The Holy Bible, containing the Old and New Testaments, with the Apocryphal books,

[Tobie [Running title in C. Incipit liber. E. No initial rubric in the other MSS.] .] CAP. I.

[verse 1] TOBIE, of the linage and of the cite of Neptalim, that is in the ouere partis of Galilee, aboue Nason, after the weie that ledith to the west, in the left [verse 2] hauende the cite of Sofeth, whan he was caȝt in the daȝes of Salmanasar, king of Assiries, ner the latere in caitifte [the caitifte CE pr. m.] sett, [verse 3] the weie of treuthe he forsoc not, so that alle thingus that he myȝte han, eche dai to the caityue brethern that weren of his kinrede he delede. [verse 4] And whan he was alle ȝungere in the linage of Nepta|lim, ner the latere no childli thing he dide in deede. [verse 5] After whan alle wenten to the goldene calues, the whiche Jero|boam, king of Irael, made, this alone fleiȝ [verse 6] the cumpanye of alle; and wente to Jeru|salem, to the temple of the Lord, and there honourede the Lord God of Irael, alle his firste frutis and his dymys treuli [verse 7] offrende; so that in the thredde [firste E pr. m.] ȝer to the conuertid fro Jentilis and to come|lingus [verse 8] he mynystrede alle tithing. These thingus, and to these lic, after the lawe of God a litil child he kepte wel. [verse 9] Whan forsothe he was maad a man, he toc a wif, Anne, of his linage; and he gat of hir a sone, his own name puttende to [verse 10] hym; whom fro the time that he began to speken, he taȝte to dreden God, and to abstenen [abstenen hym E pr. m.] fro alle synne. [verse 11] Thanne whan by caytifte he was come, with his wif and sone, in to the cite Nynyue, with al his [verse 12] linage, and alle eeten of the metis of Jen|tilis, this kepte his soule, and neuere is

defoulid in metis of hem. [verse 13] And for he was myndeful of the Lord in al his herte, God ȝaf to hym grace in the siȝte of king [verse 14] Salamanasar; and ȝaf to hym power to go whider euere he wolde, hauende fre|dam to do what euere he hadde wold. [verse 15] Thanne he wente bi alle that weren in the caitifte, and monestingus of helthe he ȝaf to hem. [verse 16] Whan forsothe he was come in to Ragis, cite of Medis, and of these thingus with the whiche he was wrshipid of the king, hadde ten talentis of [verse 17] siluer; and with myche cumpanye of his kinrede, he saȝ Gabel nedi, that was of his linage, he ȝaf to hym the seid [forseid A.] peis of siluer, vndir writing. [verse 18] Forsothe [Not E pr. m.] after miche of time king Salmanasar dead, whan his sone Senacherub regnede for hym, and hadde the sonus of Irael hate|sum [verse 19] in his siȝte, Tobie wente eche dai bi al hys kinrede, and coumfortide hem, and deuidede [deuyde A.] to eche, as he myȝte, of his fa|cultees; [verse 20] the hungri men he fedde, and to the nakide he ȝaf clothis, and to the deade and the slaine besi [bisili A.] he fond sepul|ture. [verse 21] After whan king Senacherub was turned aȝeen, fleende fro Jude the veni|aunce that abouten hym God hadde do for his blasfemye, and wroth sloȝ manie of the sonus of Irael, Tobie biriede the bodies of hem. [verse 22] And wher it was told to the king, he comandide hym to be slain, and toc al his substaunce. [verse 23] Tobie for|sothe with his sone and with wif [his wijf A.] fleende, nakid lurkide, for manie looueden hym. [verse 24] After forsothe fiue and fourti daȝes, the [verse 25] king his sonus slowen; and Tobie is turned aȝeen to his hous, and al his fa|culte [facultees A.] restorid to hym.