[verse 7] silence, seiende, Conferme me, Lord God of Irael, and behold in this hour to the werkis of myn hondis, that thou rere vp thi cite Jerusalem, as thou hast behoten; and that, that I leeuende to moun be don bi thee thoȝte, I parforme. [verse 8] And whan that she hadde seid, she wente to the piler that was at the hed of his bed, and his swerd, that in it bounden heeng [hangede EF.] , she losede. [verse 9] And whan she hadde drawen it out, she toc the her of his hed, and seith, Conferme me, God of Irael, in this hour. [verse 10] And she smot twies in to his haterel, and she cutte of his hed; and she toc awei his canope fro the pileris, and she turnede out his body behedid [beheueded AEFH.] . [verse 11] And after a litil while she wente out, and toc the hed of Olofernes to hir hand maiden, and comaundede, that she shulde putten it in to hir scrippe. [verse 12] And thei two wenten out after ther vsage as to preȝeere, and thei passeden the tentis, and, goende aboute the valei, camen [thei camen C.] to the ȝate of the cite. [verse 13] And Judit seide aferre to the keperis of the wallis, Openeth the ȝatis, for with vs is God, that dide gret vertue in Irael. [verse 14] And it is do, whan the men hadden herd hir vois, thei clepeden the prestis of the cite. [verse 15] And alle runnen aȝen hir fro the leste to the moste; for thei hopeden hir no mor to be to come. [verse 16] And, teendende liȝtis, alle wenten abouten hir. She forsothe steȝende vp in to an heiȝere place, comaundede to be maad silence. And whan alle hadden holden ther pes, [verse 17] Judit seide, Preiseth the Lord oure God, that forsaketh not men hopende in hym, [verse 18] and in me, his hand womman, hath [he hath A.] ful|fild his merci, that he behiȝte to the hous of Irael, and hath slain in myn hond the enemy of his puple this nyȝt. [verse 19] And bring|ende
