whiche I preȝe, and my puple, for the whiche I beseche. [verse 4] Forsothe wee ben taken, I and my puple, that wee be to|treden, slain [and slain C.] , and pershen; and wolde God in to thrallis and thrallessis wee were sold, and it were tolerable euel, and weilende I shulde holden my pes; now forsothe oure enemy is, whos cruelte reboundeth in to the king. [verse 5] And king Assuer answerende seith, Who is he this, and of what power, that these thingus he be hardi to do? [verse 6] And Ester seide, Enemy and oure werste enemy is this Aman. The whiche thing he herende anoon stoneȝede, not suffrende to bern the chere of the king and of the quen. [verse 7] For|sothe the king ros wroth, and fro the place of the feste wente in to a ȝerd set with trees. Also Aman ros for to preȝen Ester, the quen, for his lif; forsothe he vnderstod euel maad redi to hym of the king. [verse 8] The whiche whan was comen aȝeen fro the ȝerd set with wodis, and he hadde comyn in to the place of the feste, he fond Aman vpon the bed to han fallen doun, in the whiche lai Ester; and seith, Also the quen he wile opresse, me present, in myn hous. Ne ȝit the woord of the kingus mouth hadde gon out, and anon couereden his face the seruauns of the king. [verse 9] And Arbona, oon of the geld|ingus that stoden in the seruyse of the king, seide, Lo! the tree that he hadde maad redi to Mardoche, that spac for the king, stant [stondith A.] in the hous of Aman, hauende of heiȝte fifti cubitis. To whom seide the king, Hangeth hym in it. [verse 10] And so Aman is hangid in the iebet, that he