Anothir prologe [This prologue is from p, collated with y.] .
This is a prolog sett comynli in manie biblis, and clerkis expownen this, thouȝ it be not the prolog of Jerom, but of another expositour [expositour. And here bigynneth another prologe of other doctouris. This and what precedes is rubricated in y.] . Also [Om. y.] whanne Joon was distitute of al mannes speche and help, he was enspired of God. Bi this was [it is y.] schewid to us, that in as miche as we goon awei more fro this ertheli voise, bi so miche we ben deemed more able to Goddis visita|cioun. Joon knew bi Goddis reuelacioun, that dyuers statis of the chirche schulden suffre manye thingis for the name of Crist; and that thei myȝte the more esily suffre, he warneth hem bifore bi schewinge of the Holi Goost; and al this is do, to comende pacience, that who that suffrith pacientli, haue reward of blis, bothe of [in y.] bodi and soule. And Austyn seith to ech cristen man, If thou forsakist [forsake y.] to suffre hatrede for [of the world, with the heed, that is y.] Crist, thou forsakist to be a membre of Crist.