doende, the hestis of the kingis dispise, and the `oon acord [concord AH.] of diuerse naciouns with ther descencioun defoule. [verse 5] The whiche thing whan we hadden lerned, seande o folc rebel aȝen alle kinde of men to vse shreude lawis, and to oure hestis to gon aȝen, and to disturbe the pes and the acord of the prouyncis soget to vs, [verse 6] wee comaundeden, that who so euere Aman, that is prouost to alle prouyncis, and secounde fro the king, and whom in stede of a fader wee wrshipen, shal shewyn, with wiues and fre childer be thei don awei of ther enemys, and no man haue mercy of [on A.] them, the four|tenthe dai of the twelfthe moneth Adar, [verse 7] of the ȝer present; that wicke [wickede AEFH.] men, o dai to helle goende doun, ȝelde to oure em|pire the pes, that thei han disturbid [disturblid A.] . Hider to the saumple of the epistil; thoo thingus, that folewen, after that place writen [wher writen AC.] I fond, wher is rad, And goende Mardoche dide alle thingus, that Ester hadde comaundid to hym; and ner the latere thei ben not had in Ebru, and anent no man of the re|menoures thei ben vtterli told. [verse 8] Mar|doche forsothe preȝede the Lord, mynde|ful [verse 9] of alle his werkis, and seide, Lord, Lord, king almyȝti, in thi power alle thingis ben set, and ther is not, that mai withstonde to thy wil; if thou deme to sauen Irael, anoon wee shul be dely|uered. [verse 10] Thou madist heuene and erthe, and alle thing that is contened in the cumpas of heuene. [verse 11] Lord of alle thingus thou art, ne ther is that withstonde [withstondith A.] to thi mageste. [verse 12] Alle thingus thou knewe, and wost, that not for pride and strif and any [my AH.] coueitise of glorie I do this, that I honoure not the most proud [verse 13] Aman; forsothe gladli for the helthe of
