is thi name in al erthe [the erthe AEH.] .

PSALM IX. [ [verse 1] In to the ende, for the hid thingus of the sone, the salm of Dauid.]

[verse 2] I shal knoulechen to thee, Lord, in al myn herte; and telle alle thi merueilis. [verse 3] I shal gladen and ful out ioȝen in thee; I shal sey salm to thi name, thou heȝest. [verse 4] In turnynge myn enemy bacward; thei shul be feblid, and pershe fro thi face.

[verse 5] For thou didist my dom, and my cause; thou sittist vp on the trone, that demest riȝtwisnesse. [verse 6] Thou feredist [blamedist E sec. m. sed postea expunxit.] Jentilis [the Jentilis E.] , and the vnpitous pershide; the name of hem thou didist awei in to with oute ende, and in to the world of world. [verse 7] Of the enemy failiden the swerdis in to the ende; and the cites of hem thou destroȝedist. Pershide the mynde of them with soun; [verse 8] and the Lord in to withoute ende abit [abijdeth AEH.] stille. He made redy in dom his trone; [verse 9] and he shal deme the roundnesse of the erthe in equite; he shal deme puplis in riȝtwisnesse. [verse 10] And `maad is the Lord [he is maad the A. maad is the H.] refut to the pore; helpere in tho thingus that nede is, in tribulacioun. [verse 11] And hope thei in thee, that knewen thi name; for thou hast not forsake the sechende thee, Lord. [verse 12] Singeth salmys to the Lord, that dwellith in Sion; telleth among Jentilis the studies of hym. [verse 13] For aȝeen sechende the blod of hem he recordide; he forȝat not the cry of pore men. [verse 14] Haue mercy of me, Lord; see my mecnesse fro myn enemys. [verse 15] That enhauncist me fro the ȝatis of deth; that I telle alle thi preis|ingus in the ȝatis of the doȝter of Sion. [verse 16] I shal ful out gladen in thi ȝiuere of helthe; ful ficchid ben the Jentilis in the deth, that thei maden. In this grene, that thei hidden, caȝt is the foot of hem. [verse 17] The Lord shal be knowe doende domys; in the werkis of his hondis caȝt is the sinful. [verse 18] Be turned the synneres in to helle; alle Jentilis, that forȝeten God. [verse 19] For not into the ende forȝeting shal ben of the pore; the pacience of pore men shal not pershen in to the ende. [verse 20] Rys, Lord, be not coumfortid a man; be demed the Jentilis in thi siȝte. [verse 21] Sett, Lord, a lawe ȝiuere vp on hem; wite the Jentilis, for they ben men. [verse 1] Wherto, Lord, wentist thou awei along? thou despisist in [and A.] ned|fultees

in tribulacioun. [verse 2] Whil proudeth the vnpitous with inne, tend is the pore man; thei ben caȝt in the counseilis, bi the whiche thei thenken. [verse 3] For preisid is the synnere in the desiris of his soule; and the wicke [wickyd AEH.] is blissid. [verse 4] The synnere sharpli ful out terrede the Lord; after the myculnesse [multitude C pr. m.] of his wrathe he shal not sechen. [verse 5] Ther is not God in his siȝt; defoulid ben the weies of hym in alle time. Thi domes be taken awei fro the face of hym; of alle his enemys he shal lordshipen. [verse 6] Forsothe he seide in his herte, I shal not be moued, fro ienera|cioun in to ieneracioun withoute euel. [verse 7] Whos mouth is ful of cursing, and bitter|nesse, and treccherie; vnder his tunge trauaile and sorewe. [verse 8] He sitt [sittith A. sett H.] in aspies with riche men in priuytes; that he sle the innocent. [verse 9] The eȝen of hym beholden in to the pore; he waitith in hid place, as a leoun in his den. He waiteth, that he raueshe the pore; to raueshe the pore, whil he draweth hym to. [verse 10] In his grane he shal meken hym; he shal bowen hym|self and fallen; whan he shal lordshipen of pore men. [verse 11] Forsothe he seide in his herte, Forȝeten is God; he turneth awei his face, lest he see in to the ende. [verse 12] Rys up, Lord God, and be haunsid thin hond; ne forȝete thou of [Om. A.] the [Om. H.] pore. [verse 13] For what the vnpitouse terrede God? forsothe he seide in his herte, He shal not aȝeen sechen. [verse 14] Seest thou, for trauaile and sorewe thou beholdist; that thou take them in to thin hondis. To thee laft is the pore; to the faderles child thou shalt ben helpere. [verse 15] To-brose the arm of the synnere, and of [to AH.] the malice doere; the synne of hym shal be soȝt, and not be founde. [verse 16] The Lord shal regne in to with oute ende, and in to the world of world; perishe shuln ȝee, Jentilis, fro the lond of hym. [verse 17] The desyr of pore men ful out

herde the Lord; the befor rediyng of the herte of hem herde thin ere. [verse 18] To deme to the moderles child and to the meeke; that no more ley to [Om. H.] to magnefie hym|self a man vp on erthe.

PSALM X. [ [verse 1] In to the ende, the [Om. H.] salm of Dauid.]

[verse 2] In the Lord I trostne [triste H.] ; hou sey ȝee to my soule, Passe forth in to the hil, as a sparewe. [verse 3] For loo! synneres benten [benden AH.] bowe, maden redy ther arwis in the arwe girdil; that thei shete in derc the riȝte men in herte. [verse 4] For thoo thingus that thou parformedest, thei destroȝeden; the riȝtwis man what dide forsothe? [verse 5] The Lord in his holy temple; the Lord, in heuene the sete of hym. His eȝen in to the pore beholden; the eȝelidis of hym asken the sones of men. [verse 6] The Lord ask|eth the riȝtwis man, and the vnpitous; he forsothe, that looueth wickidnesse, hatith hys soule. [verse 7] He shal reyne vp on synneres grenes; fyr, brunston, and the spiritis of tempestis, part of the chalis of hem. [verse 8] For riȝtwis the Lord, and riȝtwis|nesse he loouede; equite saȝ the chere of hym.

PSALM XI. [ [verse 1] In to the ende, the salm of Dauid, for the eiȝthe.]

[verse 2] Lord, mac me saf, for ther failith the holy; for mynusht ben treuthis fro the sonys of men. [verse 3] Veyn thingus thei speeken, eche to his neȝhebore; ther [thei ACH.] treccherous lippis [Om. H.] in herte and herte speeken. [verse 4] The Lord scatere alle trecherous lippis [tungis E pr. m.] , and the tunge gret speche [spekynge A.] . [verse 5] That seiden, Oure tunge wee shul magnefien; oure lippis of vs ben; who is oure lord? [verse 6] For

the wrecchidnesse of the [Om. AEH sec. m.] nedy, and the weiling of the pore; now I shal vp rise, seith the Lord. I shal putte in thin helthe ȝiuere; trostily I shal don in hym. [verse 7] The spechis of the Lord chaste spechis; siluer examyned bi fyr, proued of the erthe, purgid seuefold. [verse 8] Thou, Lord, shalt withholden vs; and kepen vs fro this ieneracioun and [Om. AEH.] in to withoute ende. [verse 9] In enuyroun vnpitous men gon; aftir thin heiȝnesse thou hast multiplied the sones of men.

PSALM XII. [ [verse 1] In to the ende, the salm of Dauid.]

Hou longe, Lord, thou forȝetist me in to the ende? hou longe thou turnest awei thi face fro me? [verse 2] Hou myche while I shal putte counseilis in my soule; so|rewe in myn herte bi day? [verse 3] Hou longe shall ben enhauncid myn enemy vp on me? [verse 4] Behold, and ful out here me, Lord my God. Liȝte thou myn eȝen, lest any [verse 5] tyme I slepe al doun in deth; lest sum time sey myn enemy, I haue wonnen the maistri aȝen hym. That trubblen me shul [verse 6] ful out glade, if I shul be moued; I for|sothe in thi mercy haue hopid. Myn herte shal ful out gladen in thin helthe ȝiuere; I shal singe to the Lord, that goodis ȝaf to me; and do salm to the name of the heiȝest Lord.

PSALM XIII. [ [verse 1] In to the ende, the salm of Dauid [Dauid, for the eiȝthe A.] .]

The vnwise man seide in his herte, Ther is not God. Corupt thei ben, and abhominable ben maad in ther studies; ther is not that do [doth A.] good, ther is not vnto oon. [verse 2] The Lord fro heuene forth be|heeld vp on the sonus of men; that he see, if ther is vnderstondende, or aȝeen sechende God. [verse 3] Alle ben bowid doun, to|gidere

vnprofitable ben maad; ther is not that do good, ther is not vnto oon. A sepulcre opened is the throte of hem, with ther tungis treccherously thei diden; the venym of edderes vnder the lippis of hem. Whos mouth of cursing and bitternesse is ful; swifte the feet of hem to sheden out blod. To-brosing and vnwelsumnesse in the weies of hem, and the weie of pes thei knewen not; ther is not the drede of God befor ther eȝen. [verse 4] Whether alle shul not knowen, that werken wickednesse; that deuoure my folc, as mete of bred? [verse 5] God they inwardli clepeden not; there thei trembliden bi drede, wher was not drede. [verse 6] For the Lord is in a riȝtwis ie|neracioun; the counseil of the nedi ȝee han confoundid, for the Lord is his hope. [verse 7] Who shall ȝiue fro Sion the helthe ȝiuere of Irael? Whan the Lord shal take awei the caitifte of his puple; Jacob ful out shal ioȝen, and Irael shall gladen.

PSALM XIV. [The salm of Dauid.]

[verse 1] Lord, who shal duelle in thi taber|nacle; or who shal eft resten in thin holy hil? [verse 2] That goth in withoute wem; and werkith ryȝttwisnesse. [verse 3] That speketh treuthe in his herte; that dide not tre|cherie in his tunge. Ne dide to his neȝhe|bore euel; and reprof toc not to aȝen hise neȝhboris. [verse 4] To noȝt is broȝt doun in his siȝt the malice doere; forsothe the dred|ende the Lord he glorifieth. That swereth to his neȝhebore, and desceyueth not; [verse 5] that his monee ȝaf not to vsure; and ȝiftis vp on the innocent toc not. He, that doth these thingus, shal not be moued in to without ende.

PSALM XV. [Of the title, the inscripcioun to hym Dauid.]

[verse 1] Kep me, Lord, for I hopide in thee; [verse 2] I seide to the Lord, My God art thou; for of my goodis thou nedist not. [verse 3] To the seintis that ben in the lond of hym; he made merueilous alle my willis in hem. [verse 4] Ther ben multiplied the infirmytes of hem; aftirward thei heeȝeden to. I shal not gadere togidere the conuenticulis of hem of blodis; ne I shal be myndeful of the namys of hem bi my lippis. [verse 5] The Lord the part of myn eritage, and of my chalis; thou art, that shalt restore myn eritage to me. [verse 6] Cordis fellen to me in ful cleer thingis; forsothe myn eritage ful cler is to me. [verse 7] I shal blisse the Lord, that ȝaf to me vnderstondinge; ouermor [euer more AH.] `and vnto [in to A.] the nyȝt myche [Om. A.] blameden me my reenys. [verse 8] I purueiede the Lord in my siȝte euermor; for fro the riȝt partis he is to me, lest I be with moued. [verse 9] For that gladede myn herte, and ful out ioȝede my tunge; furthermor and my flesh shal aȝeen resten in hope. [verse 10] For thou shalt not forsake my soule in helle; ne ȝiue thin halewe to seen corupcioun. Knowen to me thou hast maad the weies of lif; thou shalt fulfille me therto in gladnesse with thi chere; delitingus in thi riȝtt hond vnto the ende.

PSALM XVI. [ [verse 1] The orisoun of Dauid.]

Here, Lord, my riȝtwisnesse; vnder|stond my lowe preȝing. With eris per|ceyue myn orisoun; not in treccherous lippis. [verse 2] Fro thi chere my dom go forth; thin eȝen see thei equites. [verse 3] Thou proued|est myn herte, and visytedist in the nyȝt;

bi fyr thou examynedest me, and ther is not founde in me wickidnesse. [verse 4] That my mouth speke not the werkis of men; for the woordis of thi lippis I kepte harde weies. [verse 5] Parforme my goingus in thi sties; that my steppis be not meued. [verse 6] I criede, for thou, God, herdest me; bowe fully thin ere, and ful out here my woordis. [verse 7] Mac merueilouse thi mercyes; that makist saf the hopende in thee. [verse 8] Fro the with|stonderes to thi riȝthalf [riȝt part AEH.] kep me, as the appil of the [thyn E pr. m.] eȝe. Vnder the shadewe of [verse 9] thi weengis defend me; fro the face of vnpitous men, that me han tormentid. [verse 10] Myn enemys my soule cumpasiden; ther talȝ thei closiden togidere; theyr mouth hath spoken pride. [verse 11] Throwende me aferr now thei enuyrounden me; ther eȝen thei ordeyneden to bowe doun in to the erthe. [verse 12] They toke me doun, as a leoun redy to the prey; and as a leoun whelp dwell|ende in hid placis. [verse 13] Rys vp, Lord, be|for come hym, and supplaunte hym; tac awei my soule fro the vnpitous; thy [verse 14] swerd, fro the enemys of thin hond. Lord, fro a fewe fro the lond deuyde hem in ther lif; of thin hidde thingus fulfild to [Om. C.] is the wombe of hem. Thei ben ful|fild with sones; and laften ther relikis to ther childer. [verse 15] I forsothe in riȝtwisnesse shal apere to thi siȝte; I shal be fulfild, whan thi glorie shal apere.

PSALM XVII. [ [verse 1] In to the ende, to the child of the Lord, Dauid; the whiche woordus of this [his AH.] song he spac to the Lord, in the dai that the Lord toc hym out fro the hond [hoondis A.] of the enemys of hym, and fro the hond of Saul; and seide:]

[verse 2] I shal looue thee, Lord, my strengthe; the Lord my fastnyng, and my refut,

and my delyuerere. [verse 3] My God, myn help|ere; I shal hope in to hym. My de|fendere, and the horn of myn helthe; and myn vndertakere. [verse 4] Preisende I shal in|wardly clepe the Lord; and fro myn enemys I shal be saf. [verse 5] The sorewis of deth enuyrounden me; and the stremes of wickidnesse togidere sturbiden me. [verse 6] The sorewis of helle wenten aboute me; befor ocupieden me the grenes of deth. [verse 7] In my tribulacioun I inwardly clepide the Lord; and to my God I criede. And he ful out herde fro his holi temple my vois; and my cry in his siȝte wente in to the eris of hym. [verse 8] Moued is togidere, and togidere tremblide the erthe; the founde|mens of mounteynes ben togidere sturbid, and togidere moued [ben moued E.] , for he wrathide to them. [verse 9] Ther steȝede vp smoke in his wrathe, and fyr fro his face ful out brente; and colis ben vndertend of hym. [verse 10] He ful bowide heuenes, and cam doun; and dercnesse [darknessis AH.] vnder his feet. [verse 11] And he steȝede vpon cherubyn, and fleiȝ; he fleiȝ on the pennes of windis. [verse 12] And he putte dercnesses his hiding place, in the cum|pas of hym his tabernacle; derk watir [watris A.] in [Om. A.] the cloudis of the eir. [verse 13] Fro the liȝting in the siȝte of hym cloudis passeden; hail and the colis of fyr. [verse 14] And in thun|drede fro heuene the Lord; and the heȝest ȝaf his vois, hail and colis of fyr. [verse 15] And he sente his arewis, and scaterede hem; leitis he multipliede, and togidere sturbide hem. [verse 16] And ther apereden the wellis of watris; and ben opened the foundemens of the roundnesse of erthis. Of thi blamyng, Lord; of the inbrething of the spirit of thi wrathe. [verse 17] He sente fro the heȝest, and toc me; and caȝte me fro many watris. [verse 18] He toc me out fro my most strong enemys; and fro hem that hatiden me, for thei ben coumfortid vpon me. [verse 19] Thei befor camyn me in the dai of my tormenting; and the Lord is maad my defendere. [verse 20] And he ladde out me in

to brodnesse; he made me saf, for he wolde [welde E.] me [Om. H.] . [verse 21] And the Lord shal ȝelde to me after my riȝtwisnesse; and after the clennesse of myn hondis he shall ȝelde to me. [verse 22] For I kepte the weies of the Lord; ne vnpitously I dide fro my God. [verse 23] For alle the domys of hym in my siȝte; and the riȝtwisnesses of hym I putte not fro me awey. [verse 24] And I shal ben vndefoulid with hym; and al abouten kepe me fro my wickidnesse. [verse 25] And the Lord shal ȝelde to me after my riȝtwisnesse; and after the clennesse of myn hondis in the siȝte of the eȝen of hym. [verse 26] With the holy, holy thou shalt be; and with the innocent man, an innocent thou shalt be. [verse 27] And with the chosen, chosen thou shalt be; and with the peruertid, thou shalt be per|uertid. [verse 28] For thou a meke puple shalt make saf; and the eȝen of proude men thou shalt lowen. [verse 29] For thou liȝtist my lanterne; Lord, my God, liȝte [liȝtne AEH.] my derc|nessis. [verse 30] For in thee I shal be pullid out fro temptacioun; and in my God I shal gon ouer the wal. [verse 31] My God, vndefoulid the weie of hym, the spechis of the Lord bi fyr examyned; the defendere he is of alle hoperis in hym. [verse 32] For who God but the Lord? or who God but oure God? [verse 33] God that befor girte [girde AH.] me with vertue; and sette my weye vndefoulid. [verse 34] That par|fitli made my feet as of hertes; and vp on heȝe thingus settende me. [verse 35] That techeth myn hondis to bataile; and thou [Om. A.] settist as a brasene bowe myn armys. [verse 36] And thou ȝeue to me the proteccioun of thin [myn AH.] helthe; and thi riȝthond vndertoc me. And thi discipline amendede me in to the ende; and that thi discipline shal teche me. [verse 37] Thou madest large my goingus vnder me; and my steppis ben not feblid. [verse 38] I shal pursue myn enemys, and taken hem; and I shal not be turned, to the time thei failen. [verse 39] I shal breke them togi|dere, ne thei myȝten stonde; thei shul falle vnder my feet. [verse 40] And thou befor

girtist [girdist AH. girdedist E.] me with vertue to bataile; and thou supplauntidist men risende in me vnder me. [verse 41] And myn enemys thou ȝeue to me bac; and the hatende me thou scateredest. [verse 42] Thei crieden, and ther was not that shulde make saf; to the Lord, and he ful out herde them not. [verse 43] And I shal to-poone them into pouder befor the face of the wind; as clei of stretis I shal do them awei. [verse 44] Thou shalt take me out fro the aȝen seiyngus of the puple; thou shalt sette me in to the hed of Jentilis. [verse 45] The puple, that I knewe not, seruede to me; in heering [the heering AEH.] of ere it obeshede to me. [verse 46] Alienes sones han lied to me, alienes sonus ben elded; and haltiden [han haltid A.] fro thi pathis. [verse 47] The Lord liueth, and blessid my God; and God of myn helthe be en|hauncid. [verse 48] God, that giuest veniauncis to me, and sogetyst puplis vnder me; my deliuerere fro my wratheful enemys. [verse 49] And fro men risende in to me, thou shalt en|haunce me; fro the wicke [wickid H.] man thou shalt take me awei. [verse 50] Therfore, Lord, I shal knouleche to thee in naciouns; and to thi name a salm I shal seyn. [verse 51] Magnefiende the helthis of his king; and doende mercy to his crist Dauid, and to his sed vnto the world.

PSALM XVIII. [ [verse 1] In to the ende, the salm of Dauid.]

[verse 2] Heuenes tellen out the glorie of God; and the werkis of his hondes tellith the firmament. [verse 3] Dai to the [Om. A.] dai bolketh out woord; and nyȝt to the nyȝt shewith out kunnyng. [verse 4] Ther ben not spechis, ne ser|mownes; of the whiche ben not herd the voises of hem. [verse 5] In to al the [Om. AEH.] erthe wente out the soun of hem; and in to the endis of the roundnesse of erthe [the erthe AEH.] their woordis. [verse 6] In the sunne he sette his tabernacle; and he as a spouse goende forth fro his priue

chaumbre. He ful out gladide, as a ieaunt, [verse 7] to be runne [renned AH. ronned E.] the weie; fro the heȝest heuene the going out of hym. And the aȝeencomyng of hym unto the heȝeste of hym; and ther is not that hide hymself fro his hete. [verse 8] The lawe of the Lord vn|wemmed, turnende soulis; the witness|ing of the Lord feithful, wisdam ȝiuende to litle childer. [verse 9] The riȝtwisnesses of the Lord euene, gladende hertis; the heste of the Lord liȝtsum, liȝtende eȝen. [verse 10] The drede of the Lord holy, abit [abijdeth AEH.] stille in to the world of world; the domes of the Lord verre, iustefied in to themself. [verse 11] Desirable vp on gold, and precious ston myche; and swettere ouer the [Om. AEH.] hony and the hony|comb. [verse 12] Forsothe thi seruaunt kepeth hem; in hem to be kept myche ȝelding. [verse 13] Giltis who vnderstandith [vnderstant C pr. m.] ? fro myn hid thingis [verse 14] clense me; and fro alienes spare to thi seruaunt. If of me thei shul not lord|shipen, thanne I shal ben vnwemmed; and ful out clensid fro the most gilte. [verse 15] And the spechis of my mouth shul be, that thei plese; and the swete thenking of myn herte in thi siȝte euermore. Lord, myn helpere; and myn [Om. AH.] aȝeen biere.

PSALM XIX. [ [verse 1] In to the ende, the salm of Dauid.]

[verse 2] Ful out here thee the Lord in the dai of tribulacioun; defende thee the name of the [Om. AH.] God of Jacob. [verse 3] Sende he to thee helpe fro the holy; and fro Sion defende he thee. [verse 4] Myndeful be he of alle thi sa|crifise; and thi brent sacrifise be maad fat. [verse 5] Ȝelde he to thee after thin herte; and alle thi counseil conferme. [verse 6] We shul gladen in thin helthe ȝiuere; and in the name of oure God wee shul be magnefied. [verse 7] Fulfille the Lord alle thin askingus; now I haue knowe, for the Lord made saf his crist. He shal ful out heren hym fro his

holi heuene; in myȝtus the helthe of his riȝthond. [verse 8] These in charis, and these in hors; wee forsothe in the name of the Lord oure God shul inwardli clepen. [verse 9] Thei ben oblisht, and fellen; wee for|sothe risen, and [Om. AH.] ben up riȝt. [verse 10] Lord, mac saaf the king; and here us in the day that wee shul inwardli clepe thee.

PSALM XX. [ [verse 1] In to the ende, the salm of Dauid.]

[verse 2] Lord, in thi vertue shal the king gladen; and vpon thin helthe ȝiuere ful out ioȝen hugely. [verse 3] The desyr of his herte thou ȝeue to hym; and in the wil of his lippis thou begilidest not hym. [verse 4] For thou wentist beforn him in blessingus of swet|nesse; thou puttist in his hed a crowne of precious ston. [verse 5] Lyf he askide of thee, and thou ȝeue to hym; lengthe of daȝis in to the world, and into the world of world. [verse 6] Gret is his glorie in thin helthe giuere; glorie and gret fairnesse thou shalt ful [Om. A.] putte vp on hym. [verse 7] For thou shalt ȝiuen hym in to blessing in to world of world; thou shalt gladen hym in ioȝe with thi chere. [verse 8] For the king hopith in the Lord; and in the mercy of the heȝest he shal not be moued. [verse 9] Be founde thin hond to alle thin enemys; thi riȝthond finde alle that thee hatiden. [verse 10] Thou shalt putte them as a [Om. A.] furneis of fyr in the time of thi chere; the Lord in his wrathe shal desturbe them, and fyr shal deuoure them. [verse 11] The frute of hem fro the erthe thou shalt leese; and the sed of hem fro the sones of men. [verse 12] For thei bowede [boowe E.] doun in to thee [the H.] euelis; thei thoȝten counseilis, that thei myȝten not stablen. [verse 13] For thou shalt putte them abac; in thi relikis thou shalt make beforn redi the chere of hem. [verse 14] Be thou enhauncid, Lord, in thi vertue; wee shul synge, `and with salm seyn [and gladen out E pr. m.] thi vertues.

PSALM XXI. [ [verse 1] In to the ende, the salm of Dauid, for that [the AH.] taking to, or, for the morutid vndertaking, or, for the morutid hinde.]

[verse 2] God, my God, behold in me; whi hast thou forsake me? ferr fro myn helthe the [Om. A.] woordis of my giltis. [verse 3] My God, I shal crie bi dai, and thou shalt not ful out heren; and in the nyȝt, and not to vnwisdam to me. [verse 4] Thou forsothe in the [verse 5] holi duellist, preising of Irael; in thee hopiden oure fadris, hopeden, and thou deliueredest hem. [verse 6] To thee thei crieden, and thei ben maad saf; in thee thei hopeden, and ben not confoundid. [verse 7] I for|sothe am a werm, and not man; repref of men, and the kasting out of folc. [verse 8] Alle seende me scorneden me; thei speeken with lippis, and moueden the hed. [verse 9] He hopide in the Lord, `deliuere he [that he deliuere E pr. m.] hym; make he hym saaf, for he wile hym. [verse 10] For thou art that hast drawe me out from the wombe, myn hope fro the tetis [verse 11] of my modir; in thee I am kast forth out [Om. A.] fro the wombe. Fro the wombe of [verse 12] my modir my God thou art; ne go thou awei fro me. For tribulacioun is next; for ther is not that helpe. [verse 13] Ther han enuyround me manye calues; fatte bolis besegeden me. [verse 14] Thei openeden vp on me ther mouth; as a leoun rampaunt and rorende. [verse 15] As watir I am held out; and scatrid ben alle my bones. Maad is myn herte as wax meltende; in the myd|del of my wombe. [verse 16] My vertue driede as a [Om. AH.] shord, and my tunge cleuede to my chekis; and in to pouder of deth thou broȝtist doun me. [verse 17] For ther wenten aboute me manye houndis; the counseil of wari|eris besegide me. Thei dolue [delueden AEH.] myn hondis [verse 18] and my feet; and ful noumbrable maden alle my bones. Thei forsothe togidere lokeden, and inwardly beheelden me; [verse 19] thei deuydeden to themself my clothis,

and upon my cloth thei leiden lot. [verse 20] Thou forsothe, Lord, ne awei longe thou thin helpe fro me; to my defending behold anoon. [verse 21] Pul out fro the swerd my soule, thou God; and fro the hond of the hound myn only. [verse 22] Saue me fro the mouth of the leoun; and fro the hornes of the [Om. H.] vny|cornes [vnycorn C.] my mecnesse. [verse 23] I shal telle thi name to my brethern; in the myddel of the chirche I shal preise thee. [verse 24] Ȝee that dreden the Lord, preiseth hym; al the sed of Jacob, glorifieth hym. [verse 25] Drede hym al the sed of Irael; for he spornede not, ne despiside the lowe preȝing of the pore. Ne he turnede awei his face fro me; and whan I shulde crie to hym, he ful out herde me. [verse 26] Anent thee my preising in the grete chirche; my vouwes I shal ȝelde in the siȝte of men dredende hym. [verse 27] Pore men shul ete, and be fild [fulfild A.] , and thei shul preise the Lord, that aȝeen sechen hym; the hertis of hem shul liue in to the world of world. [verse 28] Thei shul recorde; and be conuertid to the Lord, alle the coostis of erthe. And ther shuln honoren in his siȝte; alle the meynes of Jentilis. [verse 29] For of the Lord is reume [the reume AEH.] ; and he shal lordshipen of Jentilis. [verse 30] Thei eeten, and honoureden, alle fatte men of erthe [the erthe AEH.] ; in hys siȝte shul falle alle that gon doun in to the erthe. [verse 31] And my soule shal to him liue; and my sed shal serue to hym. [verse 32] Ther shal be told to the Lord the ieneracioun to come; and heuenes shul telle the riȝtwisnesse of hym to the puple that shal be born, the whiche the Lord made.

PSALM XXII. [ [verse 1] The [Om. H.] salm of Dauid.]

The Lord gouerneth me, and [Om. AH.] no thing [verse 2] to me shal lacke; in the place of leswe where he me ful sette. Ouer watir of [verse 3] fulfilling he nurshide [broȝte out E pr. m.] me; my soule he

conuertide. He broȝte doun me vpon the sties of riȝtwisnesse; for his name. [verse 4] For whi and if I shal go in the myddel of the shadewe of deth; I shal not dreden euelis, for thou art with me. Thi ȝerde and thy staf; tho han confortid me. [verse 5] Thou hast maad redi in thi siȝte a bord; aȝen hem that trublyn me. Thou hast myche fattid in oile myn hed; and my chalis makende ful drunken, hou riȝt cler it is. [verse 6] And thi mercy shal vnderfolewe me; alle the daȝis of my lif. And that I dwelle in the hous of the Lord; in to the lengthe of daȝis.

PSALM XXIII. [ [verse 1] The salm of Dauid, in the first of the wike.]

Off the Lord is the erthe, and the plente of it; the roundnesse of londis, and alle that duellen in it. [verse 2] For he vpon the ses foundede it; and vp on the flodis befor greithide it. [verse 3] Who shal steȝen vp in to the hyl of the Lord; or who shal stonde in his holy place? [verse 4] The innocent in hondis, and in clene herte, that toc not to [Om. A.] in veyn his soule; ne swor in treccherie to hys neȝhebore. [verse 5] This shal take blessing of the Lord; and mercy of God his helthe ȝiuere. [verse 6] This is the ieneracioun of men sechende God; of men sechende the face of God of Jacob. [verse 7] Doth awei ȝoure ȝatus, ȝee princis; and beth rerid out, ȝee euer lastende ȝatis, and ther shal gon in the king of glorie. [verse 8] Who is this king of glorie? a Lord strong and myȝti, a Lord myȝti in bataile. [verse 9] Doth awei ȝoure ȝatis, ȝee princis; and beth rered vp, ȝee euer lastende ȝatis, and ther shal gon in the king of glorie. [verse 10] Who is this [this the A.] king of glorie? the Lord of vertues, he is king of glorie.

PSALM XXIV. [ [verse 1] In to the ende, the salm of Dauid.]

[verse 2] To thee, Lord, I rerede my soule; my God, in thee I trostne [troste AE. trist H.] , I shal not be|comen ashamed. [verse 3] And scorne not me myn enemys; forsothe alle that sustene thee shul not ben confoundid. [verse 4] Confoundid be alle doende wickid [wicke E.] thingus ouer veynly. Thi weies, Lord, shew thou [Om. AH.] to me; and thi sties teche out [thou A.] me. [verse 5] Dresse me in thi treuthe, and tech me, for thou art God, my sauere; and thee I sustenede all day. [verse 6] Recorde of thi mercy deedis, Lord; and of thi mercies that fro the world ben. [verse 7] The giltis of my ȝouthe [ȝongth A.] ; and myn vn|kunnyngnessis [vnkunnyngnes A. vnclen|nesse H.] , ne [Om. C.] wil thou not han in mynde. Aftir thi mercy haue mynde of [thou of E pr. m.] me; for thi goodnesse, Lord. [verse 8] Swete and riȝt the Lord; for that lawe he shal ȝiue to the [Om. A.] gilteris in the weie. [verse 9] He shal dresse debonere [the debonere E.] men in dom; he shal teche mylde men hys weies. [verse 10] Alle the weies of the Lord mercy and truthe; to the aȝeen sechende men, the testament of hym and his witnessis. [verse 11] For thi name, Lord, thou shalt be merciful to my synne; myche it is forsothe. [verse 12] Who is the man that dredeth the [Om. C.] Lord? lawe he sette to hym in the weie that he ches. [verse 13] The soule of hym in goode thingus myche shal abide; and the sed of hym shal eri|tage the erthe. [verse 14] Fastnesse is the Lord to men dredende hym; and the testament of hym, that it be opened to them. [verse 15] Myn eȝen euermor to the Lord; for he shal pullen up fro the grene [grane C sec. m.] my foot. [verse 16] Loke aȝeen in me, and haue mercy of me; for alone and a [Om. C.] pore man I am. [verse 17] Tribula|ciouns of myn herte ben multiplied; fro my nedis delyuere me. [verse 18] See my mecnesse, and my trauaile; and forȝif alle my giltis.

[verse 19] Behold myn enemys, for thei ben multi|plied; and with wicke [wickid AH.] hate thei hateden me. [verse 20] Kep my soule, and delyuere me; I shal not become ashamed, for I hopide in thee. [verse 21] Innocentis and riȝte cleueden to me; for I sustenede thee. [verse 22] Deliuere, God, Israel fro alle his tribulaciouns.

PSALM XXV. [ [verse 1] The salm of Dauid.]

Deme me, Lord, for in myn innocence I wente; and in the Lord hopende I shal not ben vnfastned. [verse 2] Prof me, Lord, and tempte me; brenne thou my reenys, and myn herte. [verse 3] For thi mercy is befor myn eȝen; and I with pleside in thi treuthe. [verse 4] I sat not with the counseil of vanyte; and with berende wicke [wickid A.] thingus I shal not gon in. [verse 5] I hatide the chirche of wariende men; and with the vnpitouse I shal not sitte. [verse 6] I shal wasshe amongys innocentis myn hondis; and I shal enuyroun thin auter, Lord. [verse 7] That I here the vois of preis|ing; and telle out alle thi merueilis. [verse 8] Lord, I loouede the fairnesse of thin hous; and the place off the dwelling of thi glorie. [verse 9] Ne leese thou with the vnpitouse men, God, my soule; and with men of blodis my lif. [verse 10] In whos hondis wickidnessis ben; the riȝthond of hem is fulfild with ȝiftis. [verse 11] I forsothe in myn innocence wente; aȝeen bie me, and haue mercy of me. [verse 12] My foot stod in riȝt [euene riȝt E pr. m.] ; in chirchis I shal blisse thee, Lord.

PSALM XXVI. [ [verse 1] In to the ende, the salm of Dauid, be|for that [Om. A.] he was enoyntid.]

The Lord my liȝting and myn helthe; whom I shal dreden? The Lord defendere of my lif; fro whom I shal quake? [verse 2] Whil neȝhen vp on me noȝeris; that thei ete my flesh. That trublen me, myn enemys;

thei arn [ben AEH.] feblid and fellen. [verse 3] If they setten aȝen me tentis; myn herte shal not drede. If rijse out aȝen me bataile; in that I shal hope. [verse 4] O thing I askide of the Lord, that I shal ofte [eft A.] sechen; that I duelle in the hous of the Lord alle `daȝis of [the dais of A. Om. H.] my lif. That I see the wil of the Lord; and visite his temple. [verse 5] For he hidde me in his taber|nacle in the day of euelis; and defendede me in the hidde place of hys tabernacle. [verse 6] In the ston he enhauncide me; and now he hath enhauncid myn hed vp on myn enemys. I haue gon aboute, and offrid in his tabernacle an ost of criyng out; I shal singe, and seyn salm to the Lord. [verse 7] Ful out here, Lord, my vois, that I criede to thee; haue mercy of me, and ful out here me. [verse 8] To thee seide myn herte, Ful out soȝte thee my face; thi face, Lord, I shal ofte [eft A.] seche. [verse 9] Ne turne thou awei thi face fro me; ne bowe thou doun in wrathe fro thi seruaunt. Myn helpere be thou, Lord; ne forsake thou me, ne despise thou [Om. AEH.] me, God, myn helthe ȝyuere. [verse 10] For my fader and my moder forsoken me; the Lord forsothe hath take me to. [verse 11] Lawe set to me, Lord, in thi weie; and dresse me in a riȝt path for myn enemys. [verse 12] Ne thou shalt take me in to the soulis of men trublende me, for ther han in [Om. C.] risen aȝen me wicke [wyckid AH.] witnessis; and wickid|nesse hath lowe [flowen H.] to them [me A.] . [verse 13] I leeue to seen the goodis of the Lord; in the lond of lyueres. [verse 14] Abiyd the Lord, manli do; and be coumfortid thin herte, and sustene the Lord.

PSALM XXVII. [ [verse 1] The salm to this Dauid.]

To thee, Lord, I shal crien; my God, ne be thou stille fro me, lest `any time thou holde thi pes fro me [sum tyme I be stille from thee E pr. m.] ; and I shal be

lic to men fallende in to the dich. [verse 2] Ful out here, Lord, the vois of my lowe preȝ|ing, whil I preȝe to thee; whyl I poote out myn hondis to thin holi temple. [verse 3] Ne take thou me togidere with synneres; and with men werkende wickidnesse ne leese thou me. That speken pes with ther neȝebore; euelis forsothe in the hertis of hem. [verse 4] Ȝif to hem aftir ther werkis; and after the wickidnesse of the findingus to [Om. A.] of hem. Aftir the werkis of ther hondis ȝif to hem; ȝelde ther ȝelding to hem. [verse 5] For thei vnderstoden not the werkis of the Lord; and in to the werkis of the hondis `of hym [Om. C.] thou shalt destroȝe them, and not bilde them up. [verse 6] Blissid the Lord, for he ful out herde the vois of my lowe preiȝing. [verse 7] The Lord myn helpere, and my defendere; in hym hopide myn herte, and I am holpen. And aȝeen flourede myn flesh; and of my wil I shal knoulechen to hym. [verse 8] The Lord the strengthe of his folc; and is the defendere of the saua|ciouns of his crist. [verse 9] Lord, mac saf thi puple, and blesse to thin eritage; and gouerne them, and enhaunce them vnto with oute ende.

PSALM XXVIII. [ [verse 1] The salm of Dauid, in the endynge of the tabernacle.]

Bringeth to the Lord, ȝee sones of God [men A.] ; bringeth to the Lord sones of wetheres. [verse 2] Bringeth to the Lord glorie and wrshipe; bringeth to the Lord glorie to his name; honoureth the Lord in his holi halle. [verse 3] The vois of the Lord vp on watris, God of mageste in thun|drede; the Lord vp on many watris. [verse 4] The vois of the Lord in vertue; the vois of the Lord in gret doing. [verse 5] The vois of the Lord togidere brekende cedris [cedre trees AH.] ; and the Lord shal to-breke the cedris of Liban. [verse 6] And he shal to-poone them as the calf of Liban; and the loouede as the sone of the

vnycornes. [verse 7] The vois of the Lord betwe [betwene AH. betwen E.] [verse 8] brekende the flaume of fyr, the vois of the Lord hurtlende togidere desert; and the Lord shal to-stere the desert of Cades. [verse 9] The vois of the Lord befor greithende herttys, and he shal opene the derk thingus; and in his temple alle shul sey glorie. [verse 10] The Lord maketh the flod to duellen in; and the Lord shal sitte king with oute ende. [verse 11] The Lord shal ȝiuen vertue to his puple; the Lord shal blisse to his puple in pes.

PSALM XXIX. [ [verse 1] The salm of the song, in the dedicacioun of the hous of Dauyd.]

[verse 2] I shal enhaunce thee, Lord, for thou vndertoke me; and thou hast not delitid myn enemys vpon me. [verse 3] Lord, my God, I criede to thee; and thou hast helid me. [verse 4] Lord, thou broȝtist out of helle my soule; thou sauedist me fro men fallende doun in to the lake. [verse 5] Doth salmus to the Lord, ȝee halewis of hym; and knoulecheth to the mynde of his holynesse. [verse 6] For ire in the indignacioun of hym; and lif in his wil. At the euetid longe shal abide weping; and at the morutid glading. [verse 7] I forsothe seide in myn abundaunce; I shal not be moued in to with oute ende. [verse 8] Lord, in thi wil; thou ȝeue to my fairnesse ver|tue. Thou turnedist awei thi face fro me; and I am maad disturbid. [verse 9] To thee, Lord, I shal crie; and to my God I shal lowly preȝe. [verse 10] What profit in my blod; whil I go doun in to corupcioun? Whethir pouder shal knouleche to thee; or tellen out thi treuthe? [verse 11] The Lord herde, and rewede of me; the Lord maad is myn helpere. [verse 12] Thou turnedist my weiling in to ioȝe to me; thou to-heewe [to-hewedist AEH.] my sac, and enuiroundest me with gladnesse. [verse 13] That to thee singe my glorie, and I shal not be pungid [to-pungid AEH.] ; Lord my God, in to withouten ende I shal knouleche to thee.

PSALM XXX. [ [verse 1] In to the ende, the salm of Dauid, `for the ecces of mynde [Om. H.] .]

[verse 2] In thee, Lord, I hopide; I shal not be confoundid in to withoute ende; in thi riȝtwisnesse deliuere me. [verse 3] Bowe to me thin ere; heeȝe that thou delyuere me. Be thou to me in to God a defendere; and in to an hous of refut, that thou make me saf. [verse 4] For my strengthe and my refut thou art; and [Om. C.] for thi name thou shal ful out lede me, and ful out nurshe me. [verse 5] Thou shalt ful out lede me fro this grene, that thei hidden to me; for thou art my defendere. [verse 6] In to thin hondis I take my spirit; thou boȝtist me, Lord God of treuthe. [verse 7] Thou hatedist aboute waiteris, vanytes ouer veynliche. [verse 8] I for|sothe in the Lord hopide; ful out I shal ioȝen, and gladen in thi mercy. For thou hast beholde my mecnesse; and sauedest fro nedis my soule. [verse 9] And thou closedest not me in the hondis of the enemy; thou hast sett in large place my feet. [verse 10] Haue mercy of me, Lord, for I am trublid; dis|turbid is in wrathe myn eȝe, my soule, and my wombe. [verse 11] For in sorewe hath failid my lif; and my ȝeris in weilingus. Enfeblid is in porenesse my vertue; and my bones ben disturbid. [verse 12] Ouer alle myn enemys I am maad repref, and to my neȝhebores gretli; and drede to my knowen. That seȝen me, outfloun fro [verse 13] me; to forȝeting I am ȝiue, as a [Om. A.] dead man fro herte. I am maad as a vessel [verse 14] lost; for I herde blamyng of manye duellende in enuyroun. In that whyl thei shulde come togidere aȝen me; to take my soule thei counseileden. [verse 15] I for|sothe in thee hopide, Lord, I seide, My [verse 16] God thou art; in thin hondys my lottis. Tac me out fro the hondis of myn ene|mys; [verse 17] and fro men pursuende me. Liȝtne [Liȝt AH.] thi face vp on thi seruaunt, mac me saaf

[verse 18] in thi mercy; Lord, I shal not be con|foundid, for I inwardli clepide thee. Vn|pitous men shame thei, and be thei broȝt [verse 19] doun in to helle; doumbe be thei [the C pr. m. Om. sec. m.] made, treccherous [the treccherous E.] lippis. That speken aȝen the riȝtwis wickidnesse; in pride, and in abu|sioun. [verse 20] Hou gret the multitude of thi swetnesse, Lord; that thou hiddest to men dredende thee. Thou performedist to hem, that hopen in thee; in the siȝte of the sones of men. [verse 21] Thou shalt hide them in the hid place of thi face; fro the disturb|ing [distourblynge H.] of men. Thou shalt defende them in thi tabernacle; fro the aȝenseiyng of tungis. [verse 22] Blessid the Lord, for he [that E pr. m.] made merueilous his mercy to me; in a strength|id cite. [verse 23] I forsothe seide in exces of my mynde; I am cast aferr fro the face of thin eȝen. Therfore thou ful out herdist the vois of myn orisoun; whil I shulde crie to thee. [verse 24] Looueth the Lord, alle ȝee the seintus of hym; for the Lord shal aȝeen seche the treuthe, and ȝelde plen|teously to men doende pride. [verse 25] Manli doth, and be counfortid ȝoure herte; alle ȝee that hope in the Lord.

PSALM XXXI. [The vndirstondyng of Dauyd.]

[verse 1] Blissid of whom ben forȝiue the wickid|nessis; and of whom couered ben the synnes. [verse 2] Blessid the man, to whom witide not the Lord synne; and ther is not in the spirit of hym trecherie. [verse 3] For I heeld my pes; inwardli eldeden my bones, whil I shulde crie al dai. [verse 4] For dai and nyȝt greued is on me thin hond; I am turned in my myseise, whil with ficchid is the thorn. [verse 5] My gilte knowen I made to thee; and myn vnriȝtwisnesse I hidde not. I seide, I shal knowleche aȝen me myn vn|riȝtwisnesse to the Lord; and thou for|ȝiue the vnpitousnesse of my synne. [verse 6] For that shal preȝe to thee eche seint; in nedful time. Neuerthelatere in the flod of

manye watris; to hym thei shul not neȝhen. [verse 7] Thou art my refute fro tribu|lacioun, that enuyrounde me; thou, my ful out ioȝe, pul out me fro the [Om. C.] enuy|rounende me. [verse 8] Vnderstonding I shal ȝiue to thee, and `I shal [Om. AH.] enforme thee in that weie, that thou shalt go; I shal fastne vp on thee myn eȝe. [verse 9] Wileth not be maad as an hors and a mule; to whom is not vnderstonding. In bernacle and bridil the chekis of hem constreyne; that neȝhen not to thee. [verse 10] Manye scourgis of the syn|nere; the hopere forsothe in the Lord, mercy shal enuyroune. [verse 11] Gladeth in the Lord, and ful out ioȝeth, ȝee riȝtwise; and glorieth, alle ȝee riȝt in herte.

PSALM XXXII. [In to the ende, the salm of Dauyd.]

[verse 1] Ful out ioȝeth, ȝee riȝtwise, in the Lord; the riȝte men semeth togidere preising. [verse 2] Knoulecheth to the Lord in an harpe; in sautre of ten cordis doth salmys to hym. [verse 3] Syngeth to hym a newe song; wel doth salmys to hym in criende out. [verse 4] For riȝt is the woord of the Lord; and alle his werkis in feith. [verse 5] He loueth mercy and dom; of [and of C.] the mercy of the Lord ful is the erthe. [verse 6] By the woord of the Lord heuenes ben fastned; and bi the spirit of his mouth al the vertu of hem. [verse 7] Gederende as in a botel the watris of the se; and puttende ses in tresoris. [verse 8] Alle the [Om. AEH.] erthe drede the Lord; of hym forsothe ben togi|dere moued alle the indwelleris the world. [verse 9] For he seide, and thei ben maad; he sente [sette A.] , and thei ben formed. [verse 10] The Lord scatereth the counseilis of Jentilis, re|preueth forsothe the thoȝtis of puplis; and repreueth the counseilis of princis. [verse 11] The counseill forsothe of the Lord with|oute ende abit [abideth AEH.] ; the thoȝtus of his herte in ieneracioun and in to ieneracioun. [verse 12] Blisful the folc of kinde, of the whiche

is the Lord his God; the puple that he ches in to eritage to hym. [verse 13] Fro heuene beheeld the Lord; he saȝ alle the sones of men. [verse 14] Fro his duelling place befor maad redi; he beheeld ouer alle, `that duelle [the dwelleris A.] the erthe. [verse 15] That made arowe the hertis of hem; that vnderstondith alle ther werkis. [verse 16] The king is not saued bi myche vertu; and the ieaunt shal not be saued in the multitude of his vertu. [verse 17] Desceyuable the hors to helthe; forsothe in abundaunce [the haboundaunce A.] of his vertu he shal not be saued. [verse 18] Lo! the eȝen of the Lord vp on men dredende hym; and in hem that hopen on his mercy. [verse 19] That he pulle out fro deth the soulis of hem; and fede them in hunger. [verse 20] Oure soule suffreth the Lord; for helpere and oure defendere he is. [verse 21] For in hym shal gladen oure herte; and in his holi name wee han hopid. [verse 22] Be do thi mercy, Lord, vp on vs; as wee han hopid in thee.

PSALM XXXIII. [ [verse 1] The salm of Dauid, whan he chaungide his chere beforn Abymalech, and he lafte hym, and he ȝide awey.]

[verse 2] I shal blisse the Lord in alle time; euermor his preising in my mouth. [verse 3] In the Lord shal ben preisid my soule; here the debonere, and glad thei. [verse 4] Magnefieth the Lord with me; and enhaunce wee his name in to itself. [verse 5] I soȝte out the Lord, and he ful out herde me; and of alle my tribulaciouns he caȝte me out. [verse 6] Neȝheth to hym, and beth liȝtid; and ȝoure facis shul not be confoundid. [verse 7] This pore man criede, and the Lord ful out herde hym; and of alle his tribulaciouns sauede hym. [verse 8] The aungil of the Lord sendith in; in the enuyroun of men dredende hym, and he shal deliuere them. [verse 9] Tastith, and seeth, for sweete is the Lord; blisful the man, that hopith in hym. [verse 10] Dredeth the Lord,

alle ȝee seyntis [the seyntis E pr. m.] of hym; for ther is not scarsnesse to the [Om. AEH.] men dredende hym. [verse 11] Riche men nededen, and hungriden; for|sothe the inwardli sechende the Lord shul not be mynusht alle goode. [verse 12] Cometh, sonys, hereth me; the drede of the Lord I shal techen ȝou. [verse 13] Who is the man that wil lif; looueth to seen goode daȝis? [verse 14] For|fende thi tunge fro euel; and thi lippis that thei speke not treccherie. [verse 15] Turne awei fro euel, and do good; inwardlyche seek pes, and pursue it. [verse 16] The eȝen of the Lord vp on the [Om. A.] riȝtwise; and the eris of hym at `the preȝeeris of hem [her preyers AEH.] . [verse 17] The chere forsothe of the Lord vp on men doende euelis; that he lese fro the erthe the me|morie of hem. [verse 18] The riȝtwise crieden, and the Lord ful out herde hem; and fro alle ther tribulaciouns he [Om. AE.] deliuered hem. [verse 19] Neȝh is the Lord to hem that ben with trublid herte; and the meke in spirit he shal sauen. [verse 20] Manye tribulaciouns of the riȝtwise; and of alle these shal delyuere them the Lord. [verse 21] The Lord kepeth alle the bones of hem; oon of hem shal not be to-brosid. [verse 22] The deth of synneres the werste; and thei that hateden the riȝt|wise shul gilten. [verse 23] The Lord shal aȝeen bie the soulis of his seruauns; and ther shul not gilten alle, that hopen in hym.

PSALM XXXIV. [ [verse 1] In to the ende, the salm `to hym [of AH.] Dauid.]

Deme, Lord, the noȝende me; out fiȝt thou the inpugnende me. [verse 2] Tac armis and sheeld; and ris vp in to helpe to me. [verse 3] Heeld out swerd, and close aȝen hem that pursue me; sei to my soule, I am thin helthe. [verse 4] Be thei confoundid, and shame|fully drede thei, sechende my soule. Be thei turned awey bacward, and confound|ed, thenkende to me euelis. [verse 5] Be thei maad as pouder beforn the face of the wind; and the aungil of the Lord to torment

constreynende them. [verse 6] Be maad the weie of hem dercnessis, and slideri; and the aungel of the Lord pursuende hem. [verse 7] For withoute cause thei hidden to me deth [the deth E pr. m.] of ther grene; and ouer veynly thei acuseden my soule. [verse 8] Come to hym the grene that he knoweth not, and the tak|ing that he hidde cacche hym; and in the grene falle he in it. [verse 9] My soule for|sothe ful out shal gladen in the Lord; and shal deliten vp on his helthe ȝiuere. [verse 10] Alle my bones shul seyn Lord, who [who is A.] lic thee; takende out the helples fro the hond of the strengere of hym; the [and the C.] nedi and the pore fro men brosende doun hym? [verse 11] Risende wicke [wickid A.] witnessis; that I knew not askeden me. [verse 12] Thei ȝolden to me euelis for goodis; bareynte to my soule. [verse 13] I forsothe whan to me thei weren heuy; was `clad in [clothed with AEH.] an heire. I mekide in fasting my soule; and my preȝeere in my bosum shal be turned. [verse 14] As neȝhebore and oure brother, so I with plesyde; as weilende and sorewid, so I was mekid. [verse 15] And aȝen me thei gladiden, and came to|gidere; ther ben gedered vp on me scourgis, and I knew not. [verse 16] Thei ben scaterid, and not ficchid with sorewe; thei tempteden me, thei vndermouwiden me [vpon me A.] with vnder|mouwing, and gnastiden vpon me with ther teth. [verse 17] Lord, whan thou shalt be|holde, restore my soule fro the malice doing of hem; fro leouns myn one. [verse 18] I shal knouleche to thee in a gret churche; in [and in A.] a sad puple I shal preisen thee. [verse 19] Ouer|ioȝe [Ouerioyen thei AH.] not to me that enemyen [enuyen H.] to me wickeli [wickydli AH.] ; that hatiden me withoute cause, and twincle with eȝen. [verse 20] For to me for|sothe pesibly thei speeken; and in the wrathe of the erthe spekende, treccheries thei thoȝten. [verse 21] And thei ȝeneden their mouth upon me; thei [and thei A.] seiden, Weu, weu! oure eȝen han seen. [verse 22] Thou hast seen, Lord, ne be thou stille; Lord, ne

go thou awei fro me. [verse 23] Ris, and see to my dom; my God, my Lord, in to my cause. [verse 24] Deme me aftir thi riȝtwisnesse, Lord, my God; and ouer ioȝe thei not to me. [verse 25] Sei thei not in ther hertis, Weu, weu, to oure soule; ne sei thei, Wee shul deuouren hym. [verse 26] Waxe thei ashamed, and shamely drede thei togidere; that thanken to myn euelis. Be thei clad [clothed AEH.] with confusioun, and shamefast drede; that deedis of malice thenken vp on me. [verse 27] Ful out ioȝe thei, and glade that wiln my riȝtwisnesse; and sei thei euermor, The Lord be magnefied; that wiln the [Om. C.] pes of his seruaunt. [verse 28] And my tunge shal sweteli thenke thi riȝtwisnesse; al dai thi preising.

PSALM XXXV. [ [verse 1] In to the ende, to the seruaunt of the Lord, the salm of Dauid.]

[verse 2] The vnriȝtwise seide, that he gilte [gilte not A.] in himself; ther is not the drede of God be|forn the eȝen of hym. [verse 3] For treccherousli he dide in his siȝte; that his wickidnesse be founden at hate. [verse 4] The woordis of his mouth wickidnesse and treccherie; he wolde not vnderstonde that he do wel. [verse 5] Wickidnesse he swetli thoȝte in his couche [bed AEH.] ; he stod neȝh to eche wey not good, malice forsothe he hatede not. [verse 6] Lord, in heuene thi mercy; and thi treuthe vnto the cloudis. [verse 7] Thi riȝtwis|nesse as the mounteynes of God; thi domes myche depnesse. Men and bestis [verse 8] thou shalt saue, Lord; as thou, God, hast multiplied thi mercy. The sones forsothe of men; in the coueryng of thi wengis shuln hopen. [verse 9] Thei shul ben inwardli drunken of the plente of thin hous; and of the strem of thi delit thou shalt ȝiue them drinke. [verse 10] For anent thee is the welle of lif; and in thi liȝt wee shul see liȝt.

[verse 11] Befor strecche thi mercy to men know|ende thee; and thi riȝtwisnesse to hem that ben in riȝt herte. [verse 12] Come not to me the foot of pride; and the hond of the synnere moue not me. [verse 13] There fellen that [alle that C.] werken wickidnesse; thei ben put out, and myghten not stonden.

PSALM XXXVI. [ [verse 1] The psalm of Dauyd.]

Wyle thou not folewe bi enuye in warieris; ne folewen bi looue men doende wickidnesse. [verse 2] For as hei swiftli thei shuln waxe drie; and as wrtis of erbis soone thei shul falle doun. [verse 3] Hope in the Lord, and do goodnesse; and indwelle thou the erthe, and thou shalt be fed in the richesses of it. [verse 4] Delite in the Lord; and he shal ȝiue to thee the askingus of thin herte. [verse 5] Opene to the Lord thi weie; and hope in hym, and he shal do. [verse 6] And he shal bringen out as liȝt thi riȝtwisnesse, [verse 7] and thi dom as mydday; soget be thou to the Lord, and preȝe hym. Wile thou not folewe bi enuye in hym that waxeth welsum in his weie; and in man [a man AH.] doende vnriȝtwisnessis [vnriȝtwisnes AH.] . [verse 8] Lef of fro wrathe, and forsac wodnesse; wile thou not folewe bi enuye, that thou be maad malicious. [verse 9] For thei, that ben maad malicious, shul ben outlawid; sustenende forsothe the Lord, thei shuln eritagen the erthe. [verse 10] And ȝit a litil, and the synnere shal not ben; and thou shalt seche the place of hym, and not finde. [verse 11] The debonere [bonere C.] forsothe shuln eritagen the erthe; and deliten in the multitude of pes. [verse 12] The synnere shal waite the riȝtwis; and gnaste vp on hym with his teth. [verse 13] The Lord forsothe shal scorne hym; for he beheeld forth that his day come. [verse 14] The synneres drowen out swerd; and benten [bende AEH.] ther bowe. That thei desceyue the pore and the helpeles; that

thei to-hewe the riȝte men in herte. [verse 15] The swerd of hem entre in to ther hertes; and the bowe of hem be to-broke. [verse 16] Betere is a litil to the riȝtwis; ouer manye richessis of synneres. [verse 17] For the armys of synneres [the synners A.] shul be to-brosid; forsothe the Lord con|firmeth riȝtwis men. [verse 18] The Lord knewȝ the daȝis of the vnwemmed; and the [Om. A.] eritage of hem with oute ende shal be. [verse 19] Thei shul not ben confoundid in an euel time, and in the daȝes of hungir thei [verse 20] shul be fulfild; for synneres shul per|shen. The enemys forsothe of the Lord, anoon as thei shul be maad wrshipeful, and enhauncid; failende as smoke thei shul faile. [verse 21] The synnere shal borewe, and not paȝen; the riȝtwis forsothe hath merci, and shal ȝelde. [verse 22] For blessende to hym thei shuln eritage the erthe; curs|ende forsothe to hym shul doun pershe. [verse 23] Anent the Lord the going of man shal be dressid [destruyed A.] ; and the weie of hym he [Om. C.] shal wiln. [verse 24] Whan the riȝtwis shal fallen, he shal not ben hurtlid; for the Lord vnderput [vnderputtith AEH.] his hond. [verse 25] Ȝungere I was, and forsothe I eldede; and I saȝ not the riȝt|wise forsake, ne his sed sechende bred. [verse 26] Al dai he hath reuthe, and leeneth; and his sed shal ben in blessing. [verse 27] Bowe doun fro euel, and do good; and indwelle in to the world of world. [verse 28] For the Lord looueth dom, and he [Om. A.] shal not forsake his seyntus; thei shul be togidere kept in to with oute ende. Vnriȝtwise shul be punshid; and the sed of vnpitouse shal pershen. [verse 29] Riȝt|wise forsothe shuln eritagen the erthe; and indwelle in to the world of world vp on it. [verse 30] The mouth of the riȝtwis shal sweteli thenke wisdam; and his tunge speke dom. [verse 31] The lawe of his God in the herte of hym; and his goingus shul not be supplauntid. [verse 32] The synnere beholdeth the riȝtwise; and secheth to slen hym. [verse 33] The Lord forsothe shal not forsaken hym in

his hondis; ne dampne him whan it [he A.] shal be demed to hym. [verse 34] Abyd the Lord, and kep his weie, and he shal enhaunce thee, that bi eritage thou take the erthe; whan synneres shul pershe, thou shalt see. [verse 35] I saȝ the vnpitouse aboue hauncid; and rerid vp as cedris of Liban. [verse 36] And I passide, and lo! he was not; I soȝte hym [Om. C sec. m.] , and ther is not founden his place. [verse 37] Kep inno|cence, and see equite; for thei ben relikis to a pesible man. [verse 38] The vnriȝtwise for|sothe shul doun pershe togidere; the re|likis of vnpitous men shul dien. [verse 39] The helthe forsothe of the riȝtwis of the Lord; and the defendere of hem he is in time of tribulacioun. [verse 40] And the Lord shal helpen hem, and delyueren hem, and pullen hem out fro synneres; and sauen hem, for thei hopeden in hym.

PSALM XXXVII. [ [verse 1] The salm of Dauid, in remembring of the saboth.]

[verse 2] Lord, in thi wodnesse ne undernyme thou me; ne in thi wrathe chastise thou me. [verse 3] For thin arwis ben in ficchid to me; and thou hast confermed thin hond vp on me. [verse 4] Ther is not helthe in my flesh fro the face of thi wrathe; ther is not pes to my bones fro the face of my synnes. [verse 5] For my wickidnesses ouerȝiden myn hed; and as a greuous charge thei ben heuyed vp on me. [verse 6] Myne woundis stunken, and ben roten; fro the face of myn vnwisdam [wisdam AH.] . [verse 7] A wrecche I am maad, and am crookid vnto the ende; al dai al dreri I wente in. [verse 8] For my leendis ben fulfild with deceytis; and ther is not helthe in my flesh. [verse 9] I am tormentid, and I [Om. A.] am meked ful myche; I rorede from the weiling of myn herte. [verse 10] Lord, befor thee al my desyr; and my weiling fro thee is not hid. [verse 11] Myn herte is al dis|turbid

[distourblid H.] in me; my vertu hath forsake me, and liȝt [the liȝt AH.] of myn eȝen, and it is not with me. [verse 12] My frendis and my neȝhebores; aȝen me neȝheden and stoden. And that be|siden [verse 13] me weren fro aferr stoden; and fors thei maden that soȝten my soule. And that inwardli soȝten euelis to me, speeken vanytees; and treccheries al day swetely thei thoȝten. [verse 14] I forsothe as def herde not; and as doumb not openende my [his A.] mouth. [verse 15] And I am maad as a man not herende; and not havende in his mouth aȝen vndernemyngus. [verse 16] For in thee, Lord, I hopede; thou shalt ful out heren [verse 17] me, Lord, my God. For I seide, Lest any time ouer ioȝen to me myn enemys; and whil al to-stirid ben my feet vp on me, grete thingus thei speeken. [verse 18] For I in to scourgis am redi; and my sorewe in my siȝte euermor. [verse 19] For my wickidnesse I shal telle out; and I shal thenken for my synne. [verse 20] Forsothe myn enemys lyuen, and ben confermed vpon me; and ben multeplied, that wickeli [wickidli AH.] hateden me. [verse 21] That ȝelden euelis for goodis, bacbiteden to me; for I folewede goodnesse. [verse 22] Ne for|sake thou me, Lord, my God; ne go thou awei fro me. [verse 23] Tac heede in to myn helpe; Lord God of myn helthe.

PSALM XXXVIII. [ [verse 1] In to the ende, `the song [the sones A. sonis H.] of Dauid, for Y ditym.]

[verse 2] I seide, I shal kepe my weies; that I gilte not in my tunge. I putte to my mouth warde; whan the synnere shulde stonde aȝen me. [verse 3] I becam doumb, and am mekid, and heeld my pes fro [for A.] goodis; and my sorewe is renewid. [verse 4] Myn herte wex al hot with inne me; and in my swete thenking ful out shal brenne fir. [verse 5] I spac in my tunge; Lord, mac knowen to me myn ende. And the noumbre of my daȝes, what it is; that I wite what failith to me. [verse 6] Lo! mesurable thou hast

put my daȝes; and my substaunce as noȝt befor thee. Neuerthelatere al vanyte; eche man liuende. [verse 7] Neuerthelatere in ymage passeth a man; but in veyn he is al [Om. A.] disturbid. He tresoreth; and vn|knowith, to whom he shal gedere tho thingus. [verse 8] And now what is myn abiding? whether not the Lord? and my sub|staunce anent thee is. [verse 9] Fro alle my wickidnessis [wickenesse E. wickidnesse H.] pul me awei; reprof to the vnwise man thou hast ȝiue me. [verse 10] I becam doumb, and openede not my [verse 11] mouth, for thou didist; moue awei fro me thi scourgis. [verse 12] Fro the strengthe of thin hond I failide in blamyngus; for wickednesse thou chastisidest [chastiside AH.] a man. Thou madest to flowen awei as an ireyne his soule; nerthelatere veynli is dis|turbid [distourblid H.] eche man. [verse 13] Ful out here myn orisoun, Lord, and my lowe preȝing; with eris perceyue my teris. [verse 14] Ne be thou stille, for a comeling I am anent thee; and a pilgrim as alle my fadris. [verse 15] Forȝif to me, that I be refreshed, befor that I go awei; and I shal be no more.

PSALM XXXIX. [ [verse 1] In to the ende, the salm of Dauid.]

[verse 2] Abidende I abod the Lord; and he beheeld to me. [verse 3] And he ful out herde my preȝeeris; and broȝte out me fro the lake of wrecchidnesse; and fro the [Om. A.] clei of drestis. And he sette vp on a ston my feet; and dresside my goingis. [verse 4] And he ful putte in my mouth a newe song; a ditee to oure God. Manye shul see, and dreden; and hopen in the Lord. [verse 5] Blisful the man, of whom the name of the Lord is his hope; and aȝeen lokide not in to vanytees, and in to false wod|nessis [woodnes AH.] . [verse 6] Manye thi merueilis thou hast do, Lord, my God; and in thi thoȝtis ther is not, that be lic to thee. I tolde

beforn, and spac; thei ben multiplied ouer noumbre. [verse 7] Sacrifice and offring thou woldist not; eris forsothe thou par|formedist to me. Brent sacrifise, and [verse 8] for synne thou askidest not; thanne I seide, Lo! I come. In the hed of the [verse 9] boc it is write of me, that I do thi wil; my God, I wolde; and thi lawe in myddes of myn herte. [verse 10] I befortolde thi riȝtwisnesse in a gret chirche; lo! my lippis I shal not forfende, Lord, thou hast knowen. [verse 11] Thi riȝtwisnesse I hidde not in myn herte; thi treuthe and thin helthe ȝyuere I seide. I hidde not thi mercy, and thi treuthe; fro myche counseil. [verse 12] Thou, Lord, forsothe ne do thou aferr thi mercy doingus fro me; thi [Om. C.] mercy and thi treuthe [doom A.] euer mor vndertoken me. [verse 13] For ther enuyrounden me euelis, of the whiche is no noumbre; ther caȝten me my wickednessis, and I myȝte not, that I shulde see. Thei ben multiplied ouer the heris of myn hed; and myn herte forsoc me. [verse 14] Holli plese it to thee, Lord, that thou delyuere me; Lord, to helpen me looke aȝeen. [verse 15] Be thei confoundid, and shamefastli drede thei togidere; that sechen my soule, that thei do it awei. Be thei turned al bac|ward, and shamefastliche drede thei; that wiln to me euelis. [verse 16] Bere they anoon ther confusioun; that seyn to me, Weu! [verse 17] weu! Ful out ioȝe thei, and glade vpon me, alle that sechen thee; and that loouen thin helthe ȝiuere, sey thei, Euermor be magnefied the Lord. [verse 18] I forsothe a beg|gere am and pore; the Lord is bisi of me. Myn helpere and my defendere thou art; my God, ne be thou tariende [taryed A.] .

PSALM XL. [ [verse 1] In to the ende, the salm `of Dauid [Om. A.] ; or, in to the ende, the vnderstonding of Dauid.]

[verse 2] Blisful that vnderstant [vnderstondeth AEH.] vp on the nedi and pore; in the euele dai shal de|lyueren

hym the Lord. [verse 3] The Lord kepe [shall kepe E.] hym, and quykene hym, and blisful make hym in the erthe; and take hym not `in to [in A.] the soule of his enemys. [verse 4] The Lord helpe bere to hym vp on the bed of his sorewe; al his bedding thou turnedest in his sicnesse. [verse 5] I seide, Lord, haue mercy of me; hele my soule, for I synnede to thee. [verse 6] Myn enemys seiden euelis to me; Whanne shal dien, and pershen his name? [verse 7] And if he wente in that he see, veyne thingus he spac; his herte shal gedere wickidnessis [wickidnes A.] to hym. [verse 8] He wente forth outward; and spac in to itself. Aȝen me priueli grucchiden alle myn enemys; aȝen me thei thoȝten euelis to me. [verse 9] A wicke [wickede AEH.] woord thei setteden aȝen me; Whether he that slepeth, shal not kaste to, that he ryse aȝeen? [verse 10] Forsothe the man of my pes, in whom I hopide; that eet my loues, magnefiede vp on me sup|plaunting. [verse 11] Thou forsothe, Lord, haue mercy of me; and aȝeen rere me, and I shal ȝelde to them. [verse 12] In that I knew, that thou woldist me; for ther shal not ioȝe myn enemy ouer me. [verse 13] Me forsothe for innocence thou hast vndertaken; and confermedist me in thi siȝte in to with|oute ende. [verse 14] Blessid [Blesful A.] the Lord God of Irael; fro the world, and in to the world, be it do, be it do.

PSALM XLI. [ [verse 1] In to the ende, vnderstonding, or bi vnderstonding [the vnderstondynge H.] , to the sones of Chore.]

[verse 2] What maner desireth the hert to wellis [the welles E pr. m.] of watris; so desireth my soule to thee, God. [verse 3] My soule thristide to God, the quyke welle; whan I shal comen, and apere befor the face of God? [verse 4] Ther weren to me my teris, loues dai and nyȝt; whil it is seid to me eche day, Wher is thi God? [verse 5] These thingus I re|cordide, and helde out in me my soule; for I shal passen in to the place of the ful merueylous tabernacle, vnto the hous

of God. In the vois of ful out ioȝing and confessioun; soun of the etere. [verse 6] Whi dreri art thou, my soule; and whi al disturbist thou me? Hope in God, for ȝit I shal knoulechen to hym; the helthe ȝiuere of my chere, and my God. [verse 7] To myself my soule is al disturbid; therfore I shal be myndeful of thee fro the lond of Jordan, and fro Ermonyum, the litle hil. [verse 8] The depnesse depnesse inwardli clepeth; in the vois of thi gooteris. Alle thin heȝe thingis; and thi flodis ouer me passiden. [verse 9] In the dai the Lord sente his mercy; and in the nyȝt his song. [verse 10] Anent me orisoun to God of my lif; I shal sey to God, Myn vndertakere thou art. Whi forȝeete thou of [Om. AH.] me, and whi al sori I go; whil the enemy tormenteth me? [verse 11] Whil my bones ben to-broken; to me repreueden myn enemys, that trublen me. Whil thei seyn to me, bi alle daȝis, Wher is thi God? [verse 12] My soule, whi art thou dreri; and whi all sturbist [disturbist A.] thou me? Hope [Hope thou E pr. m.] in God, for ȝit I shal knoulechen to hym; the helthe ȝiuere of my chere, and my God.

PSALM XLII. [ [verse 1] In to the ende, the salm of Dauid.]

Deme me, God, and seuere my cause fro folc not holy; fro a wicke [wickyd AH.] man, and a treccherous pul me awei. [verse 2] For thou art God, my strengthe; whi hast thou put me abac, and whi dreri I go, whil the enemye tormenteth me? [verse 3] Send out thi liȝt, and thi treuthe; tho thingis broȝten out me, and ladden to, in to thi [the A.] holi hil, and in to thi tabernaclis. [verse 4] And I shal go in to the auter of God; to God that gladeth my ȝouthe. I shal knou|leche to thee in an harpe, God, my God; [verse 5] whi dreri art thou, my soule, and whi al to-sturbist thou me? Hope thou in God, for ȝit I shal knoulechen to hym; the helthe ȝyuere of my chere, and my God.

PSALM XLIII. [ [verse 1] In to the ende, to the sones of Chore, to the vnderstonding.]

[verse 2] God, with oure eris wee han herd; oure fadris befor tolden to vs. The werc that thou wroȝtist in the daȝis of hem; and [Om. A.] in olde [the olde AEH.] daȝis. [verse 3] Thin hond Jentilis scaterede, and thou formedest hem; thou tormentidest puplis, and puttist out hem. [verse 4] Ne forsothe in ther swerd thei weldeden the erthe; and their arm shal not sauen hem. But thi riȝthond, and thin arm, and the liȝting of thi chere; for holli thou toke plesaunce in hem. [verse 5] Thou art he, my king and my God; that sendist helthis to Jacob. [verse 6] In thee oure enemys we shul wynewe bi the horn; and in thi name we shul dispise inriseris in vs. [verse 7] Forsothe [For A.] in my bowe I shal not hope; and my swerd shal not saue me. [verse 8] For|sothe thou sauedist vs fro men torment|ende vs; and the hatende vs thou con|foundedest. [verse 9] In God we shul be preisid al dai; and in thi name we shul knou|leche to thee in to the world. [verse 10] Nou for|sothe thou hast put vs abac, and con|foundid vs; and, God, thou shalt not gon out in oure vertues. [verse 11] Thou turnedist vs awei bacward after oure enemys; and thei, that hatiden vs, dyuersly caȝten to themself. [verse 12] Thou ȝeue vs as shep of metis; and in Jentilis [the Gentilis AH.] thou scateredist vs. [verse 13] Thou soldist thi puple with oute pris; and ther was not multitude in the togi|dere chaungingus of hem. [verse 14] Thou hast put vs repref to oure neȝhebores; vnder mouwing `and scorn [Om. A.] to hem that ben in oure enuyroun. [verse 15] Thou hast put vs in to licnesse to Jentilis; mouyng of the hed in puplis. [verse 16] Al dai my shame is aȝen me; and the confusioun of my face ouer|couerede me. [verse 17] Fro the vois of repref [the repref C.] puttende, and euele spekende; fro the

face of the enemy, and the pursuere. [verse 18] Alle these thingus camyn vpon vs; and wee han not forȝete thee, and wickeli [wickidli AH.] wee han not don in thi testament. [verse 19] And oure herte wente not awei bacward; and thou bowidist doun oure pathis fro thi weie. [verse 20] For thou mekedist vs in the place of tormenting; and ouercouerede vs the shadewe of deth. [verse 21] If wee han forȝete the name of oure God; and if wee han sprad out oure hondis to an alien God. [verse 22] Whe|ther God shal not aȝeen sechen thes thingus? he forsothe knewȝ the hidde thingis of the [Om. A.] herte. For wee ben mor|tefied for thee al dai; wee ben eymed as shep of slaȝtir. [verse 23] Rys vp, whi al [Om. A.] slepist thou, Lord? ris vp, and putte thou not abac in to the ende. [verse 24] Whi thi face turn|est thou awei? thou forȝetist of oure myseise, and of oure tribulacioun. [verse 25] For mekid in pouder is oure soule; oure wombe is glued togidere in the erthe. [verse 26] Ris vp, Lord, and help vs; and aȝeen bie vs for thi name.

PSALM XLIV. [ [verse 1] In to the ende, for hem that shul ben with chaungid, to the sones of Chore, to vndirstondyng, the song for the loouede.]

[verse 2] Myn herte bowide out a good woord; I sey my werkis to the king. My tunge the penne of a scribe, swiftli wrytende. [verse 3] Fair in forme befor the sonus of men, grace is held out in thi lippis; therfore blesside thee God in to with oute ende. [verse 4] Be thou gird to with thi swerd; vp on thin hipe most myȝtili. [verse 5] In thi shap and thi fairnesse behold; go forth welsumli, and regne. For treuthe, and deboner|nesse, and riȝtwisnesse; and thi riȝthond shal merueilously bringe thee thennes. [verse 6] Thin arwis sharpe, puplis vnder thee shul falle; in to the hertis of the enemys of the king. [verse 7] Thy sete, God, in to the world of world; the ȝerde of thi gouern|yng

to euenenesse, the ȝerde of thi regne. [verse 8] Thou loouedest riȝtwisnesse, and hated|ist [hatist C.] wickidnesse; therfore enoyntide thee God, `thi God [Om. C.] , with oile of gladnesse befor thi [alle thi E pr. m.] felawis. [verse 9] Myrre, and the swote gumme gutta, and the swote erbe casia, fro thi clothis, fro the yuer housis; of [verse 10] the whiche deliteden thee the doȝtris of kingus in thi wrshipe. The queen stod neeȝh fro thi riȝt parties in cloth|ing ouergilt; enuyround with dyuersete. [verse 11] Here, doȝter, and see, and inbowe thin ere; and forȝet thi puple, and the hous of thi fader. [verse 12] And the king shal coueite thi fairnesse; for he is the Lord thi God, and thei shul honouren hym. [verse 13] And the doȝtris of Tiri in ȝiftis; thi chere shul louli preȝe alle the riche men of the folc. [verse 14] Al the glorie of hym of the doȝter of the king fro with inne, in goldene [verse 15] hemmes; aboute [al about A.] wrappid with diuerse|tees. Ther shul ben broȝt to the king maidenes aftir hir; the neȝheboris of hir shul be broȝt to thee. [verse 16] Thei shul be broȝte in gladnesse, and ful out ioȝing; thei shul be lad to in to the temple of the king. [verse 17] For thi fadris ben born to thee sones; thou shalt sette them princis vp on al erthe. [verse 18] Myndeful thei shul ben of thi name, Lord; in alle ieneracioun, and in to ieneracioun. Therfor puplis shul knoulechen to thee in to with oute ende; and in to the world of world.

PSALM XLV. [ [verse 1] In to the ende, the salm of Dauid, for the priue thingis.]

[verse 2] Oure God refut, and vertue; helpere in tribulaciouns, that founden vs ful myche. [verse 3] Therfore wee shul not drede, whil the erthe shal be disturbid; and hillis shul be born ouer in to the herte of the se. [verse 4] Ther souneden, and ben dis|turbid the watris of hem; the hillis ben

disturbid in the strengthe of it. [verse 5] The bure of the flod gladith the cite of God; the alther heȝist halewide his tabernacle. [verse 6] God in the myddel of it shal not be stirid; God shal helpen it erli fro the morutid. [verse 7] Jentilis ben disturbid, and reumes ben inbowid; he ȝaf his vois, moued is the erthe. [verse 8] The Lord of ver|tues with vs; oure vndertakere God of Jacob. [verse 9] Cometh, and seeth the werkis of the Lord; the whiche he sette wndris vp on erth. [verse 10] Takende awei batailis vnto the ende of the erthe; the bowe he shal to-brose, and to-breke; armys and sheeldis he shal to-brenne with fyr. [verse 11] Taketh heede, and seeth, for I am God; I shal ben enhauncid in Jentilis, and I shal ben hauncid in the erthe. [verse 12] The Lord of vertues with vs; oure vnder|takere [taker AH.] God of Jacob.

PSALM XLVI. [ [verse 1] In to the ende, the salm of Dauid, for the sonus of Chore.]

[verse 2] Alle Jentilis, ioȝe ȝee with hondis; gladeth to God in vois of ful out ioȝing. [verse 3] For the Lord heiȝ, ferful; a [and AH.] gret king ouer al the erthe. [verse 4] He vnder leide puplis to vs; and Jentylis vnder oure feet. [verse 5] He ches to vs his eritage; the fairnesse of Jacob, whom he louede. [verse 6] God steȝide vp in ful ioȝe; and the Lord in vois of trumpe. [verse 7] Doth salm to oure God, doth salm; doth salm to oure king, doth salm. [verse 8] For the king of al erthe God; doth salm wisli. [verse 9] God shal regne vp on Jen|tilis; God sit vp on his holy sete. [verse 10] Princis of puplis ben gedered with God of Abraham; for the stronge godis of erthe [the erthe AEH.] hugeli ben rerid.

PSALM XLVII. [ [verse 1] The salm, or [of H.] the preising of the song of the sones, or to the sones of Chore, the secounde [secounde day A.] of the wike.]

[verse 2] The grete Lord, and preisable ful myche; in the citie of oure God, in his holi hil. [verse 3] It is founded in ful out ioȝing of al erthe; the mount of Sion, the side of the north, the cite of the grete king. [verse 4] God in his housis shal be knowen; whan he shal vndertaken it. [verse 5] For lo! the kingus of erthe ben gedered; thei camen togidere in to oon. [verse 6] Thei seende thus gretli wndreden, thei ben alle dis|turbid; [verse 7] thei ben togidere stirid, trem|bling caȝte hem. There sorewis as of [verse 8] the berende child; in an hidous spirit thou shalt to-brose the shipis of Tharsis. [verse 9] As wee han herd, so wee han seen, in the cite of the Lord of vertues, in the cite of oure God; God foundede it in to with oute ende. [verse 10] God, wee han vndertake thi mercy; in the myddel of thi temple. [verse 11] After thi name, God, so and thi preising in to the endis of the erthe; of riȝtwis|nesse ful is thi riȝthond. [verse 12] Glade the hil of Sion, and ful out ioȝe the doȝtris of Jude; for thi domes, Lord. [verse 13] Goth aboute Sion, and togidere biclippeth it; tellith in the touris of it. [verse 14] Setteth ȝoure hertes in the vertue of it; and delith the housis of it, that ȝee telle out in an other pro|genye. [verse 15] For this is God, oure God, in to withoute ende, and in to the world of world; he shal gouerne vs in to worldis.

PSALM XLVIII. [ [verse 1] In to the ende, to the sones of Chore, the salm of Dauyd.]

[verse 2] Hereth these thingus, alle Jentilis; with eris perceyueth, alle that dwellen the world. [verse 3] Alle ȝee ertheli geten, and the

sones of men [man AH.] ; togidere in to oon, the riche and the pore. [verse 4] My mouth shal speken wisdam; and the swete thenking of myn herte prudence. [verse 5] I shal ful bowe in to a parable myn ere; I shal opene in a sauter my proposicioun. [verse 6] Whi shal I drede in the euel dai? the wickidnesse of myn heele shal enuyroune me. [verse 7] That trosten in ther [thi A.] vertu; and in the mul|titude of ther [thi A.] richessis glorien. [verse 8] A bro|ther aȝeen-bieth not, shal a man aȝeen|bien? and he shal not ȝiue to God wher of he be plesid. [verse 9] And the pris of the aȝeen-biyng of his soule; and he shal [verse 10] trauaile in to withoute ende, and liue ȝit `in to [in AH.] the ende. [verse 11] He shal not seen deth, whan he shal seen wise men diende; togidere the vnwise and the fool shul pershe. And thei shul leue to [verse 12] alienes their richessis; and the sepulcris of hem the hous of hem withoute ende. The tabernaclis of hem in progenye and progenye; thei clepeden ther namys in ther londis. [verse 13] A man, whan he was in wrshipe, vnderstood [vnderstond C.] not; he is com|parisound to vnwise bestis, and lic is maad to them. [verse 14] This weye of hem sclaunder to [of A.] them; and aftir in ther mouth thei shul togidere plese. [verse 15] As shep in helle thei ben set; and deth shal to|gnawe them. And the riȝtwise shul lordshipen of hem in the morutid; and the helpe of hem shal waxen old in helle, of the glorie of hem. [verse 16] Neuerthelatere God shal aȝeen-bie my soule fro the hond of helle; whan he shal take me to. [verse 17] Ne thou shalt dreden, whan riche a man shal be maad; and whan shal be multiplied the glorie of his hous. [verse 18] For whan he shal dien, he shal not take alle thingus; ne shal go doun with hym his glorie. [verse 19] For his [the A.] soule in the lif of hym shal be blessid; he shal knouleche to thee, whan thou weel dost to hym. [verse 20] He shal gon in to the progenyes of his fadris; and vnto

withoute ende he shal not see liȝt. [verse 21] A man, whan he was in wrshipe, vnderstod not; he is comparisouned to vnwise bestis, and lic is maad to hem.

PSALM XLIX. [ [verse 1] The salm to Asaph.]

God of godis, Lord spac; and clepide [verse 2] the erthe, fro the rising of the sunne vn to the going doun. Fro Sion the shap of [verse 3] his fairnesse, God openli shal come; oure God, and he shal not be stille. Fyr in his siȝt shal brenne out; and in his enuy|roun strong tempest. [verse 4] He clepide to he|uene fro aboue; and the erthe, to seueren his puple. [verse 5] Gadereth to hym his seyntis; that ordeynen his testament vp on sacri|fises. [verse 6] And heuenes shuln his riȝtwisnes before telle; for God is domesman. [verse 7] Here thou, my puple, and I shal speke to Irael; and I shal witnesse to thee, God, thi God I am. [verse 8] Not in thi [Om. C.] sacrifisis I shal vndernyme thee; forsothe thi brente sacrifises in my siȝt ben euermor. [verse 9] I shal not take to [Om. AH.] of thin hous calues; ne of thi flockis get. [verse 10] For myn ben alle the wilde bestis of wodis; the tame bestis in hillis, and oxen. [verse 11] I knewȝ alle the volatilis of heuene; and the fairnesse of the feld is with me. [verse 12] If I shal hungren, I shal not sey to thee; myn is forsothe the round|nesse of erthe [the erthe AEH.] , and his plente. [verse 13] Whethir I shal ete flesh of bolis? or the blod of get I shal drinke? [verse 14] Offre to God the sacrifise of preising; and ȝeeld to the heȝeste thi vouwis. [verse 15] And inwardli clep me in the dai of tribulacioun; and I shal pullen out thee, and thou shalt wrshipe me. [verse 16] To the synnere forsothe God seide, Whi tellist thou out my riȝtwisnessis; and takist to my testament bi thi mouth? [verse 17] Thou forsothe hatidist disciplyne; and

[verse 18] threwe aferr my woordis hyndward. If thou seȝe [seest A.] a thef, thou runne with hym; and with auoutereres [auouteres C.] thi porcioun thou leidist. [verse 19] Thi mouth aboundide in malice; and thi tunge ordeynde treccheries. [verse 20] Sit|tende aȝen thi brother thou speeke, and aȝen the sone of thi moder thou leidest [verse 21] sclaunder; these thingus thou didist, and I heeld my pees. Thou eymedest wickeli [wickidli AH.] , that I shal be lic thee; I shal vndernyme thee, and sette thee aȝen thi face. [verse 22] Vnder|stondeth this, ȝee that forȝeten God; lest any tyme he raueshe, and ther be not that deliuere. [verse 23] Sacrifise of preising shal wrshipen me; and there the weie, bi the whiche I shal shewe to hym the giuere of the helthe of God.

PSALM L. [ [verse 1] The salm of Dauid; [verse 2] whan cam to hym Nathan the profete, whan or for he entride to Bersabee.]

[verse 3] Haue mercy of me, God; after thi grete mercy. And after the multitude of thi grete mercy doingus; do awey my wickid|nesse. [verse 4] More ouer wash me fro wicke|nesse [wickidnes AEH.] myn; and fro my synne clense me. [verse 5] For my wickidnesse I knowe; and my synne aȝen me is euermor. [verse 6] To thee alone I synnede, and euel befor thee I dide; that thou be iustefied in thi woordis, and ouercome whan thou art demed. [verse 7] Lo! forsothe in wickidnessis [wickidnes A.] I am conceyued; and in synnes conceyuede me my moder. [verse 8] Lo! forsothe treuthe thou loouedist; vn|certeyne and hidde thingis of thi wis|dam thou madist open to me. [verse 9] Thou shal sprenge me, Lord [Om. C.] , with isope, and I shal ben clensid; thou shalt washe me, and aboue snowȝ I shal be maad al whit. [verse 10] To myn heering thou shalt ȝiue ioȝe and glad|nesse; and ful out shul ioȝe bones mekid.

[verse 11] Turne awey thi face fro my synnes; and alle my wickidnesses do awei. [verse 12] A clene herte forme in me, God; and a riȝt spirit inwardli newe thou in my bowelis. [verse 13] Ne throwe thou me aferr fro thi face; and thin holy spirit ne do thou awei fro me. [verse 14] Ȝeld to me the gladnesse of thin helthe ȝiuere; and with the spirit principal con|ferme thou me. [verse 15] I shal techen wicke [wickid AH.] men thi weyes; and vnpitous men to thee shul ben al turned. [verse 16] Deliuere me fro blodis [blood A.] , God, God of [Om. A.] myn helthe; and ful out ioȝende shal my tunge telle thi riȝtwis|nesse. [verse 17] Lord, my lippis thou shalt opene; and my mouth shal beforn telle thi preis|ing. [verse 18] For if thou haddest wold sacrifise, I shulde han ȝiuen; but forsothe in [and A. Om. C.] brent sacrifises [sacrifise ACH.] thou woldest [shalt AEH.] not deliten. [verse 19] Sa|crifise to God, a spiritt holly trublid; a contrit herte and mekid, God, thou shalt not despise. [verse 20] Benygnely do, Lord, in thi goode wil to Sion; that ful out be bild the wallis of Jerusalem. [verse 21] Thanne thou shalt taken at worth sacrifise of riȝt|wisnesse, offringus, and brent sacrifises; thanne thei shul putten in vp on thin auter calues.

PSALM LI. [ [verse 1] In to the ende, the vnderstonding of [verse 2] Dauid, whan ther cam Doech Idume, and hadde told to Saul, Dauyd cam in to the hous of Abymalech.]

[verse 3] What gloriest thou in malice; that myȝti art in wickidnesse? [verse 4] Al dai vnriȝt|wisnesse thoȝte thi tunge; as a sharp rasour thou didist treccherie. [verse 5] Thou loouedist malice ouer benygnete; wickid|nesse mor than to speke equite. [verse 6] Thou loouedest alle the woordis of kasting doun; in a treccherous tunge. [verse 7] Therfore God shal destroȝe thee in to the ende, he shal

pulle thee out, and myne thee out fro thi tabernacle; and thi roote fro the lond of liueres. [verse 8] Riȝtwis shul seen, and dreden; and vp on hym thei shul laȝen, and [verse 9] seyn, Lo! the man that putte not God his helpere. But hopide [he hopide AEH.] in the mul|titude of his richessis; and hadde the maistri in his vanyte. [verse 10] I forsothe as an olive berende frut in the hous of God; hopide in the merci of God in to with|oute ende, and in to world [the world A.] of world. [verse 11] I shal knouleche to thee in to the world, for thou hast don; and I shal abide thi name, for it is good in the siȝte of thi seyntys.

PSALM LII. [ [verse 1] In to the ende, the vnderstonding of Dauid for Amalech.]

The vnwise man seide in his herte; Ther is not God. [verse 2] Thei ben corupt, and thei ben made abhominable in ther wick|idnessis; ther is not that do good. [verse 3] God fro heuene beheeld vp on the sones of men; that he see, if ther is vnderstond|ende, or aȝeen sechende God. [verse 4] Alle bow|eden doun togidere, thei ben maad vn|profitable; ther is not that do good, ther is not vnto oon. [verse 5] Whether not alle shuln knowen, that werken wickidnesse; that deuouren my puple as mete of bred? [verse 6] God thei inwardli clepeden not; there thei trembliden bi drede, where was not drede. For God scaterede the bones of hem, that plesen to men; thei ben con|foundid, for God dispiside them. [verse 7] Who shal ȝiue fro Sion the helthe ȝiuere to Irael? whan the Lord shal holli turne the caitifte of his folc, Jacob shal ful out ioȝen, and Irael shal gladen.

PSALM LIII. [ [verse 1] In to the ende in ditees or ympnes, in the titlis, or vnderstonding of Dauid, [verse 2] whan ther hadden come Zifei to Saul, and hadden told to Saul, Whethir is not Dauyd hyd anentis vs?]

[verse 3] God, in thi name mac me saaf; and in thi vertue deme me. [verse 4] God, ful out here thou [Om. A.] myn orisoun; with eris perceyue the woordis of my mouth. [verse 5] For alienes inwardli risen aȝen me, and stronge men soȝten my soule; and thei purposide not God befor ther siȝte. [verse 6] Lo! forsothe God helpeth me; and the Lord is vndertakere of my soule. [verse 7] Turne awei euelis to myn enemys; and in thi treuthe scatere them. [verse 8] Wilfulli I shal sacrifice [sacrifie A.] to thee; and I shal knoulechen to thi name, Lord, for it is good. [verse 9] For fro alle tribulacioun thou hast deliuered me; and vpon myn ene|mys beheeld doun myn eȝe.

PSALM LIV. [ [verse 1] In to the ende, in ditees or ympnes, the vndirstonding of Dauid.]

[verse 2] Here thou, God, myn orisoun, and de|spise [verse 3] thou not my lowe preȝeere; tac heede to me, and ful out here me. I am maad al sory in myn enhaunting; and I [verse 4] am al disturbid fro the vois of the enemy, and fro tribulacioun of the synnere. For thei bowiden doun in me wickidnessis; and in wrathe thei weren heuy to me. [verse 5] Myn herte is al disturbid in me; and ferd [dreed A.] of deth fel vp on me. [verse 6] Drede and trembling camen vp on me; and al couer|eden me dercnesses. [verse 7] And I seide, Who shal ȝiue to me federes as of a culuer; and I shal flee, and aȝeen resten? [verse 8] Lo! I droȝ out me along fleende; and I duelte in wildernesse. [verse 9] I abod hym [hem C pr. m.] , that made

me saf; fro to litil coraiouste of spirit, and fro tempest. [verse 10] Lord, put doun, and deuyde the tungis of hem; for I saȝ wick|idnesse and contradiccioun in the cite. [verse 11] Dai and nyȝt wickidnesse shal enuyroune it vpon the wallis of it; and trauaile in [verse 12] the myddes of it, and vnriȝtwisnesse. And ther failede not fro the stretis of it; vsure and treccherie. [verse 13] For if myn enemy hadde cursid to me; I shulde also han suffrid. And if he, that hadde hatid me, ouer me grete thingis hadde spoken; I shulde han hid me perauenture fro hym. [verse 14] Thou forsothe a man of oon inwit; my ledere, and my knowen. [verse 15] The whiche togidere with me swete metis thou toke; in [and in AH.] the hous of God wee wente with consent. [verse 16] Deth come vp on hem; and go they doun in to helle lyuende. For shreudenessys in the dwelling placis of hem; in the myddel of hem. [verse 17] I forsothe to the Lord criede; and the Lord shal saue me. [verse 18] The euentid and the moru, and at myddai, I shal seyn, and befor telle; and he shal ful out here my voys. [verse 19] He shal aȝeen bie my soule in pes fro them, that neȝhen to me; for among manye thei weren with me. [verse 20] God shal ful out heren, and meke them; that is befor worldis. Ther is not forsothe to them al hol chaunging, and thei dredde [verse 21] not God; he straȝte out his hond in aȝeen ȝelding. Thei defouleden the testa|ment [verse 22] of hym, thei ben deuydid fro the wrathe of his chere; and the herte of hym neȝhede to. Softid ben the woordis of hym vp on oile; and thei ben speris. [verse 23] Throȝ vp on the Lord thi bisynesse, and he shal nurshe thee out; and he shal not ȝiue in to with oute ende flotering to the riȝtwise. [verse 24] Thou forsothe, God, shalt bringe them doun; in to the pit of deth. Men of blodis and treccherous shul not haluen ther daȝes; I forsothe shal hope in thee, Lord.

PSALM LV. [ [verse 1] In to the ende, for the puple that fro seintis is maad aferr, in the inscrip|cioun of the title to hym, Dauid, whan ther shulden holden hym hethene men in Jeth.]

[verse 2] Haue mercy of me, God, for a man `to-trad [to-tredede AEH.] me; al day impugnende trublide me. [verse 3] My enemys to-treeden me al day; for manye fiȝtende aȝen me. [verse 4] Fro the heiȝte of the dai I shal drede; I forsothe in thee shal hopen. [verse 5] In God I shal preise my woordis; in God I hopide, I shal not drede what do to me the flesh. [verse 6] Al dai thei cursiden my woordis; aȝen me alle thoȝtis of hem in to euel. [verse 7] Thei shul duelle in and hiden; thei myn heele shul waite. [verse 8] As thei susteneden my soule for noȝt; thou shalt make them saf in wrathe puplis thou shalt to-breke. [verse 9] God, my lif I `haue out told [shal tellen out E pr. m.] to thee; thou puttist my teres in thi siȝte. As in thi beheste, [verse 10] Lord; thanne shul ben al turned myn enemys bacward. In what euer dai I shal inwardli clepe thee; lo! I knew, for my God thou art. [verse 11] In God I shal preise the woord; in the Lord I shal preise the sermoun. In God I hopede; I shal not drede what do to me a man. [verse 12] In me, God, ben thi vouwis; the whiche I shal ȝelde preisingis to thee. [verse 13] For thou hast deliuered my soule fro deth, and my feet fro sliding; that I plese befor God in the liȝt [siȝte AH.] of liueres [liues H.] .

PSALM LVI. [ [verse 1] In to the ende, ne destroȝe thou or shend [to-sheende AEH.] Dauid, in the inscripcioun [scripcioun H.] of the title, whan he fleiȝ fro the face of Saul in the den.]

[verse 2] Haue merci of me, God, haue merci of me; for in thee trosteth my soule. And in the shadewe of thi wengis I shal hope; to the tyme that wyckidnesse ouerpasse. [verse 3] I shal crie to the heiȝest God; God that dide weel to me. [verse 4] He sente fro heuene, and deliuerede me; he ȝaf in to reprof the tredende me. God sente his merci [verse 5] and his treuthe, and toc awei my soule; fro the myddel of the leoun whelpis, I sleep [slepte AEH.] al disturbid. Sones of men, the teth of hem armys and arwis; and the tunge of hem a sharp swerd. [verse 6] Be thou enhauncid, God, vpon heuenes; and vp on alle erthe thi glorie. [verse 7] Thei maden redi a grene to my feet; and thei myche crook|eden my soule. Thei doluen [delueden AEH.] befor my face a dich; and thei fellen in to it. [verse 8] Redi myn herte, God, redi myn herte; I shal singe and salm sein. [verse 9] Rys vp, my glorie; ris vp, sautre and harpe; I shal risen vp erly. [verse 10] I shal knouleche to thee in puplis, Lord; and salm I shal sei to thee in Jentylys. [verse 11] For magnefied is vnto heuenes thi merci; and vnto the [Om. AEH.] cloudis thi treuthe. [verse 12] Be thou enhauncid vp on he|uenes, God; and ouer alle erthe thi glorie.

PSALM LVII. [ [verse 1] In to the ende, ne shende thou or destroȝe Dauid, in the inscripcioun of the title.]

[verse 2] If vereli also riȝtwisnesse ȝee speke; euenli demeth, ȝee sones of men. [verse 3] For|sothe in the herte wickidnessis ȝee werken in the erthe; vnriȝtwisnesses ȝoure hondis menge [mengeden A.] togidere. [verse 4] Synneres ben aliened fro the wombe; thei erreden fro the wombe, thei speeken false thingus. [verse 5] Wod|nesse to them, after the licnesse of an eddere; as of a doumb eddere, and stop|pende his eris. [verse 6] The whiche shal not ful out heren the vois of the enchaunteres; and of the venym makere enchauntende wisly. [verse 7] God shal to-brose the teth of hem in the mouth of hem; and the wang teth of leouns the Lord shal to-breke. [verse 8] To noȝt thei shul come, as water doun ren|nende; he bente [bende AEH.] his bowe, to the time that `thei be [he A.] feblid. [verse 9] As wax that flow|ith, thei shul ben taken awei; fyr fel ouer, and thei seȝen not the sunne. [verse 10] Befor that ȝoure thornes shulden vnderstonde the theue thorne; as the lyuende, so in wrathe he shal soupe them vp. [verse 11] The riȝtwis shal glade, whan he seeth ven|iaunce; his hondis he shal washen in the blod of the synnere. [verse 12] And a man shal seyn, If forsothe ther is frut to the riȝt|wis; forsothe God is demende them in erthe.

PSALM LVIII. [In to the ende, ne destroȝe thou or shend Dauid, in the inscripcioun [scripcioun H.] of the title, whan Saul sente, and kepte his hous, that he shulde slen hym.]

[verse 2] Tac me out fro myn enemys, my God; and fro the inrisende in me deliuere me. [verse 3] Tac me out fro the werkende wickid|nesse; and fro men of blodis saue me. [verse 4] For lo! thei token my soule; ther fellen in to me stronge men. [verse 5] Nouther my wickidnesse, ne my synne; Lord, with|oute wickidnesse I ran, and wel reulide. [verse 6] Rys vp in to aȝen comyng to me, and see; and thou, Lord God of vertues, God of Irael. Tac heede to alle Jentilis to be visited; haue thou not mercy to alle that werken wickidnesse. [verse 7] Be thei conuertid at euen, and hunger thei shul suffre as houndys; and thei shul enuyroune the cite. [verse 8] Lo! thei shuln speke in ther mouth, and swerd in the lippis of hem; for who herde? [verse 9] And thou, Lord, shalt scorne them; to noȝt thou shalt bringe alle Jentilis. [verse 10] My strengthe to thee I [verse 11] shal kepe, for God myn vndertakere; my God, his mercy shal befor come me. [verse 12] God shewide to me vp on myn enemys, ne sle thou hem; lest any time my puplis forȝeten. Destroȝe them in thi vertu; and put them doun, Lord, my defendere. [verse 13] The gilte of the mouth of hem, and the woord of ther lippis; and be thei caȝt in ther pride. And of cursing and les|ing [of lesing AEH.] [verse 14] thei shul be told; in the full ending. In the wrathe of hol eende, and thei shul not ben; and they shul wite, for the Lord shal lordshipen of Jacob, and of

the coostis of the erthe. [verse 15] Thei shul be conuertid at euen, and hunger thei shul suffre, as houndis; and thei shul gon aboute the cite. [verse 16] Thei shul be scaterid, to eten; if forsothe thei shuln not be fulfild, and thei shul grucche. [verse 17] I forsothe shal singe thi strengthe; and enhauncen vp erly thi mercy. For thou art maad myn vndertakere; and my refute, in the dai of my tribulacioun. [verse 18] Myn helpere, to thee I shal do salm; for God, myn vnder|takere, my God, my mercy.

PSALM LIX. [ [verse 1] In to the ende, for hem that shul ben holli chaungid, in the inscripcioun of the title, to hym Dauyd, in to lernyng [the lernynge H.] , [verse 2] whan he brende vp Mesopotanye of [or of AEH.] Cirie, or Cirie Sobal, and turnede Joab, and smot Edom in the valei of salt placis, twelue thousend.]

[verse 3] God, thou hast put vs abac, and de|stroȝid vs; thou wrathedest vs. [verse 4] Thou togidere mouedest erthe [the erthe AEH.] , and disturbidist it; hele the to-tredingis of it, for it is to|stirid. [verse 5] Thou hast shewid to thi puple hard thingis; thou hast drunken vs with wyn of compunccioun. [verse 6] Thou hast ȝiue to the dredende thee toknyng; that thei flee fro the face of the bowe. That thi [verse 7] loouede be deliuered, mac saf in thi riȝt hond; and ful out here me. [verse 8] God spac in his halewe; I shal gladen, and deuyde Siccymam; and the valei of tabernaclis I shal mesuren. [verse 9] Myn is Galaad, and myn is Manasses; and Effraym the

strengthe of myn hed. Juda, my king; Moab, the pot of myn hope. [verse 10] In to Idume I shal strecche my shoing; to me alienus ben soget. [verse 11] Who shal bringe me in to strengthid [the strengthid A.] cite; who shal bringe me in to Idume? [verse 12] Whether not thou, God, that hast put vs abac; and thou, God, shalt not gon out in oure vertues? [verse 13] Ȝif to vs helpe fro tribulacioun; for veyn is the helthe of man. [verse 14] In God wee shul do vertu; and he to noȝt shal bringe doun men trublende vs.

PSALM LX. [ [verse 1] In to the ende, in ympnes, the salm to [of H.] Dauyd.]

[verse 2] Ful out here thou, God, my lowe preȝing; tac heede to myn orisoun. [verse 3] Fro the endus of the erthe to thee I criede, whil myn herte shulde ben anguysht; in a ston thou enhauncidist me. [verse 4] Thou broȝtest me out, for thou art maad myn hope; the tour of strengthe fro the face of the enemy. [verse 5] I shal duelle in thi tabernacle in to worldis; I shal be de|fendid in the coueryng of thi wengis. [verse 6] For thou, my God, `ful out [Om. C.] herdist myn orisoun; thou ȝeue the eritage to men dredende thi name. [verse 7] Daȝis vp on daȝis of the king thou shalt caste to; his ȝeris vnto the dai of ieneracioun and of iene|racioun. [verse 8] He abit [bideth AEH.] stille into withoute ende in the siȝte of God; the merci and his treuthe who shal aȝeen sechen? [verse 9] Soo salm I shal sey to thi name in to the world of world; that I ȝelde my vouwis fro dai in to dai.

PSALM LXI. [ [verse 1] In to the ende, for Iditym, the salm of Dauyd.]

[verse 2] Whether not to God soget shal be my

soule; of hym forsothe myn helthe ȝiuere. [verse 3] Forwhi and he my God, myn helthe ȝiuere, myn vndertakere; I shal be moued no more. [verse 4] Hou longe ȝee fallen in to a man? ȝee slen alle ȝee; as to a boowid woughe, `and to [in to AH.] a ston wal put doun. [verse 5] Neuer the latere my pris thei thoȝten to putte behinde, I ran in thrist; with ther mouth thei blissiden, and with ther herte cursiden. [verse 6] Neuer the latere to God soget be thou, my soule; for of hym my pacience. [verse 7] For lo! my God and my saueour; myn helpere, I shal not gon out. [verse 8] In God myn helthe ȝiuere, and my glorie; God of myn helpe, and myn hope is in God. [verse 9] Hopeth in hym, eche congregacioun of puple; heeldeth out beforn hym ȝoure hertes, God oure helpere in to withoute ende. [verse 10] Neuer the latere veyne the sones of men; lieris the sones of men in weiȝtis; that thei de|sceyue, thei of the vanyte in to itself. [verse 11] Wileth not hopen in wickidnesse, raueynes wileth not coueite; if richessis `flowe to [ouerflowen to A. flowen H.] , wileth not leyn to the herte. [verse 12] Ones God spac, these two thingus I herde; for [forsothe AH.] [verse 13] the power of God is, and to thee, Lord, mercy; for thou shalt ȝelde to eche man aftir his werkis.

PSALM LXII. [ [verse 1] The salm of Dauyd, whan he was in the [Om. A.] desert of Ydume.]

[verse 2] God, my God, to thee fro liȝt I wake. My soule thristide in thee; hou manyfold to thee my flesh. [verse 3] In a desert erthe and withoute weie, and with oute water, so in holi I aperede to thee; that I shulde see thi vertu, and thi glorie. [verse 4] For betere is thi mercy vpon lyues; my lippis shul preise thee. [verse 5] So I shal blesse thee in my lif; and in thi name I shal reren vp myn hondus. [verse 6] As bi talȝ and fatnesse be fulfild my soule; and with lippis of ful out

ioȝing my mouth shal preise. [verse 7] So I was myndeful of thee vp on my bedding, in the morutidis I shal sweteli thenken in thee; for thou were [was AH.] myn helpere. [verse 8] And in the coueryng of thi wengus I shal ful [verse 9] out ioȝe, my soule cleuede to after thee; me thi riȝthond vndirtoc. [verse 10] Thei forsothe in to veyn soȝten my soule, they shul go in to the nethermor partis of the erthe; [verse 11] thei shul be taken in to the hond of swerd, the partis of foxis thei shul be. [verse 12] The king forsothe shal gladen in God, and ther shul be preisid alle that swern in hym; for stoppid is the mouth of men spekende wicke thingus.

PSALM LXIII. [ [verse 1] In to the ende, the salm of Dauyd.]

[verse 2] Ful out here thou, God, myn orisoun, whan I louli preȝe; fro the drede of the enemy tac awei my soule. [verse 3] Thou hast defendid me fro the couent of warieris; and fro the multitude of men wirkende wickidnesse. [verse 4] For thei sharpiden out as a swerd ther tungis; thei benten a [verse 5] bowe, a bittere thing, that thei sheete in hid thingus the vnwemmed. [verse 6] Sodeynly thei shul sheten hym, and not dreden; thei fastneden to hem a shreude woord. Thei tolden, that thei shulden hide grenes; thei seiden, Who shal see them? [verse 7] Thei sercheden wickidnessis; thei serchende faileden in serching. Ther shal neȝhen [verse 8] a man to an heiȝ herte; and God shal ben enhauncid. The arwis of litle childer [verse 9] ben maad the veniauncis of hem; and ther ben feblid aȝen hem the tungis of hem. Alle that seȝen hem ben disturbid; and eche man dredde. [verse 10] And thei beforn

tolden the werkis of God; and his deedis thei vnderstoden. [verse 11] The riȝtwise shal gladen in the Lord, and hopen in hym; and alle riȝtwise in herte shul be preisid.

PSALM LXIV. [ [verse 1] In to the ende, the salm of Dauid, the song of Aggei, Jeremye, or Ezechiel, of the woord of pilgrimagynge, or of [to A.] the puple of transmygracioun, whan thei shulden begynne to go forth.]

[verse 2] Thee semeth an ympne, thou God, in Sion; and to thee shal ben ȝolden a vou in Jerusalem. [verse 3] Ful out here thou [verse 4] myn orisoun; to thee all flesh shal come. The woordis of wicke [wickid H.] men hadden the maistri ouer vs; and to oure vnpitous|nessis thou shalt be plesid. [verse 5] Blisful whom thou hast chosen, and take to; he shal dwelle in thin hallis. Wee shul be ful|fild in goodis of thin hous; holi is thi temple, merueilous in equite. [verse 6] Ful out here vs, God, oure helthe ȝiuere; hope of alle the coostis of erthe, and in the se afer. [verse 7] Greithende hillis in thi vertu, gird [verse 8] to bi power; that disturbist the depthe of the se, the soun of his flodis. [verse 9] Jen|tilis [The Gentilis A.] shul ben sturbid [disturbid AEH.] , and dreden that duellen the termes of thi tocnes; the goingus out of the morutid and the eue|tid thou shalt make delitable. [verse 10] Thou hast visitid the erthe, and maad it drunke; and thou multipliedest to maken it riche. The flod of God is fulfild with watris; thou greithedest the mete of hem, for so is the befor greithing of it. [verse 11] Thou in|wardli makende drunke the ryueres of it, multiplie his buriounys; and in his drope fallingus shal glade the buri|ounende. [verse 12] Thou shalt blesse to the croune of the ȝer [erthe A.] of thi benyngnete; and thi feldis shul be fulfild with plen|teuouste. [verse 13] The faire thingus of desert shul waxe fatte; and bi ful out ioȝing

litle hillis shul be gird aboute. [verse 14] The wetheres of shep ben clad [clothid AEH.] , and the valeis shuln abounde with whete; thei shul crie, and forsothe seyn ympne.

PSALM LXV. [ [verse 1] In to the ende, the song of the salm of resureccioun.]

[verse 2] Ioȝeth to God, al erthe [the erthe AEH.] , salm seith to his name; ȝiueth glorie to his preising. [verse 3] Seith to God, Hou ferful ben thi werkis, Lord; in the multitude of thi vertu shuln lie to thee thin enemys. [verse 4] Al erthe [the erthe AH.] hon|oure thee, God, and do salm to thee; and sey salm to thi name. [verse 5] Cometh and seeth the werkis of God; ferful in counseilis vp on the sones of men. [verse 6] That al turneth the se in to drie, in the flod thei shul passe thurȝ afoote; ther wee shul gladen in hym. [verse 7] That lordshipeth in his vertu in to withoute ende; his eȝen vp on Jen|tilis beholden, that ful out terren shul not ben enhauncid in hemself. [verse 8] Blesseth, ȝee Jentylis, oure God; and herd maketh the vois of his preising. [verse 9] That putte my soule to lif, and ȝaf not in to togidere stiring my feet. [verse 10] God, for thou hast proued vs; bi fyr thou examynedest vs, as siluer is examyned. [verse 11] Thou broȝtist vs in to the grene, thou puttist tribulaciouns [tribulacioun AH.] [verse 12] in oure rig; thou puttist in men vpon oure hedis. Wee passiden thurȝ fyr and watir; and thou broȝtist out vs in to re|freshing. [verse 13] I shal go in to thin hous in brent sacrifises; I shal ȝelde to thee my [verse 14] vowis, that determyneden my lippis. And my mouth spac in my tribulacioun; [verse 15] brent sacrifises ful of merȝ I shal offre to thee, with encens of wethers; I shal offre to thee oxen with get. [verse 16] Ȝee, alle that dreden God, cometh and hereth; and I shal telle hou grete thingus he dede to my soule. [verse 17] To hym with my mouth I criede; and I ful out ioȝide vnder my

tunge. [verse 18] Wickedenesse if I beheeld in myn herte; the Lord shal not ful out here. [verse 19] Therfore ful out herde God; and toc heede to the vois of my lowe preȝing. [verse 20] Blissid the God; that mouede not awei myn orisoun, and his merci fro me.

PSALM LXVI. [ [verse 1] In to the ende, `in ympnes [Om. H.] , the salm of the song to Dauyd.]

[verse 2] God haue merci of vs, and blisse to vs, liȝte to his chere vpon vs; and haue mercy of vs. [verse 3] That wee knowe in the erthe thi weie; in alle Jentilis thi helthe ȝiuere. [verse 4] Knouleche to thee puplis, God; knouleche to thee alle puplis. [verse 5] Gladen and ful out ioȝe Jentilis, for thou demest puplis in equite; and Jentilis in the erthe thou dressist. [verse 6] Knouleche to thee puplis, God, [verse 7] knouleche to thee alle puplis; the erthe ȝaf his frut. Blesse vs God, oure God, [verse 8] blesse vs God; and drede hym alle the coostus of erthe [the erthe AEH.] .

PSALM LXVII. [ [verse 1] In to the ende, the salm of the [Om. H.] song of Dauyd.]

[verse 2] Ryse vp God, and be scaterid his enemys; and flee thei that hatiden hym fro his face. [verse 3] As faileth smoke, faile thei, as flowith wax fro the face of fyr; so pershe the synneres fro the face of God. [verse 4] And the riȝtwise ete thei, and ful out glade thei in the siȝte of God; and delite thei in gladnesse. [verse 5] Syngeth to God, salm seith to his name, maketh weie [a weye A.] to hym that steȝeth vp vp on the going doun; Lord name to hym. Ful out ioȝeth in

his siȝte, thei shul be disturbid fro the [verse 6] face of hym, fader of faderles childer; and domes man of widewis. [verse 7] God in his holi place; God that maketh to indwelle of o maner in an hous. The whiche bringeth out the bounden men in strengthe; also hem that terren, that dwellen in sepulcris. [verse 8] God, whan thou shuldest gon out in the siȝte of thi puple; whan thou shuldist passe in desert. [verse 9] The erthe is moued, for|sothe heuenus droppeden doun fro the face of God of Synay; fro the face of God of Irael. [verse 10] Wilful reyn thou shalt don a|part, God, to thi eritage, and it is feblid; thou forsothe madist it parfit. [verse 11] Thi bestis shul duelle in it, God; thou madist redy in thi swetnesse to the pore. [verse 12] The Lord shal ȝiuen a [Om. AH.] woord; to the euangeliseris in myche vertue. [verse 13] The king of vertues of the looued of the looued; and to deuyde spoilis to the fairnesse of the hous. [verse 14] If ȝee slepe betwe [betwen E passim. betwene A et H passim.] the mene sortis, ȝee shul be the siluerne pennes of the cul|uer; and the hindermor of his ryg, in the palenesse of gold. [verse 15] Whil the heueneli deuydeth kingis vp on it with snowȝ, thei [verse 16] shul ben maad whit in Selmon; the hil of God a fat hil. The hil cruddid to|gidere [verse 17] a fat hil; wherto ouer trowe ȝee, the hillis cruddid togidere? The hil in whiche [the whiche E.] is [it A.] wel plesid to God to duelle in it; forsothe the Lord shal dwelle in to the ende. [verse 18] The charis of God manyfold in ten thousendys, that ben thousandus of men gladende; the Lord in hem, in Syna, in holi. [verse 19] Thou steȝedest vp in to heiȝte, thou toke caitifte; thou toke to ȝiftis in men. Forsothe men not beleeuende; to dwellen in the Lord God. [verse 20] Blessid the Lord fro dai to eche dai; welsum wei shal make to vs the God [Lord A.] of oure helthe ȝiueres. [verse 21] Oure God the God of makinge men saf; and of the Lord Lord the going out of deth. [verse 22] Neuerthelatere God shal to-breke the hedis of his enemys; the top of the her of men goende in ther giltus.

[verse 23] The Lord seide, Fro Basan I shal al turne; I shal al turne in to the depthe of the se. [verse 24] That inwet [inweetid AH.] be thi foot in blood; the tunge of thin houndis fro hym of the enemys. [verse 25] Thei seȝen thin ingoingus, God; the in|going of my God, my king, that is in holy. [verse 26] The princis camen befor ioyned with the singeris; in the myddel of the ȝunge wymmen tympanystris. [verse 27] In chirchis blisseth to God; to the Lord of the wellis of Irael. [verse 28] There Beniamyn, the ȝungling; in the exces of mynde. Princis of Juda the dukis of hem; princis of Zabulon, the princis of Neptalym. [verse 29] Send, God, to thi vertue; conferme thou, God, that that thou hast wroȝt in vs. [verse 30] Fro thi temple, that is in Jerusalem; to thee offre shul kingus ȝiftis. [verse 31] Blame the wilde bestis of the reed, the gedering togidere of bolis in the kiyn of puplis; that thei close out hem that ben preued bi siluer. Scatere [verse 32] thou the Jentilis that wiln batailis, ther shul come messageris fro Egipt; Ethiope shal befor come his hondis to God. [verse 33] Reumes of the erthe, singeth to God; doth salm to the Lord. Doth salm to [verse 34] God; that steȝeth vp vpon heuene `of heuene [Om. AH.] at the est. Lo! he shal ȝiue to [verse 35] his vois vois of vertue; ȝiueth glorie to God vp on Irael; his grete doing and his vertue in cloudis. [verse 36] Merueilous God in his halewis, God of Irael, he shal ȝiue vertue, and strengthe of hys puple; blessid be God.

PSALM LXVIII. [ [verse 1] In to the end, for hem that shuln ben al chaungid, to hym Dauid.]

[verse 2] God, mac me saf; for watris camen in vnto my soule. [verse 3] I am inficchid in the

slim of the depthe; and ther is not sub|staunce. I cam in to the heiȝte of the se; and tempest drenchide me doun. [verse 4] I trauailide criende, horse [hoos AE sec. m. H.] ben maad my chekis; myn eȝen failiden, whil I hope in to my God. [verse 5] Thei ben multeplied ouer the heris of myn hed; that hatiden me withoute cause. Thei ben coumfortid that pursueden me myn enemys vnriȝt|wisly; the [Om. AH.] thingis that I raueshide not, thanne I paȝide out. [verse 6] God, thou knowest myn vnwisdam; and my giltis fro thee ben not hid. [verse 7] Lord, shame thei not in me that abiden thee, Lord [Om. CE pr. m.] ; Lord of vertues. Be thei not confoundid vp on me, that sechen thee; God of Irael. [verse 8] For I suffride for thee repref; shenshipe co|uerede my face. [verse 9] Straunge I am maad to my brethern; and a pilgrim to the sonus of my modir. [verse 10] For looue of thin hous eet me; and repreues of men re|preuende thee fallen vp on me. [verse 11] And I couerede in fasting my soul; and it is maad in to repref to me. [verse 12] And I putte my clothing an heire; and I am maad to them in to a parable. [verse 13] Aȝen me speeken that seeten in the ȝate; and in me diden salm, that drunke win. [verse 14] I forsothe made myn orisoun to thee, Lord; tyme is of thi wel plesing, God. In the multitude of thi mercy ful out here me; in the treuthe of thin helthe. [verse 15] Tac me out fro clei, that I be not inficchid; deliuere me fro hem that hatiden me, and fro the depthis of watris. [verse 16] Drenche me not doun the tempest of water; ne soupe me awei the depthe, ne threste vp on me the pit his mouth. [verse 17] Ful out here me, Lord, for benyngne is thi mercy; after the multi|tude of thi merci doingus behoold in me. [verse 18] And ne turne thou awei thi face fro thi child; for I am trublid, swiftli ful out here thou me. [verse 19] Loke in to my soule, and deliuere it; for myn enemys tac out me. [verse 20] Thou knowist my repref; and my

confusioun, and my shame. [verse 21] In thi siȝte ben alle that trublen me; repref abod myn herte, and wrecchidnesse. And I suffride that summan togidere shulde with sorewen, and ther was not; and that shulde coumforten, and I fond not. [verse 22] And thei ȝeuen in to my mete galle; and in my thrist thei drunke me with eisel. [verse 23] Be mad the bord of hem in to a grene befor them; and in to ȝeldingus aȝeen, and in to sclaunder. [verse 24] Be al to-dercned the eȝen of hem, that thei see not; and the rig of hem euermor crooke thou in. [verse 25] Heeld out vp on hem thi wrathe; and the wodnesse of thi wrathe al take them. [verse 26] Be maad the dwelling of hem desert; and in the tabernaclis of hem be ther not that indwelle. [verse 27] For whom thou hast smyten, thei han pursued; and vp on the sorewe of my woundis thei addeden. [verse 28] Put to wickidnesse vp on the wickidnesse [wickenessis E. wickidnessis AH.] of hem; and entre thei not in to thi riȝtwis|nesse. [verse 29] Be thei do awei fro the boc of lyueres; and with riȝtwis men be thei not write. [verse 30] I am a pore man, and sorewende; thin helthe, God, vndertoc me. [verse 31] I shal preise the name of God with song; and magnefien hym in preising. [verse 32] And he shal plese to God vp on a newe calf; hornes bringende forth, and cles. [verse 33] See the pore, and glade thei; secheth God, and ȝoure soule shal liue. [verse 34] For the Lord ful out herde the pore; and despiside not hise bounden. [verse 35] Preise hym, heuenes and erthe; the se, and alle crepende thingis in it. [verse 36] For God shal make saf Sion; and the cites of Jude shul be bild vp. And thei shuln induelle there; and bi eritage thei shul purchasen it. [verse 37] And the sed of his seruauns shal welden it; and that loouen his name, shul duelle in it.

PSALM LXIX. [ [verse 1] In to the ende, the salm of Dauid, in remembring that the Lord made hym saf.]

[verse 2] God, in to myn helpe tac heed; Lord, to helpen me heeȝe thou. [verse 3] Be thei con|foundid, and shameli drede thei; that sechen my soule. [verse 4] Be thei turned awei [Om. C.] hindward, and waxe thei ashamed; that wiln to me euelis. Be thei turned awei anoon and shamende; that seyn to me, [verse 5] Weu! weu! Ful out ioȝe thei, and glad in thee, alle that sechen thee; and sey thei euermor, The Lord be magnefied, that loouen thi ȝiuere of helthe. [verse 6] I forsothe a nedi and a pore man am; God, helpe thou me. Myn helpere and my deli|uerere, be thou; Lord, ne tarie thou.

PSALM LXX. [ [verse 1] The salm of Dauid is of the sonys of Jonadab, and of the rathere caitiues.]

In thee, Lord, I hopide; I shal not be [verse 2] confoundid in to with oute ende; in thi riȝtwisnesse deliuere me, and tac me awei. Bowe thou in to me thin ere; and saue me. [verse 3] Be thou to me in to God defendere, and in to a strengthid place; that thou make me saaf. For my fastnesse; and my refute thou art. [verse 4] My God, tac me awey fro the hond of the synnere; and fro the hond of the doere aȝen the lawe, and of the wicke. [verse 5] For thou art my pacience, Lord; Lord, myn hope fro my ȝouthe. In thee I am [verse 6] confermed fro the wombe; fro the wombe of my moder thou art my defendere. [verse 7] In thee my synging euermor; as wndring I am maad to manye; and thou a strong helpere. [verse 8] Be fulfild my mouth with preis|ing, that I synge thi glorie; al dai thi gretnesse. [verse 9] Ne throwe thou me aferr in

time of elde; whan shal faile my vertue, ne forsake thou me. [verse 10] For myn enemys seiden to me; and thei that kepten my soule counseil maden in to oon. [verse 11] Seiende, God hath forsaken hym, pursueth, and taketh hym; for ther is not that take awey. [verse 12] God, ne be thou longid awei fro me; my God, in to myn helpe behold. [verse 13] Be thei confoundid, and faile thei, bac|bitende to my soule; be thei couered with confusioun and shame, that sechen euelis to me. [verse 14] I forsothe euermor shal hopen; and casten to vp on alle thi preising. [verse 15] My mouth shal befor telle thi riȝtwisnesse; al dai thin helthe ȝiuere. For I knew not lettrure, I shal gon in [verse 16] to the poweris of the Lord; Lord, I shal han mynde of thi riȝtwisnesse alone. [verse 17] God, thou hast taȝt me fro my ȝouthe, and vn to now; I shal telle forth thi merueilis. [verse 18] And vn to the laste age, and the laste ende of it; God, ne forsake thou me. To the time that I telle out thin arm; to alle ieneracioun that is to come. Thi power, [verse 19] and thi riȝtwisnesse, God, vn to the he|ȝeste grete thingus that thou didist; God, who is lic to thee? [verse 20] Hou grete thou hast shewid to me tribulaciouns, manye and euele, and al turned thou hast quyk|ened me; and fro the depnessis of the erthe eft thou hast aȝeen broȝte me. [verse 21] Thou hast multiplied thi grete doing; and al turned thou hast coumfortid me. [verse 22] For and I shal knouleche to thee in vesselis of salm thi treuthe, God; I shal do salm to thee in an harpe, thou holi of Irael. [verse 23] Ful out shul ioȝe my lippis, whan I shal synge to thee; and my soule, that thou aȝeen boȝtist. [verse 24] But and my tunge al dai shal sweteli thenke thi riȝtwisnesse; whan confoundid and shamefastly aferd shul ben that sechen euelis to me.

PSALM LXXI. [ [verse 1] In to Salomon.]

[verse 2] God, thi dom ȝif to the king; and thi riȝtwysnesse to the sone of the king. To demen thi puple [puplis A.] in riȝtwisnesse; and thi pore men in dom. [verse 3] Vndertake mounteynes pes to the puple; and the hillis riȝtwis|nesse. [verse 4] He shal deme the pore men of the puple; and saf he shal make the sonus of pore men; and he shal meke the false acusere. [verse 5] And he shal abide stille with the sunne, and befor the mone; in ienera|cioun and in to ieneracioun. [verse 6] He shal come doun as reyn in to flees; and as drope falling droppende vp on erthe [the erthe AEH.] . [verse 7] In his daȝis shal springe riȝtwisnesse, and aboundaunce of pes; to the time that the mone be don awei. [verse 8] And he shal lord|shipen fro the se vn to the se; and fro the flod vnto the termes of the round|nesse of londis. [verse 9] Beforn hym shul falle doun Ethiopis; and his enemys the erthe shul licken. [verse 10] The kingis of Tharsis and ylis shuln offre deserued ȝiftys; the kingus of Arabs and Saba free ȝiftis shul bringe to. [verse 11] And ther shuln honouren hym alle kingus; alle Jentilis shul serue to hym. [verse 12] For he shal deliuere the pore fro the myȝti; and the pore to whom was not an helpere. [verse 13] He shal spare to the pore, and to the helpeles; and the soulis of pore men he shal make saaf. [verse 14] Fro vsuris and wickidnesse he shal aȝeen bie the soulis of hem; and wrshipeful the name of hem beforn hym. [verse 15] And he shal lyue, and ther shal be ȝiue to hym of the [Om. A.] gold of Arabie; and thei shul honouren of it, al day thei shul blisse to hym. [verse 16] Ther shal be fastnyng in the erthe, in the heȝest thingis of mounteynes; ther [thei A.] shal ben aboue hauncyd aboue Liban his fruyt;

and thei shul floure fro cite, as the hei of erthe [the erthe AEH.] . [verse 17] Be his name blissid in to worldis; beforn the sunne abit stille his name. And ther shul be blissid in hym alle the linagis of erthe [the erthe AH.] ; alle Jentilis shul mag|nefien hym. [verse 18] Blissid be the Lord God of Irael; that doth merueilous thingus alone. [verse 19] And blessid be the name of his maieste in to withoute ende; and ther shal be fulfild with his maieste al erthe; be it do, be it do.

[verse 20] Ther faileden preisingis, or ympnes of Dauid, sone [the sone A.] of Jesse.

PSALM LXXII. [ [verse 1] The salm of Asaf.]

Hou good the God of Irael; to hem that ben in [of A.] riȝt herte. [verse 2] My feet for|sothe ben almost moued; almost ben held doun [out A.] my goingis. [verse 3] For I enuyede vp on wicke men; seande the pes of synneres. [verse 4] For ther is not respit to the deth of hem; and fastnyng in the wounde of hem. [verse 5] In the trauaile of men thei ben not; and with men thei shul not be scourgid. [verse 6] Therfore heeld hem pride; thei ben co|uered with wickidnesse, and with ther vnpitousnesse. [verse 7] Wente forth as of talȝ the wickidnesse of hem; thei ouerpassiden in to lust of herte. [verse 8] Thei thoȝten and speeke shreudenesse; wickidnesse in heiȝte they speeken. [verse 9] Thei putten [puttiden AH.] in to heuene ther mouth; and the tunge of hem wente in [in to A.] the erthe. [verse 10] Therfore shal ben conuertid my puple heer; and fulle daȝis shul be founden in hem. [verse 11] And thei seiden, Hou wot God; and whether is ther kunyng in heiȝte? [verse 12] Lo! tho synneres, and [in A.] abun|dende in the world; weldeden richessis. [verse 13] And I seide, Thanne with oute cause I iustefiede myn herte; and wesh among in|nocentis myn hondis. [verse 14] And I was scourgid al dai; and my chastising in the moru|tidis.

[verse 15] If I seide, I shal telle thus; lo! the nacioun [naciouns AH.] of thi sones I haue repreued. [verse 16] I eymede, that I shulde knowe that; tra|uaile is befor me. [verse 17] To the tyme that I entre in to the seyntuarie of God; and vnderstonde in the laste thingus of hem. [verse 18] Neuerthelatere for treccheries thou leidist to hem; thou threwe hem doun, whil thei weren rerid [arered EH.] vp. [verse 19] What maner be thei maad in to desolacioun; feerli thei faileden, thei pershiden for ther wickidnesse. [verse 20] As a sweuene of risende men; Lord, in thi cite the ymage of hem to noȝt thou shalt bringe. [verse 21] For enflaumed is myn herte, and [verse 22] my reenys ben al chaungid; and I to noȝt am broȝt, and I wiste not. [verse 23] As a beeste I am maad anent thee; and I euer|mor with thee. [verse 24] Thou heelde my riȝt hond, and in thi wil thou broȝtist me thennys; and with glorie thou vndertoke me. [verse 25] What forsothe is to me in heuene; and of thee what wolde I vp on erthe? [verse 26] My flesh failide, and myn herte; God of myn herte, and my part, God in to with|oute ende. [verse 27] For loo! that longen hem|self awei fro thee shul pershen; thou lostist alle that don fornycacioun fro thee. [verse 28] To me forsothe to cleue to God is good; to [and A sec. m.] putten in the Lord God myn hope. That I telle out alle thi prechingus; in the ȝatis of the doȝter of Sion.

PSALM LXXIII. [ [verse 1] The vnderstonding of Asaf.]

Wherto, God, hast thou put abac in to the ende; thi wodnesse wrathide vpon the shep of thi leswe? [verse 2] Myndeful be thou of thi congregacioun; that thou weldedest fro the begynnyng. Thou hast aȝeen boȝt the ȝerde of thin eritage; the hil of Sion in whiche thou dwellidist in [is in C.] it. [verse 3] Rere vp thin hondis in to the pridis of hem in to the ende; hou grete thingis wariede

the enemy in the holi. [verse 4] And thei glo|rieden that hateden thee; in the myddel of thi solempnete. [verse 5] Thei putten [puttiden AH.] ther tocnes, tocnes; and thei knewe not as in the going out vpon the heȝist. [verse 6] As in a woode of trees with axis thei heewen doun the ȝatis of it in to itself; in axis and hachet thei threwen it doun. [verse 7] Thei brenden vp with fyr thi seintuarie; in the erthe thei defouleden the tabernacle of thi name. [verse 8] Thei seiden in ther herte, the kinrede of hem togidere; To resten make wee alle the feste daȝis of God fro the erthe. [verse 9] Oure signes wee han not seen, now ther is not a profete; and he shal knowen vs no more. [verse 10] Hou longe, God, the enemye shal repreue? the aduersarie vnlefulli taketh thi name in to the ende. [verse 11] Wherto turnest thou awei thin hond, and thi riȝthond fro thi myddel bosum in to the ende? [verse 12] God forsothe oure king befor worldis; wroȝte helthe in the myddes of erthe [the erthe E.] . [verse 13] Thou hast confermed in thi vertu these; thou al to-trublidist the hedis of dragounys [dragoun A.] in watris. [verse 14] Thou hast to|broke the hedis of the dragoun; thou hast ȝiuen hym mete to the puplis of Ethiope. [verse 15] Thou hast wastid the wellis, and the stremes; thou hast dried the flodis of Etham. [verse 16] Thin is the dai, and thin is the nyȝt; thou forgedist the morutyd and the sunne. [verse 17] Thou madest alle the termes of erthe [the erthe AEH.] ; somer and ver time, thou formedist hem. [verse 18] Myndeful be thou of this, the enemy putte repref to the Lord; and the vnwise puple terrede thi name. [verse 19] Ne take thou to bestis soulis knoulechende to thee; and the soulis of thi pore men ne forȝete thou in to the ende. [verse 20] Behold in to thi testament; for thei ben fulfild, that ben dercned of erthe; bi the housis of wickidnessis. [verse 21] Ne be turned awei the meke maad confundid; the pore and the helpelis shul preise thi

name. [verse 22] Rys vp, God, deme thou thi cause, myndeful be thou of thi repreues of hem; that of the vnwise man ben al day. [verse 23] Ne forȝete thou the voisis of thin enemys; the pride of hem that hateden thee, steȝeth vp euermor.

PSALM LXXIV. [ [verse 1] In to the ende, the salm of the song of Asaf, ne destroȝe thou, or shend.]

[verse 2] Wee shul knouleche to thee, God, we shul knouleche; and inwardli wee shul clepe thi name. [verse 3] Wee shul telle thi mer|ueilis, whan I shal take tyme; I riȝtwis|nessis shal deme. [verse 4] Molten is the erthe, and alle that dwellen in it; I confermede the pileeris of it. [verse 5] I seide to the wicke [wickid H.] men, Wileth not wickidli don; and to the gilteris, Ne wileth not reren [areren EH.] vp the horn. [verse 6] Wileth not reren up in to heiȝte ȝoure horn; wileth not speken aȝen God wickidnesse. [verse 7] For nouther fro the est, [verse 8] ne fro the west, ne fro [Om. A.] desert hillis; for God is the domysman. [verse 9] This he mekith, and this he enhaunceth; for the chalis in the hond of the Lord of cler wyn, ful of mengd. And he bowide [bowith AH.] in of that in to that; nerthelatere the dreste [drestis AEH.] of it is not wastid out, ther shul drinke of it alle the synneres of erthe [the erthe E.] . [verse 10] I forsothe shal telle out in to the world; I shal synge to God of Jacob. [verse 11] And alle the hornes of synneres I shal to-breke; and the [Om. A.] hornes of the riȝtwis shul ben en|hauncid.

PSALM LXXV. [ [verse 1] In to the ende, in ditees, the song to the [Om. A.] Assiries, the salm of Asaf.]

[verse 2] Knowen is God in Jewerie; in Irael gret is his name. [verse 3] And maad is in pes his place; and his duelling in Sion. [verse 4] There

he al to-brac poweris; bowe, sheld, swerd, and bataile. [verse 5] Thou art liȝtende merueil|ously fro the euere lastende mounteynes; [verse 6] alle the vnwise men ben disturbid in herte. Thei sleepen [slepten AEH.] ther slep aslep, and no thing founden; alle the men of richessis in ther hondis. [verse 7] Fro thi blamyng, God of Jacob; nappeden that stieȝeden vp horsis [hors C.] . [verse 8] Ferful thou art, and who shal withstonde to thee? fro thanne thi wrathe. [verse 9] Fro heuene herd thou hast maad dom; the erthe tremblide, and restide. [verse 10] Whan God shulde rise vp [Om. C.] `in to [in C.] dom; that he make saaf alle [Om. C.] the de|bonere of erthe [the erthe AEH.] . [verse 11] For the thenking of a man shal knouleche to thee; and the re|likis of a [the AH.] thenking a feste dai shul do to thee. [verse 12] Vouwith, and ȝeldeth to the Lord ȝoure God; alle ȝee that in his enuyroun bringen to ȝiftis. [verse 13] To the ferful, and to hym that doth awey the spirit of princis; to the ferful anent alle kingus [the kingis AEH.] of erthe [the erthe E pr. m.] .

PSALM LXXVI. [ [verse 1] In to the ende, for Iditym, the salm to [of AH.] Asaf.]

[verse 2] In my vois to the Lord I criede, in my vois to God; and he tooc heede to me. [verse 3] In the dai off my tribulacioun God I soȝte out with myn hondis; the nyȝt forn aȝen hym, and I am not deseyued. My soule [verse 4] forsoc to be coumfortid; myndeful I was of God, and dilitide, and am enhauntid [enhauncid AH.] , and my spirit failide. [verse 5] Myn eȝen looke `to forn [before A.] wakingus; I am disturbid [distourblid H.] , and I spac not. [verse 6] I thoȝte olde daȝis; and euere lastende ȝeeris in mynde I hadde. [verse 7] And I sweteli thoȝte in the nyȝt with myn herte; and I was enhauntid [enhauncyd AH.] , and `I swepte [Y wepte A. swepte H.] my spirit. [verse 8] Whether in to with|oute ende God shal throwe aferr; or he shall not lei to, that he be more plesid ȝit? [verse 9] Or in to the ende his mercy he shal

kutte awey; fro ieneracioun in to ienera|cioun? [verse 10] Or God shal forȝete to han merci; or he shal withholden in his wrathe his mercies? [verse 11] And I seide, Now I haue be|gunne; this chaunging of the riȝthalf of the heȝe. [verse 12] I was myndeful of the werkis of the Lord; for I shal be myndeful fro the begynnyng of thi merueilis. [verse 13] And I shal sweteli thenke in alle thi werkis; and in thi findingis I shal ben enhauntid [enhaunced H.] . [verse 14] God, in the holi thi wey; who gret God [verse 15] as oure God? thou art God, that dost merueilis. Knowen thou hast maad in [verse 16] puplis thi vertu; thou hast aȝeen boȝt in thin arm thi puple, the sones of Jacob and of Joseph. [verse 17] Ther han seen thee wa|tris, God, ther han seen thee watris, and thei dredden; and disturbid ben the depnessis. [verse 18] The multitude of the soun of watris; a vois ȝeuen the cloudis. Forsothe [verse 19] thin arwis passeden thurȝ; the vois of thi thunder [thundris A.] in a whel. Thi shynyngus liȝteden to the roundnesse of the erthe; it is togidere moued; and the erthe togi|dere tremblide. [verse 20] In the se thi weye; and thi sties in manye watris; and thi steppis shul not be knowen. [verse 21] Thou broȝtist out as shep thi puple; in the hond of Moises and Aaron [of Aaron E.] .

PSALM LXXVII. [ [verse 1] The vnderstonding of Asaf.]

Taketh tente, my puple, to my lawe; inwardli bowith ȝoure ere in to the woordis of my mouth. [verse 2] I shul opene in parablis my mouth; I shal speke propo|siciouns fro the begynnyng. [verse 3] Hou grete thingis wee han herd, and han knowe them; and oure fadris tolden to vs. [verse 4] Thei ben not hid fro ther sones; in an other ieneracioun. Tellende [Tellith A.] the preisingus of the Lord, and his vertues; and his mer|ueilis, that he dide. [verse 5] And he rerede wit|nessing in Jacob; and lawe he putte in

Irael. Hou grete thingis he sente to oure fadris, to make thoo thingus knowe [verse 6] to ther sones; that the tother ieneracioun knowe. The sonus, that shul be born, and risen out; shul tellen out to ther sones. [verse 7] That thei putte in God ther hope, and thei forȝete not the werkis of God; and his hestis thei out seche. [verse 8] Lest thei be maad as ther fadris; a shreude ienera|cioun and a terrende out. A ieneracioun that dresside not his herte; and his spirit is not take with God. [verse 9] The sones of Ef|fraym lokende in, and sendende [senden C. sendinge AEH.] a bowe; ben turned in the dai of bataile. [verse 10] Thei kepten not the testament of God; and in his lawe thei wolden not go. [verse 11] And thei forȝeten his benefetis; and his merueylis, that he shewide to them. [verse 12] Befor the fa|dris of hem he dide merueilis in the lond of Egipt; in the feld of Tafneos. [verse 13] He betwen vp brac the se, and thurȝ broȝte them; and sette the watris as in a botel. [verse 14] And he ladde hem thennes in the cloude of the day; and al nyȝt in the liȝtnyng [lickenes A. lyȝtnesse H.] of fyr. [verse 15] He betwe brac the ston in wil|dernesse; and watride hem as in a myche deep water. [verse 16] And he broȝte out water of the ston; and he ladde out watris as flodis. [verse 17] And thei leide to ȝit to synnen to hym; in to wrathe thei stiriden the heȝe, in vnwatri place. [verse 18] And thei tempt|eden God in ther hertis; that thei aske metis to ther soulis. [verse 19] And euele thei speken of God; thei seiden, Whether God shal moun make redi a bord in desert? [verse 20] For he smot the ston, and ther floweden watris; and the stremes maden to flowen. Whether and bred he shal moun ȝiue; or greithen a bord to his puple? [verse 21] Ther|fore the Lord herde, and lafte of; and fyr is tend up in Jacob; and wrathe is steȝed vp in Irael. [verse 22] For thei leeueden not in God; ne hopiden in his helthe ȝiuere. [verse 23] And he sente to the cloudes fro aboue; and the ȝatis of heuene he openede.

[verse 24] And he reynede to hem manna to ete; and the bred of heuene he ȝaf to hem. [verse 25] Man eet the bred of aungelis; metis he sente to hem in abundaunce. [verse 26] He trans|latide the south fro heuene; and broȝte in his vertue the southerne wynd. [verse 27] And he reynede vp on hem flesh as pouder; and federed volatilis, as the grauel of the se. [verse 28] And thei fellen in the myddil of the tentys of hem; aboute ther tabernaclis. [verse 29] And thei eeten, and ben fulfild ful myche, [verse 30] and ther desir he broȝte to them; thei ben not bigilid fro ther desir. Ȝit their [verse 31] metis weren in the mouth [mouthis AH.] of hem; and the wrathe of God steiȝide vp upon hem. And he sloȝ the fatte men of hem; and the chosen men of Irael he lettide. [verse 32] In alle these thingus thei synneden ȝit; and thei leeueden not in his merueilis. [verse 33] And the daȝis of hem failiden in vanytee; and the ȝeeris of hem in withheeȝing. [verse 34] Whan he shulde slen hem, thei soȝten him; and weren turned aȝeen, and the morutid thei camen to hym. [verse 35] And thei be remembrid, for God is ther helpere; and the heȝe God is the aȝeenbiere of hem. [verse 36] And thei looueden hym in ther mouth; and in ther tunge thei lieden to hym. [verse 37] The herte forsothe of hem was not riȝt with hym; ne feithful thei ben had in the testament of hym. [verse 38] He forsothe is merciful [mercyable AH.] , and plesid shal be maad to the synnes of hem; and he shal not scatere them. And he abundede, that he turne awei his wrathe; and he teende not vp al his wrathe. [verse 39] And he recordide, for thei ben flesh; a spirit goende, and not turnende aȝeen. [verse 40] Hou ofte sithis thei out terreden hym in desert; in to wrathe thei to|stiriden hym in vnwatri place. [verse 41] And thei ben turned, and tempteden God; and holy Irael thei ful out terreden. [verse 42] Thei ben not recordid of his hond; the dai that he boȝte hem fro the hond of

the trublere. [verse 43] As he putte in Egipt his signes; and his wunders in the feld of Thaneos. [verse 44] And he turnede into blod the flodis of hem; and ther cisternes, that thei shulde not drinke. [verse 45] And he sente in to them an hound fleȝe, and it eet hem; and a frogge [frosshe A.] , and it destroȝede them. [verse 46] And he ȝaf to rust the frutis of hem; and ther trauailis to a locust. [verse 47] And he sloȝ in hail the vynes of hem; and ther [the A.] mul|berie trees in frost. [verse 48] And he toc to hail the bestis of hem; and the possessioun of hem to fyr. [verse 49] He sente in to them the wrathe of his indignacioun; indigna|cioun [Om. A.] , and wrathe, and tribulacioun, in sendingus bi euele aungelis. [verse 50] A weie he made to the path of his wrathe, and he sparide not fro the deth of the lyues of hem; and the bestis of hem in deth he closide. [verse 51] And he smot alle the firste goten in the lond of Egipt; the first frutis of alle the trauayle of hem in the taber|naclis [tabernacle AH.] of Cham. [verse 52] And he toc awei as shep his puple; and he ladde hem thurȝ as a floc in desert. [verse 53] And he ladde hem thennys in hope, and thei dreden not; and the enemys of hem the se couerede. [verse 54] And he inladde them in to the hil of his halewing; the hil that his riȝthond pur|chaside. And he caste out fro the face of hem Jentilis; and bi lot he deuydede to hem the erthe in the litle corde of deling. [verse 55] And he made to dwelle in the tabernaclis of hem the linagis [lynage A.] of Irael. [verse 56] And thei tempteden, and sharpli terreden the heȝe God; and his witnessingus thei kepten not. [verse 57] And they turneden themself awei, and thei kepten not couenaunt; as ther fadris ben turned in to a shreude bowe. [verse 58] In to wrathe thei stiriden hym in ther hillis; and in ther grauen thingis to ielouste [the locuste H.] thei terreden hym. [verse 59] God herde, and despiside; and to noȝt he broȝte gretli Irael. [verse 60] And he putte abac the tabernacle of Silo; his tabernacle wher he dwelte in

men. [verse 61] And he toc into caitifte the vertu of hem; and the fairnesse of hem in to the hondus of the enemy. [verse 62] And he closide in swerd his puple; and his eritage he [Om. C.] dispiside. [verse 63] Ȝunge men [Om. C.] of hem the fyr eet; and the maidenes of hem ben not weilid. [verse 64] The prestis of hem in swerd fellen; and the widewis of hem weren not wept. [verse 65] And the Lord is rerid vp, as slepende; as myȝti drunken of win. [verse 66] And he smot his enemys in to the hindermor partis; euere lasting repref he ȝaf to them. [verse 67] And he putte abac the tabernacle of Josep; and the linage of Effraym he ches not. [verse 68] But he ches the linage of Juda; the hil of Sion, that he loouede. [verse 69] And he bilde vp as vnycorn his holi making; in the lond, that he foundede in to worldus. [verse 70] And he ches Dauid his seruaunt, and he bar hym vp fro the flockis of shep; fro the aftir berende blet he toc hym. [verse 71] To fede Jacob his seruaunt; and Irael his eritage. [verse 72] And he fedde hem in the inno|cence of his herte; and in the vnder|stondingus of ther hondis he ladde hem thenes.

PSALM LXXVIII. [ [verse 1] The salm to Asaf.]

God, Jentilis camen in to thin eritage; thei defouleden thin holi temple, thei putte [puttiden AH.] Jerusalem in to the keping of applis. [verse 2] Thei putte [puttiden AH.] the smyten to deth of thi seruauntis, metis to the foulis of heuene; flesh of thi seintis to the bestis of erthe [the erthe A.] . [verse 3] Thei shadden out the blod of hem, as water in the enuyroun of Jerusalem; and ther was not that `shulde birie [biriede AEH.] . [verse 4] Wee be maad repref to oure neȝheboris; mouwing and scornyng to them, that ben in oure cumpas. [verse 5] Hou longe, Lord, thou shalt wrathen in to the ende? shal be tend [temptid A.] vp as fyr thi jelouste? [verse 6] Heeld out thi wrathe in to Jentilis, that han not

knowe thee; and in to reumes, that thi name han not inwardli clepid. [verse 7] For thei eete Jacob; and hys place thei han maad desolat. [verse 8] Ne thou shalt han mynde of oure olde wickidnessis, soone shul befor taken vs thi mercies; for pore men wee ben maad ful myche. [verse 9] Help vs, God, oure helthe ȝiuere, and for the glorie of thi name, Lord [Om. C.] , deliuere vs; and plesid be thou to oure synnes for thi name. [verse 10] Lest parauenture thei sey in Jentilis, Wher is the God of hem? and yt waxe ful knowen in naciouns beforn oure eȝen. The veniaunce of the blod of thi seruauns, that is held out; go in to thi siȝte the weiling of the [thi C.] gyued men. [verse 11] After the mykilnesse of thin arm; weld the sones of the don to deth. [verse 12] And ȝeld to oure neȝheboris seuefold in the bosum of hem; the repref of them, that thei repreueden thee, Lord. [verse 13] Wee forsothe thi puple, and the shep of thi leswe; shul knouleche to thee in to the world. In ieneracioun and in to ieneracioun; wee shul telle out thi preising.

PSALM LXXIX. [ [verse 1] In to the ende, for hem that shul ben al holli chaungid, the salm for the Assiries; the witnessing of Asaph.]

[verse 2] Thou that gouernest Irael, tac heed; that ledist as a shep Joseph. That sit|tist vp on cherubyn; be thou maad open [verse 3] beforn Effraym, Beniamyn, and Manasse. Rere vp thi myȝt, and cum; that saf thou make vs. [verse 4] God, conuerte thou vs, and sheu thi face; and wee shul be saf. [verse 5] Lord God of vertues; hou longe shalt thou wrathe vpon the orisoun of thi seruaunt? [verse 6] Thou shalt feden vs with bred of teris; and drinke thou shalt ȝiue to vs in teris in mesure. [verse 7] Thou hast put vs [Om. AH.] in contradiccioun to oure neȝhe|boris; and oure enemys bemoweden vs. [verse 8] God of vertues, conuerte thou vs; and

sheu thi face, and wee shul be saf. [verse 9] Thou translatidist a vyne fro Egipt; thou castidist [castist AEH.] out Jentilis, and plauntid|ist it. [verse 10] Duke of the weie thou were in his siȝt; and thou plauntidist his rootis, and it fulfilde the erthe. [verse 11] His shadewe couerede hillis; and his shrubbis the ceders of God. [verse 12] He straȝte out his braunchis vnto the se; and vnto the flod his [is C.] railingus. [verse 13] Wherto destroȝidist thou his wal; and pullen it alle that gon beside the weie? [verse 14] The bor of the wode outlawide it; and the singuler wilde beste destroȝide it. [verse 15] God of vertues, be thou turned, behold fro heuene, and see; and visite thou this vyne. [verse 16] And parfitli mac it, that thi riȝthond plauntide; and vp on the sone of man, whom thou hast confermed to thee. [verse 17] The tend vp thingis with fyr, and the vnder doluen; of the blamyng of thi chere shul pershen. [verse 18] Thin hond be don vp on the man of thi riȝt|hond; and vp on the sone of man, whom thou hast confermed to thee. [verse 19] And wee goon not awei fro thee; thou shalt quykene vs, and thi name wee shul in|wardli clepe. [verse 20] Lord God of vertues, con|uerte vs; and sheu thou thi face, and wee shul be saf.

PSALM LXXX. [ [verse 1] In to the ende, for the pressis, salm [the salm A.] to that Asaf, in the fifte dai of the wike.]

[verse 2] Ful out ioȝith to God, oure helpere; ioȝeth to God of Jacob. [verse 3] Taketh salm, and ȝyueth timbre; a merie sautre with an harpe. [verse 4] Trumpeth in the newe mone; with a trumpe in the noble dai of oure solempnete. [verse 5] For comaundement in Irael it is; and dom to God of Jacob. [verse 6] Witness|ing in Joseph he putte it; whan he shulde gon out of the lond of Egipt, the tunge that he hadde not knowe, he herde. [verse 7] He [Be H.] turnede awei fro birthenes [the birdens H.] his rig; his

hondis in the cofin serueden. [verse 8] In tribu|lacioun thou inwardli clepidist me, and I deliuerede thee; I ful out herde thee in the hid place of tempest, I preuede thee [Om. H.] anentis the watir of contradiccioun. [verse 9] Here thou, my puple, and I shal witnesse to [verse 10] thee, Irael, if thou shalt here me, ther shall not be in thee a [Om. A.] fresh God; ne thou [Om. H.] shalt honoure an alien God. [verse 11] I for|sothe am the Lord thi God, that ladde thee out fro the lond of Egipt; spreed abrod thy mouth, and I shal fulfille it. [verse 12] And my puple herde not my vois; and Irael toc not [noon AEH.] heed to me. [verse 13] And I lafte them after the desiris of ther herte; thei shul gon in ther findingus. [verse 14] If my puple hadde herde me; Irael, if [Om. A.] in my weies hadde go. [verse 15] For noȝt perauenture the enemys of hem I shulde han mekid; and vpon men trublende them I shulde han put myn hond. [verse 16] The enemys of the Lord lieden to hym; and the time of hem shal ben in to worldis. [verse 17] And he fedde them of the talȝ of whete; and of the ston with hony he fulfilde hem.

PSALM LXXXI. [ [verse 1] The salm of Asaf.]

God stod in the synagoge of godis; in the myddel forsothe godis he seuereth [seueride A.] . [verse 2] Hou longe ȝee demen wickidnesse; and the facis of synneres ȝee taken? [verse 3] Demeth to the nedy, and to the moderles child; the meke and the pore iustefieth. [verse 4] Taketh awei the pore; and the nedi fro the hond of the synnere deliuereth. [verse 5] Thei knewen not, ne vnderstoden, in dercnessis thei gon; ther shul be moued alle the founde|mens of erthe [the erthe AEH.] . [verse 6] I seide, godis ȝee ben; and the sones of the heȝe alle. [verse 7] Ȝee for|sothe as men shul dien; and as oon of the princys shul falle. [verse 8] Rys, God, deme thou the erthe; for thou shalt eritagen in alle Jentilis.

PSALM LXXXII. [ [verse 1] The song of the salm of Asaf.]

God, who shal be lic to thee? [verse 2] ne holde thou thi pes, ne be thou refreyned, God. [verse 3] For loo! thin enemys souneden; and thei that hateden thee beeren vp the hed. [verse 4] Vp on thi puple in malice ordeyneden a counseyl; and thoȝten aȝen thi seyntis. [verse 5] Thei seiden, Cometh, and scatere wee them fro the folc; and be no mor remem|brid the name of Irael. [verse 6] For thei thoȝten alle of oon inwit; togidere aȝen thee a [verse 7] testament disposiden the tabernaclis of Ydumees and Ismaelitis. Moab, and Aga|rienes, [verse 8] Jebal, and Amon, and Amelech; alienes with the dwelleris of Tyrum. [verse 9] Forsothe Assur cam with them; and thei ben maad in to helpe to the sones of Loth. [verse 10] Do to them as to Madian, and Cisare; as to Jabyn in the strem of Cison. [verse 11] Thei pershiden in Endor; thei ben maad as the drit of erthe. [verse 12] Put the princis of hem as Oreb and Zeb; and Zebie and Zalmana. [verse 13] Alle the princis of hem, that seiden; Bi eritage welde wee the sein|tuarie of God. [verse 14] My God, put hem as a wheel; and as stobil befor the face of wind [the wynde AH.] . [verse 15] As fyr that brenneth a wode; and as flaume togidere brennende hillis. [verse 16] So thou shalt pursue them in thi tem|pest; and in thi wrathe thou shalt dis|turbe them. [verse 17] Fulfil the facis of hem with shenshipe; and thei shul seche thi name, Lord. [verse 18] Waxe they ashamed, and be thei al disturbid in to the world of world; and be thei confoundid and pershe. [verse 19] And knowe thei, for name to thee Lord; thou onli heȝest in al the [Om. AEH.] erthe.

PSALM LXXXIII. [ [verse 1] In to the ende, for the pressis, to the sonus of Chore, the [Om. A.] salm.]

[verse 2] Hou looued ben thi tabernaclis, Lord [verse 3] of vertues; my soule coueiteth, and fail|ith in to the hallis of the Lord. Myn herte and my flesh; ful out ioȝeden in to God alyue. [verse 4] Forsothe the sparowe fonde to hym an hous; and the turtil a nest, wher he leye [leyeth A.] vp his briddis. Thin auteres, Lord God of vertues; my king, and my God. [verse 5] Blisful that dwellen in thin hous, Lord; in to the worldis of worldis thei shul preise thee. [verse 6] Blisful the man, whos helpe is of thee; steȝingus [verse 7] vp in his herte he disposide, in the valei of teris, in the place that he sette. [verse 8] Forsothe blessingus shal ȝiue the lawe berere, thei shul go fro vertue in to vertue; God of godis shal ben seen in Sion. [verse 9] Lord God of vertues, ful out here myn orisoun; with eris parceyue thou, God of Jacob [Israel AH.] . [verse 10] Oure defendere, God, loke thou to, and behold in to the face of thi crist. [verse 11] For betere is oo dai in thin hallis; ouer thousendis. I ches to be cast awei in the hous of my God; more than to duelle in the tabernaclis of synneres. [verse 12] For mercy and treuthe looueth God; grace and glorie the Lord shal ȝyue. [verse 13] He shal not make them to be withoute goodis, that gon in innocence; Lord of vertues, blisful the man, that hopeth in thee.

PSALM LXXXIV. [ [verse 1] In to the ende, to the sonus of Chore.]

[verse 2] Lord, thou hast blissid thin erthe; thou hast turned awei the caitifte of Jacob. [verse 3] Thou hast forȝiue the wickid|nesse of thi folc; thou hast couered alle

the synnes of hem. [verse 4] Thou hast suagid al thi wrathe; thou hast turned awey fro the wrathe of thin indignacioun. [verse 5] Conuerte vs, God, our helthe ȝiuere; and turne awei thi wrathe fro us. [verse 6] Whether in to withoute ende thou shalt wrathe to vs; or thou shalt strecchen out thi wrathe fro ieneracioun in to ienera|cioun? [verse 7] God, thou turned shalt quykenen vs; and thi folc shal gladen in thee. [verse 8] Sheu to vs, Lord, thi mercy; and thi helthe ȝiuere ȝif thou to vs. [verse 9] I shal heren, what speke in me the Lord God; for he shal speke pes in to his folc. And vp on his seyntis; and in to them that ben con|uertid to the herte. [verse 10] Neuerthelatere neeȝh the dredende hym his helthe ȝiuere; that indwelle glorie in oure erthe. [verse 11] Mercy and treuthe metten to themself; riȝtwis|nesse and pes ben kist. [verse 12] Treuthe of erthe [the erthe AEH.] is sprungen; and riȝtwisnesse fro heuene beheeld forth. [verse 13] Forsothe the Lord shal ȝiue benygnete; and oure erthe shal ȝiue his frute. [verse 14] Riȝtwysnesse beforn hym [Om. H.] shal go; and he shal putte in the weie his goingus.

PSALM LXXXV. [The orisoun of Dauid.]

[verse 1] Bowe in [Om. AH.] , Lord, thin ere, and ful out here me; for helpeles and a pore man I am. [verse 2] Kepe thou my soule, for holi I am; mac saf thi seruaunt, my God, hopende in thee. [verse 3] Haue mercy of me, Lord, for [verse 4] to thee I criede al dai; glade thou the soule of thi seruaunt, for to thee, Lord, my soule I rerede. [verse 5] For thou, Lord, sweete and mylde; and of myche mercy to alle that inwardli clepen thee. [verse 6] With eris parceyue thou, Lord, myn orisoun; and tac heed to the vois of my lowe preȝing. [verse 7] In the day of my tribulacioun I criede to thee; for thou ful out herdest me. [verse 8] Ther is not lic thee [to thee A.] in godis, Lord;

and ther is not aftir thi werkis. [verse 9] Alle Jentilis, what euere thou hast maad, shul come, and honoure befor thee [the AH.] , Lord; and thei shul glorifie thi name. [verse 10] For gret art thou, and doende merueilis; thou art God alone. [verse 11] Leed mee thenes, Lord, in thi weie, and I shal gon in thi treuthe; glad myn herte, that it drede thi name. [verse 12] I shal knouleche to thee, Lord my God, in al myn herte; and I shal glorifie thi [in thi A.] name in to with oute ende. [verse 13] For thi mercy great is vp on me; and thou toke out my soule fro [of AEH.] the nethere helle. [verse 14] God, wicke [wickid A.] men inrisen vpon me; and the synagoge of myȝti men soȝten my soule; and thei purposiden not thee in ther siȝte. [verse 15] But thou, Lord God, ruwer, and mercyful; pacient, and of myche merci, and verre. [verse 16] Behold in me, and haue mercy of me, ȝif empire to thy child; and saf mac the sone of thin hand|maiden. [verse 17] Do with me a tocne in good, that thei see, that hateden me, and be confounded; for thou, Lord, hast holpe me, and coumfortid me.

PSALM LXXXVI. [ [verse 1] To the sonus of Chore, the salm of the song.]

The foundemens of hym in holi hillis; [verse 2] the Lord looueth the ȝatis of Syon, vp on alle the tabernaclis of Jacob. [verse 3] Gloriouse thingus ben seid of thee; thou cite of God. [verse 4] Myndeful I shal be of Raab, and of Babiloyne; knowende me. Lo! alienus, and Tiris, and the puple of Ethiopis; these weren there. [verse 5] Whether a man shal sey to Sion, And [Om. A.] a man is born in it; and he the most heȝ foundede it? [verse 6] The Lord shal telle in the scripturis of puplis; and of these princis, that weren in it. [verse 7] As of alle gladende; dwelling is in thee.

PSALM LXXXVII. [ [verse 1] The song of the salm, to the sonys of Chore, in to the ende, for Melech, to answern, the vnderstonding of Eman Israelyte, or Esrayte.]

[verse 2] Lord God of myn helthe; in the dai I criede and in the nyȝte befor thee. [verse 3] Entre in thi siȝte myn orisoun; bowe in thin ere to my preȝeere. [verse 4] For fulfild is with euelis my soule; and my lif to helle neȝhede. [verse 5] I am eymed with men goende doun in to the lake; I am maad as a man [verse 6] withoute helpe, among deade men free. As woundid men slepende in sepulcris, of whom thou art no mor myndeful; and thei of thin hond ben put aȝeen. [verse 7] They putten me in the nethere lake; in derke thingus, and in shadewe [the shadewe AEH.] of deth. [verse 8] Vp on me is confermyd thi wodnesse; and alle thi flodis thou broȝtist in vp on me. [verse 9] Fer thou madest my knowen fro me; thei putten [puttiden AH.] me abhominacioun to them. [verse 10] I am traȝid [trayed A. crathed E.] , and I wente not out; myn eȝen febleden for myseise. I criede to thee, Lord; al dai I spradde out to thee myn hondis. [verse 11] Whether to deade men thou [he E pr. m.] shal do merueilis; or lechis shul reren, and knoulechen to thee? [verse 12] Whether sum man shal telle in sepulcris thi mercy; and thi treuthe in to perdicioun? [verse 13] Whe|ther shul be knowen in dercnessis thi merueilis; and thi riȝtwisnesse in the lond of forȝeting? [verse 14] And I to thee, Lord, criede; and erli myn orisoun befor shal come thee. [verse 15] Wherto, Lord, pootist thou abac myn orisoun; thou turnest awei thi face fro me? [verse 16] A pore man I am, and in trauailis fro my ȝouthe; enhauncid, meekid forsothe I am, and al disturbid. [verse 17] In me passiden thurȝ thi wrathis; and thi feeris al disturbiden me. [verse 18] They enuy|rounden me as water al day; they enuy|rounden me togidere. [verse 19] Thou longedest awei fro me frend and neȝhebore; and my knowen fro wrechidnesse.

PSALM LXXXVIII. [ [verse 1] The vnderstondyng of Ethan, Israelite.]

[verse 2] The mercies of the Lord; `in to [Om. A.] with|oute ende I shal synge. In ieneracioun and in to ieneracioun; I shal befortelle thi treuthe in my mouth. [verse 3] For thou seidist, In to with oute ende mercy shal be bild `out in [vp and A.] heuenes; beforn shal be maad redy thi treuthe in hem. [verse 4] I dis|poside testament to my chosene; I swor [verse 5] to Dauid, my seruaunt, In to withoute ende I shal beforgreithe thi seed. And I shal bilden out; in ieneracioun and in to ieneracioun thi sete. [verse 6] Lord, heuenus shul knouleche thi meruelis; forsothe thi treuthe in the chirche of halewis. [verse 7] For who in cloudis shal be maad euene to the [thee A.] Lord; lic shal ben to God in the sonys of God? [verse 8] God, that is glorified in the counseil of seyntis; gret, and ferful vp on alle that in his cumpas ben. [verse 9] Lord God of vertues, who lic [is lijk A.] to thee? myȝti thou art, Lord, and thi treuthe in thi cumpas. [verse 10] Thou lordshipist of the power of the se; forsothe the mouyngis of his flodis thou suagist. [verse 11] Thou mekedist, as woundid, the proude; in the arm of thi vertue thou destroȝedist thin enemys. [verse 12] Thine ben heuenes, and thin is the erthe; the roundnesse of erthe, and hys plente [verse 13] thou foundedest; the north and the se thou formedist. Thabor and Ermon in [verse 14] thi name shul ful out ioȝen; thin arm with power. Be fastned thin hond, and [verse 15] enhauncid be thi riȝthond; riȝtwisnesse and dom beforgreithing [before greithingis A.] of thi sete. Merci and treuthe shul beforgo thi face; blisful the puple that wot ioȝing. [verse 16] Lord, [verse 17] in the liȝt of thi chere thei shul go; and in thi name thei shul ful out ioȝen al day; and in thi riȝtwisnesse thei [Om. AEH.] shul be enhauncid. [verse 18] For the glorie of the vertu of hem thou art; and in thi wel plesing shal ben enhauncid oure horn. [verse 19] For of

the Lord is oure taking vp; and of the holi of Irael oure king. [verse 20] Thanne thou speeke in viseoun to thi seintis, and thou seidist; I haue putt helpe in the myȝti, and I haue enhauncid the chosen of my folc. [verse 21] I haue founde Dauid, my seruaunt; with myn holi oile I enoyntide hym. [verse 22] Myn hond forsothe shal helpe to hym; and myn arm shal conferme hym. [verse 23] No thing shal profite the enemy in hym; and the sone of wickednesse shal not sette to [Om. H.] , to noȝen hym. [verse 24] And I shal al to-hewe fro the face of hym his enemys; and the hatende hym in to fliȝt I shal al turne. [verse 25] And my treuthe and my mercy with hym; and in my name shal ben en|hauncid his horn. [verse 26] And I shal putte in the se his hond; and in flodis his riȝt hond. [verse 27] He shal inwardli clepe me, My fader thou art; my God, and vndertakere of myn helthe. [verse 28] And I the first goten shal sette hym; heȝ befor the kingis of erthe. [verse 29] In to with oute ende I shal kepe to hym my mercy; and my testament feithful to hym. [verse 30] And I shall sette in to world [the world A.] of world his sed; and his trone as the daȝis of heuene. [verse 31] If forsothe his sonys shul forsake my lawe; and in my domys shul not go. [verse 32] If my riȝtwisnessis [riȝtwisnes AH.] thei poote ferr awei; and myn hestis shul not kepe. [verse 33] I shal visite in a ȝerde the wickidnessis [wickenessis E.] of hem; and in betingus ther synnes. [verse 34] My mercy forsothe I shal not don awei fro hym; ne noȝen in my treuthe. [verse 35] Ne I shal not defoule my testa|ment; and that gon out of my lippis I shal not make vein. [verse 36] Ones I swor in [verse 37] myn holy, to Dauid I shal not lie; his sed in to withoute ende shal duelle. [verse 38] And his trone as the sunne in my siȝt; and as the moone parfit in to withoute ende, and the witnesse in heuene feithful. [verse 39] Thou forsothe hast put abac, and dispisid; tariedist thi crist. [verse 40] Thou turnedist awei the testament of thi seruaunt; thou curs|idist in the erthe his seintuarie. [verse 41] Thou

destroȝidist alle the heggis of hym; thou puttist his fastnyng drede. [verse 42] Ther wast|eden hym alle men passende the weie; he is maad repref to his neȝheboris. [verse 43] Thou enhauncidist the riȝthond of men berende hym doun; thou gladedest alle his ene|mys. [verse 44] Thou turnedest awei [Om. C.] the helpe of his swerd; and thou helpedist hym not in bataile. [verse 45] Thou destroȝidist hym fro his out clensing; and his sete in the erthe thou hurtlidist. [verse 46] Thou lassedist the daȝes of hys time; thou ful heeldedest [hilidist A.] hym with confusion. [verse 47] Hou longe, Lord, thou turnest awei in to the ende; shal brenne out as fyr thi wrathe? [verse 48] Haue mynde what my substaunce; whether forsothe veyn thou hast ordeynd alle the sonus of men? [verse 49] Who is a man, that [and AH.] shal liue, and shal not see deth; and shal pulle out his soule fro the hond of helle? [verse 50] Wher ben thin olde mercies, Lord; as thou hast sworn to Dauid in thi treuthe? [verse 51] Mynde|ful be, Lord, of the repref of thi ser|uauns; that I withheld [withholde A.] in my bosum, of many Jentilis. [verse 52] The whiche thin enemys repreueden, Lord; that thei repreueden the hole chaunging of thi crist. [verse 53] Blessid the Lord in to with oute ende; be it do, be it do.

PSALM LXXXIX. [ [verse 1] The orisoun of Moises, man of God.]

Lord, refut thou art maad to vs; fro ieneracioun in to ieneracioun. [verse 2] Befor that hillis weren maad, or were formed the erthe and the roundnesse; fro world `and vn to [in to A. and in to EH.] world thou art God. [verse 3] Ne turne thou a man in to mecnesse; and thou seidist, Beth conuertid, ȝee sones of men. [verse 4] For a thousend ȝeer befor thin eȝen; as ȝisterdai that is passid. And the warde in [verse 5] the nyȝt, that for noȝt ben had; the ȝeris of hem shul ben. [verse 6] Erli as an erbe passe

he, erli flurshe [floure AEH.] he, and passe; at euen falle he doun, inwardli harde he, and waxe drie. [verse 7] For we han failid in thi wrathe; and in thi wodnesse wee ben disturbid. [verse 8] Thou hast put oure wickidnessis [wickenessis E. wickidnesse H.] in thi siȝt; oure world in the liȝting of thi chere. [verse 9] For alle oure daȝis faileden; and in thi wrathe wee han failid. Oure ȝeris, as an [verse 10] ireyn, shul be bethoȝt; the daȝis of oure ȝeris in tho seuenti ȝer [ȝeeris AEH.] . If forsothe in myȝtis eiȝteti ȝer; and the more ouer of them trauaile and sorewe. For ther ouer|cam debonernesse; and wee shul be chas|tisid. [verse 11] Who knewȝ the power of thi wrathe; and for thi drede thi wrathe de|noumbren? [verse 12] Thi riȝthond so mac knowen; and the taȝt with herte in wisdam. [verse 13] Be thou conuertid, Lord, hou longe; and louli preyable be thou vp on thi seruauns. [verse 14] Wee ben fulfild erly with thi mercy; wee han ful out ioȝed, and delitid in alle oure daȝis. [verse 15] Wee han ioȝid for the daȝis in whiche thou hast mekid vs; the ȝeris in whiche wee han seen euelis. [verse 16] Behold, Lord, in to thi seruauns, and in to thi werkys; and reule forth the sones of hem. [verse 17] And be the shynyng of the Lord oure God vp on vs; and the werkis of oure hondis riȝtforth reule `vp on [vp A.] vs; and the werk of oure hondis reule riȝtforth.

PSALM XC. [ [verse 1] The preysing of the song, to hym Dauid.]

That woneth in the helpe of the heiȝest; in the defending of God of heuene shal al abide. [verse 2] He shal sei to the Lord, Myn vn|dertakere art thou, and my refut; my God, I shal hope in to hym. [verse 3] For he de|liuerede me fro the grene of hunteres; and fro the sharpe woord. [verse 4] With his shul|dris he shal al aboute shadewe to thee; and under his pennys thou shalt hopen. [verse 5] With the sheld shal enuyroune thee his treuthe; thou shalt not drede fro the nyȝt

drede. [verse 6] Fro the arwe fleende in dai [the dai AH.] , fro the nede goende in dercnessis thurȝ; fro the inrennyng, and the [Om. A.] myddai deuel. [verse 7] Ther shul falle fro thi side a thousend, and ten thousend [thousandis A.] fro thi riȝt sidis; to thee forsothe he shal not neȝhe. [verse 8] Neuer|thelatere with thin eȝen thou shalt be|holde; and the ȝelding of synnes thou shalt see. [verse 9] For thou art [Om. AH.] , Lord, myn hope; heȝest thou hast put thi [my A.] refut. [verse 10] Ther shal not come to thee euel; and scourge shal not neȝhe [neiȝe to A.] to thi tabernacle. [verse 11] For to his aungelis he comaundide of thee; that thei shulden kepen thee in alle thi weies. [verse 12] In hondis thei shul bern thee; lest parauenture thou offende at the ston thi foot. [verse 13] Vp on the eddere and the koka|trice thou shalt go; and thou shalt to|trede the leoun and the dragoun. [verse 14] For in me he hopide, I shal delyueren hym; I shal defende hym, for he knewȝ my name. [verse 15] He criede to me, and I ful out shal heren hym [Om. C.] , with hym I am in tri|bulacioun; I [and A.] shal taken hym out, and glorifien hym. [verse 16] In lengthe of daȝis I shal fulfillen hym; and shewen to hym myn helthe ȝyuere.

PSALM XCI. [ [verse 1] The salm of the song, in the dai of sabot.]

[verse 2] Good it is to knoulechen to the Lord; and to do salm to thi name, thou heȝest. [verse 3] To tellen out erly thi mercy; and thi treuthe by the [Om. AH.] nyȝt. [verse 4] In the ten cordid sautre; with song in the harpe. [verse 5] For thou hast delitid me, Lord, in thi mak|ing; and in the werkis of thin hondis I shal ful out ioȝen. [verse 6] Hou magnefied ben thi werkis, Lord; ful myche deep ben maad thi thoȝtys. [verse 7] The vnwise man shal not knowen; and the fool shal not vn|derstonde thes thingus. [verse 8] Whan full out sprunge shul ben the synneres, as hei; and shuln aperen alle, that wirken wicke|nesse

[wickedenesse AEH.] . [verse 9] That thei dien in to the world of world; thou forsothe heȝest in to with|oute ende, Lord. [verse 10] For lo! thin enemys, Lord, for lo! thin enemys shul pershen; and alle shul be scaterid that werken wickidnesse. [verse 11] And as an vnycorn shal ben enhauncyd myn horn; and my laste age in `plenteuous mercy [the mercy of the tete E pr. m.] . [verse 12] And myn eȝe lokide doun myn enemys; and to the in|riseris wariende in me shal here myn ere. [verse 13] The riȝtwis as palm shal floure; as the cedre of Liban he shal be multiplied. [verse 14] The plauntid in the hous of the Lord; in the porchis of the hous of oure God shul floure. [verse 15] Ȝit they shul be multiplied in the laste `plenteuous age [age of the tete E pr. m.] ; and wel suffrende thei shul be, that thei telle. For riȝt is the Lord oure God; and ther is not wickidnesse in hym.

PSALM XCII. [The preising of the song of David, in the dai befor the sabat, whan foundid is the erthe.]

[verse 1] The Lord regnede, fairnesse he is clad [clothed AEH.] ; the Lord is clad [clothed AEH.] strengthe, and befor|girte [he before girde A.] hymself. [verse 2] Forsothe he fastnede the roundnesse of erthe [the erthe AEH.] ; that shal not be to|gidere stirid. [verse 3] Greithid is thi sete, God, fro thanne; fro the world thou art. The flodis rereden vp, Lord; the flodis rereden vp ther vois. Flodis rereden vp ther flow|ingis; [verse 4] fro the voises [vois A.] of manye watris. Merueilouse the wawis of the se; merueil|ous in heȝe thingis the Lord. [verse 5] Thi wit|nessingis ben maad beleeuable ful myche; holynesse semeth thin hous, Lord, in to the lengthe of daȝes.

PSALM XCIII. [The salm of Dauid, the ferthe dai of the wike.]

[verse 1] God of veniauncis Lord; God of ven|iauncis freeli dide. [verse 2] Be thou enhauncid

that demest the erthe; ȝeld ȝelding to the proude. [verse 3] Hou longe synneres, Lord; hou longe synneres shul glorien? [verse 4] Thei shul steringli seyn, and speke wickidnesse; alle shul speke that wirchen vnriȝtwis|nesse. [verse 5] Thi puple, Lord, thei mekeden; and ouertrauaileden thin eritage. [verse 6] The widewe and the comeling thei sloowen; and the moderles childer thei killeden. [verse 7] And thei seiden, The Lord shal not seen; ne the God of Jacob shal vnderstonde. [verse 8] Vnderstondeth, ȝee vnwise men in the puple; and, ȝee foolis, sum tyme sa|uoureth. [verse 9] He that plauntide the ere, shal he not heren; or he that made the eȝe, behalt [beholdeth AEH.] not? [verse 10] That chastiseth Jentilis, shal he not vndirnyme; that techeth man kunnyng? [verse 11] The Lord wot the thoȝtis of men; for thei ben veyne. [verse 12] Blisful the man, whom thou shalt enforme, Lord; and of thi lawe thou shalt techen hym [hem C.] . [verse 13] That thou suage hym fro euele daȝes; to the time be dolue to the synnere a dich. [verse 14] For the Lord shal not putte abac his folc; and his eritage shal not forsake. [verse 15] For to riȝtwisnesse be turned in to dom; and who beside it, alle that ben riȝtwis in herte. [verse 16] Who shal `al rijsen [Arijse AH.] to me aȝen the warieris; or who shal stonde with me aȝen the werkende [worcher H.] wickidnesse? [verse 17] But for the Lord halp [helpede AEH.] me; parauenture my soule shulde han duellid in helle. [verse 18] If I seide, Moued is my foot; thi mercy, Lord, halp [helpede AEH.] me. [verse 19] After the multitude of my sorewis in myn herte; thi coumfort|ingis gladeden [gladen H.] my soule. [verse 20] Whether cle|ueth to thee the sete off wickidnesse; that formest trauaile in the heste? [verse 21] Thei shul cacchen in to the soule of the riȝtwis; and the innocent blod thei shul con|dempne. [verse 22] And the Lord is maad to me in to refut; and my God in to the helpe of myn hope. [verse 23] And he shal ȝeelde to hem the wickidnesse of hem, and in the ma|lice of hem he shal destroȝe them; shal destroȝe them the Lord oure God.

PSALM XCIV. [The preising of the song, to hym Dauid.]

[verse 1] Cometh, ful out ioȝe wee to the Lord; inwardli ioȝe wee to God, our helthe ȝiuere. [verse 2] Befor ocupie wee his face in knouleching; and in salmys inwardli ioȝe wee to hym. [verse 3] For God a gret Lord, and a gret king ouer alle godis; for the Lord shal not poote abac his folc. [verse 4] For in his hond ben alle the [Om. AEH.] coostis of erthe [the erthe E.] ; and the heiȝtis of hillis ben of hym. [verse 5] For of hym is the se, and he made it; and the drie his hondis formeden. [verse 6] Cometh, ho|noure wee, and falle wee doun before God, wepe wee befor the Lord, for he made vs; for he is the Lord oure God. [verse 7] And wee the puple of his leswe; and the shep of his hond. [verse 8] To dai if hys vois ȝee han herd; wileth not [not aȝeen AEH.] hardne ȝoure hertis. [verse 9] As in the terring, after the day; of tempting in desert. Where tempteden me ȝoure fa|dris; proueden and seȝen my werkis. [verse 10] Fourti ȝeer offended I was to that ienera|cioun; and I seide, Euermor these erren in herte. [verse 11] And thes knewen not my weyes, to whom I swor in my wrathe; thei shul not entre in to my reste.

PSALM XCV. [ [verse 1] The salm of Dauid, whan the hous was bild vp after the caitifte.]

Syngeth to the Lord a newe song; singeth to the Lord, al erthe. [verse 2] Syngeth to the Lord, and blesseth to his name; telleth fro dai in to dai his `helthe ȝyuere [helthe C.] . [verse 3] Tellith out among Jentilis his glorie; in alle puplis his merueilis. [verse 4] For the Lord gret [is greet A.] , and preisable ful myche; ferful he is ouer alle godis. [verse 5] For alle the godis off Jentilis deuelis; the Lord forsothe he|uens made. [verse 6] Knouleching and fairnesse in the siȝte of hym; holynesse and gret doing in the halewing of hym. [verse 7] Bringeth

to the Lord, ȝee kuntres of Jentilis; bringeth to the Lord glorie and wrshipe; [verse 8] bringeth to the Lord glorie to hys name. Taketh ostis, and [Om. C.] entreth in to his [verse 9] porchis; honoureth the Lord in his holi porche. Be to moued fro his face al [verse 10] erthe; seith in Jentilis, for the Lord hath regned. Forsothe he hath amendid the roundnesse of erthe [the erthe A.] , that shal not be moued; he shal demen puplis in equite. [verse 11] Gladen heuenes, and ful out ioȝe the erthe, be to moued the se, and his [verse 12] plente; feeldis shul ioȝen, and alle thingus that in hem ben. Thanne alle the [Om. AH.] trees of wodis shul ful out ioȝen fro the face [verse 13] of the Lord, for he cam; for he cam to demen the erthe. He shal demen the roundnesse of the [Om. A.] erthe in equite; and puplis in his treuthe.

PSALM XCVI. [ [verse 1] The salm of Dauid, whan his lond is restorid to hym.]

The Lord hath regned, the erthe ful out ioȝe it; manye ilis glade thei. [verse 2] Cloude and dercnesse in his cumpas; riȝtwisnesse and dom the coreccioun of his sete. [verse 3] Fir beforn hym shal go; and enflaume in the cumpas his enemys. [verse 4] His leitis liȝteden to the roundnesse of the erthe; he saȝ, and the erthe is al to-moued. [verse 5] Hillis as wax floweden fro the face of the Lord; fro the face of the Lord al erthe. [verse 6] Heuenes tolden out his riȝtwisnesse; and alle pu|plis seȝen his glorie. [verse 7] Be thei confoundid, alle that honouren grauen thingus; and that glorien in their maumetis. Honour|eth [verse 8] hym alle ȝee his aungelis; Sion herde, and gladdede. And the doȝtris of Jude ful out gladeden; for thi domes, Lord. [verse 9] For thou, Lord, heȝest ouer alle erthe; ful myche thou art enhauncid ouer alle goddis. [verse 10] Ȝee that loouen the Lord, hatith euel; the Lord kepeth the soulis of hys

seintis; fro the hond of the synnere he `shal deliuere [delyuered A. delyueren H.] them. [verse 11] Liȝt is sprunge to the riȝtwis; and gladnesse to the riȝt men in herte. [verse 12] Glade, ȝee riȝtwise, in the Lord; and knoulecheth to the mynde of his halewing.

PSALM XCVII. [ [verse 1] The salm of Dauid.]

Singeth to the Lord a newe song; for merueilous thingus he dide. His riȝt hond sauede to hym; and the holi arm of hym. [verse 2] Knowen made the Lord his helthe ȝeuere; in the siȝte of Jentilis he shewide his riȝtwisnesse. [verse 3] He recordide of his mercy; and of his treuthe, to the hous of Irael. Alle the termes of erthe seȝen; the helthe ȝeuere of oure God. [verse 4] In|wardli ioȝe ȝee to God, al erthe [the erthe AEH.] ; syng|eth, and ful out ioȝeth, and doth salm. [verse 5] Doth salm to the Lord in harpe, and in [verse 6] harpe and in vois of salm; in trumpis beten out, and in vois of the hornene trumpe. Inwardli ioȝeth in the siȝte of [verse 7] the Lord king [the king E pr. m.] ; be moued the se, and his plente; the roundnesse of londis, and alle that dwellen in it. [verse 8] The flodis shuln flappe for ioȝe with hond togidere; moun|teynes [verse 9] shul ful out ioȝen fro the siȝte of the Lord; for he cam to deme the erthe. He shal deme the roundnesse of the erthe in riȝtwisnesse; and puplis in equitie.

PSALM XCVIII. [ [verse 1] The salm of Dauid.]

The Lord regnede, wrathen the puplis; thou that sittist vp on cherubyn, be moued the erthe. [verse 2] The Lord in Sion gret; and [verse 3] heyȝ ouer alle puplis. Knouleche thei to thi gret name, for ferful and holi it is; [verse 4] and the wrshipe of the king looueth dom. Thou hast greithid riȝtforth reulingis; dom and riȝtwisnesse in Jacob thou hast do. [verse 5] Enhaunce ȝee the Lord oure God,

and honoureth the litle steȝing vp place of his feet, for it is holi. [verse 6] Moyses and Aron in [and E.] the prestis of hym; and Sa|muel among hem that inwardli clepen his name. Thei inwardli clepeden the [verse 7] Lord, and he ful out herde them; in the piler of a cloude he spac to them. Thei kepten his witnessingus; and the heste that he ȝaf to hem. [verse 8] Lord oure God, thou `ful out [Om. AH.] herdest hem; God, thou merciful were to them, and veniende in to alle the findingus of hem. [verse 9] Enhaunceth the Lord oure God, and honoureth in the holy hil of hym; for holi the Lord oure God.

PSALM XCIX. [ [verse 1] The salm in confessioun.]

[verse 2] Inwardli ioȝe ȝee to God, al erthe [the erthe AH.] ; serueth to the Lord in gladnesse. En|treth in his siȝte; in ful out ioȝing. [verse 3] Witeth, for the Lord he is God; he made vs, and we not vsself [oure self AH.] . His puple, and the schep [verse 4] of his leswe, goth in to his ȝatys in con|fessioun; his porchis in ympnes, `knou|leche ȝee [knowlecheth ȝee AEH.] to hym. Preise ȝee his name, [verse 5] for swete is the Lord, in to withouten ende his mercy; and unto ieneracioun and ieneracioun his treuthe.

PSALM C. [ [verse 1] The salm to hym Dauid.]

Mercy and dom; I shal singe to thee, Lord. [verse 2] I shal do salm, and vnderstonde in the vndefoulid weie; whan thou shalt come to me. I fulli ȝide in the innocence of myn herte; in the myddel of myn hous. [verse 3] I purposide not befor myn eȝen an vn|riȝtwis thing; the doende the brekingus of the lawe I hatide. Ther cleuede not [verse 4] to me a shreude herte; the malice doere

bowende doun fro me I knewȝ not. [verse 5] The bacbitende priueli to his neȝhebore; thys I pursuede. With the proude eȝe and the vnfilable herte; with it I eet not. [verse 6] Myn eȝen to the feithful men of the erthe, that thei sytte with me; the man goende in the vndefoulid weie, this seruede to me. [verse 7] Ther shal not dwelle in the myddel of myn house, that doth pride; that speketh wicke [wickid AH.] thingus, reulide not riȝt in the siȝte of myn eȝen. [verse 8] In the morutid I sloȝ alle the synneres of erthe; that I shulde destroȝe fro the cite of the Lord alle men werkende wickidnesse.

PSALM CI. [ [verse 1] The orisoun of the pore man, whan he was tormentid, also befor the Lord he helde out his preȝeere.]

[verse 2] Lord, ful out here myn orisoun; and my cry to thee come. [verse 3] Ne turne thou awei thi face fro me; in whateuere day I am trublid, bowe in to me thin ere. In what euere dai I shal inwardli clepe thee; swiftli ful out here me. [verse 4] For my daȝis han failid as smoke; and my bones as croote han dried. [verse 5] I am smyten as heiȝ, and myn herte driede; for I haue forȝete to ete my bred. [verse 6] Fro the vois of my weiling; cleuede to my bon to my flesh. [verse 7] Lic I am maad to a pellican of wildernesse; I am maad as a nyȝt rauen in the hous euese. [verse 8] I wook [wakede AEH.] ; and am maad as a spare solitare in the rof. [verse 9] Al day putten [puttiden A.] to me repref myn enemys; and thei that preisiden me aȝen me sworen. [verse 10] For aske [askes AEH.] as bred I eet; and my drinc with weping I mengde. [verse 11] Fro the face of the wrathe of thin indigna|cioun; for rerende [arerynge AEH.] vp thou hurtledest me. [verse 12] My daȝes as shadewe boweden doun; and I as hey driede. [verse 13] Thou forsothe, Lord, in to withoute ende [Om. C.] abidist stille; and thi memorial in to ieneracioun and

in to ieneracioun. [verse 14] Thou risende vp, Lord, shalt han mercy of Sion; for time of his rewing, for ther is comen time. [verse 15] For ther pleseden to thi seruauns his stones; and to his erthe they shuln han mercy. [verse 16] And Jentilis shul dreden thi name, Lord; and alle kingis of erthe thi glorie. [verse 17] For the Lord hath bild vp Sion; and it shal be seen in his glorie. [verse 18] He beheeld in to the orisoun of the meke; and he despiside not the preȝeere of hem. [verse 19] These thingus be thei write in an other ieneracioun; and the puple that shal be formed shal preise the Lord. [verse 20] For he beheeld forth fro his heȝe holy; the Lord fro heuene in to erthe [the erthe EH.] lokede. [verse 21] That he shulde here the weilingus of the gyuede; and loosen the sones of the slayne. [verse 22] That thei telle out in Sion the name of the Lord; and his preising in Jerusalem. [verse 23] In gedering to|gidere the puplis in to oon; and kingus, that thei serue to the Lord. [verse 24] He an|swerde to hym in weie of his vertue; Fewenesse of my daȝis shewe thou to me. [verse 25] Ne aȝeen clepe thou me in the myddil of my daȝis; in ieneracioun and in to iene|racioun thi ȝeris. [verse 26] In the begynning thou, Lord, the erthe foundedest; and the werkis of thin hondis ben heuenus. [verse 27] Thei shul pershen, thou forsothe abidist stille; and alle as clothing shuln waxen old. And as a couertour thou shalt chaunge them, [verse 28] and thei shul be chaungid; thou forsothe he the same art, and thi ȝeeris shul not faile. [verse 29] The sones of thi seruauns shul wone; and the sed of hem in to the world shal be riȝtforth reulid.

PSALM CII. [ [verse 1] The salm to hym Dauid.]

Blesse thou, my soule, to the Lord; and alle thingus that withinne me ben, to his holi name. [verse 2] Blesse thou, my soule, to the Lord; and wile thou not forȝete

alle the ȝeldingus of hym. [verse 3] That hath mercy to alle thi wickidnessis; that helith alle thin infirmytees. [verse 4] That aȝeen bieth fro deth thi lif; that crouneth thee in mercy and mercy doingis. [verse 5] That ful|filleth in goode thingus thi diseyr; shal be renewid [fulfild E pr. m.] as of an egle thi ȝouthe. [verse 6] Doende mercies the Lord; and dom to alle men suffrende wrong. [verse 7] Knowen he made his weies to Moises; and to the sones of Irael his willis. [verse 8] Reewere, and merciful the Lord; long abidende, and myche merciful. [verse 9] In to euermore he shal not wrathen; ne in to withoute ende he shal threte. [verse 10] Aftir oure synnes he dide not to vs; ne aftir oure wickidnessis he ȝelde [ȝeldede AEH.] to vs. [verse 11] For after the heiȝte of heuene fro erthe; he strengthide his mercy vpon men dredende hym. [verse 12] Hou myche the rising stant [stoondith A.] fro the going doun; aferr he made fro vs oure wickid|nessis [wickidnes A.] . [verse 13] What maner wise the fader hath mercy of the sonus, the Lord dide [verse 14] mercy to men dredende hym; for he knew oure britil making. He recordide [verse 15] for pouder wee be, a man as hey his daȝes; as the flour of the feld so he shal floure out. [verse 16] For the spirit shal thurȝ passen in hym, and he shal not stonde stille; and he shal no more knowen his place. [verse 17] The mercy forsothe of the Lord fro withoute ende, and vnto withoute ende; vpon men dredende hym. And the riȝtwisnesse of hym in to the sones of [verse 18] sones; to hem that kepen his testament. And myndeful thei ben of his maunde|mens; to do them. [verse 19] The Lord in heuene made redi his sete; and his reume to alle shal lordshipen. [verse 20] Blisse ȝee to the Lord, alle his aungelis, miȝti bi vertue, doende the woord of hym; to ben herd the vois of his sermounes. [verse 21] Blessith to the Lord, alle ȝee his vertues; ȝee his seruauns that don his wil. [verse 22] Blessith to the Lord, alle ȝee his werkis, in alle place, ȝee his do|mynaciouns; blesse thou, my soule, to the Lord.

PSALM CIII. [ [verse 1] The salm of Dauid.]

Blisse thou, my soule, to the Lord; Lord my God, thou art magnefied hugeli. Confessioun and fairnesse thou hast [verse 2] clad [clothid AEH.] ; wrappid with liȝt, as with cloth|ing. [verse 3] Srecchende out heuene as skin; that couerest with watris the ouermoris of it. That potist the cloude thi steȝing vp; that gost vp on the pennys of windis. [verse 4] That makist thin aungelis spiritis; and thi seruauns brennende fyr. [verse 5] That found|edest the erthe vpon hys stablenesse; it shal not ben inbowid into the world of world. [verse 6] The se as a clothing is his wrapping; ouer mounteynes shul stonde watris. [verse 7] Fro thi blamyng thei shul flee; fro the vois of thi thunder thei shul drede. [verse 8] Hillis steȝen vp, and the feldis gon doun; in to the place that thou hast foundid to hem. [verse 9] A terme thou hast set, that thei shul not ouer passe; ne they shul ben al turned, to couere the erthe. [verse 10] That sendist out wellis in valeis; betwe the myddil of mounteynes shul passe thurȝ watris. [verse 11] Alle the bestis of the feld shul drinke; assis shul abide in ther thrist. [verse 12] Vpon tho thingus the foulis of heuene shul wone; fro the myddel of stones thei shul ȝeue voisis. [verse 13] He watr|ende the hillis fro thin ouermor; of the frut of thy werkis shal be fulfild the erthe. [verse 14] Bringende forth hei to hous bestis; and erbe [erbe be AH.] to the seruyse of men. That thou bringe out bred fro the erthe; and wyn glade the herte of man. [verse 15] That he make gladsum the face in oile; and bred the herte of man make stable. [verse 16] Ther shul ben fulfild the trees of the feld, and the cedris of Liban that he [verse 17] plauntede; there sparewis shul make nestis. The hous of the ierfaucoun [verse 18] duke is of hem; the heȝe mounteynes to herttis; the ston [stoon is A.] refut to irchounes. [verse 19] He

made the mone in to times; the sunne knewȝ his going doun. [verse 20] Thou hast set dercnessis, and maad is the nyȝt; in it [that A.] shul thurȝ passe alle the bestis of the wode. [verse 21] The whelpis of leouns rorende that thei raueshen; and sechen of God mete to them. [verse 22] Sprungen is the sunne, and thei ben gadered to gider; and in ther ligging placis they shul be sett togidere. [verse 23] A man shal go out to his werc; and to his werching, vn to euen. [verse 24] Hou magnefied ben thi werkis, Lord, alle thingus in wisdam thou hast maad; fulfild is the erthe with thi posses|sioun. [verse 25] This grete se and large to hondis; there crepende bestis, of whiche is no noumbre. Little bestis with the grete; there shippis shul thurȝ passe. [verse 26] This dragoun that thou hast formed to begile [verse 27] to hym; alle thingus of thee abijden, that thou ȝiue to them mete in tyme. [verse 28] Thee ȝyuende to them, thei shul gedere; thee openende thin hond, alle thingis shul be fulfild with goodnesse. [verse 29] Thee forsothe turnende awei the face, thei shul be dis|turbid; thou shalt taken awei the spirit of hem, and thei shul faile; and in to ther pouder thei shul turne aȝeen. [verse 30] Send out thi spirit, and thei shul be formed; and thou shalt renewe the face of the erthe. [verse 31] Be the glorie of the Lord in to the world; glade shal the Lord in his werkis. [verse 32] That behalt [beholdeth AEH.] the erthe, and maketh it to tremble; that toucheth the mounteynes, and thei smoken. I shal [verse 33] synge to the Lord in my lif; I shal do salm to my God, as longe as I am. [verse 34] Joȝeful be to hym my speche; I forsothe shal deliten in the Lord. [verse 35] Faile the syn|neres fro the erthe, and wicke men, so that thei be not; blesse thou, my soule, to the Lord.

PSALM CIV. [Alleluia, Alleluia.]

[verse 1] Knoulecheth to the Lord, and inwardly clepeth his name; telleth out among Jen|tilis his werkis. [verse 2] Singeth to hym, and doth salm to hym, and tellith alle his [verse 3] merueilis; be ȝee preisid in his holi name. Glade the herte of ȝou sechende [verse 4] the Lord; secheth the Lord, and beth confermed; secheth his face euermor. [verse 5] Haueth [Hath AH.] mynde of his merueilis, that he dide; his wonders, and the domes of his mouth. [verse 6] The sed of Abraham, his ser|uaunt; the sonus of Jacob, his chosen. [verse 7] He the Lord oure God; in al erthe his domes. [verse 8] Myndeful he was in to the world of his testament; of the woord that he sente in to a thousend ieneraciouns. [verse 9] The whiche he disposide to Abraham; and of his oth to Isaac. [verse 10] And he sette it to Jacob in to an heste; and to Irael in to euere lastende testament. [verse 11] Seiende, To thee I shal ȝeue the lond of Chanaan; the litle corde of ȝoure eritage. [verse 12] Whan thei weren in short noumbre; most fewe and tilieris of it. [verse 13] And thei passiden thurȝ fro folc in to folc; and fro reume in to an other puple. [verse 14] He lafte not a man to noȝe to them; and he chastiside for hem kingis. [verse 15] Wileth not touche my cristis; and in my profetis wileth not ben waried. [verse 16] And he clepide hungir vp on the [Om. A.] erthe; and alle fastnesse of bred he to-ponede. [verse 17] He sente beforn hem a man; and [Om. AH.] into a thral Joseph is sold. [verse 18] Thei mekeden in stockis his feet, iren passide thurȝ hys [verse 19] lif; to the time that his woord shulde come. The speche of the Lord en|flaumede [verse 20] hym; the king sente and loosede hym, the prince of puplis and lafte hym. [verse 21] He sette hym lord of his hous; and prince of all his possessioun. [verse 22] That he

shulde enforme [techen E pr. m.] his princis as hymself; and his olde men prudence he shulde teche. [verse 23] And Irael entride in to Egipt; and Jacob a tiliere was in the lond of Cham. [verse 24] And he encrecide his puple hugely; and fastnede hym vpon his ene|mys. [verse 25] He turned the herte of hem, that thei hateden his puple; and treccherie shulden do in to his seruauns. [verse 26] He sente Moises, his seruaunt; and Aron, hym whom he ches. [verse 27] And he putte in hem the woordis of his tocnes; and of his wonders in the lond of Cham. [verse 28] He sente dercnessis, and made derc; and vntymely he fullfilde not his woordis. [verse 29] And he turnede the watris of hem in to blod; and sloȝ the fisshis of hem. [verse 30] And the lond of hem ȝaf froggis; in the preue chaumbris of ther kingus. [verse 31] He seide, and ther cam an hound fleeȝe; and gnattis in alle the coostis of hem. [verse 32] And he putte the reynes of hem hayl; fyr brennende in the lond of hem. [verse 33] And he smot the vynes of hem, and the fige placis of hem; and he to-broside the wode of the coostis of hem. [verse 34] He seide, and ther cam a locust; and worte werm of the whiche was no noumbre. [verse 35] And it eet al the hei in the lond of hem; and eet al the frut of the lond of hem. [verse 36] And he smot alle the firste goten in the lond of hem; the firste frutis of [of hem A.] alle the trauaile of hem. [verse 37] And he broȝte hem out with syluer and gold; and ther was not a [an H.] syk man [Om. AH.] in the linagis of hem. [verse 38] Egipt gladede in ther forth going; for ther drede lai in vp on hem. [verse 39] He straȝte out a cloude, in to the proteccioun of hem; and fyr, that he shulde liȝte to hem by the nyȝt. [verse 40] Thei askeden, and ther kam a kurlu [corlure E.] ; and with the bred of heuene he fulfilde hem. [verse 41] He to-brac the ston, and ther flowiden watris; ther wenten awei flodis in the drie. [verse 42] For myndeful he was of his holi woord; that he hadde to

Abraham, his child. [verse 43] And he broȝte out his puple in ful out ioȝing; and his chosene in glading. [verse 44] And he ȝaf to them the regiouns of Jentilis; and the traualis of puplis thei weldeden. [verse 45] That thei kepe his iustifiyngus; and his lawe they aȝeen seche.

PSALM CV. [Alleluia, Alleluia.]

[verse 1] Knoulecheth to the Lord, for good; for in to the world the mercy of hym. [verse 2] Who shal speke the poweris of the Lord; herd [herd he E pr. m.] shal make alle the preisingus of hym? [verse 3] Blisful that kepen dom; and don riȝtwissnesse in alle time. [verse 4] Haue mynde of vs, Lord, in the well willing [plesyng AEH.] of thi puple; visite thou vs in thi helthe ȝyuere. [verse 5] To seen in the goodnesse of thi chosene, to gladen in the gladnesse of thi folc; that thou be preisid with thin eritage. [verse 6] Wee han synned with oure fa|dris, vnriȝtwisly wee han do; wickidnesse wee han wroȝt. [verse 7] Oure fadris in Egipt vnderstoden not thi meruelis; thei weren not myndeful of the multitude of thi mercy. And thei in to the se steȝende vp, [verse 8] the rede se, terreden; and he sauede them for his name, that knowen he shulde make his power. [verse 9] And he in|bowide [deuydede E pr. m.] the rede se, and it is dried; and he ladde hem in `the se [there AH.] depnessis as in desert. [verse 10] And he sauede hem fro the hond of hateris; and he aȝeen boȝte them fro the hond of the enemy. [verse 11] And water [the water A.] couerede the men trublende them; oon of hem lafte not. [verse 12] And thei leeueden to the woordis of hym; and thei preisiden his preising. [verse 13] Soone thei diden, thei for|ȝeeten of the werkis of hym; and thei susteneden not his counseil. [verse 14] And thei coueiteden coueiting in desert; and thei tempteden God in the place with oute water. [verse 15] And he ȝaf to hem the asking

of hem; and he sente fulfilling in to the soulis of hem. [verse 16] And thei terreden Moises in the tentis; Aron, the holy of the Lord. [verse 17] The erthe is opened, and it swolewid doun Dathan; and it couerede vpon the congregacioun of Abiron. [verse 18] And fyr brende vp in the synagoge [synagogis A.] of hem; and flaume al to-brende the synneres. [verse 19] And thei maden a calf in Oreb; and thei ho|noureden a grauen thing. [verse 20] And thei chaungeden ther glorie; in to the [a A.] licnesse of a calf etende hey. [verse 21] Thei forȝeeten God, that sauede hem, that dide grete thingus [verse 22] in Egipt, merueilous thingus in the lond of Cam; ferful thingus in the rede se. And [verse 23] he seide, that he shulde destroȝe them; but Moises, his chosen, hadde stoden in the to-breking in his siȝt. That he turne awei hys wrathe, that he destroȝe them [verse 24] not; and for noȝte they hadden the de|sirable erthe. They leeuede not to his [verse 25] woord, and thei gruccheden in ther tabernaclis; thei ful out herden not the vois of the Lord. [verse 26] And he rerede vp his hond vpon hem; that he shulde throwe them doun in desert. [verse 27] And that he shulde caste doun the sed of hem in naciouns; and scatere them in regiouns. [verse 28] And thei sacrifieden to Belfegor; and thei eete the sacrifices of the deade. [verse 29] And thei terreden hym in ther findingis; and multiplied is in hem falling. [verse 30] And Fynees stod, and pleside; and the brosing ceside. [verse 31] And it is witid to hym to riȝt|wisnesse; in ieneracioun and ieneracioun vnto euermor. [verse 32] And thei terreden hym [Om. C.] at the watris of contradiccioun; and Moises [verse 33] is ouertrauailid for hem, and thei to myche sharpeden the spirit of hym. And [verse 34] he ordeynede in his lippis; thei destroȝ|eden not the Jentilis, that the Lord seide to them. [verse 35] And they be mengd togidere among Jentilis, and thei lerneden ther [verse 36] werkis, and serueden to the grauen thingis of hem; and it is maad to them in to sclaunder. [verse 37] And thei offreden ther

sones; and ther doȝtris to deuelis. [verse 38] And thei shadden out the innocent blod; the blod of ther sones and of ther doȝtris, that thei sacrifieden to the grauen thingus of Canaan. [verse 39] And the lond is slayn in blodis, and defoulid is in the werkis of hem; and thei diden fornycacioun in ther findingus. [verse 40] And the Lord wrathede in wodnesse in to his puple; and he wlatide his eritage. [verse 41] And toc them in to the hondis of Jentilis; and thei lord|shipeden of hem, that hateden [sloowen E pr. m.] hem. [verse 42] And the enemys of them trobleden hem, and thei ben mekid vnder ther hondis; ofte he delyuerede hem. [verse 43] Thei forsothe terreden hym in ther counseil; and ben mekid in ther wickidnessis [wickidnes A.] . [verse 44] And he saȝ, whan thei weren trublid; and herde the orisoun of hem. [verse 45] And myndeful he was of his testament; and it othoȝte hym aftir the multitude of his mercy. [verse 46] And he ȝaf hem in to mercies; in the siȝte of alle, that hadden take them. [verse 47] Mac vs saf, Lord oure God; and gadere vs fro na|ciouns. That wee knouleche to thin holi name; and glorien in thi preising. [verse 48] Blessid be the Lord God of Irael fro world and unto world; and al the puple shal sey, Be it do, be it don.

PSALM CVI. [Alleluia, Alleluia.]

[verse 1] Knoulecheth to the Lord, for good; for in to the world his mercy. [verse 2] Sei thei now, that ben aȝeen boȝt of the Lord, whom he aȝeen boȝte fro the hond of the enemy; fro regiouns he gederide hem. [verse 3] Fro the sunne rising, and the going doun; fro the north, and the se. [verse 4] Thei erreden in wildernesse, in vnwatri place; weie of dwelling place of a cite thei founde not. [verse 5] Hungrende and thirstende; the soule of hem in hem failide. [verse 6] And thei crieden to the Lord, whan thei weren

trublid; and fro the nedis of hem he toc hem out. [verse 7] And he broȝte hem thennus in to a riȝt weye; that thei shulde go in to the cite of wonyng. [verse 8] Knouleche to the Lord his mercies; and the merueilis of hym to the sones of men. [verse 9] For he fulfilde the idil soule; and the hungri soule he fulfilde with goodis. [verse 10] The sitteris in dercnessis, and in the [Om. AH.] vmbre of deth; and the bounden in beggeri and iren. [verse 11] For thei maden egre the spechis of God; and the counseil of the heȝest thei ter|reden. [verse 12] And mekid is in trauailes the herte of hem, and thei ben feblid; and ther was not that wolde helpe. [verse 13] And thei crieden to the Lord, whan thei weren trublid; and fro the nedis of hem he deliuerede hem. [verse 14] And he ladde hem out fro dercnessis, and the shadewe of deth; and the bondis of hem he to-brac. [verse 15] Knouleche [Knowlechith A.] to the Lord his mercies; and his merueilis to the sones of men. [verse 16] For he to-broside the irene ȝatis; and the irene barris he to-brac. [verse 17] He toc hem fro the weie of wickidnesse of hem; for [fro A.] ther vnriȝtwisnesses forsothe thei ben mekid. [verse 18] Alle mete the soule of hem wlatide; and they neȝheden to the ȝatis of deth. [verse 19] And thei crieden to the Lord, whan thei weren trublid; and fro the nedis of hem he delyuerede hem. [verse 20] He sente his woord, and helide hem; and deliuerede hem fro the dethis of hem. [verse 21] Knouleche to the Lord his mercies; and his merueilis to the sonus of men. [verse 22] And sacrifise thei a sacrifise of preising; and telle thei out his werkis in ful out ioȝing. [verse 23] That gon doun the se in shipis; doende werching in many watris. [verse 24] Thei seȝen the werkis of the Lord; and his mer|ueilis in depthe. [verse 25] He seide, and the spirit of tempest stod; and his flowingus ben enhauncid. [verse 26] Thei steȝen vp `vn to [in to AH.] heuenes, and gon doun `vn to [in to AH.] depnessis; and the soulis of hem in euelis failede. [verse 27] Thei ben

disturbid, and ben moued as a drunke man; and al the wisdam of hem is de|uourid. [verse 28] And thei crieden to the Lord, whan thei weren trublid; and of the nedis of hem he broȝte hem out. [verse 29] And he ordeynede his tempest in to fair [a fayre AH.] weder; and his flodis weren stille. [verse 30] And thei gladeden, for thei were stille; and he broȝte hem out in to the hauene of the wil of hem. [verse 31] Knouleche to the Lord his mercies; and his merueilis to the sonus of men. [verse 32] And enhaunce thei hym in the chirche of folc; and in the chaȝer of elderis preise thei hym. [verse 33] He sette the flodis of hem in to desert; and the [in the AH.] issue of watris in to thirst. [verse 34] The fructuous erthe in to briyn [salt making E pr. m.] ; fro the malice of men dwellende in it. [verse 35] He putte desert in to pondis [stremes E pr. m.] of watris; and the erthe withoute water in to the [Om. AEH.] issues of watris. [verse 36] And he sette there the hungry men; and thei ordeyneden a cite of wonyng. [verse 37] And thei seewen [soweden AEH.] feeldis, and plaunteden vines; and maden the frut off birthe. [verse 38] And he blisside to hem, and thei ben multiplied ful myche; and the bestis of hem he lasside not. [verse 39] And fewe thei ben maad, and ben ouertrauailid; fro tribulacioun of euelis and sorewe. [verse 40] Held out is strif vp on the princis; and to erren he made hem in withoute weye, and not in the weie. [verse 41] And he halp [helpede AEH.] the pore man fro myseise; and putte as shep meynes. [verse 42] Riȝt [Ȝit AH.] men shul seen, and gladen; and alle wickidnesse shal stoppe ther mouth. [verse 43] Who wis man, and shal kepe thes thingus; and shal vnderstonde the mer|cies of the Lord?

PSALM CVII. [ [verse 1] The song of the salm, to hym Dauid.]

[verse 2] Redi is myn herte, God, redy is myn herte; I shal synge, `and salm seyn [to preie E pr. m.] in my glorie. [verse 3] Ris vp [vp, my glorie, ris up E pr. m.] , sautre and harpe; I shal risen vp fro the morutid liȝt. [verse 4] I shal knouleche to thee in puplis, Lord; and do salm to thee in naciouns. [verse 5] For gret vp on heuenus thi mercy [mercy, God, AE pr. m. H.] ; and vn to the cloudis thi treuthe. [verse 6] Be thou enhauncid vp on heuenes, God; and vp on alle erthe thi glorie; that thi loouede be delyuered. [verse 7] Mac saf with thi riȝt hond, and ful out here thou me; God spac in his holi. [verse 8] I shal ful out ioȝen, and deuyde Syccymam; and the grete valey of tabernaclis I shal me|sure. [verse 9] Myn is Galaad, and myn is Ma|nasses; and Effraym the vndertaking of myn hed. [verse 10] Juda my king; Moab the cau|droun of myn hope. In to Ydume I shal strecchen out my sho; to me alienes frendis ben maad. [verse 11] Who shal bringe me thennus in to a strengthid cite; who shal bringe me thennus in to Idume? [verse 12] Whether not thou, God, that hast put us abac; and thou shalt not gon out, God, in oure vertues? [verse 13] Ȝif to vs helpe fro tri|bulacioun; for vein is the helthe of man. [verse 14] In God wee shuln do vertue; and he to noȝt shal bringe doun oure enemys.

PSALM CVIII. [ [verse 1] In to the ende, the salm of Dauid.]

[verse 2] God, my preising holde thou not stille; for the mouth of the synnere, and the mouth of the treccherous vp on me is opened. [verse 3] Thei speeken aȝen me with a treccherous tunge, and with woordis of hate thei enuyrounden me; and thei foȝten me out with oute cause. [verse 4] For thi

that me thei shulden loouen, thei bac|biten [bacbiteden AEH.] to me; I forsothe preȝede. [verse 5] And thei setten [settiden AH.] aȝen me euelis for goodis; and hate for my louyng. [verse 6] Sett vp on hym a synere; and the deuell stonde at his riȝt side. [verse 7] Whan he is demed, go he out con|dempned; and his orisoun be maad in to synne. [verse 8] His daȝis be thei maad fewe; and an other take his bishopriche. [verse 9] His sonus be thei maad faderles; and his wif a widewe. [verse 10] Wagerende be [be thei A.] translatid his sones, and begge thei; and be they cast out of ther wonyngus. [verse 11] Enserche the vsurer al the substaunce of hym [hem C pr. m.] ; and alienus take thei awei his trauailis. [verse 12] Be ther not to hym an helpere; ne be ther that haue mercy to his moderles childer. [verse 13] His sones be thei maad in to deth; in o ieneracioun be don awei his name. [verse 14] In to mynde turne aȝeen the wickidnesse of his fadris in the siȝte of the Lord; and the synne of his moder be not don awei. [verse 15] Be thei maad aȝen the Lord euermor, and pershe awei fro the erthe the mynde of [verse 16] hem; for thi that he hath not recordid to do mercy. [verse 17] And he [Om. E.] pursuede an helpeles man and a beggere; and to slen the sory in herte of synne [his synne E pr. m.] . [verse 18] And he loouede curs|ing, and it shal come to hym; and he wolde not blissing, and it shal be longid awey fro hym. And he cladde [clothede AEH.] cursing as clothing, and it wente in as water in to his innermor partis; and as oile in hys bones. [verse 19] Be it maad to hym as clothing, with the [Om. AEH.] whiche he is couered; and as a girdil, with the [Om. AEH.] whiche he is euermor gird beforn. [verse 20] This the werc of hem that bacbiten to me anent the Lord; and that speken euelis aȝen my soule. [verse 21] And thou, Lord, Lord [Om. C.] , do with me for thi name; for swete is thi mercy. [verse 22] Deliuere me, for nedi and a pore man I am; and myn herte is al disturbid with inne me. [verse 23] As shadewe, whan it bowith doun, I am taken awei; and am shaken out as lo|custis.

[verse 24] My knes ben feblid of fasting; and my flesh is `chaungid to betere [gretly chaungid E pr. m.] for oile. [verse 25] And I am maad repref to them; thei seȝen me, and moueden ther hedis. [verse 26] Help me, Lord my God; mac me saf aftir thi mercy. [verse 27] And thei shul wite, for this is thin hond; and thou, Lord, hast `maad it [don these thingis E pr. m.] . [verse 28] They shul curse, and thou shalt blesse, that rijsen aȝen me, be thei confoundid; thi seruaunt forsothe shal gladen. [verse 29] Be thei clad [clothid AEH.] with shame, that bacbiten to me; and be thei couered as with a double mantil with ther confusion. [verse 30] I shal knouleche to the Lord ful myche in my mouth; and in the myddel of manye I shal preisen hym. [verse 31] That stod neȝh fro the riȝt parties of the pore; that he make saf fro pursueris my soule.

PSALM CIX. [ [verse 1] The salm of Dauid.]

The Lord seide to my Lord; Sit thou [Om. A.] of [at AH.] my riȝt parties. To the tyme that I poote thin enemys; the litle steeȝing vp stol of thi [my A.] feet. [verse 2] The ȝerde of thi vertue the Lord shal senden out fro Sion; lord|shipe thou in the myddel of thin enemys. [verse 3] With thee [Om. H.] the begynnyng in the dai of thi [Om. H.] vertue, in shynyngis of seintis; fro the wombe befor the dai sterre I gat thee. [verse 4] The Lord swor, and it shal not othinken hym; Thou art a prest in to withoute ende, after the order of Mel|chisedech. [verse 5] The Lord fro thi riȝtsidis; to|broside [to-brac E pr. m.] in the dai of his wrathe kingis. [verse 6] He shal deme in naciouns; he shal fulfille fallingis; he shal to-brose hedis in the lond of manye. [verse 7] Of the strem in the weie he dranc; therfore he enhauncyde the hed.

PSALM CX. [Alleluia.]

[verse 1] I shal knouleche to thee, Lord, in al myn herte; in counseil of riȝtwis men and congregacioun. [verse 2] Grete the werkis of the Lord; ful out soȝt in to alle his willis. [verse 3] Knoulechinge and gret doing the werc of hym; and his riȝtwisnesse woneth in to world of world. [verse 4] Mynde he made of his merueilis the merciful and the re|were [verse 5] Lord; mete he ȝaf to men dredende hym. Myndeful he shal ben in to the [verse 6] world of his testament; the vertue of his werkis he shal befortelle to his puple. [verse 7] That he ȝyue to them the eritage of Jentilis; the werkis of his hondis, treuthe and dom. [verse 8] Feithful alle his man|demens, confermed in to world of world; don in treuthe and equyte. [verse 9] Aȝeen biȝing the Lord sente to his puple; he sente in to withoute ende his testament. Holy and [verse 10] ferful his name; the begynnyng of wis|dam, the drede of the Lord. Good vnder|stonding to alle men doende it; his preis|ing dwellith in to world [the world A.] of world.

PSALM CXI. [Alleluia of the aȝeen turnyng of Aggee and of Zacarie.]

[verse 1] Blisful the man that dredeth the Lord; in his maundemens he shal wilne ful myche. [verse 2] Myȝti in the erthe shal ben his sed; the ieneracioun of ryȝt men shal be blissid. [verse 3] Glorie and richessis in his hous; and his riȝtwisnesse dwellith in to world [the world A.] of world. [verse 4] Ful out sprungen is in derc|nessis liȝt to the riȝte; the merciful, and the mercy doere, and the riȝtwis. [verse 5] Joȝeful a man, that hath mercy, and leeneth; dis|posith [verse 6] his woordis in dom; for in to withoute ende he shal not be moued. [verse 7] In

euere lasting mynde shal be the riȝtwise; of euel hering he shal not drede. Redi his [verse 8] herte to hopen in the Lord; confermed is his herte, he shal not be moued, to the time that he looke doun his enemys. [verse 9] He delede, he ȝaf to pore men; the riȝtwis|nesse of hym dwellith in to world [the world A.] of world; the horn of hym shal ben en|hauncid in glorie. [verse 10] The synnere shal seen, and wrathen; with his teth he shal gnasten, and wasten hymself; the desir of synneres shal pershen.

PSALM CXII. [Alleluia.]

[verse 1] Preise, ȝee childer, the Lord; preise ȝee the name of the Lord. [verse 2] Be the name of the Lord blissid; fro this now `and vnto [and in to A. in to H.] the world. [verse 3] Fro the rising of the sunne vn to the going doun; preisable the name of the Lord. [verse 4] Heiȝ vp on alle Jen|tilis the Lord; and vp on heuenys his glorie. [verse 5] Who as the Lord oure God, [verse 6] that in heȝe thingus dwellith; and meke thingus beholdith in heuene and in erthe? [verse 7] Vnder rerende fro erthe [the erthe AEH.] the helpeles; and fro drit rerende vp the pore. [verse 8] That he `sette hym [sitte C.] with princis; with the princis of his puple. [verse 9] That maketh to wone the bareyn in the hous; a moder of sonys gladende.

PSALM CXIII. [Alleluia.]

[verse 1] In the going out of Irael fro Egipt; of the hous of Jacob fro the straunge puple. [verse 2] Maad is Jude his halewing; Irael the power of it. [verse 3] The se saȝ, and fleiȝ; Jordan is al turned hindward. [verse 4] Moun|teynes ful [ȝee ful E pr. m.] out ioȝeden as wetheris; and hillys [ȝee hillys E pr. m.] as lombis of shep. [verse 5] What is to

thee, thou se, that thou flowe; and thou Jordan, for thou art al turned bacward? [verse 6] Hillis, ȝee ful out gladiden as wetheris; and ȝee hillis, as the lombis of sheep. [verse 7] Fro [For A.] the face of the Lord moued is the erthe; from the face of God of Jacob. [verse 8] That turnede the ston in to poolis of watris; and the roche in to wellys of watris. [verse 1] Not to vs, Lord, not to vs; but to thi name ȝif glorie. [verse 2] Vp on thi mercy and thi treuthe; lest any time sey the [Om. A.] Jentilis, Wher is the God of hem? [verse 3] Oure God forsothe in heuene; alle thingus what euere he wolde, dide [he dide AH.] . [verse 4] The mau|metis of Jentilis syluer and gold; the werkis of the hondis of men. [verse 5] Mouth thei han, and thei shul not speke; eȝen they han, and thei shul not see. [verse 6] Eris thei han, and thei shul not heren; nose therlis thei han, and thei shul not smelle. [verse 7] Hondis thei han, and thei shul not grope; feet thei han, and they shul not go; thei shul not crien in ther throte. [verse 8] Lyc to them be thei maad, that don tho thingus; and alle that trosten in hem. [verse 9] The hous of Israel hopide in the Lord; he is the helpere of hem, and the [Om. A.] defendere of hem. [verse 10] The hous of Aron hopide in the Lord; he is the helpere of hem, and the defendere of hem. [verse 11] That dreden the Lord, hopiden in the Lord; he is the helpere of hem, and the defendere of hem. [verse 12] The Lord myndeful was of vs; and blissede to vs. He blissede to the hous of Irael; he blissede to the hous of Aaron. [verse 13] He bliss|ede to alle men that dreden the Lord; to the litle with the more. [verse 14] The Lord caste he to vp on ȝou; vpon ȝou and vp on ȝoure sones. [verse 15] Blessid be ȝee of the Lord; that made heuene and erthe. [verse 16] The heuene of heuene to the Lord; the erthe forsothe he ȝaf to the sones of men. [verse 17] Not the deade shul preise thee, Lord; ne alle that go doun into helle. [verse 18] But wee that lyuen, blissen to the Lord; fro this now and vn to the world.

PSALM CXIV. [Alleluia.]

[verse 1] I loouede; for the Lord shal ful out here the vois of myn orisoun. [verse 2] For he inbowide his ere to me; and in my daȝis I shal inwardly clepe. [verse 3] Ther enuyrounden me sorewis of deth; and the perilis of helle founden me. [verse 4] Trybulacioun and so|rewe I fond; and the name of the Lord I inwardli clepede. O [Om. H.] ! Lord, `delyuere [verse 5] thou my [delyuere, delyuere my C.] soule; mercyful Lord, and riȝt|wys, and oure God hath reuthe. [verse 6] The Lord kepende litil childer; I am meekid, and he deliuerede me. [verse 7] My soule, be thou al turned in to thi reste; for the Lord hath wel do to thee. [verse 8] For he toc out my soule fro deth; myn eȝen fro teris, my feet fro sliding. [verse 9] I shal plese to the Lord; in the regioun of men on lyue.

PSALM CXV. [Alleluya.]

[verse 10] I leeuede, wherfor I spac; I forsothe am mekid ful myche. [verse 11] I seyde in myn excesse; Eche man a liere. [verse 12] What shal I ȝeelde to the Lord; for alle thingus that he ȝeld [ȝeeldede AEH.] to me? [verse 13] The chalis of the helthe ȝyuere I shal take; and the name of the Lord I shal inwardli clepen. [verse 14] My vouwis to the Lord I shal ȝelde befor al his pu|ple; [verse 15] precious in the siȝte of the Lord the deth of his seintis. [verse 16] O! Lord, for I thi seruaunt; I thi seruaunt, and the sone of thin hond maiden. Thou hast broke [verse 17] my bondis, to thee I shal sacrifien an ost of preising; and the name of the Lord I shal inwardli clepe. [verse 18] My vouwis to the Lord I shal ȝelde, in the siȝte of al his [verse 19] puple; in the porche of the hous of the Lord, in the myddil of thi Jerusalem.

PSALM CXVI. [Alleluia.]

[verse 1] Preise ȝee the Lord, alle Jentilis; preise ȝee hym, alle puplis. [verse 2] For con|fermed is vp on vs the mercy of hym; and the treuthe of the Lord dwellith in to with oute ende.

PSALM CXVII. [Alleluya.]

[verse 1] Knoulecheth to the Lord, for he is good; for in to the world the merci of hym. [verse 2] Seye now Irael, for he is good; for in to the world the mercy of hym. [verse 3] Seie now the hous of Aron; for in to the world the mercy of hym. [verse 4] Seye now thei that dreden the Lord; for in to the world the mercy of hym. [verse 5] Fro tribulacioun I in|wardli clepide the Lord; and [and he A.] ful out herde me in breede the Lord. [verse 6] The Lord to me an helpere; I [and I C.] shal not drede what do to me a man. [verse 7] The Lord to me an helpere; and I shal despise myn enemys. [verse 8] Good is to trostnen in the Lord; than to trosten in man. [verse 9] Good is to hopen in the Lord; than to hopen in princis. [verse 10] Alle Jen|tilys ȝiden aboute me; and in the name of the Lord, for I am vengid in hem. [verse 11] Goende aboute thei ȝiden aboute me; and in the name of the Lord, for I am vengid in hem. [verse 12] Thei enuyrounden me as bes [been A.] , and wratheden out as fyr in thornes; and in the name of the Lord, for I am vengid in hem. [verse 13] Ful myche con|streyned I am turned vp so doun, that I shulde falle; and the Lord vndertoc me. [verse 14] My strengthe, and my preising the Lord; and he is maad to me in to helthe. [verse 15] The vois of ful out ioȝing and of helthe; in the tabernaclis of riȝtwis men. [verse 16] The riȝt hond of the Lord dide vertue; the riȝt

hond of the Lord enhauncide me; the riȝt hond of the Lord dide vertue. [verse 17] I shal not die, but liuen; and I shal telle the werkis of the Lord. [verse 18] Chastisende chas|tisede me the Lord; and to deth he toc not me. [verse 19] Openeth to me the ȝatis of riȝtwisnesse, and gon in to them I shal [verse 20] knouleche to the Lord; this the ȝate of the Lord, riȝtwis men shul gon in to it. [verse 21] I shal knouleche to thee, for thou hast ful out herd me; and thou art maad to me in to helthe. [verse 22] The ston that bildende thei repreueden; this is maad in to the hed of the corner. [verse 23] Of the Lord this is don; and it is merueilous in oure eȝen. [verse 24] This is the dai that the Lord made; ful out ioȝe wee, and glade wee in it. [verse 25] O! Lord, mac me saf, O! Lord, weel be thou [Om. C.] wel|sum; [verse 26] blissid that cometh in the name of the Lord. Wee han blissid to ȝou fro [verse 27] the hous of the Lord; God the Lord, and he hath liȝtid to vs. Ordeyne ȝee a solempne dai in thicke thingis; vn to the horn of the auter. [verse 28] My God thou art, and I shal knouleche to thee; my God thou art, and I shal enhaunce thee. I shal knoulechen to thee, for thou hast ful out herd me; and thou art maad to me in to helthe. [verse 29] Knoulecheth to the Lord, for he is good; for in to the world the merci of hym.

PSALM CXVIII. [Alleluia.]

Aleph.

[verse 1] Blisful [Blessid ben A.] the vndefoulid in [that goon in H.] the weie; that gon in the lawe of the Lord. [verse 2] Blis|ful that enserche the witnessingus of hym; in al the herte ful out sechen hym. [verse 3] Forsothe not thei that wirken wickid|nesse; in the weies of hym ȝiden. [verse 4] Thou hast comaundid; thin hestis to be kept ful myche. [verse 5] Wolde God weren dressid my weies; to be kept thi iustifiyngus. [verse 6] Thanne I shal not be confoundid; whan I shal parfitli loken in alle thin hestis.

[verse 7] I shal knouleche to thee in riȝt reuling of herte; in that that I haue lerned the domes of thi riȝtwisnesse. [verse 8] Thi justifi|yngis I shal kepe; ne forsake thou me on alle sydys.

Beth.

[verse 9] In what amendith the ȝunge man more waxen his weye? in keping thi woordis. [verse 10] In al myn herte I ful out soȝte thee; ne poote thou me abac fro thin hestis. [verse 11] In myn herte I hidde thi spechis [speche A.] ; that I synne not to thee. [verse 12] Blissid thou art, Lord; teche me thi iustifiyngus. [verse 13] In my lippis I tolde forth; alle the domes of thin mouth. [verse 14] In the weie of thi witnessingis I delitide; as in alle richesses. [verse 15] In thin hestys I shal ben enhauntid; and I shal beholde thi weies. [verse 16] In thi iustefiyngus I shal sweteli thenken; and I shal not for|ȝete thi woordis.

Gimel.

[verse 17] Ȝeld to thi seruaunt; quikene [quiyk A.] thou me, and I shal kepe thi woordis. [verse 18] Opene myn eȝen; and I shal beholde the merueilis of thi lawe. [verse 19] A comeling wonere I am in the erthe; ne hide thou fro me thin hestis. [verse 20] My soule coueitide to desire thi iustefiyngus; in alle tyme. [verse 21] Thou blam|edist proude men; cursid ben thei, that bowen doun fro thi maundementis [heestis AEH. biddingis C pr. m.] . [verse 22] Do awei fro me repref and dispising; for thi witnessingus I ful out soȝte. [verse 23] For|sothe ther seten princis, and aȝen me thei speeken; thi seruaunt forsothe was en|hauntid in thi iustefiyngus. [verse 24] For and [in H.] thi witnessingus is my swete thenking; and my counseil thi iustefiyngus.

Deleth.

[verse 25] Myn soule cleuede to the pament; quykene thou me aftir thi woord. [verse 26] My weies I tolde out, and thou ful out herd|est me; teche me thi iustefiyngis. [verse 27] The weie of thi iustefiyngus enforme thou me; and I shal ben enhauntid in thi mer|ueilis.

[verse 28] My soule nappide for noȝe; con|ferme thou me in thi woordis. [verse 29] The weie of wickidnesse moue thou awey fro me; and in thi lawe haue mercy of me. [verse 30] The weie of treuthe [thi trewth A.] I ches; thi domes I haue not forȝeten. [verse 31] I cleuede to thi witness|ingus, Lord; wile thou not me con|founden. [verse 32] The weie of thin hestis I ran; whan thou spreddest abrod myn herte.

He.

[verse 33] Lawe set thou to me, Lord, the weie of thi iustefiyngus; and I shal seche out it euermor. [verse 34] Ȝif to me vndirstonding, and I shal enserche thi lawe; and I shal kepen it in al myn herte. [verse 35] Bring out me in the sty of thin hestis; for it I wolde. [verse 36] Bowe in myn herte in to thi witnessyngus; and not in to coueitise. [verse 37] Turne awei myn eȝen, lest thei see vanytee; in thi weie quykene thou me. [verse 38] Sett to thi seruaunt thi speche; in thi drede. [verse 39] Kut of my repref, that I ouertrowide; for thi domys ioȝeful. [verse 40] Lo! I haue coueitid thin hestis; in thin equite quykene thou me.

Vau.

[verse 41] And thi mercy come vp on me, Lord; thin helthe ȝiuere after thi speche. [verse 42] And I shal answere to the repreuende me a woord; for I hopide in thi sermounes. [verse 43] And ne take thou awei fro my mouth a woord of truthe on eche side; for in thi domes I ouer hopide. [verse 44] And I shal kepe thi lawe euermor; in to the world, and in to the world of world. [verse 45] And I ȝide in breede; and thin hestis I out soȝte. [verse 46] And I spac in thi witnessingus in the siȝte of kingus; and I was not confoundid. [verse 47] And I sweteli thoȝte in thin hestis; that I loouede. [verse 48] And I rerede myn hondis to [in A.] thin hestis, that I loouede; and I shal ben enhauntid in thi iustefiyngis.

He. Vau. Zai.

[verse 49] Myndeful be thou of thi woord to thi

seruaunt; in whiche to me hope thou hast ȝiuen. [verse 50] This coumfortide me in my mecnesse; for thi speche quykenede me. [verse 51] Proude men wickidli deden on eche side; fro thi lawe forsothe [Om. C.] I bowide not doun. [verse 52] Myndeful I was of thi domes fro the world, Lord; and I am coumfortid. [verse 53] Fail|ing heeld me; for the synneres forsakende thi lawe. [verse 54] Chauntable weren to me thi iustefiyngus; in the place of my pilgrim|aging [pilgrymage AH.] . [verse 55] Myndeful I was the nyȝt of thi name, Lord; and I kepte thi lawe. [verse 56] This is do to me; for thi iustefiyngis I out soȝte.

Heth.

[verse 57] My porcioun thou, Lord; I seide to kepe thi lawe. [verse 58] I louli preȝede thi face in al myn herte; haue mercy of me aftir thi speche. [verse 59] I thoȝte my weies; and al turnede my feet in to thi witnessingus. [verse 60] I am redi, and am [Y am AH.] not disturbid; that I kepe thin hestys. [verse 61] The cordis of synneres ben wounden aboute me; and thi lawe I haue not forȝete. [verse 62] At myd nyȝt I ros to knouleche to thee; vp on the domes of thi iustefiyng. [verse 63] Parcener I am of alle men dredende thee; and of kepende thin hestis. [verse 64] Of thi mercy, Lord, ful is the erthe; thi iustefiyngus teche thou me.

Teth.

[verse 65] Goodnesse thou hast do to thi ser|uaunt, Lord; aftir thi woord. [verse 66] Goodnesse, and discipline, and kunnyng tech thou me; for in thin hestys I leeuede. [verse 67] Beforn that I was mekid, I trespaside; therfore thi speche I kepte. [verse 68] Good art thou; and in thi goodnesse tech me thi iustefiyngis. [verse 69] Multeplied is vp on me the wickidnesse of proude men [Om. E.] ; I forsothe in al myn herte shal enserche thin hestis. [verse 70] Cruddid is [Om. C.] as mylc the herte of hem; I forsothe thi lawe sweteli thoȝte. [verse 71] Good is to me, for thou hast mekid me; that I lerne thi iustefiyngus. [verse 72] Good is to me the lawe of

thi mouth; vp on thousendis of gold and of siluer.

Joth.

[verse 73] Thin hondus maden me, and formeden me; ȝif to me vnderstonding, that I lerne thin hestis. [verse 74] That dreden thee shul see me, and gladen; for in thi wordis I ouer|hopide. [verse 75] I knewȝ, Lord, for equite thi domes; and in thi treuthe thou hast mekid me. [verse 76] Be don thi mercy, that it coum|forte me; after thi speche to thi seruaunt. [verse 77] Come to me thi mercy doingus, and I shal liue; for thi lawe is my swete thenk|ing. [verse 78] Proude men be thei confoundid, for vnriȝtwisli wickidnesse thei diden aȝen me; I forsothe shal ben enhauntid in thin hestis. [verse 79] The men dredende thee be thei al turned to me; and tho that knewe thi wytnessingus. [verse 80] Be maad myn herte vndefoulyd in thi iustefiyngis; that I be not confoundid.

Caf.

[verse 81] My soule failide in to thin helthe ȝiuere; and in to thi woord I ouerhopede. [verse 82] Myn eȝen faileden in to thin speche; seiende, Whanne shalt thou coumforte me? [verse 83] For I am maad as a botel in hor frost; thi iustefiyngus I haue not forȝete. [verse 84] Hou fele ben the daȝis of thi seruaunt; whanne shalt thou do of the pursuende me dom? [verse 85] Wicke men tolden to me tal|ingus; but not as thi lawe. [verse 86] Alle thin maundemens treuthe; wicke men pursu|eden me, help thou me. [verse 87] A litel lasse thei wasteden me in the erthe; I forsothe forsoc not thin hestis. [verse 88] After thi mercy quikene thou me; and I shal kepe the witnessingis of thi mouth.

Lameth.

[verse 89] In to withoute ende, Lord; thi woord abit [abideth AEH.] stille in heuene. [verse 90] In ieneracioun and to ieneracioun thi treuthe; thou foun|dedist the erthe, and it abit [abideth AEH.] stille. [verse 91] In thin ordynaunce [ordeynynge A.] abit [abideth AEH.] the day; for alle thingus seruen to thee. [verse 92] But that thi

lawe is my swete thenking; thanne par|auenture I hadde pershid in my mecnesse. [verse 93] In to withouten ende I shal not forȝete thi iustefiyngis; for in hem thou hast quykened me. [verse 94] Thin I am, mac me saf; for thi iustefiyngis I haue out soȝt. [verse 95] Me abiden synneres, that thei shulden destrie me; thi witnessyngus I vnderstod. [verse 96] Of alle ending I saȝ the ende; brod thin heste [heestis A.] ful myche.

Men.

[verse 97] What maner I loouede thi lawe, Lord; al dai my swete thenking it is. [verse 98] Vp on myn enemys prudent thou madist me with thin heste; for in to withoute ende it is to me. [verse 99] Vp on alle techende me I vn|derstod; for thi witnessyngis [witnessis C.] is my swete thenking. [verse 100] Ouer olde men I vnderstod; for thin hestis I soȝte. [verse 101] Fro alle euel weie I forfendede my feet; that I kepe thi woordus. [verse 102] Fro thi domes I bowide not doun; for lawe thou hast put to me. [verse 103] Hou swete to myn chekis thi spechis; ouer hony to my mouth. [verse 104] Of thin hestis I vnderstod; ther|fore I hatide eche weie of wickidnesse.

Nun.

[verse 105] Lanterne to my feet thi woord; and liȝt to myn pathis. [verse 106] I swoor; and sette to kepe the domes of thi riȝtwisnesse. [verse 107] I am mekid on alle side; Lord, quykene thou me aftir thi woord. [verse 108] The wilful thingus of my mouth wel plesing mac thou, Lord; and thi domys tech me. [verse 109] My soule in myn [thyn E.] hondis euermor; and thi lawe I haue not forȝeten. [verse 110] Synneres setteden a grene to me; and fro thin hestis I errede not. [verse 111] Bi eritage I pur|chaside thi witnessingus in to withoute ende; for the ful out ioȝing of myn herte thei ben. [verse 112] I bowede in myn herte to ben don thi iustefiyngis; in to withoute ende for ȝelding.

Sameth.

[verse 113] Wicke men to hate I hadde; and thi lawe I loouede. [verse 114] Helpere, and myn vnder|takere

thou art; and in to thi woord I hopide ouer. [verse 115] Boweth doun fro mee, ȝee malice doeris; and I shal serche the hestis of my God. [verse 116] Vndertac me aftir thi speche, and I shal liue; and confounde thou not me fro myn abiding. [verse 117] Help me, and I shal ben saaf; and I shal sweteli thenken in thi iustefiyngis euermor. [verse 118] Thou hast despisid alle men goende doun fro thi domes; for vnriȝtwis the thenk|ing of hem. [verse 119] Trespasende I heeld alle the synneres of erthe [the erthe AEH.] ; therfore I loouede thi witnessingis. [verse 120] Pricke with thi drede my flesh; forsothe fro thi domes I dradde.

Ayn.

[verse 121] I dide dom and riȝtwisnesse; tac thou nott me to the akusende me. [verse 122] Vndertac thi seruaunt in to good; chalenge me not the proude. [verse 123] Myn eȝen faileden in to thin helthe ȝiuere; and in to the speche of thi riȝtwisnesse. [verse 124] Do with thi seruaunt after thi mercy; and thi iustefiyngis teche thou me. [verse 125] Thi seruaunt I am; ȝif to me vnderstonding, that I wite thi witness|ingis. [verse 126] Time of doing, Lord; thei han scatered thi lawe. [verse 127] Therfore I loouede thin hestis; ouer gold and topasion. [verse 128] Therfore to alle thin hestis I was riȝt|forth reulyd; alle wicke [wickid AH.] weie to hate I hadde.

Phee.

[verse 129] Merueilous thi witnessingis, Lord; therfore serchede them my soule. [verse 130] The declaring of thi woordis liȝtneth; vnder|stonding ȝiueth to litle childer. [verse 131] My mouth I openede, and I droȝ to a spirit; for thin hestis I desirede. [verse 132] Behold in me, and have mercy of me; after the dom of men loouende thi name. [verse 133] My goingus forth riȝt reule thou after thi speche; that ther lordshipe not of me alle vnriȝt|wisnesse. [verse 134] Aȝeen bie me fro the chalengis of men; that I kepe thin hestis. [verse 135] Thi face liȝtne [liȝt H.] thou [Om. A.] vp on thi seruaunt; and

tech me thi iustefiyngis. [verse 136] Issues of watris broȝten out myn eȝen; for thei kepten not thi lawe.

Sade.

[verse 137] Riȝtwis thou art, Lord; and riȝt is thi dom. [verse 138] Thou hast comaundid riȝtwis|nesse, thi witnessingus; and thi treuthe ful myche. [verse 139] My looue made me to dwyne [dwyyn A. dwynnen E. dwynen H.] ; for myn enemys han forȝete thi woordis. [verse 140] Fyrid is thi speche hugeli; and thi seruaunt loouede it. [verse 141] A ȝung waxen man I am, and dispisid; thi iustefiyngis I haue not forȝete. [verse 142] Thi riȝtwisnesse, Lord, riȝtwisnesse in to withoute ende; and thi lawe treuthe. [verse 143] Tribulacioun and anguish founden me; thin hestis is my swete thenking. [verse 144] Equite thi witnessingus in to withoute ende; vnderstonding ȝif thou to me, and I shal liue.

Cof.

[verse 145] I criede in al myn herte, full out here me, Lord; thi iustefiyngus I shal aȝeen seche. [verse 146] I criede to thee, mac me saf; that I kepe thin hestis. [verse 147] I cam beforn in cesounable time of werking, and I criede; in to thi woordis I ouer hopede. [verse 148] Myn eȝen camen beforn to thee the morutid; that I shulde sweteli thenke thi spechis. [verse 149] My vois here thou aftir thi mercy, Lord; and aftir thi dom quykene thou me. [verse 150] Ther neȝheden the pursuende me to wickidnesse; fro thi lawe ferr thei ben maad forsothe. [verse 151] Neeȝh thou art, Lord; and alle thi weies treuthe. [verse 152] Fro the bigynnyng I knewȝ of thi witness|ingys; for in to withoute ende thou foundedest hem.

Res.

[verse 153] See my mecnesse, and tac me out; for thi lawe I haue not forȝete. [verse 154] Deme thou my dom, and aȝeen bie thou me; for thi speche quikene thou me. [verse 155] Ferr fro syneres helthe; for thi iustefiyngus thei out soȝten not. [verse 156] Thi mercies manye, Lord; and aftir thi dom quikene thou

me. [verse 157] Manye that pursuen me, and tru|blen me; fro thi witnessingis I bowede not doun. [verse 158] I saȝ lawe brekeris, and I dwynede awei; for thei kepten not thi spechis. [verse 159] See, for thi hestis I loouede, Lord [Om. C.] ; in thi mercy quikene [quijk A.] thou me. [verse 160] The begynnyng of thi woordis treuthe; into withoute ende alle the domes of thi riȝtwisnesse.

Sin.

[verse 161] Princis pursueden me with oute cause; and of thi woordis dradde myn herte. [verse 162] I shal gladen vpon thine spechis; as he that findeth manye spoilis. [verse 163] Wickidnesse to hate I hadde, and wlatide; thi lawe forsothe I loouede. [verse 164] Seuen sithes in the dai preising I seide to thee; vp on the domys of thi riȝtwisnesse. [verse 165] Myche pes to the loouende thi lawe; and ther is not to them sclaundre. [verse 166] I bod [abood A.] thin helthe ȝiuere, Lord; and thin hestis I loouede. [verse 167] My soule kepte thy witness|ingus; and loouede them hugeli. [verse 168] I kepte thin hestis, and thi witnessingis; for alle my weies in thi syȝt.

Tau.

[verse 169] Neȝhe my lowe preȝing in thi siȝte, Lord; aftir thi speche ȝif to me vnder|stonding. [verse 170] Entre myn asking in thin sighte; aftir thi speche deliuere me. [verse 171] My lippis shuln tellen out an impne; whan thou shalt teche me thi iustefiyngus. [verse 172] My tunge shal telle forth thi speche; for alle thi maundemens equyte. [verse 173] Be maad thin hond, that it saue me; for thi maunde|mens I ches. [verse 174] I coueitide thin helthe ȝiuere, Lord; and thi lawe is my sweete thenking. [verse 175] Liue my soule, and it shal preise thee; and thi domys shul helpe me. [verse 176] I errede as a shep that pershede; seche thi seruaunt, Lord, for thin hestis I haue not forȝeten.

PSALM CXIX. [ [verse 1] The song of grees.]

To the Lord, whan I was trublid, I criede; and he ful out herde me. [verse 2] Lord, deliuere my soule fro wicke [wickid A.] lippys; and fro the treccherous tunge. [verse 3] What be [shal be C.] ȝiue to thee, or what be put to thee; aȝen the treccherous tunge? [verse 4] Sharpe arewis of the myȝti; with colis wastende. [verse 5] Allas to me! for my pilgrimaging is drawen along, I dwelte with men dwellende Cedar; [verse 6] myche wonyng as a [Om. A.] comeling was my soule. [verse 7] With hem that hateden pes I was pesible; whan I spac to them, thei im|pugneden me with oute cause.

PSALM CXX. [ [verse 1] The song of grees [degrees H.] .]

I rered vp myn eȝen in to the [Om. A.] moun|teynes; whennys shal come helpe to me. [verse 2] Myn helpe of the Lord; that made heuene and erthe. [verse 3] Ȝiue he not in to stiring thi foot; ne nappe he, that kep|eth thee. [verse 4] Lo! he shal not nappen, ne slepen; that kepeth Irael. [verse 5] The Lord kepeth thee, the Lord thi defending; vp on thi riȝthond. [verse 6] By day the sunne shal not brenne thee; ne the mone bi the nyȝt. [verse 7] The Lord kepeth thee fro alle euel; kepe thi soule the Lord. [verse 8] The Lord kepe thin entre and thi issu; fro this now and vn to the world.

PSALM CXXI. [ [verse 1] The song of grees.]

I gladide in these thingus, that ben seid to me; In to the hous of the Lord wee

shul go. [verse 2] Stondende weren oure feet; in thi porchis, O Jerusalem. [verse 3] Jerusalem, that is bild as a cite; whos part taking is in to itself. [verse 4] Thider forsothe steȝeden vp lynagis, the linagis of the Lord; the witnessing of Irael, to knouleche to the name of the Lord. [verse 5] For ther seten the setis in dom; the setis vpon [vp A.] the hous of Dauid. [verse 6] Preȝeth that to the pes ben of Je|rusalem; and abundaunce to the loouende thee. [verse 7] Be maad pes in thi vertue; and abundaunce in thi touris. [verse 8] For my bre|theren [brether C.] and my neȝheboris; I spac pes of thee. [verse 9] For the hous of the Lord oure God; I soȝte goode thingus to thee.

PSALM CXXII. [ [verse 1] The song of grees.]

To thee I liftide myn eȝen; that dwell|ist in heuenus. [verse 2] Lo! as the eȝen of the [Om. AEH.] seruauns; in the hondis of ther lordis. As the eȝen of the hondmaide [hond maydyn AEH.] , in the hondis of hir ladi; so oure eȝen to the Lord oure God [Om. C.] , to the time he haue merci of vs. [verse 3] Haue merci of vs, Lord, haue mercy of vs; for myche wee be fulfild with dispis|ing. [verse 4] For myche is fulfild oure soule; to the abundaunt repref, and to the proude men dispising.

PSALM CXXIII. [ [verse 1] The song of grees.]

But for the Lord was in vs, seie now Irael; but for the Lord was in vs. [verse 2] Whan [verse 3] men shulden risen [arisen E.] aȝen vs out; per auenture aliue thei hadde swolewid vs. Whan shulde wrathen the wodnesse of [verse 4] hem in to vs; per auenture water hadde vp sopen vs. [verse 5] Oure soule passide thurȝ

the strem; per auenture oure soule shulde han passid thurȝ the vnsuffrable watir. [verse 6] Blyssyd be the Lord; that ȝaff not vs in to the cacchynge to the teth of hem. [verse 7] Oure soule, as a sparewe, is caȝt out; fro the grene of hunteres [the hunteres E.] . The grene is to-brosid; and wee be deliuered. [verse 8] Oure helpe in the name of the Lord; that made heuene and erthe.

PSALM CXXIV. [ [verse 1] The song of grees.]

That trosten in the Lord as the mount of Sion; he shal not be moued in to with|oute [verse 2] ende, that dwellith in Jerusalem. The mounteynes in his cumpas; and the Lord in the cumpas of his puple, fro this now and vnto the world. [verse 3] For the Lord shal not lefe the ȝerd of synneres vp on the lot of riȝtwis men; that the riȝtwis men strecche not out to wickidnesse ther hondis. [verse 4] Wel do thou, Lord; to goode men, and riȝt in herte. [verse 5] The boowende doun forsothe in to oblishingis the Lord shal bring to with werkende wickid|nesse; pes vp on Irael.

PSALM CXXV. [ [verse 1] The song of grees.]

Lord, in turnende the caitifte of Sion; wee ben maad as coumfortid. [verse 2] Thanne fild is our mouth with ioȝe; and oure tunge in ful out ioȝing. Thanne thei shul seye among Jentilis; The Lord hath magnefied to don with hem. [verse 3] The Lord hath magnefied to do with vs; wee ben maad gladende. [verse 4] Lord, al turne oure cai|tifte; as a strem in the south. [verse 5] That sowen in teris; in ful out ioȝing shul repe. [verse 6] Goende thei ȝiden [wenten AEH.] , and wepten; sendende ther sedis. Comende forsothe thei shul come; berende with ful out ioȝing ther handfullis.

PSALM CXXVI. [ [verse 1] The song of grees.]

But the Lord shulde bild the hous; in to veyn trauaileden that bilden it. But the Lord shul kepe the cite; in vein waketh that kepeth it. [verse 2] Veyn it [Om. C.] is to ȝou befor liȝt to risen; riseth aftir that ȝee seten, that [and AH.] eten the bred of sorewe. Whan he shal ȝiuen to his loouede a slep; [verse 3] lo! the eritage of the Lord the sones, the mede the frut of the wombe. [verse 4] As arewes in the hond of the myȝty; so the sones off the out shaken. [verse 5] Blisful the man that fulfilde his desir of hem; he shal not be confoundid, whan he shal speke to his enemys in the ȝate.

PSALM CXXVII. [ [verse 1] The song of grees.]

Blisful alle that dreden the Lord; that gon in his weies. [verse 2] The trauailis of thin hondis for thou shalt ete; blisful thou art, and wel shal be to thee. [verse 3] Thi wif as a vine aboundende; in the sydes of thin hous. Thy sones as the newe braunchis of oliues; in the cumpas of thi bord. [verse 4] Lo! thus shal be blissid the man; that dredeth the Lord. [verse 5] Blisse to thee the Lord fro Sion; and see thou the goodis of Jerusa|lem alle the daȝes of thi lif. [verse 6] And see thou the sones of thi sones; the [Om. A.] pes vp on Irael.

PSALM CXXVIII. [ [verse 1] The song of grees.]

Ofte thei han out foȝte me, fro my

ȝouthe; seye now Irael. [verse 2] Ofte thei han out foȝte me fro my ȝouthe; forsothe thei myȝte not to me. [verse 3] Vpon my bac forgeden synneres; thei longeden aferr ther wickidnessis [wickidnes AH.] . [verse 4] The Lord riȝtwys [verse 5] shal to-hewe the nollis of synneres; be thei confoundid, and al turned bacward, that hateden Sion. [verse 6] Be thei maad as hei of rooues; that beforn it be pullid out, ful out driede. [verse 7] Of the whiche he that repeth, shal not fulfille his hond; and hys bosum, that shal gedere handfullis. [verse 8] And they seiden not that wenten biside, The blissing of the Lord vp on ȝou; wee han blissid to ȝou in the name of the Lord.

PSALM CXXIX. [ [verse 1] The song of grees.]

Fro depthis I criede to thee, Lord; Lord, full out here thou my vois. [verse 2] Be maad thin eris vnderstondende; in to the vois of my lowe preȝing. [verse 3] If wickidnessis thou shalt `al aboute [alboute C.] kepe, Lord; Lord, who shal sustene. [verse 4] For anent thee is mercy doyng; and for thi lawe I sus|tenede thee, Lord. My soule sustenede [verse 5] in the woord of hym; my soule hopide in the Lord. [verse 6] Fro the morutyd warde vnto the nyȝt; hope Irael in the Lord. [verse 7] For anent the Lord mercy [is mercye A.] ; and plen|teous anentis hym aȝeen biyng. [verse 8] And he shal aȝeen bie Irael; fro alle the wickid|nessis of hym.

PSALM CXXX. [ [verse 1] The song of grees.]

Lord, myn herte is not enhaunsid; ne rerid vp ben myn eȝen. Ne I wente in grete thingis; ne in merueilis ouer me. [verse 2] If not mekely I felede; but I [Om. A.] enhaunced my soule. As the wened vpon his mo|der;

so ȝelding in my soule. [verse 3] Hope Irael in the Lord; fro [for H.] this now and vn to the world.

PSALM CXXXI. [ [verse 1] The song of grees.]

Haue mynde, Lord, of Dauid; and of al the debonernesse of hym. [verse 2] As he swor to the Lord; a vow he vouwide to the God of Jacob. [verse 3] [If I C.] shal not entre in to the tabernacle of myn hous; I shal not steȝen vp in to the bed of my bedding. [verse 4] I shal not ȝiue slep to myn eȝen; and to my eȝe lidis napping. [verse 5] And reste to my times, to the time I finde a place to the Lord; a tabernacle to the God of Jacob. [verse 6] Lo! wee han herd it in Effrata; wee han founden it in the feldis of the wode. [verse 7] Wee shul entre in to the tabernacle of hym; wee shuln honouren in the place, where stoden his feet. [verse 8] Ris, Lord, in to thi resting; thou and the arke of thin halewing. [verse 9] Thi prestis be thei clad [clothid AEH.] riȝt|wisnesse; and thin halewis ful out ioȝe they. [verse 10] For Dauid, thi seruaunt; turne thou not awei the face of thi crist. [verse 11] The Lord swor to Dauid treuthe, and he shal not maken hym [Om. AH.] in [Om. A.] vein; of the frute of thi wombe I shal putte vp on thi seete. [verse 12] If thi sones shul kepe my testament; and my witnessingis, these that I shal teche them [to them E pr. m.] . And the sones of hem vn to the world; shul sitte vp on thi sete. [verse 13] For the Lord ches Sion; he ches it in to dwelling to [of H.] hym. [verse 14] This my reste in to the world of world; heer I shal dwelle, for I ches it. [verse 15] His widewe blessende I shal blisse; his pore [pore men AH.] I shal fulfille with loues. [verse 16] Hise prestis I shal clothe with helthe ȝiuere; and his halewis with ful out ioȝing shuln ful out ioȝen. [verse 17] Thider I shal bringe forth the horn of Dauid; I haue maad redi a

lanterne to my crist. [verse 18] His enemys I shal clothe with shenshipe; vp on hym for|sothe shal flouren out myn halewing.

PSALM CXXXII. [ [verse 1] The song of grees.]

Lo! hou good, and how ioȝeful; bre|thern to dwellen in to [Om. AH.] oon. [verse 2] As an oynement in the hed; that goth doun in to the berd, the berd of Aaron. That goth doun in to the hemme of his cloth|ing; [verse 3] as deu of Ermon, that goth doun in to the hil of Syon. For thider sente the Lord blessing; and lif vn to the world.

PSALM CXXXIII. [ [verse 1] The song of grees.]

Lo! now blisseth the Lord; alle ȝee seruauns of the Lord. That stonden in the hous of the Lord; in the porchis of the hous of oure God. [verse 2] In nyȝtes heueth vp ȝoure hondis in to holi thingis; and blisseth to [Om. AEH.] the Lord. [verse 3] Blisse thee the Lord fro Sion; that made heuene and erthe.

PSALM CXXXIV. [ [verse 1] Alleluya.]

Preise ȝee the name of the Lord; preise ȝee, seruauns, the Lord. [verse 2] That stonden [stondith A.] in the hous of the Lord; in the porchis of the hous of oure God. [verse 3] Preise ȝee the Lord, for good is the Lord; doth salm to his name, for it ys sweete. [verse 4] For the Lord ches to hym Jacob; and Irael in to possessioun to hym. [verse 5] For I knew, that gret is the Lord; and oure God beforn alle godys. [verse 6] Alle thingis what euere the Lord wolde, he dide in heuene and in erthe; in the se, and in alle

depnessis. [verse 7] Bringende out cloudis fro the vtmostis [vttermostis AH.] of the erthe; leitis in to reyn he made. That bringeth forth windis [verse 8] fro his tresores; that smot the first goten of Egipt, fro man vn to beste. [verse 9] And he sente tocnes and wndris in the myddel of thee, Egipt; in to Farao and in to alle his seruauns. [verse 10] That smot manye Jentilis; and sloȝ stronge kingis. [verse 11] Seon, the king of Amorreis; and Og the king of Basan, and alle the reumys of Chanaan. [verse 12] And he ȝaf the lond of hem eritage; eritage to Irael, his puple. [verse 13] Lord, thi name in to with oute ende; Lord, thi memorial in ieneracioun and in to ieneracioun. [verse 14] For the Lord shal demen his puple; and in his seruauns he shal be louly preȝid. [verse 15] The maumetis of Jentilis siluer and gold; the werkis of the hondys of men. [verse 16] Mouth thei han, and thei shul not speke; eȝen thei han, and thei shuln not see. [verse 17] Eris thei han, and thei shul not here; ne for|sothe spirit is in the mouth of hem. [verse 18] Lyc to them be thei maad, that don tho thingis; and alle that trosten in hem. [verse 19] Hous of Irael, blesse ȝee to the Lord; hous of Aron, blisse ȝee to the Lord. [verse 20] Hous of Leuy, blisse ȝee to the Lord; ȝee that drede the Lord, blisseth [blesse ȝe AH.] to the [verse 21] Lord. Blissid be the Lord fro Sion; that dwellith in Jerusalem.

PSALM CXXXV. [Alleluya.]

[verse 1] Knouleche ȝee to the Lord, for he is good; for in to the world the merci of hym. [verse 2] Knoulecheth to the God of godis. [verse 3] Knoulecheth to the Lord of lordis. [verse 4] That maketh grete merueilis alone. [verse 5] That made heuenes in vnderstonding. [verse 6] That fastnede the erthe vp on watris. [verse 7] That made grete

liȝt ȝiueres. [verse 8] The sunne in to the [Om. A.] power of the dai. [verse 9] The mone and the sterris in to the [Om. A.] power of the nyȝt. [verse 10] That smot Egipt [verse 11] with the first goten of hem. That broȝte oute Irael fro the myddel of hem. [verse 12] In [verse 13] myghty hond; and in heiȝ arm. That de|uydede [deuyde A.] the rede se in to [Om. A.] deuyseouns. [verse 14] And broȝte out Irael thurȝ the myddel of it. [verse 15] And shoc out Farao and his vertue in the rede se. [verse 16] That ladde ouer his puple thurȝ the [Om. AH.] desert. [verse 17] That smot grete kingis. [verse 18] And sloȝ stronge kingis. [verse 19] Seon, the king of Amoreis. [verse 20] And Og, the king of Basan. [verse 21] And he ȝaf the lond of hem eritage. [verse 22] Eritage to Irael, his seruaunt. [verse 23] For in oure mecnesse myndefull he was of vs. [verse 24] And he aȝeen boȝte vs fro oure enemys. [verse 25] That ȝiueth mete to alle flesh. [verse 26] Knou|lecheth to God [the God AE.] of heuene. Knoulecheth to the Lord of lordis; for in to withoute ende the mercy of hym.

PSALM CXXXVI. [The salm of Dauid, for Jeremye.]

[verse 1] Vp on the flodis of Babiloyne there wee seten, and wepten; whil wee recordeden [verse 2] of Sion. In withies in the myddes of it; [verse 3] wee heengen [hangeden AH.] vp [vpon H.] oure instrumens. For there askeden vs that caityues broȝten vs; the woordis of songis of despit. And thei that `ledden aweie [broȝten E pr. m.] vs; An ympne sing|eth [verse 4] [syngen A.] to vs of the songis of Sion. Hou shul wee singe the song of the Lord; in an [verse 5] hethen [alien C pr. m.] lond? If I shule forȝeten of thee, Jerusalem; to forȝeting be ȝiue my riȝt|hond [verse 6] . Cleue my tunge to myn chekis; if I shul not han mynde of thee. If I shul not purposen thee, Jerusalem; in the [verse 7] begynnyng of my gladnesse. Myndeful

be thou, Lord, of the sones of Edom; in to the dai of Jerusalem. That seyn, Ful out wasteth [wastid E pr. m.] , ful out wasteth [wastid E pr. m.] ; vnto the foundement in [of A.] it. [verse 8] The doȝtir of Babilon wrecchid, blisful that shal ȝelde to thee thi ȝelding; that thou hast ȝolde to vs. [verse 9] Blisful that shal holden; and hurtlen his litle childer to the ston.

PSALM CXXXVII. [The salm `to hym [of H.] Dauid.]

[verse 1] I shal knoulechen to thee, Lord, in al myn herte; for thou hast herd the [alle the C pr. m.] woordis of my mouth. In the siȝte of [verse 2] aungelis I shal don salm to thee, my God; I shal honoure at [in A.] thin holy temple, and knouleche to thi name [holy name E pr. m.] . Vp on thi mercy and thi treuthe; for thou hast magnefied thi seynt ouer alle name. [verse 3] In what euere day I shal inwardli clepe thee, ful out here me; thou shalt multeplie in my soule vertue. [verse 4] Knouleche to thee, Lord, alle the kingis of erthe; for thei han herd alle the woordys of thi mouth. [verse 5] And singe thei in the weyes of the Lord; for gret is the glorie of the Lord. [verse 6] For heiȝ the Lord, and meke thingis he beholdeth; and heȝe thingis fro a ferr he knowith. [verse 7] If I shul go in the myddel of tribulacioun, thou shalt quikene me; and vp on the wrathe of myn enemys thou hast straȝt out thin hond, and saf made me thi ryȝt hond. [verse 8] The Lord shal ȝelde for me, Lord, thi mercy in to the world; the werkis of thin hondis ne despise thou.

PSALM CXXXVIII. [In to the ende, the salm of Dauid.]

[verse 1] Lord, thou hast proued me, and knowen [verse 2] me; thou hast knowe my sitting, and myn aȝeen rising. [verse 3] Thou vnderstode my

thoȝtis fro aferr; my path and my litle corde thou enserchedist. [verse 4] And alle my weies thou beforn seȝe; for ther is not woord in my tunge. [verse 5] Lo! Lord, thou hast knowen alle thingis, newest and olde; thou hast formed me, and put vp on me thin hond. [verse 6] Merueilous is maad thy kunnyng of me; it is coumfortid, and I shal not moun to it. [verse 7] Whidir shal I go fro thi spirit; and whidur fro thi face shal I flee? [verse 8] If I shul steȝen vp in to heuene, thou art there; if I shul go doun in to helle, thou art at. [verse 9] If I shul take my pennys in the morutid; and shul dwelle in the vtmostis [vttermostis AH.] of the se. [verse 10] For|sothe thider thin hond shal bringe me; and shal holde me thi riȝt hond. [verse 11] And I seide, Parauenture dercnessis shul to|trede me; and nyȝt [the nyȝt AH.] my liȝting in my delicis. [verse 12] For dercnesses shul not ben derkid fro [of AH.] thee, and nyȝt as day shal ben liȝtid; as his dercnessis, so and the liȝt of it. [verse 13] For thou weldedest my reenes; thou hast vndertake me fro the wombe of my moder. [verse 14] I shal knouleche to thee, for ferfulli thou art magnefied; merueilous thi werkis; and my soule shal knouleche ful myche. [verse 15] My mouth is not hid fro thee, the whiche thou madest in priue; and my substaunce is in the nethermoris [nethermore AH.] of the erthe. [verse 16] Myn vnparfit thing seȝen thin eȝen, and in thi boc alle shul be writen; daȝes shul be formed, and no man in hem. [verse 17] To me forsothe ful myche ben maad wrshipeful thi frendis, God; ful myche is counfortid the princehed of hem. [verse 18] I shal noumbre them atwynne, and vpon grauel thei shul be multeplied; I haue risen out, and ȝit I am with thee. [verse 19] God, for thou shalt sle synneres; ȝee men of blodis, bowith doun fro me. [verse 20] For ȝee seyn in thoȝt; Take thei [ȝe A.] in vanyte ther citees. [verse 21] Whethir not thoo [that C.] that hateden thee, Lord, I hatede; and vp on thin enemys I dwynede? [verse 22] With parfyt hate

I hatede hem; enemys thei ben maad to me. [verse 23] Proue me, God, and wite thou myn herte; aske thou me, and knowe thou my pathis. [verse 24] And see, if the weie of wickidnesse is in me; and bring me thennes in the euere lastende weie.

PSALM CXXXIX. [ [verse 1] In to the ende, the salm of Dauid.]

[verse 2] Tac me awei, Lord, fro an euel man; and fro a wicke [wickid A.] man tac me awei. [verse 3] That thoȝten wickidnessis in the herte; al dai setteden batailis. [verse 4] Thei sharpeden ther tungis as serpentis; the venym of edderes [eddre AH.] vnder the lippis of hem. [verse 5] Kep thou me fro the hond of the synnere; and fro wicke [wickid A.] men tac me awei. That thoȝten [verse 6] to supplaunten my goingis; proude men hidden a grene to me. And cordis thei straȝten out in to a grene; by side the weie sclaunder thei putten [puttiden AH.] to me. [verse 7] I seide to the Lord, My God thou art; ful out here thou, Lord, the vois of my lowe preȝing. [verse 8] Lord, Lord, the vertue of myn helthe; thou al aboute shadewedest on myn hed in the dai of bataile. [verse 9] Ne take thou me, Lord, fro my desir to the syn|nere; they thoȝten aȝen me, ne forsake thou me, lest parauenture thei ben en|hauncid. [verse 10] The hed of the cumpas of hem; the trauayle of the lippis of hem shal coueren hem. [verse 11] Colis shul fallen vp on hem, in to fir thou shalt kaste them doun; in wrecchidnessis thei shul not stonde. [verse 12] A ianglende man shal not be riȝtforth reulid in the erthe; an vnriȝtwis man euelis shul take in deth. [verse 13] I knewȝ, for the Lord shal do dom of the helpeles; and veniaunce of the pore. [verse 14] Neuerthelatere riȝtwis shuln knoulechen to thi name; and the riȝte shul wone with thi chere.

PSALM CXL. [ [verse 1] The salm of Dauid.]

Lord I criede to thee, ful out here thou me; tac heede to my vois, whil I shal crie to thee. [verse 2] Be forth riȝt reulid myn orisoun as encens in thi siȝt; the rering vp of myn hondis euentid sacri|fise. [verse 3] Put, Lord, warde to my mouth; and a dore of circumstaunce to my lippis. [verse 4] Bowe thou not doun my herte in to the [Om. AEH.] woordis of malice; to ben excusid excu|saciouns in synnes. With men wirkende wickidnesse; and I shal not comune with the chosen of hem. [verse 5] The riȝtwis man shal chastise me in mercy, and blamen me; the oile forsothe of the synnere shal not withinne fatten myn hed. For ȝit and myn orisoun in the wel plesid thingus [verse 6] of hem; the domes men of hem ioyned to the ston ben sopen awey. Thei shuln [verse 7] here my woordis, for thei myȝten; as the fatnesse of erthe [the erthe AH.] is rerid vp `vp on [vpon hem A.] the erthe. Oure bones ben scaterid beside [verse 8] helle, for to thee Lord, Lord, myn eȝen; in thee I hopide, do not awei my soule. [verse 9] Kep me fro the grene that thei setteden to me; and fro sclaundris of men wirkende wickidnesse. [verse 10] Synneres shuln falle in the net of hym; syngulerli I am to the time I passe.

PSALM CXLI. [ [verse 1] The vnderstonding of Dauid, whan he was in the spelunke.]

[verse 2] With my vois to the Lord I criede; with my vois to the Lord I louly preȝede. [verse 3] I shede [helled E pr. m.] out in his siȝt myn orisoun; and my trybulacioun beforn hym I openli telle. [verse 4] In failinge of me my spirit; and [Om. A.] thou hast knowe my sties. In this weie

that I ȝide; proude men hidden a grene to me. [verse 5] I beheeld at the riȝt hond, and I [Om. C.] saȝ; and ther was not that kneuȝ me. Fliȝt pershede fro me; and ther was not that aȝeen soȝte my soule. [verse 6] I criede to thee, Lord, I seide, Thou art myn hope; my porcioun in the lond of lyueres. [verse 7] Tac heede to my lowe preȝing; for I am mekid ful myche. Deliuere me fro the pursuende me; for thei ben coumfortid vpon me. [verse 8] Led out fro warde my soule to knowleche to thi name; me abijden the [Om. AEH.] riȝtwise [riȝtwise men A.] , to the time that thou ȝelde to me.

PSALM CXLII. [ [verse 1] The orisoun of Dauid, whan pursuede hym Absolon, his sone.]

Lord, ful out here myn orisoun, with eris parceyue myn obsecracioun; in thi treuthe ful out here thou me, in thi riȝt|wisnesse. [verse 2] And entre thou not into dom with thi seruaunt; for ther shal not be iustified in thi siȝte eche lyuende. [verse 3] For the enemy pursuede my soule; mekede in the erthe my lif. He sette me in derke thingis, as the deade of the world, [verse 4] and my spirit is anguysht vp on me; in me is disturbid myn herte. [verse 5] Myndeful I was of olde daȝes, I thoȝte swetely in alle thi werkis; in the deedis of thin hondis I sweteli thoȝte. [verse 6] I straȝte out myn hondis to thee; my soule as erthe withoute water to thee. [verse 7] Swiftli full out here thou me, Lord; my spirit failide. Turne thou not awei thi face fro me; and I shal ben lic to the goende doun in to the lake. [verse 8] Herd mac thou to me erli [Om. C.] thi mercy; for in thee I hopide. Knowen mac thou to me the weie, in the [Om. AH.] whiche go I; for to thee I rerede my soule. [verse 9] Tac awei me fro myn enemys, Lord, to thee [verse 10] I fleiȝ, tech me to do thi wil; for my God thou art. Thi goode spirit shal

bringe me thennes in to the ryȝt lond; [verse 11] for thi name, Lord, thou shalt quykene me in thin equite. Thou shalt leden out [verse 12] of tribulacioun my soule; and in thi merci thou shalt destroȝen alle myn ene|mys. And thou shalt leesen alle, that trublen my soule; for I am thi seruaunt.

PSALM CXLIII. [ [verse 1] The salm of Dauid; aȝen Golie.]

Blissed [Blessid is A.] the Lord my God, that techeth myn hondis to strif; and mi fingeris to bataile. [verse 2] My mercy, and my refut; myn vndertakere, and my delyuerere. My de|fendere, and in hym I hopide; that vndir|pooteth [vndir puttist A.] my puple vnder me. [verse 3] Lord, what is a man, for thou hast myche maad knowen to hym; or the sone of man, for thou eymest hym? [verse 4] A man to vanyte is maad lic; his daȝis as shadewe passen. [verse 5] Lord, bowe doun thin heuenes, and cum doun; touche the monteynes, and thei shuln smoken. [verse 6] Leite thou leitingis [leitynge AH.] , and thou shalt scateren hem; send out thin arewis, and thou shalt al [Om. C pr. m.] disturbe them. [verse 7] Send out thin hond fro an heiȝ, tac [and tac C.] me out, and deliuere me of many watris; and fro the hond of alien sones. [verse 8] Whos mouth spac vanyte; and the riȝthalf of hem the riȝthalf of wickidnesse. [verse 9] God, a newe song I shal singe to thee; in the ten cordid sautre I shal do salm to thee. [verse 10] That ȝiuest helthe to kingis; that aȝeen boȝtist Dauid, thi seruaunt, fro the malice do|inge swerd tac me awey. [verse 11] And pull me awei fro the hond of alienes sones, whos mouth spac vanyte; and the riȝthalf of hem the riȝthalf of wickidnesse. [verse 12] Whos sones; as newe plauntingis in ther ȝouthe. The doȝtris of hem maad semely; en|hourned [verse 13] aboute as the licnesse of the tem|ple.

The celeris of hem fulle; bowende out fro that into it. The shep of hem ful of [verse 14] frut, aboundende in ther goingis; the oxen of hem fatte. Ther is not falling of wal, ne passing ouer; ne cry in the stretis of hem. [verse 15] Blisful, thei seiden, the puple, to whom these thingis ben; blisful the pu|ple, of the [Om. AEH.] whiche the Lord is his God.

PSALM CXLIV. [ [verse 1] The preising to hym Dauid.]

I shal enhaunce thee, my God king; and I shal blesse to thi name in to the world, and in to the world of world. [verse 2] Bi alle daȝis I shal blissen to thee; and I shal preysen thi name in to the world, and in to the world of world. [verse 3] Gret the Lord, and preisable full myche; and of his mychilnesse is noon ende. [verse 4] Jenera|cioun and ieneracioun shal preyse thi werkis; and thi power thei shul telle forth. [verse 5] The grete doing of the glorie of thin holynesse thei shuln speke; and thi merueylis thei shul telle. [verse 6] And the vertue of thi ferful thingis thei shul seyn; and thi mykilnesse thei shuln telle. [verse 7] The mynde of the abundaunce of thi swet|nesse thei shul bowen out; and in thi riȝtwisnesse thei shul ful out ioȝen. [verse 8] Mercy doere and mercyful the Lord; pacient, and myche merciful. [verse 9] Swete the Lord to alle; and his mercy doingis vp on alle his werkis. [verse 10] Knouleche to thee, Lord, alle thi werkys; and thin halewis blisse thei to thee. [verse 11] The glorie of thi reume thei shul seyn; and thi myȝt thei shul speken. [verse 12] That knowen thei maken

to the sones of men [hem AH.] thi power; and the glorie of the grete doing of thi reume. [verse 13] Thi reume reume of alle worldis; and thi lordshiping in alle ieneracioun and in to ieneracioun. Feithful the Lord in alle his woordis; and holy in alle his werkis. [verse 14] The Lord helpeth vp alle that fallen; and rereth vp alle the hurtlid doun. [verse 15] The eȝen of alle in thee hopen, Lord; and thou ȝyuest the mete of hem in the [Om. AH.] behofful [behool H.] tyme. [verse 16] Thou openest thin hond; and fulfillist eche beste with blissing. [verse 17] Riȝtwis the Lord in alle his weies; and holi in alle his werkis. [verse 18] Neeȝh is the Lord to alle inwardli clepende hym; to alle inwardli clepende hym in treuthe. [verse 19] The wil of men dredende hym he shal do, and the lowe preȝing of hem he shal ful out heren; and saf he shal make them. [verse 20] The Lord kepeth alle loouende hym; and alle synneres he shal destroȝen. [verse 21] The preysing of the Lord my mouth shal speke; and blisse alle flesh to his holi name in to the world, and in to the world of world.

PSALM CXLV. [ [verse 1] Alleluia.]

[verse 2] Preise thou, my soule, the Lord; I shal preise the Lord in my lif, I shal do salm to my God as longe as I shal be. [verse 3] Wileth not trosten in princis; ne in the sones of men, in whiche is not helthe. [verse 4] His spirit shal gon out, and turnen aȝeen in to his lond; in that dai shuln pershe alle the thoȝtus of hem. [verse 5] Blisful, of whom the God of Jacob is his helpere; his hope [verse 6] in the Lord his God, that made heuene and erthe, the se, and alle thingis that ben in hem. [verse 7] That kepeth treuthe in to the world, doth dom to the suffrende wrong; ȝyueth mete to the hungri. The

[verse 8] Lord losneth [loosith A.] the gyuede; the Lord liȝt|neth the blinde. The Lord rereth vp the hurtlid doun; the Lord riȝtforth reulith the riȝtwise. [verse 9] The Lord kepeth the come|lingis, the modirles child, and the widewe he shal vndertake; and the weies of syn|neres he shal destroȝen. [verse 10] The Lord shal regne in to worldis [the worldis AH.] ; thi God, Sion, in ieneracioun and in to ieneracioun.

PSALM CXLVI. [ [verse 1] Alleluia.]

Preiseth the Lord, for good is a salm; to oure God be preising ioȝeful and fair. [verse 2] The Lord bildende vp Jerusalem; the scateringis of Jerusalem shal gadere to|gidere. [verse 3] That helith the contrit in herte; and bindeth the contriciouns [contricioun A.] of hem. [verse 4] That noumbreth the multitude of sterris; and to them alle clepeth names. [verse 5] Gret oure Lord, and gret the vertue of hym; and of his wisdam is not noumbre. [verse 6] Vn|dertakende debonere men the Lord; mek|ende forsothe synneres vn to the erthe. [verse 7] Singeth beforn to the Lord in confessioun; doth salm to oure God in harpe. [verse 8] That couereth heuene with cloudis; and greith|eth to the erthe reyn. That bringeth forth in hillis hey; and erbe to the seruise of men. [verse 9] That ȝyueth to bestis the mete of hem; and to briddis of crowes inwardli clepende hym. [verse 10] He shal not han wil in the strengthe of hors; ne in the leggis of a man shall be wel plesid to hym. [verse 11] Wel plesid thing is to the Lord vpon men dredende hym; and in hem that hopen on [in A.] his mercy.

PSALM CXLVII. [Alleluia of Agge and Zacharye.]

[verse 12] Preise thou, Jerusalem, the Lord;

preise thou thi God, Sion. [verse 13] For he coum|fortede the lockis of thi ȝatis; he blissede to thi sones in thee. [verse 14] That sette thi coostis pes; and with talȝ of whete fillith thee. [verse 15] That sendeth out his speche [speches A.] to erthe; [verse 16] swiftli renneth his word. That ȝiueth snouȝ as wlle; the litle cloude as aske [asken A.] he sprengeth. [verse 17] He sendeth his cristal [cristallis AH.] as musselis [morselis AH.] ; befor the face of his cold who shal susteynen? [verse 18] He shal sende out his woord, and melte them; his spirit shal blowen, and watris shul flowen. [verse 19] That tellith out his woord to Jacob; riȝtwis|nesses and his domes to Irael. [verse 20] He dide not so to eche nacioun; and his domes he openede not to them.

PSALM CXLVIII. [ [verse 1] Alleluia of Aggee and Zacharie.]

Preise ȝee the Lord fro heuenes; preise ȝee hym in heiȝtis. [verse 2] Preise ȝee hym, alle his aungelis; preise ȝee hym, alle his ver|tues. [verse 3] Preise ȝee hym, the sunne and the moone; preise ȝee hym, alle the sterris and liȝt. [verse 4] Preise ȝee hym, heuenes of he|uenes; and watris that aboue heuenes [verse 5] ben, preise thei the name of the Lord. [verse 6] For he seide, and thei ben maad; he sente, and thei ben formed. He sette them in to withoute ende, and in to the world of world; an heste he putte, and he shal not beside passe. [verse 7] Preise ȝee the Lord, fro the erthe; dragonnes, and alle depnessis. [verse 8] Fyr, hail, snouȝ, iys, the spirit of tem|pestis; that don the woord of hym. [verse 9] Moun|teynes, and alle hillis; frut berende trees, and alle cedris. [verse 10] Bestis, and alle vsable bestis; serpentis, and fethered foulis. [verse 11] Kyngis of erthe [the erthe AH.] , and alle puplis; princis, and alle domys men of erthe. [verse 12] Ȝung men, and maidenes; olde men with the ȝungere, [verse 13] preise thei [ȝe A.] the name of the Lord; for

enhauncid is the name of hym alone. [verse 14] The knouleching of hym vpon heuene and erthe; and he enhauncide the horn of his puple. Ympne to alle the seyntis of hym; to the sones of Irael, to the puple neȝhende to hym.

PSALM CXLIX. [ [verse 1] Alleluia.]

Singeth to the Lord a newe song; hys preising in the chirche of halewis. [verse 2] Glade Irael in hym that made hym; and the doȝtris of Sion ful out ioȝe thei in ther kyng. [verse 3] Preise thei the name of hym in quer; in timbre and sautre do they salm to hym. [verse 4] For wel plesid is to the Lord in his puple; and he enhauncide the de|bonere in to helthe. [verse 5] Halewys shul ful out ioȝen in glorie; thei shul gladen in ther bed placis. [verse 6] The ful out ioȝingus of God in the throte of hem; and the swerdis on eithir side sharp in the hondis of hem. [verse 7] To be do veniaunce in naciouns; and blamyngis in puplis. [verse 8] To ben bounde the kingis of hem in fettris; and the noble men of hem in irene manyclis. [verse 9] That thei do in hem dom writen; glorie this is to alle the seintis of hym [hem A.] .

PSALM CL. [ [verse 1] Alleluia.]

Preise ȝee the Lord in his seintis; preise ȝee hym in the fastnyng of his vertue. [verse 2] Preise ȝee hym in the vertues of hym; preise ȝee hym aftir the multi|tude of the gretnesse of hym. [verse 3] Preise ȝee hym in the soun of trumpe; preiseth hym in sautre and harpe. [verse 4] Preise ȝee hym in timbre and quer; preise ȝee hym

in cordis and orgne. [verse 5] Preise ȝee hym in cymbalis wel sounende, preise ȝee hym [verse 6] in cymbalis of huge ioȝing; eche spirit, preise the Lord.

Here endith the Sawter; and now bi|gynneth the preface of Seynt Jerom in the book of Prouerbes [From A. Explicit. Here endith the Sauter. E. No final rubric in CH.] .