The Holy Bible, containing the Old and New Testaments, with the Apocryphal books,

CAP. X.

[verse 1] Whan forsothe Tobie made abidingus [abidyng A.] bi enchesoun of the bridalis, his fadir Tobie was stirid, seiende, Wenest thou, whi my sone abit [abideth A.] , and whi he is with|holden there? [verse 2] Wenest thou, lest Gabel be dead, and no man ȝelde to hym the monei? [verse 3] Forsothe he began to be sori, and Anna, his wif, with hym; and thei begunne bothe togidyr [Om. C pr. m.] to wepe, for thi that the [at the AFH.] sett dai ther sone was not turned aȝeen to hem. [verse 4] Thanne wepte his modir with vnremediable teris, and seide, Allas me! my sone, wherto sente wee thee to pilgrimagen, the liȝt of oure eȝen, the [Om. AH.] staf of oure eelde, solace of oure lif, hope of oure after bringing forth of childer? [verse 5] Alle thingis togidere in thee oon hauende, wee shulden not lete thee gon fro vs. [verse 6] To whom seide Tobie, Be stille, and wile thou not be disturbid; hol is oure sone; feithful inow [ynowȝ AEF. and trewe H.] is that man, with the whiche wee senten hym. [verse 7] She forsothe no wise myȝte take coumfort, but eche dai stertende out, beheeld aboute, and wente aboute alle the weies, bi the [Om. C.] whiche semede hope of turnyng aȝeen, that afer she myȝte seen hym comende [lyuynge E pr. m.] ,

if it myȝte be do. [verse 8] But forsothe Raguel seide to his sone in lawe, Dwel heer, and I shal senden a messager of helthe fro thee to Tobie, thi fader. [verse 9] To whom Tobie seide, I knew, that my fader and my moder now counten the daȝes, and ther spirit is tormentid in hem. [verse 10] And whan with [that C.] manye woordis Raguel preȝ|ede Tobie, and he hym bi no resoun wolde heren, he toc to hym Sara, and the half part of al his substaunce, in childer, in hand wymmen, in bestis, in camailis, and in kijn, and myche monee; and saaf and ioȝende he lafte hym fro [verse 11] hym, seiende, The holi aungil of the Lord be in ȝoure weie, and ful bringe ȝou sound, and finde ȝee alle thingus riȝte aboute ȝoure fadris and modris, and see myn eȝen ȝoure sonus, rathere than I die. [verse 12] And the fader and moder, takende ther doȝter, kisten hyr, and laften hir to gon, [verse 13] monestende hir [Om. AH.] to wrshipen hir fader and moder in lawe, to looue the hus|bonde, to reule the meyne, to gouerne the hous, to ȝiue hirself vnreprefable.