The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] It noȝeth me of [Om. AFH.] my lif; I shal leten aȝen me my speche, I shal speke in bit|ternesse to my soule. [verse 2] I [And I AHI.] shal sei to God, Wile thou not me condempne; shew to me, whi me so thou demest. [verse 3] Whether good to thee it semeth, if thou chalenge and opresse me, the werk of thin hondis; and the counseil of vnpitous men thou
helpe? [verse 4] Whether fleshly eȝen ben to thee, or as seeth a man, and thou shalt seen? [verse 5] Whether as the daȝis of man, thi daȝes, and thi ȝeris ben as mannys [man A. many H.] tymes; [verse 6] that thou seche my wickidnesse, and my synne thou serche? [verse 7] And wite thou, for no thing vnpitous I dide; sithen [sin C.] ther is no man, that of thin hond mai deliuere? [verse 8] Thin hondis maden me, and formeden me al in enuyroun; and so feerli thou puttist me doun. [verse 9] Haue mynde, I be|seche, that as clei thou madist me, and in to pouder thou shalt aȝeen bringe me. [verse 10] Whether not as mylc thou hast mylkid me, and as chese thou hast crudded me? [verse 11] With fel and flesh thou hast clad [clothed AEFH.] me; with bones and senewis thou hast togi|dere ioyned me. [verse 12] Lif and mercy thou hast ȝiue to me, and thi visiting kepte my spirit. [verse 13] Al be it that these thingus thou hidist in thin herte, nerthelatere [neuerthelater passim AEFH.] I wot, for of alle thingus thou hast mynde. [verse 14] If I synnede, and at an houre thou sparedest to me; whi fro my wickidnesse thou suf|frist not me to be clene? [verse 15] And if a wicke [wickid AEFH.] man I shal be, wo is to me; and if riȝt|wis, I shal not reren vp the hed, fulfild with affliccioun and wrecchidnesse. [verse 16] And for pride as a leounesse thou shalt take me; and turned aȝeen, merueilously thou tormentist me. [verse 17] Thou restorist thi wit|nessis aȝen me, and thou multipliest thi wrathe aȝen me; and peynes fiȝten [enhaunten knyȝthod E pr. m.] in me. [verse 18] Whi of the wombe thou broȝtist me out? That wolde God I hadde be wastid, that eȝe shulde not seen me. [verse 19] I hadde ben as I were not, fro the wombe translatid to the toumbe. [verse 20] Whether not the fewenesse of my daȝis shal ben endid in short? Let me thanne, that I weile a litil while my [verse 21] sorewe, er I go, and turne not aȝeen, to
