The Holy Bible, containing the Old and New Testaments, with the Apocryphal books,

CAP. XXIX.

[verse 1] Also Job addede, takende to his para|ble, [verse 2] and seide, Who ȝeue to me, that I be after the rathere monethis, after the daȝes in the whiche God kepte me? [verse 3] Whanne shynede his lanterne vp on myn hed, and at his liȝt I wente in derc|nessis. [verse 4] As I was in the daȝes of my waxende ȝouthe [ȝongth A passim.] , whan priueli God was in my tabernacle. [verse 5] Whan the Almyȝti was with me, and in myn enuyroun my [verse 6] childer; whan I wesh my feet with but|tere, and the ston helde [heelded AEFH.] to me ryueres [verse 7] of oile; whan I wente forth to the ȝate of the cite, and in the strete thei maden redy a chaȝer to me. [verse 8] Ȝunge men seȝen me, and weren hid, and olde men risende [verse 9] stoden; princis ceseden to speken, and [verse 10] finger putten vpon to ther mouth; dukis withdrowen ther vois, and the tunge of

hem to ther throte cleuede. [verse 11] The herende ere `blisful maade [gladide E pr. m.] me, and the seande [verse 12] eȝe witnesse ȝeld to me; forthi that I hadde delyuered the pore man criende out, and the moderles child, to the whiche was noon helpere [helpe AH.] . [verse 13] The blessing of hym, that was to pershen, vp on me cam, and the herte of the widewe I coumfortide. [verse 14] Riȝtwisnesse [In riȝtwisnes A.] I am clad [clothed AEFH.] ; and I clothide me as a vestyment, and with a diademe with [to E pr. m.] my dom. [verse 15] An eȝe I was to blinde, and a foot to the halte. [verse 16] Fader I was of pore men; and the cause that I knew not, most diligentli I enserchide. [verse 17] I to|broside the chaulis of the wicke man, and fro his teth I toc awei the prey. [verse 18] And I seide, Die I in my litle nest; and as a palme I shal multiplie daȝis. [verse 19] My roote is opened beside watris, and deu shal abide in my reping. [verse 20] My glorie euer|more shal be newid, and my bowe in myn hond shal be reparailid. [verse 21] That herden me, abiden my sentence; and takende heede thei heelde stille at my counseil. [verse 22] To my woordis no thing to adden thei weren hardi; and vpon hem droppide my speche. [verse 23] Thei biden as reyn my speche; and mouth [her mouth AH.] thei openeden as to the late co|mende weder. [verse 24] If any time I loowȝ to them, thei leeueden [bileueden A.] not; and the liȝt of my chere fel not in to the erthe. [verse 25] If I wolde go to them, I sat first; and whan I sat as a king, the ost aboute stondende, I was neuerthelatere of dreri men the coum|fortere.